رواية الخزلان الفصل السادس والعشرون26بقلم نوسه حمد

مرت عثمان قالت ليهو عثمان الحقني نحنا انتهينا وهو شغال ليها يا وليه فشنو بسم الله قالت ليهو محمد ولدك الحقو ي عثمان وكانت تبكي بكا شديد وتكورك بقهر وحرقه حسيتا زي الحشاها محروق قالت ليهو نحنا ف المستشفي ف الحله قفل الخط وبي استعجال لبس جلابيتو قال لي نوسه ولدي قلت ليهو مالو قال لي انا م فاهم شي وجرا وانا جريت وراهو امي تسال فينا قلنا ليها م فاهمين شي ودور عربيتو ومشينا وعثمان كانت دموعو عشره عشره لقينا المستشفى مقلوبه قلب ومرت عثمان تبكي بكا قلنا ليها فشنو قالت محمد ليهو يومين م جا عندهم البيت لمن فقدتو وجاتو ف البيت لقتو مغمي عليو ولمن مطلع زبد وكوركت لمت الناس وجابو المستشفى ولسه م معروف البحصل شنو انا وعثمان جرينا للانعاش ولقينا الدكاتره كلهم واقفين ف وش محمد وكانو بيلفظ الأنفاس الاخيره عثمان جاتو حاله هستريا عديل وبعد كل الدكاتره منو وبقا اقول ليهو محمد قوم انا محتاج ليك ومحمد كان بتنفس بصعوبه وكانو بودع فينا قال لي ابوهو اعفي لي وخلي نسيبه تعفي لي وخلي بالك منها هي وامي م تظلمها ابوهو اقول ليهو قوم ي محمد خليني افرح بيك م تستسلم انا جنبك عاوزك تسندني ف دنيتي العمر م معروف الدكاتره بالقوه طلعو عثمان منو وكان زي المجنون م فاهم شي بس ابكي واكورك لغايه ما الدكتور جا وقال ليهم انا لله وانا اليه راجعون رغم عثمان كان منهار بس قال انا لله وانا اليه راجعون اللهم اجرني في مصيبتي واخلف لي خيرا منها  وبقا يبكي ودموعو دي عباره عن سيل ومرتو  بقت حاضناني وتبكي لاول مره احس انو قوتها كملت موت ولدها كسرها  وكانت موجوعه من جواها كانت أسوأ ايام  موت محمد دخل فينا حزن م يعلم بيهو الا ربنا وعثمان بالاخص كل م يتزكرو يبكي ويقوم يصلي ويدعا ليهو  وسبب وفاتو انو اخد جرعه مخدرات اداها ليهو واحد صحبو اكتشفنا انو هو عندو القروش وصحبو  عاطل وم عندو قروش بستغل محمد اجيب ليهو السكر  والمخدرات وبشيل قروشو ومحمد كان مكسور  بسبب انو عقيم اختار الطريق دا عشان مفتكر انو الطريق دا بنسيهو الهو فيهو بس للاسف الطريق دا كان سبب في موتو وربنا يرحمو ويغفر ليهو. حزنت عليهو من جوه قلبي بس دي قسمه ربنا والحمد لله امو بقت حزينه وعثمان كمان م افتكرت انو ف يوم يرجع طبيعي وطلب مني اسكن مع مرتو الاولي  عشان وضعها الصحي بقا صعب وقال لي تتقليها عشان هي براها وجاب ليها بت تشتغل ليها وانا اتكلمت معاها كتير انو ربنا كريم ومحمد دي قسمتو بس كل م اتزكر انو هو واحد عند امو قلبي بوجعني  والبت متزوجه وفي فرنسا  وحياتها بقت فاضيه بس انا واولادي ملينا عليها البيت 🏠 

مرت الايام والشهور وانا لسه قاعده مع  مرت عثمان وم حصل عاملتني كعب قالت لي انا اتندمت ع اي تصرف كعب جا مني ي نسيبه وزعلت من تصرفاتي شديد بالاخص اني اكتشفت بعد زمن انو مصروفك م كان بصلك وانا كنت بديهو لمحمد عشان يوصلو ليك وانتي تعبتي وكان في يديك اولادك زعلت من نفسي والحقد الكان جواي من الضر الضر حار ي نسيبه قلت ليها انا والله م زعلانه ومقدره ظرفك ونهاي م لومتك ولا لومت عثمان انا م كنت عارفه انتو  عاملتوني بالقسوه دي ليه دي اكتر حاجه انا تعبت منها والحمد لله ربنا كريم علي قالت لي كنا مفتكرين انها دايمه لينا بس للاسف م دايمه لي زول وانا اخدت درس والله لمن اموت م ح احقد ع زول ولا اغلط ع زول دام ربنا هو الرازق اقتنع بي اي قسمه بتجيني واحمد عليها ربنا وولدي موتو وراني انو الدنيا بي خيرها وشرها فاااانيه واخرها كوم تراب فنسأل الله حسن الخاتمه عيشي حياتك ي نسيبه والدايراهو منك تبقي لي سند لاني بقيت  وحيده زي م انتي شايفه نشيل الهم سوا قلت ليها اصلا م ح افارقكم ان شالله 

يوم جاتني روضه كانت زعلانه شكلها بس م ركزت معاها اكرمتها زيها وزي اي زول ومرت عثمان كانت قاعده حست انها زي الدايره حاجه قالت لي  نسيبه سوقي بت خالتك وامشو بهناك واخدو راحتكم قلت ليها تمام مشيت بيتي المفصول بهناك قلت ليها نعم قالت لي نسيبه انا مهما كان بت خالتك وعارفه اني ظلمتك شديد وجيت بررت ظلمي ليك لي عثمان بس ممكن انتي تعفي لي والله انا توبت من اي شي وعايزه اتوب توبه نصوحه وعشان اكون مطمئنه عاوزاك تعفي لي لانو ربنا بغفر اي شي الا حق الناس قلت ليها انا بعفي ليك ف حاله واحده ف حاله اني اشوفك فعلا انك توبتي لانو جد ي روضه حركاتك دي كلها م صفات بت ناس وم عارفه خالتي دي ساكته عليك لشنو قالت لي امي تعبت معاي شديد بس ابوي اناني م كان بفكر ف مصلحتي بس المهم اني جبت ليهو قروش وكنت قاعده معاك وبسرق من عثمان واديهو وانتو نهاي م كشفتوني وكنت شايفه اني انتو م كشفتوني انو انا صاح لغايه م ربنا كشف اي شيء ورغم البعملو كنت م مرتاحه ولا لحظه م ارتحت فيها  لانو الطريق دا مافيهو راحه فيهو لهو بس ودا كلو م بدوم لي واكتر شي ندمت عليهو مهند انتي عارفه مهند ف طبعو زي عثمان راجلك حنين لدرجه م تتصوريها للاسف م قدرت احافظ عليهو قسمتي انقطعت معاهو  وربنا يسعدو مع الاء تستاهل والله هي كمان طيبه انا شفتها معاك كم مره بت ناس بس الدنيا دي كعبه اتمنيت انو اهلي اقولو لي اشتغلي اي شغل حلال  وجيبي القروش بس اجيب قروش وهم م بسالوني جبتها من وين دي. اكتر حاجه شجعتني للغلط والحمد لله اني رجعت للصواب والله ي نوسه انا توبتا وم عايزه شي غير تعفي لي وعثمان يرجعني الشغل معاهو عاوزه اكسب حلال………..فكركم تابت فعلا ولا لقت نفسها خسرت ودي خطه جديده عشان تقلب علي الطاوله 😢