رواية عبيري
الفصل الرابع4
بقلم ساره محمد
صباح اليوم التاني 🌄
صحيت وجسمي كان مكسر قمت استحميت عشان انعنش حبه ومشيت صبحت علي ناس ماما وباب ولقيت عصام بشرب ف الشاي رقدت ف طرفو وهو بقي يعمل لي ف مساج ف راسي
عصام: شكلك لسه تعبانه
عبير: جسمي مكسر بس
عصام: عادي حبيبي لكن اخدي راحتك واشربي سوائل اتفقنا
عبير: مممم اتفقنا
عصام: يلا انا طالع خلي بالك من نفسك ولو حسيتي بشي اتصلي علي
عبير: حاضر حبيبي
عصام باسني ف راسي وطلع بقيت اتونس مع ماما وبابا وبابا برضو طلع شغلو وبقينا انا وماما ف البيت فتحت التلفون لقيت رساله من خالد
خالد:[ صباح الخير واسف امس كنت غليظ شويه]
عبير: [ صباح النور م مشكله المهم انت كويس اسي ]
خالد: ممكن اتصل عليك
عبير : ماف مانع
اتصل علي خالد ::؛:؛
خالد: كيف أصبحتي
عبير: الحمدلله احسن
خالد: الحمدلله شدي حيلك الشغل بدونك مسيخ
عبير: ههههههه ان شاء الله
خالد: عبير انا بالجد اسف أمس كنت مضايق وشفتك ف وشي م قدرت اتكلم
عبير: والله انا م زعلانه ولاحظت ليك انك مضايق لو ممكن اساعدك احكي
خالد: اووووف احكي شنو ولا شنو راسي جايط
عبير: طيب فضفض أمكن ترتاح
خالد: طيب يا ستي اولا كنت مضايق من زوجتي لان جاتني مكالمه من المربيه انو ليندا تعبت وودتها المستشفي وم قادرة تصل لأمها
عبير: حرام وهي اسي كويسه
خالد: كويسه طلعوها من المستشفي اليله
عبير: طيب وامها اسي معاها
خالد: اي بس دي م اول مرة هي غير الطلعات والشوبينق مع عندها شي
عبير: طيب وانت لي م تكون جمب بنتك يعني اسي هي الضايعه في نصكم
خالد: لكن انا شغال بحاول أمن ف مستقبلها وامها م شغاله
عبير: خالد مدام انتو اتزوجتو وجبتو بيبي معاناها مسؤليتكم انتو الاتنين يعني انت بتقول شغال وهي بترفه عن نفسها الضايع فيكم ليندا انت عارف الطفل ف السن ده بحتاج ابو وامو معاو
خالد: كلامك صاح والله بس انا كيف مع الشغل صعبه
عبير: انت لازم توفق بين شغلك وبيتك او تقنعهم يكونو معاك هنا
خالد: م حاتقتنع بالساهل
عبير: انت حاول معاها براحه يعني م كل شي مشكله فهمها وجهة نظرك وكلو عشان ليندا
حالد: طيب حاحاول افضي تفسي واسافر ليها
عبير: كويس اها تاني ف موضوع ؟؟
خالد: كان في بس خليتوا
عبير: ههههههه خليتوا عديل
خالد: اخدي راحتك دوشتك بمشاكلي
عبير: ماف مشكله اعتبرني دكتورك النفسي
خالد: واحلي دكتورة والله
عبير: احم انا حاقفل عشان بالعه حبوب وخلاص نعستني
خالد: بالشفاء العاجل تمام مع السلامه
قفلت منو وبالجد زعلت علي وضع بنتو
بقين افكر لمن نمت
صحيت الساعه ٤ بصوت التلفون ده عصام بطمن علي اتكلمت معاو وقمت مشيت المطبخ لقيت ماما بتجهز ف الغدا ساعدتها وبابا وروبا جو اتغدينا وماما قالت انو خالتي جايه اليله تطلب يد روبا ل عمر وطبعا روبا تشيل ووتخجل اتغدينا وضايرنا البيت وجا عصام جاب معاو حاجات الضيافه بعد العشاء خالتي وزوجها وعمر جو ضيفناهم وفتحو الموضوع وبابا قال الجمعه الخطوبه يعني بعد يومين جطنا كده بس استسلمنا ف النهايه ناس خالتي طلعو وانا طلعت غرفتي عصام اداني الحقنه ورقدت لقيت مكالمه من خالد عاينت للساعه لقيتها ١٠ قلت بكون نام رسلت ليو رساله
عبير: لقيت منك مكالمه التلفون كان ف الغرفه
رسلت الرساله وقفلت التلفون جاتني مكالمه منو
عبير: ألوو كيفك
خالد: تمام وانتي
عبير: احسن الحمدلله التلفون كان ف الغرفه
خالد: انا قلت اطمن عليك لمن م رديتي اتصلت علي عصام ووراني انكم مضيوفين
عبير: اي والله لليله طلبو يد اختي روبا والخطوبه بعد يومين
خالد: ماشاء الله روبا المشاغبه خاتتزوج
عبير: هههههههه اتخيل
خالد: ربنا يتم لبها علي خير وعقبالك
عبير: تسلم
خالد: صحي انتي ماف زول ف حياتك
عبير: بصراحه كان في بس انفصلنا
خالد: اوو اسف والسبب منو
عبير: خالد معليش م عاوزه اتكلم ف الموضوع ع
خالد: انا اسف والله
عبير: ماف مشكله اها ليندا كيف
حالد: كويسه كانت بتتكلم معاي قبل شويه
عبير: الحمدلله ربنا يحفظها ليك
خالد: امييين يا رب يلا م ازعجك اكتر تصبحي علي خير
عبير: وانت من اهل الخير
قفلت من خالد واتذكرت قبل سنتين لمن كنت بحب ود خالتي اللهو اخو عمر كنا بنحب بعض وعلاقتنا خلوة بس ادخلت صحبت عمري وخاني معاها وانا بسببهم تعبت شديد نفسيا وجسديا بس تاني فقت لنفسي وقلت ماف داعي ادمر نفسي عسان راحل وفعلا كملت دراستي ونجحت ووضعي اتصلح وهو بعد م خطبها سابتو عشان واحد مغترب سمعت انو تعب شديد وكان ندمان عشان سابني وسافر قطر ولاان م ظهر مر بي شريط حياتي كلو مسحت دموعي ونمت طوالي
عدينا يومين ف التجهيزات والحمدلله كل شي تمام اليله الخطوبه والبيت حايط والضيوف روبا مشت الكوفير مع صحباتها وانا بقيت بساعد ف ماما لحدي قريب المغرب طلعت اتجهزت ولبست فستان كبدي وشبط بالفضي وكويت شعري وجبتو بالجنبه والمعازيم وصلو وبقينا نستقبل فيهم من ضمنهم خالد واهلو سلمت عليهم وضيفتهم وبقيت مشغوله جاتني رساله فتحتها لقيتها من خالد [ بسحروك اتحصني ]
عبير[ شكرا ده من ذوقك]
قبلت لقيتو بضحك غمز لي وبقي يتونس مع عصام اهل العريس جو اللهم ناس خالتي استقبلناهم وروبا وعمر جو ومن شفتهم مشيت حضنت روبا بالجد كانت حلوة شديد وباركت لعمر ودخلو وانا بمسح ف دموعي سمعت صوت خلا قلبي يرجف رفعت راسي لقيتو مهند اي مهند حبيبي الزمان كان مادي لي يدو
مهند: مبروك ليهم
عبير: الله يبارك فيك
سحبت يدي منو وطوالي مشيت وقفت جنمب عصام لانو عارفني اتوترت
عصام: انتي كويسه
عبير: مممم كويسه
بدت الخطوبه وروبا وعمر لبسو الدبل والكل بارك ليهم وانا مهند ما نزل عينو من علي وانا بحاول م اعاين ليو بالجد اضايقت شديد طلعت غرفتي من غير م زول يشوفني قفلت باب الغرفه وبقيت ابكي لي هو جا عشان يذكرني الماضي لي خلاني بدل اكون فرحانه بخطوبة اختي بقيت ابكي جاتني مكالمه من عصام شكلو فقدني
عصام: بيرو انتي وين
عبير: جايه جيت اجيب حاجه من الغرفه
عصام: انتي كويسه
عبير: 😭😭😭
عصام: طيب انا جايك
بقيت ابكي وعصام جا وحضني قال لي كنت عارف انك م كويسه بس م تخلي يأثر فيك احنا مش اتفقنا
عبير: بس م قدرت انا من شفتو اتذكرت خيانتو وكسرتو لي
عصام: انا جمبك م تخلي يحس انو منتصر عليك تمام يلا قومي غسلي وشك وعدلي الميكب وخلينا ننزل
كلام عصام قواني شويه دخلت غسلت وشي وعدلت الميكب ومسكني من يدي ونزلنا مشينا وقفنا جنمب خالد
خالد: انتي كويسه
عبير: ممم كويسه
خالد: اختفيت مالك
عبير: ممكن نطلع بره
خالد:طيب ارح
طلعتا مع خالد ومشينا قعدنا ف الحديقه
خالد: يلا احكي فضفضي
عبير: هو جا اليله يا خالد
خالد: اخو عمر صاح
عبير: مممم ياهو م اتحملت اشوفو قدامي وخصوصا انو كان مختفي من حياتي ليو سنتين بس ظهر ف الوقت الغلط
خالد: طيب انتو خليتوا بعض لي؟؟
عبير: انا ومهند بنحب بعض من صغار واي زول يشوفنا يقول حياتنا حاتكون مثاليه بس قبل سنتين وف يوم خطوبتي اعترف لي انو بحب صحبت عمري تخيل كسرة القلب الكنت فيها يعني بدل ابكي دموع الفرح انو الله جمعني مع حب عمري كنت ببكي دم وتعبت نفسيا وجسديا بس بعد خطبها اكتشفت انو هي سابتو عشان واحد تاني هو ندم وحاول يرجع لي بس انا أبيت وفجاءة سافر ورجعت لحياتي الطبيعيه بس اليله اي حاجه انعادت بالنسبه لي
خالد: انتي لسه بتحبي
عبير: لا وعمري م خافكر فيو
خالد: طيب خليك قويه تمام
عبير: اكيد
خالد: طيب يلا نمشي اقيفي جنمب اختك عشان م تحس انك زعلانه ف يوم زي ده وما تنسي انا معاك وعصام معاك
عيير: شكرا ليك
خالد كدا لي. يدو
خالد: تسمحي سيدتي ندخل سويا
مسكت يدو وبقيت اضحك بالجد عصام وخالد خلوني أشعر أني اقوي ودخلنا وطبعا الناس مركزه معانا انا وخالد ومهند برضو بقي يعاين لي وقفنا جممب روبا واتصورنا وكول الحفله واقفه مع عصام وخالد لحدي م انتهت الحفله والكل مشو وطوالي مسيت غرفتي بدلت ملابسي ونمت