رواية عبيري
الفصل الخامس5
بقلم ساره محمد
صحيت الصباح وقررت اني م اقعد ف البيت لازم انزل شغل واشغل نفسي قمن استحميت وصليت ولبست بدله سودا ومشيت صبحت علي ناس بابا الكانو متوقعين اني زعلانه بس انا بقيت اتونس واضحك معاهم واقنعتهم اني كويسه وانزل الشغل وعصام قال لي كلامك صاح وفعلا وصلني الشركه ووصاني كتير اني م اشغل نفسي بشي دخلت الشركه ومشيت سلمت علي مزمل ورؤي واتونست معاهم ومشيت مكتب خالد دفيت الباب
خالد: اتفضل
عبير: احم احم
خالد: عبير اتفضلي يااخ حمدلله علي السلامه
عبير: الله يسلمك كيف أصبحت
خالد: كويس انتي كيف
عبير: انااحسن الحمدلله قلت أصبح عليك وماشه ابدا شغلي
خالد: طيب بس م ترهقي نفسك تمام
عبير: تمام عن اذنك
طلعت مشيت مكتبي وكان ف ورق كتييير راجعتو جاتني مكالمه من خالد
عبير: ايواا
خالد: فطرتي؟؟
عبير: لا بس كنت ماشه افطر
خالد: طيب تعالي مكتبي طلبت اكل لينا الاتنين
عبير: طيب بجي عليك
رتبت ورقي ومشيت مكتب خالد وكان طالب اكل وقهوه فطرنا وشربنا القهوه اتونسنا حبه ومشيت مكتبي تميت شغلي وخلاص دوامي خلص اتصلت علي مزمل عشان الترحيل قال لي اليله ف الصيانه طلبت ترحال وطلعت من الشركه قلت انتظرو بس طلعت شفت مهند واقف جنمب باب الشركه م اشتغلت بيو وبقيت واقفه جا علي
مهند: كيفك يا عبير
عبير: الحمدلله عاوز حاجه
مهند: عاوز اتكلم معاك
عبير: اظن ماف كلام بينا صاح
مهند: عبير اديني فرصه اتكلم بس
عبير: مهند ده محل شغلي ماف داعي تعمل فضائح
مهند: طيب تعالي العربيه نتكلم
عبير: انت لي م عايز تفهم انو انا م عايزه معاك نقاش
مسك يدي وكان معصب
مهند: ماهو انا لازم اتكلم معاك فجاءة جا خالد وفكا يدو من يدي
خالد: يا حبيبنا قالت ليك مع عايزه تتكلم بالقوه يعني
مهند: اسمع انا ود خالتها وكنت خطيبها يعني م يحق ليك تدخل
خالد: وانا بقول ليك م من حقك تتكلم معاها انا صديقها ومديرها فهمت وبا ريت تمشي من هنا
مهند: عبير عشان اي حاجه حلوة بينا اديني فرصه
عبير: كلامي واضح انا علي م اظن
خالد: ارح يا عبير حنتاخر علي الغدا خالد مسك يدي وركبنا العربيه وخلينا مهند واقف وانا مستغربه غدا شنو البقول عليو خالد
اتحركنا
عبير: خالد غدا شنو
خالد: عازمك غدا ممكن
عبير: بس انا كنت
خالد: عارف كنتي ماشه البيت بس انا عازمك اسي حاتكسفيني
عبير: اكيد لا بس خليني اكلم عصام
حالد: م تخافي انا كلمتو
عبير: هههههه يعني مرتب
خالد: ههههههههه اي
مشينا مطعمنا المعتاد اتغدينا واتونسنا وخالد اداني ليندا اتكلمت معاها فيديو كول بالجد حلوة تشبه ابوها شديد انتهينا ورجعني البيت وكنت مبسوطة شدبد اتونست مع ناس ماما ومشيت غرفتي جاتني روبا
روبا: بيرو انتي ف حاجه بينك وبين خالد
عبير: ممكن اعرف الغرض من السؤال
روبا: لا بس امبارح ماسك يدك واخر ونسه وضحك واليله اتغديتو سوا
عبير: ممممم ده م كلامك صاح
روبا: بصراحه عمر سألني وم عرفت ارد ليو
عبير: حبيبتي لو ف شي بيني وبين خالد انتي اول زول حايعرف وبعدين خالد متزوج نحن اصحاب م اكتر وبالنسبه لعمر فهمي انو م يدخل ف حياتي تمام
روبا: طيب انتي م حاتدي مهند فرصه
عبير: روبا انتي نسيتي الحصل لي
روبا : لا بس شكلو ندمان
عبير: وانا م بهمني ندمو تمام الموضوع ده اقفلوا
روبا: طيب حبيبتي اها حاتجهزي معاي حاجاتي
عبير: ان شاء الله حاتمشي السوق متين
روبا: يوم الجمعه تموني ماجزه
عبير: ان شاء الله
روبا: بكره حاتمشي معاي اختار الأثاث
عبير: اووكي خليني انوووم
روبا بعد نقه كتيره مشت مني فتحت الواتس لقيت خالد متصل رسلت ليو
عبير[ شكرا علي اليوم الحلو ]
خالد[ كلو عشان خاطر عيونك ]
عبير[ تسلم كتير تصبح علي خير ]
خالد: وانتي من اهل الخير ]
قفلت التلفون ونمت طوالي
تاني يوم؛::::":
قمت استحميت وصليت واتجهزت للشغل صبحت علي ناس بابا وشربت الشاي الترحيل جا
عبير: صباااحو
مزمل: صباح الشهد
روؤي: يسعد صباحك
وصلنا الشركه قلت ليهم ارح الكافيه نبدا يومنا بنسكافيه مشينا وشربنا رسل لخالد
عبير[ صباح الخير ]
خالد: [ صباح النور وين انتي ]
عبير: [ ف الكافي انت وين]
خالد: [ جيت المكتب ]
عبير: [ طيب شويه كده وبجي عليك]
انتهينا ومشيت شلت نسكافيه ومشيت مكتب خالد دقيت الباب
عبير: احم احم
خالد: اتفضلي
عبير: جبت ليك نسكافيه
خالد: شكرا بالجد كنت بحاجه لشي يفوقتي
عبير؛ عيونك محمرة انت كويس
خالد: كنت مساهر ف شغل عشان مسافر
عبير: مسافر خلاص يعني
خالد: اي ماشي عشان ليندا حاحاول اجيبهم معاي
عبير: طيب بالتوفيقانا ماشه مكتبي
خالد: طيب
مشيت مكتبي وانا مضايقه يعني انااتعودت عليو بس هو ماشي ماشي يشوف مرتو وبتو يعني انا شنو مجرد موظفه وصديقه طردت الأفكار من راسي وانتبهت علي شغلي اتصل علي عشان الفطور قلت ليو فطرت انا م كنت عاوز اقابلو نهاية الدوام منتظرة الترحيل جا طالع لقاني واقفه
خالد: مالك هنا
عبير: مستنيه الترحيل
خالد: تعالي اوصلك
عبير: لا معاي زملائي م ظريفه اخليهم
خالد: طيب براحتك انا حاستفر الساعه ١٢ حانصل عليك اودعك
عبير: تصل بالسلامه يا رب
خالد: تسلمي كتير يلا مع السلامه
خالد مشا وانا دموعي قربت تنزل بس مسحتها عشان ماف زول يلاحظ الترحيل جا ووصلت البيت سلمت عليهم ومشيت بدلت ملابسي ورقدت افكر ف خالد يعني فجاءة كان قريب لي وتاني بعد بالجد مشوشه
نمت شويه وصحيت علي روبا بتصحي فيني
روبا: بيرو اصحي
عبير: ف شنو يا روبا
روبا: انتي ناسيه اليله ماشه اختار الأثاث
عبير: ممم الساعه كم
روبا: الساعه سته يلا قومي عمر قريب
عبير: طيب طيب
قمت مشيت الحمام اتوضيت وصليت ولبست عبايه ونزلت المطبخ اكل خلصنا وعمر جا وطلعنا محل الاثاثات وروبا عذبتنا شديد ساعتين واحنا لافين بعد خلصنا عمر قال عازمنا ايسكريم مشينا وقعدنا كانو هو وروبا بتونسو وانا ماسكه تلفوني لا اراديا بقيت اراجع ف محادثتي مع خالد ومندمجه مع التلفون جا زول قعد جنمبي رفعت راسي لقيتو مهند عاينت لروبا وعمر
عبير؛ ده اخو ممكن يساعدو بس انتي اختي لي عملتي كده
روبا والله ما عارفه شي
عبير: واضح عن اذنكم
مهند: عبير عليك الله اديني فرصه
أبيت ارد عليو وطوالي طلعت واقرب عربيه ركبت فيها ورجعت البيت وكنت ببكي شديد م عشان مهند عشان خالد بكيت لمن نمت جاتني مكالمه الساعه ١١ فتحت لقيتو خالد م قدرت ارد عليو صمت التلفون ورقدت نمت تاني