رواية زهرة الاوركيدو
الفصل السابع7
بقلم نوفا
وصلنا البيت والعائله كانو منتظرين احمد اخوي وماكس كان مأدب شكلو احمد محزرو سلمو عليهم وابوي سأل ماكس من جيتو هنا قال ليو جيت شغل طبعا انا عارفه سبب جيتو المهم انتهي السلام والتعارف وكل زول مشا غرفتو وماكس نزل مع احمد ف غرفتو وانا مشيت غرفتي من التوتر دخلت استحميت وبقيت راقده جاتني مكالمه من ماكس
ملك: الو
ماكس: حبيبتي أين انتي
ملك: ف غرفتي هل تريد شيئا
ماكس: اجل أريدك انتي ايمكنك المجئ
ملك: لكن احمد
ماكس.: استأذنت منه هيا تعالي
ملك: حسنا اتيه
طبعا احمد اخوي متفتح شويه وهو صاحب ماكس وعارف أنو ماكس م بعمل غلط كنت لابسه بجامه طويله وشعري فاكي ختيت لي طرحه كبيره ف كتفي ومشيت البيت كان صاحي وصلت غرفه احمد فتح لي الباب
ملك: صحبك المجنون ده حايودينا ف داهيه
احمد: هههههههههه سلمي عليو قال م لقا فرصه يتكلم معاك
ملك: اووكي
احمد: انا حامشي اشرب سيجارة واجي تمام
اجمد طلع ودخلت الغرفه وماكس من شافني جا حضني بالجد اشتقت ليو
ماكس: حبيبيتي اشتقت لرائحتك
ملك: وانا ايضا حبيبي هذا يكفي افلتني
ماكس: دعيني قليلا فقط
طبعا ماكس طويل ومعضل وشعرو كتير وعندو لحيه سودا مع لونو الأبيض دمااار
بقينا حاضنين بعض قريب ٥ دقائق حتي فكاني ومسك يدي قعدنا ف السرير وبقي يمرر يدو ف شعري
ماكس: حبيبتي اما زلت لا استطيع تقبيلك
ملك: ماكس ماذا قلنا هذا لا يصح
ماكس: قبله خفيفه اوعدك
ملك: اووف حسنا
قرب مني مسك وشي بيدينو وباسني ف شفايفي
ماكس: أجمل م تذوقت
ملك: هههههههه هذا يكفي هيا أخبرني لماذا أتيت
ماكس: احم حسنا أتيت لاتزوج بك
ملك: ماذا ماذا تقول
ماكس: اهدئي حبييتي مابك
ملك: ماكس لماذا تريد فعل هذا فإن والدي لن يوافق
ماكس: ساجعله أوافق انتي اخبريني هل مستعده للزواج مني
ملك: اجل لكن
ماكس: اشششششش سأفعل م بوسعي كي تعودي معي وانتي زوجتي حسنا
ملك: حسنا لكني خائفه
ماكس: لا تخافي انا معك حسنا
ملك: حسنا سأذهب الان
ماكس: ابقي معي قليلا
ملك: حبيبي لا استطيع قد يرانا احد
احمد دق الباب طوالي قمت من جنبو
اجمد: كفايه كده يلا غرفتك
طلعت وانا جسمي مهبط ما عارفه زاتو وصلت كيف رقدته ف السرير حضنته نفسي لانو ريحه ماكس معلقه فيني وبقيت اتذكر لمن كان قريب لي لمن نمت
بلسان كرم:؛؛؛؛؛
رجعت من الشغل بتغدا جا داخل عثمان وملك ومعاهم احمد اخوها وماكس طبعا من شفتو انا الجن ركبني م عارف لي يعني جيتو دي م ساي اي هو حبيبه واحتمال اتزوجو بس عمي رافض لكن قلبي ماكلني من جيتو انا ما بقول م بحبها بس بغير عليها م عارف السبب بس ياهو الحصل معاي
الصباح:؛؛:؛
اليله الجمعه والناس كلها ماجزه قمت استحميت ولبست بنطلون جينز ومعاو تونك بالأبيض ونزلت تحت لقيتهم بشربو ف الشاي احمد وماكس ماف شكلهم لسه نايمين قعدت جمب ماما وبشرب ف الشاي طبعا عثمان وعاصم بشاغلو فيني ف موضوع جية ماكس وانا م شغاله بيهم
شويه كده جا نازل كرم صبح علينا وبقي قاعد وكالعاده صامت بس نظراتو م عجبتني كانو زعلان م اشتغلت بيو بابا قال عاوز قهوه قمت اسويها ليو مشيت المطبخ فتحت الغاز وختيت التنكه حسيت بيد بارده مسكت يدي قبلت لقيتو ماكس وكان قريب لي انا جسمي هبط وخوفت زول يشوفنا
ملك: با مجنون ماذا تفعل هنا
ماكس: صباح الخير اولا
ملك: صباح النور متي استبقظت
ملكس: منذ الساعه ال٧ لكن احمد لم يستيقظ ولم استطع النزول بمفردي لكني رايتك قفلت اتي اليك
ملك: ههههههههه حسنا حسنا لكن عليك أن تكون مادب حسنا
ماكس: اوكي
سويت القهوه وطلعنا انا وماكس وصلنا للعائله صبح عليهم وقعد جمب الشباب كبيت ليو الشاي وبقي يتونس مع عثمان وعاصم بس كرم كان ساكت طول الوقت
حبوبه: يلا يا بنات قومن علي الفطور عشان الصلاة قربت
ماما: ماكس هل احمد م زال نائما
ماكس: اجل
ماما: ملك امشي صحي اخوك عشان الصلاة
ملك: حاضر يا ماما
مشيت علي غرفة اجمد ولقيتو متجدع نايم طبعا ما بصحي بالساهل شلت كباية مويه وف وشو طوالي
احمد: مللللللللك مالك ياخ
ملك: الناس دي كلها صحت قوم كفاك
احمد: اوووف انا الجابني شنو
ملك: قوم الصلاة قربت
اجمد: طيب طيب وين ماكس
ملك: ماكس صاحي من ٧ واستناك م صحيت طلع قعد مع الشباب
احمد: طيب طلعي لي الجلابية
ملك: اووكي
احمد دخل الحمام فتحت شنطتو وطلعت ليو جلابيتو وعاوزه اطلع حا ماكس
ماكس: الي اين انتي ذاهبه
ملك: سأذهب لاجهز الفطور
ماكس: اممم وين حضني اليوم
ملك: ماكس احمد ف الحمام
ماكس: جيد سيأخذ زمن هيا تعالي
جراني من يدي ولقيت نفسي بين ضلوعو حضني وباسني ف خدي وفكيت الجريه وخليتو بضحك
مشيت المطبخ لقيتهم عاملين لحمه اتذكرت انو ماكس نباتي زي عملت ليو سلطه وفي فول طعمتو ليو وجا عثمان شال الفطور فطرو ومشو الصلاة وانا وشهد وعلا جهزنا القهوه وقعدنا مع حبوبه ف العريشه والرجال جو من الصلاة وكل واحد اسمح من التاني ماشاء الله ومن ضمنهم حبيبي ماكس الكان لابس حلابيه بالاسود شكلو اشتراها مع احمد. كلهم قعدو واجمد وماكس جو قعدو جنمبي احمد كان ف نصنا وكبيت ليهم القهوه وبقو يتونسو وماكس دخل معاهم ف الحو سريع طبعا بتكلم انجليزي وكلهم فاهمنو الا حبوبه تعاين ليو وتكشر وشها
فجاءة ماكس واحمد قالو لأبوي عايزنك ف موضوع انا هنا جسمي نشل مووويه وقلت خلاص اليله موتي بابا ساقهم ومشو غرفة شويه كده وانا متوترة سمعت صوت بابا بكورك مع احمد عمي وحبوبه ومرت عمي كلهم مشو انا بقيت قاعده م قادرة اتحرك جو شهد وعلا قعدو جمبي
شويه كده حسيت بيهم هدو جاني عثمان مقلع عيونو
عثمان: ملك بنادوك
ملك: انا
عثمان: لا خيالي يا بت مالك تعالي
مشيت ورا عثمان وانا كرعيني تقاال لقيتهم مرصوصين بعاينو لي
بابا: ملك انا حسالك سؤال واحد انتي موافقه علي ماكس
ملك: انا انا
عمي: لوكه م تتوتري احنا واقفين علي موافقتك
دنقرت راسي وقلت ليهم اي وكنت مستنيه كف بس الحصل ماما وحبوبه حو خصنوني وباركو لي
بابا: خير البر عاجله الجمعه الجايه عقدكم لان ماكس حايجهز اوراقو ويسوقك أمريكا
طبعا م علقت جريت غرفتي جري وانا م مصدقه كيف ماكس اقنع بابا
بدت تجهيزات العقد وماكس منعو يشوفني طبعا جا يوم الخميس وكانت الحنه ماكس كان لابس جلابيه بيضاء بس ابا يتحنن حنن يد واحده بس والشباب مشغلنها ليو
بلسان كرم::؛؛؛
يوم الجمعه بنشرب ف الشاي جات ملك وكانت حلوة شديد وكالعاده ما شلت نظري من عليها عمي قال عاوز قهوه مشت تسويها ليو ولمن جات راجعه جا معاها ماكس وكانو بضحكو كبت ليو الشاي والنظارات والضحكات امها قالت ليها امشي صحي احمد مشت وهنا ماكس القعده قلبتو اتحجج انو نسي حاجه وقام وانا قمت وراو لمن وصلت قريب الغرفه لقيتو جاضنها النار ولعت جواي كيف يحضنها أمكن ده العادي عندهم لكن هنا لا عاوز امشي عليها هي اتفكت منو سريع وجرت لمن ختو الفطور عثمان قال لماكس ملك عملت ليك فطور خصوصي لانو نباتي بقيت اعاين ليو عشره عشره مشينا الجامع صلينا وجينا راجعين لقينا القهوه جاهزه بقينا نشرب احمد وماكس قالو عاوزين عمي ف حاجه ضروريه مشو وشويه سمعنا صوت عالي مشينا كلنا وكان احمد بقنع ف عمي انو ماكس يتزوج ملك الخبر وقع علي زي الصاقعه وابوي واخواني ادخلو وحبوبه اقنعو عمي وطلبو موافقه ملك جات ملك والتوتر ظاهر ف وشها لمن وافقت وعمي قال الجمعه العقد لا وكمان حاسوقها بالجد انا الساعه ديك اتشيليت وبدو تجهيزات العرس انا مشيت قعدت مع صحبي بحجه عيان وقاعد براو اليله الخميس مشيت الحنه وشفت ملك جنمب ماكس وكانت خلوة شديد لحدي م انتهت الحفله انا النوم غالبني
عند ملك:
الصباح قمنا مع الجوطه والعقد بعد ساعتين مشيت الكوفير عشان اتجهز وخلاص ومواعيد العقد قربت اتصلت علي ماكس م برد اتصلت علي احمد برضو م رد علي اتصلت علي عثمان وفتح الخط وفجاءة سمعت صوت كواريك ابوي بقول قلت انا العرس ده قلبي م مطمن ليو قلبي وقع وبقيت اكورك لعثمان عشان يحكي لي الحاصل فجاءة ردة بصوت مبحوح
عثمان: ملك ماكس سافر أمريكا وقال م حايقدر يتزوج
انا هنا ما وعيت وقعت من طولي وم حسيت بشي نهائي
بلسان كرم:
جا وقت العقد والمعازيم جو فجاءة لقينا احمد اخو ملك خاتي يدو ف راسو سألنا وقال انو ماكس قال ما حايقدر يتزوج وسافر انا شلت هم ملك وقلت انكسرت زي م انكسرت زمان وتعاد لي شريط الماضي وعمي سكريو ارتفع وخاف من كلام الناس
عمي: انا اعمل شنو اسي الناس تقول شنو
كرم: عمي ما حاندي الناس فرصه تتكلم انا حاتزوج ملك واسي العقد يتم
كلهم انصدمو بس ايدوني وتمينا العقد وانسترنا قدام الناس بس جاني عثمان قال انو ملك اغمي عليها وهي ف المستشفي