رواية عبيري
الفصل الثالث3
بقلم ساره محمد
قمت الصباح ولسه الصداع في دخلت استحميت وجففت شعري وكويتو ولبست فستان بالزيتي وطقمتو بالأبيض وعملت كحل وقلوس بس طلعت صلحت علي ناس بابا
ماما: ماله عيونك مورمه
عبير: مصدعه شويه
بابا: بلعتي مسكن
عبير: اي يا بابا حاشره قهوه واكون تمام
بابا: اخدي اجازه عشان م تتعبي
عبير: ماف داعي انا كويسه والله يلا عشان م اتأخر ودعت ناس بابا والترجيل جا ودقيت الونسه مع مزمل ورؤي لحدي م وصلنا الشركه وكل زول مشا مكتبو وانا كان عندي ورق كتير لازم اخلصو بديت الشغل فيو والصداع ماشي زايد بلعت مسكن تاني ورجعت لشغلي وانا حالتي ماشه للاسواء يعني م عارفه ده مسكن ولا حجار جاتني السكرتيرة قالت لي استاذ خالد عاوز التقارير الاخيره قلت ليها طيب جايه شلت التقارير ومشيت دقيت الباب
خالد: اتفضل
عبير: كيفك استاذ خالد
خالد: خالد بس لو سمحتي انا تمام وانتي
عبير: كويسه الحمدلله دي التقارير الكنت عاوزها
خالد: ممم طيب اقعدي اراجعها
عبير: طيب
قعدت وهو شال الورق يفحص فيو وانا بقيت ماسكه راسي كانو فيو حجر
خالد: عبير انتي كويسه
عبير: اممم لو سمحت عاوزه امشي مكتبي
خالد: طيب اتفضلي
قمت مشيت خطوتين وجاتني دوخه تاني م حسيت بشي الا وانا ف المستشفي ومركبين لي درب فتحت لقيت خالد جنمبي
خالد: حمدلله علي سلامتك
عبير: الله يسلمك ف ف شنو
خالد: طيب يا يتي انتي وقعتي وجبتك المستشفي وطلع عندك تايفود وكمان م ماكله حاجه كفايه ولا ازبد
عبير مممم لا كفايه علي م اظن
خالد: لي الإهمال ده يا عبير
عبير؛ م إهمال انا كنت حاكل بعد اخلص شغل والصداع يخف
خالد: طيب يا ستي اسي م حصل شي قومي اكلي عشان عندك حقنه
عبير: طيب ممكن تتصل علي عصام
خالد: انا كلمتو وشويه وحايجي
عبير : طيب شكرا
خالد: ده الواجب
قمت لقيتو جايب لي سندوتش وعصير اكلت نصو وشربت العصير وبقيت راقده
خالد: حاسه بشي انادي الدكتور؟؟
عبير: لالا انا كويسه
جات الممرضه عسان تديني الحقنه وانا أبيت ليها
خالد: عبير لي العناد
عبير: لا انا متعوده علي عصام يديني الحقنه
خالد: بس مواعيدها حاتورح
عبير: م مشكله بس ماف زول غير عصام
خالد اعتزر من الممرضه وبقي يعاين لي ويضحك قال لي حركات الاطفال دي م خليتيها ضحكت جا داخل عصام ومن شافني حضني وكان متاثر شديد
عبير: حبييي انا كويسه
عصام: تقعي من طولك وعندك تايفود وكويسه
عبير: والله كويسه جتي اسأل خالد
خالد: ههههههه لا كويسه ولا شي يا زول راسها حجر أبت تاخد الحقنه قالت الا انت تديها ليها
عصام: هههههههههههه عارفها
عصام جهز الحقنه وطبعا لمن يديني ليها بخت يدو ف خشمي عشان اعضي وفعلا عملت كده وخالد انفقع بالضحك
خالد: والله انتو الاتنين مجانين
عصام: ههههههههههه
الدكتور جا فحصني وقال ممكن اطلع وكتب لي حقن وحبوب خالد قال لعصام شكلك حاتتعضي كل يوم
عصام: هههههههههههه اي والله
عبير: ههههههههههه
طلعتا مع عصام وخالد ودعنا ومشينا البيت وطبعا ماما استلمتني اسئله وبابا شاكلني قال لي قلت ليك م تطلعي المهم اخدت نصيبي من الشكل ودخلت غرفتي كنت مدروخه نمت طوالي صحيت زي الساعه ٤ لقيت روبا حاضناني زي البيبي بوستها وقمت مشيت الحمام استحميت وصليت الضهر وطلعت لماما لقيته مجهزه لي عصير شربتو وقعدت ف الصاله بحضر ف التلفزيون جاتني مكالمه من رقم غريب
عبير: الووو
خالد: كيفك
عبير: الحمدلله منووو
خالد: انا خالد حبيت اطمن عليك
عبير: انا كويسه الحمدلله
خالد: صوتك احسن حاسه بحاجه
عبير: لالا شكرا علي السؤال
خالد: ده الواجب والله ناس البيت من عرفو قالو جاين يشوفوك
عبير: تشرفو ف اي وقت
خالد: طيب حانجيكم المسا وحاتصل علي عمي اكلمو
عبير: طيب
قفلت منو وحات ماما كلمتها وبدت الكبكبه قلت ليها يا حجه روقي الولد معرس يعني م تفكري بقت تضحك ومشت جهزت الكيك وحاجات كتيره وانا مشيت غرفتي بدلت ملابسي ولبست لي فستان اسود ورفعت شعري فوق م عملت ميكب عشان عيانه ونزلت تحت لقيت عصام جا من الشغل قعدت اكلت معاو وشويه كده والباب دقه الشغاله فتحتو وكان خالد ومعاو امووابو واختو واخو سلمو علينا وحمدلو لي السلامه وقعدنا ف الصاله وبقو يتونسو بابا وابو خالد بتونسو ف ايام زمان وخالد وعصام بتونسو ف الشغل وانا الملل كتلني بقيت اتونس مع اختو شويه حسيت بيها حلوة واخو كمان ظريف شديد خليتهم بتونسو مع روبا وطلعت غرفتي قلت ارتاح شويه مشيت وقفت ف البلكونه وبقيت سرحانه ف النجوم سمعت صوت زول شكلو بتكلم ف التلفون وكان خالد في البلكونه حقت غرفة عصام شكلو بتكلم مع مرتو وصوتو كان عالي سمعتو بقول ليها انتي لا تنتبهين للفتاة ودايما تخرجين وتتركيها مع المربيه وكلام كتير كان جايط المهم دخلت وقلت مالي ومالو طلعت من غرفتي وماشه ف الممر لقيتو طالع من غرفة عصام وشكلو معصب
عبير: انت كويس
خالد: مممم عن اذنك
ونزل طوالي وقدرت انو كان معصب نزل تحت وقال لاهلو نمشي بعد ده وطوالي طلعو وانا مشيت غرفتي عصام اداني الحقنه ونمت طوالي