رواية زي ماهي حبها
الفصل الرابع4
بقلم بسمة محمد
سرحت كدا وقعدت اضحك ضحكه مبهمه ضحكه كلها وجع بس الظاهر غير قلت ليها مرافى انت ماعارفه صحبتك حب شنو عليك الله عمر دا والله أخوي وصحبي وكل حاجه بس حب دا في قاموسي ماف المهم عدت فترة والامتحانات على الابواب يوم قاعدين بالليل في الداخليه نشرح وانا كالعادة نمت والكلوبات دي صوروني علشان يزلوني بيها وسجلو لي علشان الصباح اسمع الشرح 🥹جات فترة الامتحانات فعلا اجتهدت ماحبا في المجال بس علشان ماادخل نفسي في حته ملاحق وكدا واخيرا خلصت الامتحانات واصريت على ناس البيت ارجع في نفس اليوم طلعت من الجامعه الساعه 10ص وطوالي على الموقف الشله ماودعتها 😂وصلت الولايه الشماليه الساعه 8م لاقاني ودعمي اسمو خالد وصلني البيت وسالني من الجامعه والقرايه وكدا وانا بس برد على حسب السؤال اول ماوصلت الباب لاقوني اولاد اختي سلمت عليهم وتعالو شوفو البكاء التقول مات لينا زول 😂رغم التعب بس كنت مشتاقه لي ناس البيت شوووق مابتوصف ساهرت وانا بتونس معاهم اليوم التاني صحيت متاخرة شغاله لافه في البيت كل جزء مشتاقه ليهو ولقيت ناس البلد كلهم قاعدين جاين يسلمو على 🌼وعملنا القهوة وشوفو الونسه والضحك 🤎صحيح الضحكه هناك من جوة الجوف ضربو لي البنات ماخلو لي جنبه كيف امشي من دون مااودعهم 😂😂بس انا بكره لحظات الوداع بكرة الفراق(حتعرفو لي قدام) مرت الايام والجامعه قربت خلاص صادف مع الاجازة عرس ود خالتي وهناك كلنا اهل العصريه كدا ظبطت نفسي وكان في حنه مشيت الحنه شغالين نغني ونزغرد فجاءة ضرب تلفوني فتحتو لقيت مكالمه جماعيه من الشله كلها قلت ليهم بسم الله مالكم في شنو انا طبعا من جيت ماعندي شبكه الا مكالمات 😂قالو لي اليوم النتيجه حسيت بي شويه خوف في اللحظه ديك 😂جو البنات علي يزغردو طوالي شلت معاهم الزغروده احمد شغال لي ابشر ابشر 😂😂ومصطفى بس يضحك مرافئ قالت لي ماجادة والله ماحاسه بي اي قلق قلت ليها الله كريم شوشو قفلت لينا الخط في وشنا وسهى شغاله اللهم سهل اللهم سهل قلت ليهم ماتخربو لي مزاجي ماشه اتم الحنه لو فيها ملاحق ماف زول فيكم يضرب لي رجعت لي البنات ناداني خالد قال لي تعالى ختي لي الحنه مشيت ختيتها ليهو وجاء كم ولد من اهلنا ختيت ليهم وخالد يحمر لي ماخيت ليهو بالي ولا اشتغل بيهو خلصت الحنه ورجعنا البيت وانا من جواي اعصابي بايظه بس مصندده ساهي 😂😂 والكريهين ديل ولا رجعو لي قلت اشيل في نفسي الفاتحه خلاص معاها ملاحق ملاحق بقيت احاسب في نفسي اسي لو اجتهدت حبه بس ماكان احسن اي صحيح ماعاجبني المجال بس دي ارادة ربنا فكرت كدا قطع على تفكيري تلفوني لقيتو عمر من وانا جيت ماسال منى ولا انا سالت منو 😂قلت خلاص مادام اتذكرني اليوم معناها النتيجه طين...