رواية الصدفة
الفصل الخامس5
بقلم اسيل
عنداسيل::
صحيت الصباح عملت روتيني الصباحي وشربت الشاي وقصي طلع وجهزت حالي لبست اسكيرت بالبمبي وقميص ابيض واسبورت والشنطه بالأبيض شويه كده ورغد اتصلت بي ونزلت صبحت عليهم واتخركنا
مهند: اها اليله العزومه قايمه صاح
رغد: اكيييد
مهند: انت م سألتك انتي قصدي اسيل
اسيل: اكيد ماف مشكله
وصلنا الجامعه ونزلنا لاقينا الشله ف البوابه سلمنا عليهم ومشينا قعدنا ف محلنا المعتاد وبقينا نتونس جاتني رساله من جمال
جمال: [ لكن م كسرتيني بالبمبي ]
بقيت اتلفت عشان اشوفو تاني رسل لي رساله
جمال[ م تتلفتي انا قريب ليك]
اسيل[ انت وين م شايفاك ]
جمال[ عدي ل٣ وخاتلقيني قدامك]
قفلت التلفون ولسه حاقول وا احد جمال جا
اسيل: بسم الله لسه م عديت
جمال: ههههههههههههه م قلت قريب أصبحتي كيف
اسيل: تمام وانت
جمال: تقدري تقولي اسي تمام
خالد: احم احم نحن هنا
جمال: ههههههههههههههه معليش يا حبيب اخبارك وصحتك
خالد: والله كويس نستأذن يا شباب اسيل نتلاقه ف المحاضره
اسيل: تمام
خالد ساق الشله ومشو
جمال: اها يا عسلنا
اسيل: شنووو
جمال: عندك برنامج اليله
اسيل: والله اخو رغد عازمنا ايسكريم بعد الدوام
جمال: مممممممم اخو رغد قلت لي
اسيل: مممممم لأنهم جيرانا وبوصلنا الجامعه هو
جمال: كويس اها فطور كيف
اسيل: موافقه
جمال: خلاص امشي محاضرتك وبعد تخلصي اتصلي بي
اسيا: تماممم
جمال مشا وانا مشيت القاعه وقعدت مع الشله والمحاضره بدت جاتني رساله من رقم غريب بس م قدرت افتحها عشان انا ف المحاضره بعد المحاضره طلعت واتصلت علي جمال
اسيل: وين انت
جمال: شويه كده وبجيك
فتحت الرساله من الرقم الغريب لقيت صورة لجمال وهو بشم ف حاجه كبرت الصورة وانا برجف لقيتها زي البدرة بقيت مخلوعه وحسيت الدنيا لافه بي عاوزه أقع ف زول سندني عاينت واتا مطششه طلع جمال سندني وقعدني ف مصطبه وجاب لي مويه
جمال: مالك يا بت
اسيل: انا انا
جمال: اشربي مويه شكلك مرهقه ارح نفطر
اسيل : طيب ارح
كان ماسك يدي لحدي م وصلنا العربيه واتحركنا وانا بقيت م عارفه اعمل شنو اصدق الصورة ولا اسالو
جمال : اسيل اسيل سرحانه وين
اسيل : جمال ممكن توقف العربيه
جمال: مالك يا بت قربنا نصل
اسيل: جمال وقف
جمال وقف وكان مستغرب وكان بعاين لي
جمال: ممكن اعرف مالك فجاءة
اسيل: عاوزه منك تفسير عن الصورة دي
جمال شال الصورة وشافه وبقي يعرق
حمال: د دي جاتك من وين
اسيل: رقم مجهول زي م شايف لكن ده م مهم دايره تفسير
جمال مسح وشو انا كنت عايز اوريك بس مستني الوقت المناسب
اسيل: اللهو متين لمن تقرب تموت من القرف ده ولي بتاخدو م عارف انو مضر
جمال بصرخ : عارف يا عارف لكن م قدرت
اسيل: ممكن اعرف السبب الخلاك تتعاطي مخدرات
جمال: ضغوط
اسيل: ده م سبب ليك وعن اذنك انا نازله
جمال: اسيل اسيل عليك الله
اسيل: اشششششششش
فتحت باب العربيه ونزلت لقيت ركشه ركبت فيها وبقيت ابكي لمن وصلت الجامعه لاقتني نور ف البوابه
نور. : وينو حبيبك م تكونو اتشاكلتو
اسيل: انتي منو وحبيبي منو
نور: هههههههه انا حبيبة جمال وم حاخلي ليك فاهمه
اسيل: اشبعي بيو
وطوالي مشيت منها لقيت الشله بفطرو قعدت ف الاستراحه اهدي نفسي
عند جمال؛؛؛؛؛؛؛؛؛؛
جمال ساق العربيه بطريقة جنونيه لحدي م وصل البحر ونزل بقي يبكي لانو م قدر يوقف اسيل خلاص اسيل حاتضيع من يدي هي السبب الوحيد الممكن ابطل عشانها هي الوحيده الممكن اغير حياتي عشانها طلع تلفونو واتصل بنور وقال ليها عاوز الاقيك بره الجامعه اي تعالي الشقه قفل من نور وهو م عارف البخصل شنو ولي لجا لنور نور هي الضيعتو
عند اسيل:
كانت سرحانه زول ف وضع جمال البخلي يعمل كده شنو انا لا زم اعرف السبب بس منو يوريني منو قطع تفكيرها التلفون قالو ليها ارح المحاضره
مشت المحاضره وبعد خلصت وهي طالعه حست بدووخه ووقعت سندوها ودوها عيادة الجامعه لقو عندها هبوط ركبو ليها درب مهند اتصل برغد
مهند: رغد خلصتو؟؟
رغد: م م مهند اسييل
مهند: ماله اسيل
رغد؛ وقعت من طولها واسي مركبين ليها درب
مهند: طيب انا جاي عليك
عند جمال::::::
اتصل عليو صحبو وقال ليو قريبتك وقعت واسي ف العياده حقت الحامعه ركب عربيتو وساق بسرعه جنونيه
عند اسيل؛؛؛
لسه م وعت والشله معاها جا داخل مهند
مهند: رغد اها كيف
رغد: لسه م وعت
مهند: نوديها دكتور تاني
رغد: لالا بس عندها هبوط
مهند: طيب حبت ليها اكل وعصير هي اكلت؟؟
رغد؛ والله م عارفه المفروض مشت تفطر مع جمال
اسيل فتحت عيونها لقت الشله كلها جنبها وكمان مهند
رغد: حبيبيتي حمدلله علي السلامه
اسيل: الله يسلمك
خالد: اسيل انتي اكلتي؟؟
اسيل: لا كنت شبعانه
مهند؛ حمدلله علي السلامه
اسيل: الله يسلمك
رغد: قومي اكلي حاجه
اسيل: م عندي نفس
مهند: ماف كلام زي ده قومي اكلي
احمد: والله انا جعان م قمتي باكلو انا
اسيل: ههههههه بالهنا
رغد: يلا قومي
خالد واحمد ومهند طلعو بره وبقو معاي البنات
سندوني اكلت وشربت العصير وشويه ارتحت شويه كده وجا جمال
جمال: انتي كويسه
اسيل: مممم الحمدلله
رغد: انت يا جمال مش مفروض مشت تفطر معاك
جمال: انا انا
اسيل: اي لكن أبيت اكل لاني كنت شبعانه وهو زاتو زعل متي لمن م اكلت
جمال: مدام اطمنت عليك بمشي انا
اسيل: طيب
جمال طلع وشكلو زهجان لاقه نور ركبها العربيه وطلعو
جاني مهند ف الغرفه
مهند: نمشي بعد ده
رغد: اي نمشي
رغد ومهند سندوني لحدي العربيه
وصلوني البيت ورغد بقت قاعده معاي ومهند مشا شقتهم
انا دخلت استحميت وصليت وبقيت بتونس مع رغد لحدي م نمت