رواية عبيري
الفصل السابع7
بقلم ساره محمد
صحيت الصباح نشيطه قمت استحميت وصليت وكويت شعري وعملت ميكب خفيف ولبيت وطلعت صبحت علي ناس بابا
عصام: عسل ده لو ما اختي كنت عرستك
عبير: ههههههه اسي م حصل شي خلي بابا يتبري منك واعرسك
بابا : ههههههههههههه فكرتي يا بت عبد الخالق
عبير: هههههههههه بنتك يا غالي
ماما: اليله المزاج رايق شكلو ف سبب
عبير: شوفتكم براها سبب
عصام: طيب انا طالع خلي بالك من نفسك
عبير: وانت كمان حبييي اتحصن عشان ما يسحروك
عصام: حااااضر
عصام مرق وبقيت قاعده مع بابا
بابا: اخبار خالد شنو متواصله معاو
عبير: اي امس اتصل علي امورو بايظه شويه
بابا: خير مالو ؟؟
عبير: والله يابابا مشا عشان يجيب مرتو وبنتو لقي مرتو رافعه عليو قضية طلاق
بابا: لا حوله ولا قوه الا بالله جنت ولا شنو
ماما: اصلا الأجانب م بستمرو ف الزواج
عبير: ربنا يهديهم عشان خاطر بنتهم صغيرة ما عندها ذنب
بابا: ان شاء الله يحصل الخير
عبير: ان شاء الله
بابا: يلا انا طالع معاكم سلامه
عبير: الله يسلمك يا غالي
بابا طلع اتصلت علي الترحيل قال ربع ساعه ويصل مشيت عملت لي قهوه وجيت لقيت ماما وربا بتكلمو ومن شافوني سكتو
عبير: خير شكلكم كنتو بتقطعو فيني
ماما: روبا اطلعي غرفتي جيبي لي الدواء
روبا: حاضر يا ماما
روبا طلعت وانا مسكته تلفوني وبشرب ف القهوه
ماما: عبير عاوزه اتكلم معاك ف موضوع من غير ما تنفعلي
عبير: خير يا ماما
ماما: انا عارفه مهند كسرك قدر شنو
عبير: ماما كن ده الموضوع اخير اقفلي
ماما: ممكن تهدي هو بس عاوز فرصه م عشان يرجع علاقتو معاك بس قال م مستحمل ان تجافيو م خلا زول م دخلو واسطه واليله اختي ضربت تبكي بس قالت عاوزاك تسامحيه
عبير: ماما انا م عايزه كلام ف الموضوع ده انا والله مزاجي كان رايق بس خلاص خرب وانا حامشي استني الترحيل ف الشارع مع السلامه
طلعت وانا م شايفه قدامي من الزعل لا وكمان فاتح نفسو يحرش امو علي امي بالجد م عندو موضوع الترحيل جا ودقينا الونسه لحدي م وصلنا الشركه وكل زول علي شغلو واليله جا اخو خالد اسمو طارق جا يتابع الشغل لحظي م خالد يجي طارق نفس ملامح خالد عمرو ٢٨ سنه
طارق: عبير ممكن تجي مكتبي
عبير:؛اوكي جايه
مشيت لطارق ولقيتو مجهز الفطور
عبير: استاذ طارق قلت عاوزني
طارق: ايوا م متعود اكل براي وبعدين خالد موصيني عليك
عبير: بس انا كنت ماشه الكافتيريا
طارق: م حصل شي اعتبري المكان ده الكافتيريا يلا انا جعان
فطرنا وطارق كان عكس خالد كلامو قليل وماسك تلفونو فطرنا وطلب لينا قهوه
طارق: عبير من خلال تقاريرك عرفت انك مجتهده ف شغلك
عبير: لازم ده واجبي ولا كيف
طارق: صح كلامك خالد م كذبب لمن قال انك مميزه
عبير: ما تبالغ م للدرجه دي
طارق:؛ههههههه م ببالغ والله
عبير: ماف مشكله انا حامشي عندي شغل لازم اخلصو
طارق: طيب اتفضلي
مسيت مكتبي انتهيت من شغلي جاتني مكالمه من رقم غريب فتحت الخط وانا كنت مشغوله
:ألوو عبير
الصوت م غريب علي معقوله يكون هو
عبير:: منو معاي
انا مهند عليك الله ما تقفلي
عبير: جبت رقمي من وين وعاوز شنو
مهند: انا بس عاوز اتكلم معاك ان شاء الله عشره دقائق والله م اذيدهم
عبير: طيب تعال لي بعد نص ساعه ف الشركه
مهند: طيب طيب جاي
قفلت التلفون وانا اعصابي بايظه بس قلت اشوف نهايتو لانو النقه كترت رجعت لشغلي وخلاص اخر ملف جاتني مكالمه من مهند
عبير: ايوا
مهند: انا قدام الشركه
عبير: طيب تعال الكافي عشان انا دوامي لسه
مهند: طيب
قفلت ملفاتي وانا ماشه لاقيت طارق ف الممر
طارق : علي وين
عبير: ماشه الكافي
طارق: وانا زاتي يلا نمشي سوا
عبير: طيب يلا
مشينا الكافي وأثناء م نحن داخلين مهند شافني داخله مع طارق وبضحك وقف علي حيلو ونادي علي
طارق: ده منو
عبير: ده ود خالتي وجاني ف موضوع مهم
طارق: طيب خلصي منو وحاستناك نشرب قهوه سوا
عبير: اوكي
طارق مشا قعد ف تربيزه وانا نشيت علي مهند وسلمت عليو بكل برود
مهند: عبير شكرا انك وافقتي تقابليني
عبير: لاني زهجت من النقه وانا م زي زمان اعصابي بقت ما بتستحمل
مهند: طيب والله انا اسف علي الحصل
عبير: واللهو؟؟؟
مهند: عبير والله برودك ده بعذبني انا سنتين وانا م قادر اعيش طبيعي انا طول الوقت بفكر فيك
عبير: مممم طيب ولو كنت لسه علي علاقه ب رنا كان برضو حاتفكر فيني ولا عشان هي عملت نفس العملتو فيني وده الخلاك تحس بنفس احساسي وتانيب الضمير
مهند: والله انا كنت معمي يا عبير انتي عارفاني بحبك من واحنا صغار بس الفترة ديك انتي كنتي بعيده مني بسبب قرايتك وهي بقت أقرب لي
عبير: يعني عاوز تفهمني اني السبب ف خيانتك لي صاح
مهند: انا بس بوضح ليك الحاله الكنت فيها
عبير: مهند البينا انكسر ومستحيل يتصلح حاتكون ود خالتي وبس فهمت م تفكر ف شي تاني
مهند: طيب عاوزك تسامحيني وبس
عبير: خير سامحتك
مهند: طيب نكون اصحاب زي زمان
عبير: صعب لكن بحاول
مهند: طيب نشرب قهوه سوا
عبير: اسفه لان استاذ طارق عازمني وهو انتظر كتير
مهند: مممم طيب م مشكله مرة تانيه وشكرا انك سمعتيني
عبير: العفو عن اذنك
قمت من تربيزتو ومشيت لطارق
طارق: اخيرا راسي حايطرشق
عبير: اسفه الكلام كان كتير شويه
طارق: ممممم شكلو موضوع مهم
عبير: حكاية وخلصت
طارق: طيب حاكلب القهوه قهوتك كيف
عبير: بحليب وبدون سكر
طارق: تمام
طارق طلب القهوه وبقي يتونس معاي ومهند لسه قاعد م عارفه سبب قعادو بس كان مركز معاي انا وطارق وانا م شغاله بيو
عبير: خالد عمل شنو ف مشكلتو ؟؟
طارق: لسه والله المفروض اليله عندهم محكمه
عبير: ما كان لازم الأمور تصل لهنا عشان خاطر ليندا
طارق:والله اتكلمنا بس ماف فايده بس هو مصر ياخد بنتو
عبير: ماف ام بتخلي طفلها
طارق: بس هي م مهتمه بيها
عبير: ولو ف النهايه امها
طارق: كلامك صاح انتي عارفه انا مرات بحس انك اوعي من سنك حتي اوعي من خالد زاتو
عبير: هههههههه عشان قصيرة وكده
طارق: هههههههه لا م قصدي اصلا قصرك ده المبقيك حلوة
عبير: هههههههههه تسلم رفعت معنوياتي ٢٠ %
طارق: ههههههههه بس
عبير: هههههههه اتخيل
عاينت للساعه الدوام قرب يخلص
عبير: انا خلصت قهوتي لازم امشي عندي تقرير لازم أسلموا قبل الدوام م يخلص
طارق: طيب امشي وانا شويه وطالع
عبير: طيب
مشيت ومهند جا وراي
مهند: عبير انا منتظرك ارجعك البيت
عبير: بس انا عندي ترحيل
مهند: اليله بس عشان احس انك سامحتيني
عبير؛ طيب نص ساعه واخلص
مهند: وانا حاكون منتظرك
مشيت مكتبي واشتغلت ف التقريروسلمتو لطارق وخلص دوامي لميت حاجاتي وطلعت لقيت مهند حارسني من شافني فتح لي الباب ركبت واتحرك طوالي وانا طول الوقت ساكته
مهند: احم عبير رايك شنو نتغدا سوا
عبير: لا
مهند: عليك الله م تكسفيني
عبير؛ اوكي خليني اكلم بابا عشان م يقلق
مهند: طيب
اتصلت علي بابا؛؛؛؛:
عبير: بابا كيفك
بابا: تمان الحمدلله
عبير: بابا انا حاتغدي مع مهند م بتاخر
بابا: اي عارف هو استأذن مني خلس بالك من نفسك
عبير: ان شاء الله
قفلت من بابا وبقيت اعاين لمهند
مهند: انا اسف بس م حبيت اطلع معاك بدون اذنهم
عبير: مممممم طيب
مشينا مطعمي المفضل اللهو اصلا عارفو قعدنا وطلبنا الاكل بس اللحظه دي اتءكرت خالد م شعرت بنفسي الا وانا بتصل عليو
عبير: كيفك
خالد: بيرو وربي مشتاق ليك
عبير: بلالكتر والله انا حيت اتغدا ف مطعنا واتذكرتك
خالد: يا الله خليتيني اشتاق ذيادة
عبير: ههههههههه اخبارك شنو
خالد: جايه والله عندي محكمه بعد ساعه
عبير: خالد انت مصر ماف تراجع
خالد: اليله المحكمه بتقرر
عبير: وليندا كيف
خالد: متأثره شويه اي هي طفله وامكن م فاهمه شي بس حاسيها م كويسه
عبير: يا حرام ربنا يهديكم عشان خاطرها بس
خالد: ربنا يسهل اها الشغل كيف
عبير؛ والله كل شي تمام واليله طارق نزل شغل
خالد: اي قال لي وكمان وصيتو عليك عشان عارفك مهمله ف نفسك
عبير: هههههههه وهو م قصر
خالد: ههههههه لازم لازم وانتي اسي معاو
عبير: لا انا طلعت من الشركه بتغدا مع مهند
خالد؛ ممممم مهند قلتي لي يعني رجعتو
عبير: لا طبعا بحكي ليك بعدين
خالد: طيب حانتهي من الجلسه وارجع ليك تمام
عبير: تمام بوس لي ليندا
حالد: من عيوني
قفلت من خالد بالجد لمن اتكلم معاو بنسي اي شي حتي مهند القدامي كنت ناسيتهو قفلت التلفون وختيتو لقيت مهند مركز معاي
مهند: ده خالد الكنتي واقفه معاو يوم الخطوبه
عبير: مممم ياهو ف حاجه
مهند: لا بس ظاهر انو قريب ليك
عبير: تقدر تقول أقرب زول علي قلبي
مهند: بتحبي
عبير: لا لانو متزوج بس هو صديقي المقرب
مهند: والقبيل ف الشركه
عبير: انت عاوز تصل لشنو م تنسي اني قلت ليك م تتدخل ف حياتي الخاصه
مهند: اسف والله يلا أكلي
عبير: خير
اتغدينا وبقينا نتونس حسيتو عاوز يفتح معاي مواضيع باي طريقه وانا كنت متجاوبه معاو لحدي م خلصنا وصلني البيت دخلت سلمت علي ناس ماما ومشيت غرفتي بدلت ملابسي ورقدت نمت