رواية الحارث
الفصل الثاني2
بقلم ساره محمد
ام حور وابوها قاعدين ممحنين علي حالتها بتهم الوردة المفتحه اليله ذبلت هي نايمه بالمهدئ بره قصي كان بفكر ف الحايحصل شنو قطع تفكيرو الضابط وهو بقوا ليو تعال نشوف كلام أهل البت شنو وفعلا دخلو وقصي من دخل بقا يعاين لحور اول مرة يشوفها بقي يعاين ليها وعيونو كلها حزن
الضايط: يا استاذ علي ده قصي المسؤول من الحادث
علي: كل شي مقدر ومكتوب
الضابط: يعني حاتعفي ولا ناخذ اجراءتنا
علي: يعني لو عاقبتو بتي حايرجع ليها نظرها خلاص الحصل حصل والعفو والعافيه
الضابط: طبب كده حانقفل المحضر وانا طالع عن اذنكم
الضابط طلع وقصي وقف مستغرب ف هدوء ابو حور قعد جنمبو
قصي: عمي والله انا ما قصدي
علي: عارفين يا ولدي بتنا بتخاف من الظلط ونحن طوالي بنخاف عليها وبوصيها بس كلو لخير
قصي: وانا متكفل بعلاجها واي عمليه مطلوبه انا بعملها
علي: ماف داعي يا ولدي الحمدلله مستورة وانا بعالجها اصلا هي فرحتنا الجاتنا بعد ١٥ سنه يعني كل ما أملك ليها
قصي: كده انا بكون شايل ذنبها عشان كده بقول ليك خليني معاكم ف الصورة
علي: خير يا ولدي خلي الدكتور يجي يطمنا
قصي: خير ان شاء الله
قصي بقي قاعد سرحان ف حور وفي كلام ابوها يعني ده كن واحد تاني كان جاط ودخلو السجن بس هو أتفهم عشان كده انا م حاخليها الا ترجع زي اول فجاءة تلفونو ضرب
قصي: اي يا حاج
ابو قصي: انت وين مالك اتاخرت
قصي: يا ابوي انا عملت حادث
ابوقصي: شنو حادث كيف انت كويس
قصي: ابوي روق انا كويس انا ضربت بت بالعربيه واسي معاها ف المستشفي
ابوقصي: لا حوله ولا قوة الا بالله ف ياتو مستشفي انا حاي
قصي: ف مستشفي.......
قفل من ابو وبقي يفكر حايحصل شنو وفجاءة اتذكر الحادث الفقد فيو مرتو الكانت حامل ف شهورها الاخيره كانو منتظرين فرحتهم وثمرة حبهم بس القدر ليو كلام تاني رجع للواقع لمن حور صحت وكانت بتنادي لأمها
احلام: اي يا بتي جنمبك احنا
حور: أمي أنا عميت يا أمي
احلام: اهدي يا بتي ان شاء الله حاتكوني كويسه
علي: حور نحن بنؤمن بقضاء الله صاح
حور: صاح يا ابوي
علي: طيب يا بتي ده امتحان وان شاء الله حانجتازو انتي بس خلي أملك ف الله كبير
حور: ونعم بالله يا ابوي
قصي: احم حور حمدلله علي السلامه
حور: الله يسلمك ده منو يا ابوي
علي: ده قصي ال ضربك بالعربيه
حور: الحمدلله علي كل حال
قصي: حور والله انا م قاصد
حور: م تخاف انا م بلومك انا الكنت خايفه من الظلط وكنت متردده من قطع الظلط
قصي: م تخافي انا حاكون معاك لحدي م ترجعي زي الاول
حور: ان شاء الله أمي أنا عاوزه اخش الحمام
احلام: قومي براحه يا بتي
قصي ساق علي وقال ليو نمشي بره عشان تاخد براحتها أثناء م هو طالع لفت نظري شعر حور لمن امها قومتها نزل لحدي ركبتها وعي علي نفسو وطلع بره
ام حور ساعدتها ف الخمام ورجعتها السرير
احلام: ان شاء الله الدكتور يطمنا
حور: خير يا أمي
ابو قصي جا وطلع بعرف ابو حور سلم عليو واعتذر ليو ودخلو لحور عشان يشوفها
ام قصي: حمدلله علي سلامتك يا بتي
احلام: الله يسلمك يا حور دي ام قصي
حور: الله يسلمك يا خالتو
ابو قصي: حمدلله علي سلامتك وإنشاء الله تقومي بالسلامه
حور: الله يسلمك يا عمو
علي: يا حور ابو قصي طلع معرفه من زمان
حور: كويس والله اتشرفنا يا عمو
ابو قصي: والله كان نفسنا نتعرف بظروف احسن من كده بس كلو لخير
ابو حور: ونعم بالله
الدكتور جا وكلهم طلعو بره عمل ليها كم فحص وطلع ليهم بره
علي: خير يا دكتور
الدكتور: م تخافو دي حاله عرضيه
علي : يعني حايرجع نظرها ولا لا
الدكتور: حايرجع بس بحتاج وقت
قصي: لو ف عمليه حتي لو بره السودان انا مستعد
الدكتور: احنا حانمشي علي علاج بعد نحلصو نشوف العمليه
علي: يعني حتاخد زمن
الدكتور: علي حسب قدرة جسمها علي تلقي العلاج عن اذنكم جيبو القطرات والحقن دي والممرضه حاتجيكم اسي
قصي: خير يا دكتور
قصي مشا الصيدليه جاب الادويه واهل حور وأهل قصي دخلو ليها يطمنوها وهي كانت هادئه
عدت اسبوع ف المستشفي وقصي م كان بفارقهم حتي كن مشا شغلوبكون مواصل بالتلفون معظم وقتو معاهم واليله الدكتور كتب ليها خروج ورجعو البيت وطبعا لقت صعوبه عشان تتخيل البيت وامها كانت معاها طول الوقت دخلت غرفتها ونامت طوالي
في بيت قصي::؛:
ابو قصي: نحن لازم نمشي لأهل حور ونعمل ليها كرامه
ام قصي: خلاص تمام خليها بكره الجمعه الاولاد يكونو ماجزين
[ قصي عندو اختين وأخ هو اكبر البيت]
ابو قصي: خلاص انا حاكلم قصي ونمشي بحاجاتنا عشان م يتكلفو
ام قصي: تمام
قصي كان ف الشغل واتذكر حور اتصل علي ابوها وقال ليو نامت اطمن عليهم وقفل التلفون رجع البيت وابوهو كلمو بالكرامه
بس قصي فاجاءة ابوهو بقرار وقال لازم يناقشو مع ابو حور بكره
لقراءة باقي الفصول اضغط هنا