رواية عبيري
الفصل السادس6
بقلم ساره محمد
صباح اليوم التاني قمت بصداع من كترة البكا مشيت استحميت وصليت واتحهزت للشغل فتحت تلفوني لقيت رساله من خالد [ كان نفسي اودعك واسمع صوتك بس شكلك نايمه اشوفك علي الف خير]
قلبي وجعني وانا بقرا الرسال رديت عليو
[ اسفه والله التلفون كان صامت ان شاء الله وصلت بالسلامه]
م شايفاهو نشط ختيت التلفون ف الشنطه ونزلت لقيت ناس ماما. بشربو ف الشاي صبحت عليهم وقعدت جمب عصام أبيت اتكلم مع روبا لاني زعلانه منها
عصام: امبارح خالد ضرب يودعك بس شكلك نايمه
عبير: اي لقيت منو رساله الصباح
عصام: تحبي اوصلك الشغل
عبير: لالا ترحيلي علي جيه
عصام: تمام انا طالع
عصام وبابا طلعو وماما مشت المطبخ وانا ماسكه تلفوني وبشرب ف القهوه روبا جات قعدت جنمبي
روبا: والله يا بيرو م عارفه انو جاي
عبير.......
روبا: والله انا اسي متشاكله مع عمر عشان الموضوع ده
عبير: ماف داعي تخربي علاقتك مع خطيبك بسببي هو عاوز يساعد اخو بس وصلي ليو معلومة لو بقي اخر راجل ف العالم انا م برجع ليو تمام
روبا: تمام بس م تزعلي مني
عبير: اكيد م زعلانه يلا ترحيلي جا
طلعتا سلمت علي ناس مزمل ووصلنا الشركه وكانت بايخه بدون خالد كنت شغاله بدون نفس عديت يومين وماف رد علي رسايلي قلت خلاص انا مرحله واتخطاها اليله الجمعه ولازم امشي اقضي الشيله مع روبا بس اشترطت عليها اني م اقابل مهند ابدا وهي خزرت عمر مشينا السوق اشترينا حاجتها كلها ورجعنا البيت منتهيه بدلت ملابسي ورقدت جاتني مكالمه من رقم دولي
عبير: الو
خالد: شنو يعني منت مستنيك تحي تودعيني
عبير: معليش يا خالد كنت مضايقه
خالد: مني؟؟
عبير: لا حصل معاي موقف كده
خالد: احكي
غبير: روبا قالت لي لازم امشي معاها اختار الأثاث وفعلا مشينا وعمر بعد خلصنا عزمنا ايسكريم وأثناء م قاعدين حا مهند انا اصايقت قلت روبا متفقه علي معاهم وركبت أقرب عربية ورجعت البيت كنت مضايقه شديد
خالد: عبير م تخلي حاجات صغيره زي دي تضعفك
عبير: ان شاء الله انت وصلت كيف
خالد: كويس بس جايط شويه
عبير: ف حاجه صوتك كعب
خالد: لقيت زوجتي رافعه علي قضيه طلاق
عبير: كيف ولي
خالد: اووووف قالت الحياة بيناتنا مستحيله
عبير: طيب وليندا
خالد: ليندا م حاخليها ليها اكيد حاعمل اي شي عشان تكون معاي
عبير: زعلتني والله يعني ماف طريقة تراجع عن الطلاق
خالد: لا ما اظن
عبير: يا ريت تاخد الأمور برواقه تمام
خالد: ان شاء الله علي فكرة انا اشتقت ليك
عبير: وانا كمان فقدتك شديد
خالد: الحمدلله طلع نفس الشعور طيب شكلك تعبانه حاتصل عليك بكرة
عبير: تمام خلي بالك من نفسك
خالد : وانتي كمان تصبحي علي خير
عبير: وانت من اهل الخير
قفلت الخط وانا مبسوطه المكالمه دي عدلت لي مزااجي