رواية الحارث
الفصل الثالث3
بقلم ساره محمد
صباح الجمعه
قصي واهلو شالو حاجات الكرامه ومشو بيت حور استقبلوهم وابو حور اتفاجاءة بالكرامه ما عزم زول قال يوزعوها ام قصي ساقت بناتها ومشت لحور ف غرفتها حور كانت لابسه عباية استقبال وعامله شعرها واحده
ام قصي: كيفك يا حور
حور: الحمدلله يا خالتو انتي كيف
ام قصي: الحمدلله جيت اليله اعرفك علي بناتي هم قدرك رنا عمرها ٢٠ وروبا عمرها ١٨
حور: اهلين
رنا: اهلين حبيبتي وحمدلله علي السلامه
روبا: حمدلله علي سلامتك يا حور
حور: الله يسلمكم يا رب
ام قصي: ارح يا حور تحت عمك عاوز يسلم عليك
حور: طيب يا خالتي
حور قامت ورنا لبستها الطرحه الكانت جنبها وسندوها الاتنين كأنهم اخوات ونزلو وقصي من شافها وقف علي حيلو مشا يسلم عليها
قصي: حور كيفك
حور: قصي الحمدلله انت كيف
قصي: الحمدلله بخير
قصي بقي يعاين ليها والناس كلها لاحظت ليو
ابو قصي: يا قصي اديني فرصه اسلم
قصي: هههههههه طيب يا حاج قصي انحرج لانو عملها واضحه مشا قعد بعيد ابو قصي سلم علي حور وكمان اخو كمال اتعرف عليها واخوات قصي قعدوها ف نصهم وبقو يتونسو وقصي م شال عينو منها
ضبحو واخوات قصي وامهم ساعدو ام حور وقسمو اللحمه وكانو شغالين كأنهم م اول مرة يجوهم فطرو والرجال مشو الصلاة وهنا ام قصي ظبطت القهوه وقعدو ف الصاله الرجال جو وسلمو عليهم وقعدو فجاءة ابو قصي قال انا عاوزكم ف موضوع مهم قصي قال لي بعد احترامي ليم يا ابوي خليني اكلمهم انا ابو وافق
قصي: عمي انا عاوز منك طلب وم تقول الموضوع ده شفقه ولا تخت فيها حاجه انا يا عمي طالب يد حور علي سنه الله ورسوله واوعدك اشيله في عيوني
طبعا ابو حور وامها انصدمو من طلبو وحور بقت تدعك ف يدها بتوتر والكل لاحظ ليها
ابوحور: والله انت م بتتعايب ولا اهلك ماف فيكم كلمه بس م ممكن تأجل الموضوع ده لحدي م حور تتعالج
قصي: يا عمي انا بعد اتزوج حور مستعد اسفرها وين ما كان عشان ترجع تفتح بس انا حاليا عايزها ف ذمتي انا أعجبت بيها من يوم الحادث وانا لا بتاع لف ودوران
ام قصي: واحنا زاتنا حبينا حور والله ونوعدكم نكون أهلها واكتر كمان واعاملها زي بناتي
ابو قصي: احنا حانديكم فرصه تفكرو وزي م قال قصي م تختو ف بالكم عشان هو سبب الحادث عشان كده عاوز اتزوجها لا قصي من يوم الحادث قال لي انا أعجبت بيها
ابو حور طيب نسأل حور عن رأيها
حور: ابوي انا عاوزه اطلع غرفتي
ام حور: طيب يا بتي
قامت ساقتها وحور ف الف سؤال ف راسها وطلبت من امها انو قصي يجي وتتكلم معاو براها
ام حور نزلت والكل كان مترقب ردها
ام حور: قصي حور عاوزه تتكلم معاك
قصي: عن اذنك يا عمي
ابو حور: اتفضل يا ولدي
قصي طلع ولقا حور قاعده ف طرف الكرسي وقعد ف الكرسي الجنبها
قصي: احم قلتي عاوزاني
حور:قصي لي عايز تتزوجني
قصي: لاني حبيتك يا حور
حور: حبيتني كيف ونحنا اتعرفنا من اسبوع
قصي: والله انا من اول يوم شفتك وانتي راقده ف سرير المستشفي حبيتك وكل مرة بكون معاك بتاكد من احساسي يا حور
حور: قصي انت حاسي بالذنب عشان انا عميت صاح
قصي: لا والله انا قلت ليك طلبي ده لا شفقه ولا عندو علاقه بالحادث انا حبيتك وحابي اكون معاك يا حور
حور: بس انا حاكون حمل كبير عليك
قصي: وانا عاوزك زي م انتي يا حور وحاكون معاك ف كل خطوة انتي بس وافقي
حور: اديني فرصه افكر طيب
قصي مسك يد حور الكانت متلجه
قصي: وانا حاستناك عمري كلو حور انا بحبك
حور: قصي
قصي: ههههههههه وشك بقي احمر
حور: بطل يااخ
قصي: طيب م توافقي عليك الله
حور: طيب موافقه بس م تندم بعدين
قصي من غير م يشعر لقا نفسو حضنها
قصي: وانا اوعدك اني اسعدك وما أخذلك ابدا
قصي وعا لنفسو انو حاضنها وبقي يضحك
قصي: اسف والله
حور: هههههههه
قصي: طيب ننزل نكلمهم
حور: طيب
قصي مسك يد حور ونزل والكل يعاين ليهم وهو ماسك يدها لحدي م قعدها ووقف جنمبها
قصي: احم طيب يا جماعه حور وافقت علي
الكل بقي يبارك ليهم واماتهم يزغردو
ابو قصي: خير البر عاجله الجمعه الجايه القعد
علي: وماف كلام بعد كلامك
قصي: يا ابوي م بعدتها
ابو قصي: يا ولد خلي الشفقه
حور: ممكن طلب
علي: قولي يا بتي
حور: انا عاوزه عقد بسيط واسافر عمرة
قصي: وانا تحت امرك ياستي
علي: خلاص اتفقنا نكلم الاهل القريبين بس
اتفقوا وكانو مبسوطين وجهزو الغدا اتغدو واخوات قصي جنمب حور طول الوقت امها كانت مبسوطه ليها لأنها حست بتها حاتكون سعيده عندهم
لقراءة باقي الفصول اضغط هنا