رواية امتحان الحب
الفصل الخامس5
بقلم جمانه السعيدي
مسك....حلفت حنيين ابد ما تحجي بهذا الموضوع كدام اي احد
حتى امي مراح احجي كدامها
بلكت يطلع شغله بسيطه
الحد الان الدكتور ماكان شي يخوف
بعد الزرع كلشي يبين
من رجعت امي حست بيه ضايجه
امي ..شكو ليش ضايجه مو عوايدج يوميه خابصتنا خبص
مسك...ماكو شي بس تعبانه شويه
امي...سلامتج حبيبتي يله هانت قرب العرس وراح يخلص كلشي
شكد حاولت اتخطى القلق بهذا الاسبوع ماكدرت
همزين مازن مخبوص بلعرس ومآ انتبهلي
بس امي كانت شاكه اكو شي وكل شويه تسئلني بس اني
احاول اضيع عليه بلحجي حتى ما تنتبه
بيوم الي طلع بي الزرع قررت مااروح مااريد اسمع خبر يزعجني خل اعوفه ورا العرس
اني متاكده مابيه شي لان ماعندي وجع
ايجوز اني كبرت الموضوع شويه اني لو ما حنيبن
مااروح افحص ابد
للعصر اتفاجئت حنيين جايه البيتنا ملامحها تقرأ الحزن والقلق وجها مو طبيعي
سلمت على امي وخالتي
اشرتلي خل ندخل بغرفتج
دخلنا للغرفه
مسك.....شكلج ما يطمن ابد احجي طلع التحليل
حنيين....ولله ماادري شكول
مسك...احجي عادي اني جنت ناويه مااروح اليوم اجيبه
لمن يخلص العرس يله
مااريد شي يخرب فرحتي
حنيين....طلع التحليل سالب
مسك....يعني شنو اني مصابه
حنيين....اي بس الدكتور ايكول لازم تتلاحك نفسها وتجري العمليه باسرع وقت ممكن يمكن تتشافا نهائيا لان بعدها زغيره فرصت الشفاء جبيره
جمانه السعيدي
مسك....مستحيل اخرب فرحتي واروح اسوي عمليه
مستحيل اخرب زواجي
اي عمليه هاي تردين اروح اكول المازن اني طلع عندي مرض موزين ولا زم عمليه
اكعد اسوي جلسات كيميائي وشعري يوكع
يخرب جمالي اصير مو حلوه
بعد مازن ما يباوع عليه
تحجين صدك ابد ابد مراح اسوي العمليه
راح ازوج واعيش كم يوم سعيده وياا مازن ومن بعدها عادي حتلو اموت
المهم اعيش اني ومازن حتلو يومين ميخالف
حنيين....الزواج ممكن يتأجل مازن يحبج ويكدر يصبر عليج بس هذا المرض مراح يصبر
مسك...اسكتي لاتحجين ابد بهذا الموضوع
مستحيل مازن اذا عرف اني عندي هذا المرض ممكن يموت وامي وخالتي
انت مستوعبه الصدمه
على الاقل من اموت صدمه وحده
مو كل يوم صدمه لا تحجين بهذا الموضوع
حنيين...تموتين افتهمي مازن وامج وخالتج واني نحبج
مانريد نفقدج ابد
العمليه والعلاج كم شهر ويخلصن وترجعين احسن من قبل
الدكتور يكول كلشي راح يرجع مثل قبل واحسن
لا اضيعبن نفسج
مسك....ولج شعري يوكع جمالي يخرب مازن شلون بمازن
يمكن يموت اذا سمع هيج خبر
مابقى على العرس غير اسبوع واحد
تعرفين صار شكد اني وياا منتضرين هذا اليوم
اجي اني هسه اخرب كلشي
واكول اني مريضه محتاجه عمليه وجلسات كيميائي
تعالو خل اتعالج وبعدين نزوج
لا مستحيل ابد ما اصير هاي الشغله
اسكتي اني اريد افرح
اريد ازوج حالي حال كل البنات
والموت والحياة بيد رب العالمين هو الي يقرر
يمتى البشر يموت
يمكن هاي التحاليل كلها جذب منو يكول صدك
اكيد جذب شوفي اني كلشي مابيه
شوفي خدودي شلون حمر
اكو واحد مريض يصيرن خدوده حمر هذا الدكتور ما يفتهم جمانه السعيدي
حنيين... ليش هيج اضيعين نفسج حرامات
مسك...اذا انتي صديقتي فعلا اسكتي لا تحجين بهذا الموضوع ابد
تعاي خل انرتب الجنط اني وياج
تعاي ساعديني اني عروسه ولازم كلشي يكون احلى مما اريد يله تعاي
مسك...ارتب بلغراض وكلبي اشتعل نار بس أبين كدام حنيبن اني قووويه
معقوله كل هاي السنين انتضر يوم عرسي وبلاخير تخرب فرحتي
ليش هيج اني راح اموت واعوف مازن
نزلن دموعي مشاعري غلبن عليه
حنيبن....هااا تبجين شوفي حتى انتي ما مقتنعه
ليش ما تعالجين اكيد مازن راح يوكف وياج ويساعدج
مسك....سدي هذا الموضوع رجاء
اتصل عليه مازن وبدا يحجي شلون جاي يرتب الشغلات
وكلشي
يحجي واني عقلي بغير مكان
هذا حبيبي الي انتضرته عمر يمكن ماالحك اعيش ويااا
واتهنى بي
ليش لمن قربت فرحتي طلع شي يدمرها
اني مستحيل اخلي مازن يعرف لازم اكمل هذا العرس
شلون اخرب فرحته بيه
كل يوم يمر عليه بهذا الاسبوع عبالك سنه
منا لمن وصلنا اليوم العرس
كعدت الصبح كلبي مقبوض كلش احس نفسي مسويه شي غلط لان ماحجيت المازن
بس ولله اخاف علي اخاف يضوج بسببي
بس شفت امي كاعده بلمطبخ حضنتها وكمت ابجي
هي متوقعه ابجي علمود راح ازوج واعوفها
بس اني ابجي لان خايفه من المرض خايفه عليها
امي....هااا الله يستر ليش تبجين اكو عروس تبجي بيوم عرسها
مسك....اني احبج
امي....تحبيني لو تحبين مازن احجي الصدك
مسك...ثنيينكم اهييي اهيييي
امي....اني الي احبج بكد هاي الدنيا كله وماالج اي منافس بكلبي لو ماادري تحبين مازن ومتعلقه بي
جان ما قبلت تزوجين اريدج تبقين هنا كبالي
انتي احلى شي صار بحياتي
جمانه السعيدي
يله غسلي وجهج وتعاي نتريك حتى نروح للصالون
مسك....ماكدرت اكل بس شربت حليب
مالي نفس على الاكل
دخلت سبحت ومن طلعت رحنا اني وامي وخاله للصالون
الساعه ١٢ رحنا للصالون
لكينا كدامنا عروسه كملتها وبعدين اني وراها
البدله تخبل والمكياج طلع عليه يجنن
ام الصالون بقت تاخذلي صور هلكد ما تعجبت بشكلي
طلعت وحده ثانيه شكد اني حلوه وملامحي بارزه
طلعت بعد احلى
شكلي ترف عبالك لعابه
من كملت اتصلت على مازن حتى يجي ياخذني
احنا متفقين نطلع للاستوديو لان حاجزين
رحنا للاستوديو واخذنا شكد صور نزلن دموعي ومسحتهن
افكر راح اموت وذني الصور يبقن ذكرى مني
امي...شبيج حبيبي تبجين
مازن...عوفيها ذني دموع الفرح ما مصدكه اخذتني
مسك...ابتسمت
مازن....هااا كولي جذب
مسك....احبك مو بيدي مسحت دموعي
للمغرب طلعت الزفه افترينا بغداد كلها احلى زفه زفتنا
مازن نزل من السياره وكام يركص بلشارع
الناس تباوع علي
مازن....ياناس اخذت حبيبتي هاي مسك حبيبتي
طلعنا كبل للفندق بس دخلنا للغرفه شالني وبقه يبوس بيه
مازن...واخيرا اخيرا اني وياج عرسان
يله نبدل ونتعشى اليله السهره للصبح ماكو نوم
مبروك حبيبتي مبروك
مسك...الله يبارك بيك
راد يفتح سحاب البدله
مسك....اوكف اريد احجيلك سر اني ضامته عليك
مازن...الله يستر شكو
مسك...اكعد هنا
كعد على الجربايه واني كعدت كباله
مسك....انت تحبني
مازن....بله هذا سؤال احجي شكوووو
مسك...بس جاوب تحبني
مازن...اكيد احبج انتي الحب الاول والاخير
مسك....مها يكون راح نبقى سوا
مازن...ليش تحجين هيج
مسك...كول مهما يكون راح نبقى سوا
مازن...مهما يكون راح نبقى سوا شبيج اليوم مو طبيعيه
مسك...اني مريضه
مازن...شنو مريضه شنو يوجعج
مسك...لا مو مرض عادي اني قبل اسبوعين رحت سويت تحاليل يم احسن دكتور جراح ودكتوره نسائيه
بسبب اكو شي بصدري طلع
هاك جيب ايدك هنا شوف اكو شي صلب
مازن...مافهمت
مسك....سويت زرع طلع عندي مرض سرطان بصدري
ولازم اسوي عمليه باسرع وقت ممكن
ماردت احجي قبل العرس حتى لاتخرب فرحتك وفرحتي
اريد نعيش اني وياك يومين حلوات
وبعدين حتلو اموت ميخالف