رواية امتحان الحب
الفصل السادس6
بقلم جمانه السعيدي
مازن....تحجين صدك لو جاي تشاقين
مسك...نزلن دموعي ومسحتهن كلت بعبره اي صدك
اني مريضه بهذا المرض اللعين رجعت مسحت دموعي
راسا وكف على طوله بعصبيه
مازن...ليش ما حجيتي
مسك....خفت عليك اضوج
مازن....انتي شنو اضحكين عليه على نفسج سكتي لمن تم الزواج شكد انتي استغلاليه
جاي تستغلين مشاعري
انتي وحده انانيه تردين تورطيني بهاي الزواجه
اكيد تعرفين من زمان وردتي توكعين كلشي براسي
مسك....مسحت دموعي هاي شبيك مازن انت شكاعد تحجي
مازن...احجي الحقيقه انتي انسانه انانيه
ليش سكتي ليش ما حجيتي من البدايه
تردين توكعين براسي علمود اعالجج اني ميلي اعالجج
انت نزلتي من عيني
شلون لوتيه بليلة العرس يله تكشف هيج سر
ووين جنتي قبل ليش ساكته
كلتي هذا خوش مغفل خل اورطه
خل اضحك علي يحبني وراح يسامحني وبعدين يفني عمره وشبابه حتى يعالجني
مسك.....حبيبي لا تتشاقا وياي ترا اني كوه مصبره نفسي
مازن....اي شقا بعد هذا الخبر اكو شقا مع الأسف صدكت وحده مثلج ممثله تلعبين بمشاعري
مسك....خفت عليك
مازن...هااا خفتي عليه وقررت تورطيني
انت شني من بشر ليش ماحجيتي تعرفين اذا حجيتي بهيج موضوع راح اعوفج
قررتي تورطيني اسف احب اكلج اني مااكدر استمر وياا وحده مثلج ممثله واستغلاليه
روحي شوفي واحد غيري اضحكي علي
هاي السوالف مو عليه
ليش اعيش وياا وحده مريضه ابقه حاير بيها
وبمرضها واحتمال حتى اطفال مااحصل منها
شغلي وتعبي كله يروح للدكتوره
جمانه السعيدي
مسك....انت تحجي صدك اني حبيبتك مسك المفروض انت اكثر واحد تتاثر لمرضي
واكثر واحد توكف وياي وتساعدني
انت ماتعرف انت شنو بلنسبه اليه بكلمه منك اصير زينه
قسما بلله ماخفت على امي من تعرف اني مريضه
بكد ما خفت عليك
خفت يصير بيك شي اذا سمعت اني مريضه
لا لا اكيد انت مو مازن انت واحد غيره
مسحت دموعي ادموعي تجري ما تقبل تسكت
ما مصدكه الموقف الي جاي يصير كدامي
انت مو مازن انت واحد ثاني لو جاي تسوي بيه مقلب
مازن....لا مازن المغفل اي اني مازن المغفل الي تعرفين نفسج مريضه مرض خطير مثل هذا وبقيتي تضحكين علي
وتخلينه يصرف بلفلوس على العرس وانت واكفه تتفرجين علي جمانه السعيدي
تردين تورطينه بزواجه فاشله
تردينه يبقى يفتر بلمستشفيات وبين الدكاتره
يصرف دم كلبه عليج
اسف احب اكلج اسف هذا الزواج مستحيل يكمل
لان بدا بغش وكذب
لازم ينتهي هسه وبهاي اللحظه لازم ينتهي قبل لا يبدي
مسك...كمل كلامه وعافني وطلع من الغرفه وطبك الباب
كعدت لان بعد مااكدر اوكف على حيلي
اريد استوعب كلامه
اريد اصدك هذا مازن مو واحد ثاني
بقيت ابجي وانتضره يرجع شكد غبيه
هلكد مااحبه ما مصدكه الموقف ابد
اكول لا اكيد هذا مو مازن مازن الي يحبني لازم هسه يكون منهار من البجي
هسه لازم يكون حاضني ويكول لا اني مريض مو انتي
اسم الله عليج حبيبتي
مامصدك اني مريضه مامصدك راح يخسر حبيبت
كلبه بهاي السهوله
لازم يوكف وياي ويدعمني حتى اصير زينه
هو هذا حب مازن
لا لا لا مااصدك مستحيل مستحيل
اكيد اني احلم هسه يرجع ويضمني على كلبه
ويكول لا تخافين كلشي يهون
اني موجود والمرض يقرب عليج يخسا المرض
اني موجود وتشوفين الوجع ابد مايصير هيج شي
هسه يرجع هسه يرجع
بقيت كاعده بدلة عرسي على الجربايه انتضره
جمانه السعيدي
هي هاي ليلة عرسي صدك جذب اهييي اهييي
كاعده وحدي بلغرفه وحتى بدلتي مانزعته
اني مسك حبيبت مازن هاي ليلة عرسي
هذا حالي وحدي بلفندق ودموعي على خدي مازن عافني مو يكول احبج
وين الحب عافني لان عرف اني مريضه
لو هو المريض جان اني اليله موتت نفسي علي
هو المرض بكيف واحد
لو البشر يكدر يبعد عنه المرض محد تمرض
دكاتره وعلماء تنصاب بهيج مرض
مو بكيفي مريضه قابل اني مكيفه بهذا المرض
يكول جاي تستغلين بيش استغلك ترا اني مريضه
وتعبانه لا لا ابد ما اصدك هذا مازن
ولله ماخفت من المرض بكد ماخفت علي
خفت مازن يضوج عليه
مازن عافني بليلة عرسي وحدي بلفندق
لا اكيد ضاج عليه وطلع هسه يرجع اي هسه يرجع
شلون ١٠ سنوات حب وبكل سهوله يعوفني
هسه يرجع هو بس ضاج عليه
ماصدك اني مريضه انفعل وطلع من الغرفه
اكيد كاعد جوا هسه يرجع هو جان منتضر هاي اليله بفارغ الصبر جمانه السعيدي
بقيت كاعده ودموعي تجري
ابجي من كلام مازن القاسي مو ابجي من المرض
ابجي على الموقف الي خلاني بي
اذن اذان الصبح وهو ماكوووو
مارجع ابد ماكسرت خاطره
ولا رجع يطمن كلبي بكلمه
ولا كال خطيه بقت وحدها بلغرفه
كمت على حيلي مااكدر اوكف راسي يوجهي هلكد ما بجيت كوه سيطرت على نفسي
اباوع بلمرايه عيوني حمر ووجهي شحاله من البجي
خطوط سود على طول وجهي من الكحله والمسكاره
جبت التليفون واتصلت على امي
امي...هاا حبيبتي صباح الخير كاعده بعدني منتضره مكالمتج انتي زينه
مسك...اهييي تعاي اخذيني
امي...يااا تبجين شنو تعاي اخذيني شكوووو
مسك....بسرعه تعاي منتضرتج بسرعه
امي....يمه بنيتي جايه هسه اجيت
مسك نزعت البدله وخليته بلجيس بدلت ملابس
مسحت وجهي
الحد هاي اللحظه واني بعدني انتضره يفتح الباب ويدخل عليه
يكول اعذريني ماكدرت اسيطر على اعصابي من عرفت انتي مريضه
انتي حبيبتي شلون مريضه
شلون انطا كلبه يعوفني وحدي
هسه لو مرجعني الاهلي وهو رايح الاهله
على الاقل يسوي موقف شريف اخير وياي
بس على هذا موقفه مستحيل اسامحه
وبعد حتلو يعتذر مراح اسامحه ابد
وصلت امي بس شفته رجعت ابجي من جديد
راسي راح ينفجر من البجي
شكد دموع اكو بعيني مجاي تخلص
امي....ليش تبجين ووين زوجج
مسك... اخذيني للبيت بعد ماابقى هنا
امي...ليش وحدج ووين مازن
مسك...مااريد اسمع اسمه اخذيني للبيت
شالت امي الجنطه ونزلنا بلمصعد
امشي بلاوعي الحد هاي اللحظه اني ما مصدكه نفسي
مامصدكه مازن اتخلى عني بليلة عرسنا
أجرنا تكسي ورجعنا للبيت
اول مادخلت كبل الغرفتي قفلت الباب عليه
امي...ليش قفلتي الباب غير افهم شكوووو ليش رجعتي
ووين زوجج
مسك...عوفيني رحمه الله مااريد احجي بهذا الموضوع
امي ماكانت مطمئنه للموقف ابد لان شكلي مبين منهاره
قررت تتصل على مازن حتى تفهم منه شصار بينا
تليفونه كان مغلق
بقت تحاول طول النهار بس تليفونه مغلق
بقيت كل النهار بغرفتي
انام شويه بس اكعد واذكر الشي الي صار وياي
ارجع ابجي مره ثانيه
للعصر امي كسرت باب الغرفه
امي....افتحي الباب اريد افهم ليش رجعتي ومازن وين ليش مايرد عليه
بقت تدك بلباب كسرته تكسير
كمت فتحت الباب
امي....عوفي البجي خل افهم شصار حتى اكدر اخذ حقج منه فهميني ليش تبجبن ليش رجعتي
مسك....اني مريضه
امي...شنو مريضه مافهمت
مسك...اني عندي سرطان وكنت ضامه عليج مازن من عرف اني مريضه عافني بليلة عرسنا ويتهمني
جذابه واستغلاليه
امي...يمه بنيتي مريضه من يمتى مريضه ووين مريضه
عزا العزاني يمه بتي
مسك.... بصدري الجهه اليمنى
امي...من يمتى
مسك...صار اسبوعين من عرفت وكنت ضامه عليكم
ماحبيت اضوجكم
من حجيت المازن زعل وعافني وحدي بلفندق بليلة عرسنا
امي...ياا مازن يابطيخ ليش ماحجيتي
هيج مرض ما ينسكت عنه ليش اني مااعرف
مسك...ماردت اخوفكم عليه وتخرب ليلة عرسي
امي...وتموتين مو حتى لا يخرب العرس تموتين
ولج انتي شنو من عقل
شلون سكتي اذا صار ببج شي اموت اني اموت
ماعندي غيرج بهاي الدنيا
اني عايشه علمودج
امي...ووين التحاليل
مسك....هسه اطلعهن
امي...من باجر نعيد كل التحاليل
مسك....مااتعالج اني اريد اموت
امي...هو بكيفج تموتين تموتين واني عايشه صدك جذب
مسك...لاتحاولين مراح اتعالج اني اريد اموت
امي....ممنوع اجيبين طاري الموت كدامي فهمتي لو لا
انصدمتو بمازن مثلي
لقراءة باقي الفصول اضغط هنا