رواية زهرة الاوركيدو
الفصل السادس6
بقلم نوفا
دخلت غرفتي وبقيت افكر ف كرم لحدي م نمت
بلسان كرم:::؛؛
دخلت المطبخ كنت جعان لقيت ملك قاعده وخاته يدها ف راسها لمن رفعتو عيونا مورمه ومحمرة قالت لي مصدعه مشيت غرفتي حبت ليها مسكن وغصبت عليها تاكل بس فجاءة لقيت دموعها نازله م استحملت وقلت اخير السطوح تغير جو طالعين السلم حسيت بيها حاتقع مسك يدها وبقيت ساندها وانا اصلا ريحة عطرها موتراني وصلنا السطوح ولقينا عثمان قلت ليو انزل اعمل قهوه نزل قلت ليها ابكي عشان ترتاحي وبالجد بكت وانا قلبي اتقطع عليها بقيت ماسك يدها لمن هدت وعثمان جا نزلت طوالي مشيت مشوار ولمن طلعت السطوح لقيته بتتكلم ف التلفون شكلها اتصالحت مع حبيبها بدون قسط سمعتو بقول ليها اشتقت لتقبيلك الساعه ديك انا حسيت بالغيرة اي هو حبيبه وامكن ف البلد الكانو عايشين فيها كان عادي بس م استحملت وبقيت واقف لمن خلصت م كنت عاوز اتكلم معاها عشان م اغلط رميت لي كلمتين صعبات وهي نزلت طوالي وانا رقدت ف السرير بفكر ف الخصل يعني انا لي شاغل نفسي بيها انا بحب رغد وم حاحب غيرها
الصباح:؛؛؛:،؛
علا: لوكه استيقظي
ملك: مابك حبيبتي
علا: اخبري ماما اني لا اريد الذهاب للمدرسه
ملك: لماذا عليك متابعة دراستك
علا: لالا اريد هنا اريد العوده
ملك : حبيبتي يجب أن تتعودي حسنا انظري الي اشتاق لحياتي هناك لكن علينا أن نرضي بالواقع حسنا
علا: حسنا هيا انهضي المنبه رن منذ نص ساعه
ملك: اوووبس
قمت استحميت ولبست بنطلون بمبي وقميص ابيض وطقمت بالأبيض ونزلت صبحت عليهم
احمد: شوف المز ده
بابا: يا ولد بتشاغل بتي قدامي
احمد: اعمل ليك شنو انت جايب الخليه كلها
بابا: هههههههههه
عمي: نعرسها ليك طوالي
احمد: لالا اكبر مني م عايزها
ملك: وهو البرضي بيك منو
احمد: ههههههههه
عثمان : يلا ارح الجامعه يا اخت
ملك: يلا. علا حبيبتي كما اتفقنا سأتصل بك
علا: حسنا حبيبتي بااي
طلعنا العربيه وركب معانا كرم
عثمان: كروم عربيتك م طلعت من الصيانه
كرم: مالك زهجت مني
عثمان: لا بس عشان طولت
كرم: اي بفكر ابيعها دي المره التالته اصلحها
عثمان: اي اخير ليك
كرم: ملك بقيتي كيف من الصداع
ملك: كويسه الحمدلله
كرم: الحمدلله
كرم نزل مننا ووصلنا للجامعه ودخلنا المحاضره طوالي جاتني رساله من محمد
محمد[ شنو يا عسل فاتحه لينا مالك]
ملك: [ انا ف المحاضره [
محمد[ طيب ممكن الاقيك بعد المحاضره]
مللك[ اوكي ف الكافيه ]
محمد[ طيب ]
انتهيت من المحاضره ومشينا الكافي لاقيت محمد
محمد: كيفك ملك
ملك: تمام وانت
محمد: بعد شوفتك احسن
ملك: ما ذا كنت تريد
محمد: ملك ممكن نكون اصحاب حابي اكون قريب ليك
ملك: نحن اصحاب فعليا
محمد: لا م اصحاب يعني اتعرفت عليك مرتين بس ورقمك شلتو بعد طلاع روح ولي يومين برسل ليك م بتردي علي اها وين الصحوبيه
ملك: اسفه محمد انا بس كنت متناقشه مع شخص والتلفون م بهبشو
محمد: حبيبك؟
ملك: بصراحه اي
محمد: ده غبي البزعل ملاك زيك انا لو في مكانو م اخلي العيون الحلوة دي تزعل
ملك: انت تتغزل
محمد: بصراحه اي ف زول يشوف الجمال ده وم يتغزل بيو يبقي اعمي
ملك: هههههههههههه مجنون
محمد: اها اصحاب
ملك: اصحاب
محمد: عاوزك لمن تضايقي تجي تحكي لي اعتبريني دكتورك النفسي
ملك: اووكي انت مرتبط؟؟
محمد: كنت بس انفصلنا
ملك: لي؟؟
محمد: بتغير علي شديد واي حاجه بتعمل منها مشكله
ملك: الغيره حب علي فكرة
محمد: عارف بس خنقه ف نفس الوقت
ملك: مممم واسي ماف تاني
محمد: في بس م قادر اعبر ليها
ملك: عشان ماله ؟؟؟
محمد: للأسف طلعت بتحب واحد تاني
ملك: احم انت قصدك ؟؟
محمد؛ اي يا ملك انتي والله حبيتك من يوم شفتك ف شارع النيل انتي ف راسي م قادر انساك بس لمن قلتي انك مرتبطه اي شي اتكسر
ملك: اسفه محمد بس ده الحصل
محمد: يا ستي انسي المهم نحن اصحاب صاح
ملك: صاح
محمد: طيب ارح اوصلك لعثمان عشان انا عندي محاضره
ملك: اوكي يلا
مشينا لعثمان ودخلنا محاضرتنا بعد الدوام خلص رجعنا البيت ولقيناهم بتغدو
حبوبه: نسيبتك بتحبك
ملك: ههههههه كيف يا حبوبه
حبوبه: يعني لمن تحي مع الاكل معاناها بتحبك
عثمان: بختك يا عم ماكس
ملك: اسكت يا خيوان
عثمان: احم
بابا: ماكس مالو ومال نسيبتها
ملك: بابا عثمان بخرف عشان اتكلم مع ماكس كم مرة فاسمو جا بالغلط
بابا : اممممم اي لانو ماف زواج من أمريكي تمام
ملك: اوكي بابا انا حامشي ابدل ملابسي
مشيت غرفتي وانا زعلانه من كلام بابا يعني ما حاتزوج ماكس لا كيف الكلام ده اتصلت علي ماكس ما ردة لي بدلت ملابسي ونمت طوالي
عاصم: عثمان ده شنو العملتو ده
عثمان: والله م قاصد قلت احتمال عارف بعلاقتهم
احمد: برضو م كان تلخبط ملك زعلت علي فكرة
علا: اجل لم يكن عليك فعل ذلك
احمد: اتكلمي عربي حبه
علا: وهل ضايقتك ف شي
اجمد: اجل اريدك ان تتحدثي لغتنا
علا: لا استطيع والان علي الذهاب لرؤية ملك
شهد: علا سأذهب معك هيا
علا وشهد طلعو الغرفه لقو ملك نايمه علا عرفتها زعلانه لأنها لمن تزعل بتلجا للنوم
صحيت المغرب لأن شهد وعلا بلعلعو ف راسي
ملك: هنالك شي اسمه احترام النايم
شهد: لكن انتي نايمه ليك ٣ ساعات كفاك زاتو
علا: لوكه هل انتي بخير
ملك: اجل حبيبتي بخير
علا: ابي ضايقك بحديثه صحيح
ملك: لا تقلقي انا بخير انا حائعه
شهد: ارح ناكل طيب
ملك: اوكي امشو قدامي المطبخ وانا اتحمم واجي
شهد: اوكي هيا علا
دخلت ادوشت وفكيت شعري عشان في بداية صداع وبلعت لي مسكن ومشيت المطبخ لقيت علا وشهد واحمد ختو الاكل
ملك: ممممم هنالك اشياء لذيذه
احمد: لعيونك بس
ملك : تسلم لي حمودي
احمد: حمودي عديل الله اتعملي الرد يا ست علا
علا: غبي ليس اكثر
ملك: علا تهذبي ف الحديث
علا: اسفه لوكه
ملك : احمد وين عثمان وعاصم
احمد: عاصم طلع وعثمان ف غرفتو زعلان من الحصل حاسي انو سبب ليك مشكله
ملك: لا هو مال ليو دخل طيب حامشي اشوفو
احمد: والاكل ؟؟
ملك: استنو انادي عثمان اوكي
مشيت غرفة عثمان دقيت الباب
عثمان: منوو؟
ملك: لوكه
عثمان فتح الباب طوالي
ملك: شنو يعني قافل الباب وقاعد براك بتحب ولا شنو
عثمان: لا بس زعلان من نفسي اكون عملت ليك مشكله
ملك: عثمان انا والله م زعلت بس انا كده لمن يبدأ نقاش بحاول اتحاشا عشان كده طلعت غرفتي
عثمان: يعني م زعلانه مني
ملك: زعلانه بس مع عشان الفي بالك عشان انا حاموت من الجوع وانت لسه بترقي
عثمان: هههههههههههه قطعتي قلبي
ملك: يلا الجماعه حارسننا بالأكل
عثمان: يلا يلا نفسي انفتحت
طلعنا مشينا اتغدينا واحمد قال نطلع السطوح جهزنا القعده وشلنا معانا حاجات وقعدنا نتونس شويه كده جو عاصم وكرم والونسه كانت حلوة بالجد واعجبني انو علا بدت تتعود علي اولاد عمي وشهد كانت بالنسبه ليها زي اختها بقينا نتونس للساعه ١٠ وبعد كدة كل زول مشا غرفتو عدا الاسبوع علي خير واليله احمد اخوي جاي من أمريكا مشينا انا وعثمان وعلا نستقبلو ومن شفنا جرينا اتعلقنا ف رقبتو لمن وقع وبقينا مضحكه
ملك: اشتقت اليك كثيرا
احمد: وانا اكثر خبيبتي لقد جلبت لك هديه
ملك: هديه؟؟
شويه كده وجا ماكس وانا م صدقت
ماكس: الا تريدي إلقاء التحيه
ملك: لكنك لم تقل انك اتي
ماكس: أحببت أن اجعلها مفاجاءة
سلمت عليو طبعا ف يدو لان قدام الناس م بقدر احضنو وعرفتوعلي عثمان ومشينا البيت