رواية حب بعد الطلاق
الفصل الثاني2
بقلم ساره محمد
الممرضه: دكتورة ساره المريض ف الغرفه ٢٩ صحا
ساره: طيب امشي اديو مسكن وانا بجي عليو بعد شويه
سالم: سرور الاخبار
ساره: سلوم والله تمام وانت
سالم: بخير وين محمد اليله
ساره: بجهز لعرسو
سالم: شنو
ساره: مالك اتخلعت كده يعني ما عارف
سالم: لا والله حايتزوج تاني يعني وانتي؟؟
ساره: حانطلق بعد شهر
سالم: والله حاتجننوني ف شنو
ساره: سالم انا ومحمد اتزوجنا مجبورين وعشنا ٥ شهور بس م قدرنا نستمر وخصوصا انا عشان عارفه علاقتو برؤي
سالم: هو اتزوج رؤي ؟؟
ساره: مممم ف غيرها
سالم: ساره انتي عارفه رؤي دي اكعب نوع من النسوان دي بتعلب علي مية راجل ف نفس اللحظه
ساره: ما بهمني الصراحه ده اختيارو
سالم: كلامك صاح بالجد غبي البفرط ف زوجه ذيك
ساره: ههههههههه بكااش ارح نفطر انا جعانه
سالم: يلا يلا انا اصلا حاي اقول ليك كده
سالم ده زميلي من ايام الجامعه وصاحب محمد ف نفس الوقت بس بميل لي اكتر وبعتبريني صندوق اسرارو
مشينا الكافتيريا وطلبنا الفطور وتلفوني ضرب
ساره؛ ممممم نعم
محمد: بتخنقي انتي ف الكافتيريا
ساره: عرفتها براك يا خفيف يلا تعال الفطور
محمد: جاي جاي
سالم: خههههههههههه ده محمد
ساره: مممم ف غيرو
محمد جا وطلب فطور وقعد معانا
محمد: مالكم م انتظرتوني
سالم: قلنا أمكن تتأخر اكتر
محمد: اممم مشيت جبت الشبكه
سالم: والله ماشاء الله
محمد: عقبالك والله
سالم: لا انا علي بدري
ساره: لي يا سالم
سالم: لمن القي وحده بمواصفاتك بعرس
محمد: سرو دي وحده وبس
ساره: بكاشين الاتنين انا خلصت عندي مريض لازم اشوفو
محمد: طيب
مشيت شلت لي قهوه ومشيت مريت علي كم مريض ورجعت مكتبي عندي تقارير شغاله فيها
الممرضه: يا دكتورة غرفة العمليات جاهزه
ساره: تمام انا جايه
قفلت الملفات ومشيت اتعقمت ودخلت عمليه كانت حقت قلب مفتوح قعدنا ف العمليه ٥ ساعات بس الحمدلله نجحت طلعت طمنت اهل المريض ومشيت مكتبي لقيت ممحمد منتظرني
محمد: حمدلله علي السلامه
ساره: اووف الله يسلمك انا منتهيه
محمد: اها نسبة النجاح كيف
ساره: ٨٠% ونشوف الباقي بعد يصحي
محمد: تمام طيب نمشي ناس البيت حارسننا بالغدا
ساره: طيب خليني اشرب قهوه لاني مصدعه
محمد: ارح اشربيها في بيتنا ياخ يلا
ساره: دايما مستعجل يلا
طلعنا كل واحد مشا بعربيتو وصلنا بيتهم لقينا امو وابو واخو اي هم ولدين بس محمد ويوسف
الهام: اهلييين بالدكاتره
محمد: كيف يا حجه مشتاقين
ساره: خالتي اخبارك شنو
الهام:كويسه الا اشحتكم شحته للجيه
محمد: والله يا أمي الاسبوع ده كلو عمليات اسي ساره طالعه من عمليه وجينا عليكم
عباس: اوووو أولادي الحلوين
محمد: وين ياحاج الشوق بحر
عباش: بكاش صاح يا ساره
ساره: ههههه طوالي بقول ليو كده يا عمو لكن انا مشتاقه ليك والله
عباس: بلالكتر يا بتي اها الشغل كيف
ساره: تعب الحمدلله لكن كلو بفايده
عباس: اصلا واثق ف مرت ولدي
ساره: احم احم
محمد: بالنسبه لأنك بتشكر فيها ومهمشني
عباس: انت شكير امك كفايه عليك
ساره: ههههههه خالتي وين يوسف
الهام: م جا من الجامعه لكن بكون علي جيه
محمد: نبعو عامله غدا شنو
الهام: ملاح باميه بكسره
ساره: والله انتي احلي نسيبه ف الدنيا
الهام: هههههههههههه عارفاكم بتحبو
ساره: تسلمي لي خلاص انا حاجهز الغدا انتي ارتاحي
مشيت المطبخ غسلت يديني طلعت سلطه قطعتها وختيت الاكل سمعت صوت يوسف بكورك
يوسف: سرووووووووووووو
ساره: يويووووووووو
طبعا هو بكورك لي من جنمب الباب وانا بكورك ليو جوه المطبخ كل مرة بنعمل كده
يوسف: والله والله والله مشتاقين
ساره: والله والله والله بلاكتر
يوسف: لي م قلتي جايه كان ظبط ليك أمورك
ساره: م تقول لي العندك خلصت
يوسف: باقي زي حبتين
ساره: ظابط طيب انا واحده وانت واخده
محمد: احم انتو بتتعاطو مخدرات ولا شنو
ساره.: اي عاوز
يوسف: لالا يا سرو صغير علي الحاجات دي
محمد: انا شايف ناكل احسن
يوسف: ههههههههههههه اتغاظ يا سرو
ساره: امشي غسل وتعال ناكل بعدين اشوف المخدرات هههههههههه
محمد: والله انتي مجنونه وهو اكتر منك
ساره: طلقني لو مش عاجبك طلقني عهههههههههه
الهام: تفي من خشمك يا بتي
ساره: يا خالتي بنهظر يلا الاكل جاهز
اتغدينا وعملت ليهم قهوه وكان ف كيك ف التلاجه ظبطنا القعده وبقينا نتونس
يوسف: سرو ارح اوريك الجديد
ساره: طيب ارح عن اذنكم
طلعتا مع يوسف غرفتو لانو نزل لي افلام واداني شكولاته اي ياها المخدرات بقينا نراجع ف الأفلام وناكل ف الشكولاته سمعت صوت خالتي بتكورك نزلنا جري
ساره ف شنو؟؟؟؟
الهام: يا بتي كيف ترضي ليو ولي ؟؟
هنا عرفت انو محمد كلمهم بزواجو التاني
ساره: والله يا خالتي قطعتي قلبي كدي روقي
عباس: ساره الولد ده كلامو صاح
ساره: كن بالنسبه لزواجو اي يا عمي
يوسف: شنو اتزوجت تاني
محمد: يا اخوانا انا م اجرمت انا اتزوجت علي سنة الله ورسوله
الهام: لي ساره ماله عيبه لي
محمد: ساره م فيها عيب يمه والشرع حلل اربعه وانا وساره متفقين وهي م عندها مانع
الهام: يعني ساره رضيانه
ساره: اي يا خالتي انا م عندي مشكله بعدين هو وعدني انو يعدل بينا
محمد: اي يا أمي أنا مستحيل اظلم ساره
البيت شويه هدا وأهل محمد استسلمت للواقع
محمد: اسي انا عاوزكم تمشون معاي نستلم مرتي
عباس: اسمع زي م عقدت براك امشي استلمها براك انا لا ماشي لا حاي
ساره: عمي كده م كويس الحصل حصل
محمد: اي يا ابوب انا م بقدر امشي براي
ساره: عمو خالتو انا عارفاك بتعاينو لمشاعري بس زي م قلت ليكن انا م عندي مشكله انا زاتي بمشي معاكم لأهل العروس
بعد تحانيس وافقو وقعدنا معاهم للمغرب ومشينا بيتنا
محمد: اووووف كان كانو امتحان
ساره: حمدلله علي السلامه انا ماشه اتحمم وانوم
محمد: انا زاتي والله حاسي بهبوط عديل