رواية الصدفة
الفصل الرابع4
بقلم اسيل
وصلنا الحي وشكلو اتغير شديد بقي عباره عن عمارات وحاجه فخمه وبيت ناس جمال برضو عدلو بطريقه فخمه شديد دخلنا من بوابه كبيره وجمال بركن العربيه ونزلنا فتح باب البيت ولاقتني خالتو مني من شافتني مسكتني وقعدت تبكي لأنها كانت صحبة ماما شديد وانا اصلا دمعتي قريبه بكيت معاها وجو نازلات إسراء ومروه وهم زاتهم بقو يبكو اما جمال طلع الشارع لانو م استحمل انتهينا من البكا ودخلنا البيت جوا وبقو يتونسو معاي
خالتومني: يا حليلك با بتي والله اشتقنا ليكم
اسيل : بلاكتر يا خالتو والله م تتوقعت نتلاقي تاني ماما الله يرحمها حاولت تجيب ليكم رقم بس م لقت
خالتومني: الله يرحمها البركه فيك انتي وقصي
كيف عليك الله
اسيل: كويس قصي كان عايش ف السودان ماسك صيدليات بابا وهو زاتو حاي يسلم عليكم
خالتومني: يشرف حبيبتي
اسراء: اها يا اسيل بتقري شنو؟؟
اسيل: بقرا صيدله
مروه: بتقري ف جامعه جمال صاح
اسيل: اي والله وبكده اتلاقينا
مروه: سبحان الله احنا لمن ورانا م صدقنا
اسيل: هههههههههه اي صدفه عجيبه
جا جمال داخل
جمال: اها رقتو
خالتو مني : اي والله والله م كنت عايزه ابكي لكن من شفت اسيل م استحملت اتذكرت المرحومه
جمال: الله يرحمها
خالتومني: يلا يا بنات نجهز الغدا
اسيل: اساعدكم؟؟
خالتو مني: لالا حبيبتي ارتاحي انتي
خالتو مني سافت إسراء ومروه المطبخ وانا بقيت مع جمال
جمال: انتي كويسه
اسيل : مممم ارتحت لمن لاقيت خالتو مني اتذكرت ماما
جمال: خلاص ماف بكا تاني اتفقنا
اسيل : ممم طيب
جمال : تعالي اوريك الحديقه حقتنا
جمال ساقني ومشينا الحديقه وكانت حلوه شديد قعدنا ف مرجيحة
اسيل: بالجد الحي اتغير شديد
جمال: مممم كتير اسيل عايز اسالك سؤال
اسيل: احكي
جمال:انتي حبيتي قبل كده
اسيل: لا لاني م لقيت الشخص المناسب
جمال: ان شاء الله تلقي
اسيل: انا اسي همي كلو أنجح زي م بابا كان حابب
جمال: اكيد حاتنجحي
اسيل: ان شاء الله
جات إسراء:
اسرا: يلا الغدا
جمال: جاين اسيل عيونك كعبه
اسيل : من البكا
جمال: طيب هاك القطره دي بتريحك
اسيل: طيب
شلت القطره من جمال سويتها وحسيت اني ارتحت
جمال : نمشي ؟؟
اسيل: يلا
دخلنا لقينا خالتو مني مجهزه الاكل البحبو بالجد زكرتني ماما اكلنا واسراء ومروة يونسو فيني بعد الغدا شالو الشاي ومشينا قعدنا ف الحديقه اتصل علي قصي وقال لي وصفي لي البيت واديت جمال وصف ليو وبقينا نتونس
اسراء: جمال الاساور
جمال: هههههههههه تتذكريها اها اليله لبسناها
اسراء؛ م عافيه ليك كان نفسي فيها
جمال: ماف ليك
اسراء: شفتي يا اسيل قدر م اسرقها هو يدقني وكان لاميها كانو قلبو كان حاسس انكم حاتتلاقو
جمال: اصلا قلبي دليلي
اسيل: هههههههههههه والله انا لمن اداني ليها اتخلعت
خالتومني: كن شفتي بعد سافرتو عيا عديل
جمال: يا أمي كفايه فضايح
اسيل : هههههههههههههه
قصي وصل وسلموا عليهم وخالتو مني برضو بكت معاهو وكانو مخلوعين لانو شكلو اتغير لانو زمان كان ضعيف واسي ماشاء الله معضل وطويل
اسرا: وااي يا قصي شكلك اتغير
قصي: انتو زاتكم والله يعني لو لاقيتكم ف الشارع م كان عرفتكم
جمال: وانت يا حبيب ف البلد دي قالو
قصي: اي والله من اتخرجت نزلت السودان مسكت صيدلية ايوي الله يرحمو لان البلد ديك م نفعت معاي
خالتو: يا حليلكم والله
اتونسنا للمغرب وكانت ونستهمم حلوه شديد ورجعنا زكريات زمان مره نضحك ومره نبكي
قصي: يا اخوانا نستأذن بعد ده
جمال: بدري يااخ
قصي: والله لازم انوم بدري بكره حاقوم بدري
جمال: تمام يا زول
قصي: جمال مدام انت ف جامعه اسيل خلي بالك منها لانو بكون مشغول دايما وخايف عليها
جمال: م تخاف ياخ انا م بتوصي
خالتو مني: يوم تعالو بيتو معانا
اسيل: ان شاء الله يلا مع السلامه
ودعناهم ومشينا البيت وصلنا لقينا مهند قاعد ف السلم
قصي: مالك طاردنك
مهند: هههههههههههه لالا كنت بتكلم ف التلفون
قصي: هههههههه طمنتني
مهند: اسيل كيفك
اسيل : تمام والله
طلعنا شقتنا وكل زول مشا غرفتو استحميت وغيرت ومسيت لغصي استاذنتو امشي اقرا مع رغد ومشيت وفتح لي مهند
مهند: ااتاخرتي ياااخ
اسيل: علي شنوو؟؟
مهند: مش مفروض حاتقري مع رغد
اسيل : ههههههههههههه اسفه يا مستر
مهند: اتفضلي
دخلت وسلمت علي خالتو ودخلتني لرغد ف غرفتها وسألتني من يومي والغدا وحكيت ليها وبدينا نقرأ ف نقاط م قدرنا ليها جانا مهند وشرح لينا وبالجد شرحو وااضح خلصنا الساعه ١٠ استأذنت ومشيت بيتنا صليت العشاء ونمت
عند مهند::::
كنت قاعد ف السلم منتظر اشوف اسيل وشفتها وشكلها مبسوطه شويه كده وحاتنا ف البيت تقرأ مع رغد وشرحت ليهم بس بالي كان كلو فيها كنت بسرح ف ملامحها وبسمتها بالجد حلووه
عند جمال:::::::::;;
انتهي الدوام واتصلت علي اسيل عشان تطلع حات وسلمت علي ودايره. تركب العربيه جات الزفت نور وقالت موعدنا المسا وانا لا مواعداها ولا شي بس حركه منها ركبنا العربيه واسيل علقت علي عيوني وانا كنت نسيت القطره عملتها وسألتني وطلعت انها بتعرف نور لان شلتها حكو ليها بالجد الساعه ديك اتعصبت لاني كنت خايف تكون عارفه حاجه تانيه ولمن صرخت فيها زعلت من نفسي وصلنا البيت وامي من شافتها بقت تبكي واخواتي برضو انا م استحملت طلعت الشارع مسافه وجيت لقيتهم هدو سقتها الحديقه عشان تتنفس حبه وعيونه كانو محمرات ومورمه من البكا اديتها القطره عملتها وبقت مغمضه وبقيت سارح فيها بالجد هي حلوه ضحكتها كلامها يااخ كسرتني عديل قربت اقول لقصي خليها تبيت معانا بس اتراجعت