رواية عبيري
الفصل الثامن8
بقلم ساره محمد
صحيت علي صوت التلفون عاينت للساعه لقيتها ٨ يعني انا نايمه ٤ ساعات فتحت الخط وانا بين نايمه وصاحيه جاني صوت خالد وشكلو مضايق
خالد: عبير كيفك
عبير: تمام الحمدلله وانت
خالد: اسف شكلي صحيتك
عبير: لالا م مشكله صحيت اصلا مالو صوتك
خالد: مضايق شويه
عبير؛ حصل حاجه ؟؟
خالد: عبير ليندا حاتضيع مني
عبير: كيف ولي حصل شنو
خالد: جلستنا انتهت علي انا وجيسي نعيش تلاته شهور مع بعض
عبير: طيب حلو اها
خالد: هي قدام المحكمه وافقت بس تاني رفضت وقالت حاتعيش ف شقة براها مع ليندا
عبير: بس القانون ف صفك صاح
خالد: اي بس لو هي رافضه م بقدر اعمل شي
عبير: خالد لي م تحاول معاها براحه
خالد: حاولت والله وكل عشان بنتي بس هي راسها حجر ولأنو بلدها كل شي ف صالحها
عبير: كل شي بتصلح انت بس روق
خالد: والله مصدع وزهجان م مصدق انو م حاشوف ليندا الا مرتين ف الأسبوع صعب علي
عبير:: معليش يا خالد كل شي بتصلح انت بس اهدي اسي واخد ليك مسكن اكلت حاجه
خالد: ما عندي نفس
عبير: لازم تاكل عشان تقدر تشوف حل لمشكلتك اسمعني انا عندي صحبتي ف فرنسا ممكن تساعدك هي محاميه شاطره
خالد: جد يعني بتقدر
عبير: م تقلق انا حاتصل عليها وانت اسي قوم اكل وابلع ليك مسكن ونوم ولمن تصحي اتصل علي تمام
خالد: عبير شكرا لانك ف حياتي
عبير: ده واجبي يا خالد يلا اعمل القلت ليك عليو واتصل علي طمني عليك اول م تصحي
خالد: طيب مع السلامه
قفلت من خالد وقلبي واجعني عليو يعني خالد العامري البهز ويرز تهزو مشكله زي دي اتصلت علي صحبتي وكلمتها وقالت لي بحل ليو المشكله دي اديتها رقمو وقفلت منها مشيت اتوضيت وصليت العشاء وبقيت ادعي لخالد انو الله يريح بالو انتهيت ونزلت المطبخ لقيت عصام بيتغدا
عبير: عصوووومي اخبارك
عصام: بيرو نسيبتك بتحبك يلا تعالي
عبير: م عايزين نسايب انا كده فلا
عصام: ههههههه قيلتي كيف
عبير: والله كويسه بس مزعلني خالد
عصام: ف جديد
غبير: اليله كان عندو جلسه والمحكمة قالا يكونو مع بعض ٣ شهور بس مرتو استعملت سلطاتها ورفضت واسي حددت ليو يشوف البنت مرتين ف الأسبوع والله صوتو كان كعب
عصام: مسكين والله الراجل مهما بكون قوي بس في مشاكل صغيرة بتهزو
عبير: اي والله وخصوصا انو براو انا اسي اتصلت علي سابنا تتذكرها هي محاميه شاطرة ف السفارة وقالت لي بلقي ليو حل
عصام: ربنا يسهلا اها وانتي امورك كيف
عبير: اليله قابلت مهند
عصام: كيف ولي م كلمتيني
عبير: اتصل علي ف الشركه وقال الا يقابلني وانا زهجت من النقه فقلت ليو تعال الشركه وحكي الفي قلبو وحكيت الفي قلبي واخيرا اتفشيت
عصام: م يكون ضايقك؟؟
عبير: م تخاف الموضوع داك ختيت ليو حد وف النهايه هو ود خالتنا يعني اهل فبقينا نتكلم عادي يعني فهمتني
عصام: فهمتك وانا واثق فيك حبيبتي
عبير: عارفه والله اها انت كيف ماف حاجه كده ولا كده
عصام: هو انا فاضي طول النهار ف الصيدليه وبين شركات الادويه
عبير؛ هههههههه يعني ماف دكتورة لفتت نظرك
عصام: ف بس مفتريه وشايفه نفسها
عبير: احم شكلو اخوي العسل واقع بس هي م مدياه فرصه
عصام : ههههههههههه تقدري تقولي كده بس انا عندي عزة نفس ف النهايه
عبير: لو بتحبها خت عزة نفسك علي جنب
عصام: ربك يهون
جات ماما داخله المطبخ
ماما: جوز اللوز
عصام وعبير: نعمين هههههههههههه
ماما: اسمعوني خالتكم اتصلت علي وقالت سد المال بعد بكرة
عبير: اختك دي ماله شفقانه كده
ماما: هههههههه هي م شفقانه عمر الشفقان خايف اختكم تغير رأيها
عصام: ههههههههههههه مبالغه
ماما: اقعدو اضحكو كويس الصغيره عرست وانتو اقعدوا هزرو
عصام: احم انتي حاتبدي يا نبعو انا طالع غرفتي الله معاك يا بيرو
عبير: ههههههه جبان
عصام انسحب وانا بقيت مع ماما كتبنا الحاجات المطلوبه للعزومه ورتبت المطبخ وطلعت غرفتي لقيت طارق مرسل لي
طارق[ كيف أمسيتي]
عبير[ تمام وانت ]
طارق[ انا قلت نمتي لأنك طولتي ف الرد]
عبير[ لا صاحيه كنت بتغدا والتلفون ف الغرفه]
طارق[ ممكن اتصل عليك ]
عبير[ طيب ]
طارق اتصل علي ::؛:؛
عبير: هلا بيك
طارق: م اكون ازعجتك
عبير: ماف اي ازعاج زي م قلت ليك كنت بتغدا والتلفون ف الغرفه
طارق: تتغدي الساعه ٩
عبير: م انا جيت من الشغل ونمت طوالي وصحيت جعانه نزلت اكلت
طارق: بالهنا ونوم العوافي
عبير: الله يعافيك يا رب كنت عاوز حاجه
طارق: لا بس حبيت اطمن عليك
عبير: تسلم كتير
طارق: خالد اتصل عليك
عبير: اي وكان مضايق بالجد زعلت عليو
طارق: انتي عارفه انك الوحيده الاتصل عليها احنا من مواعيد الجلسه م برد علينا الا اتصلت علي صحبو وحكي لي الحاصل وقال لي نايم
عبير: يكونن م عايز يقلقكم بس اها وناس بيتكم كيف
طارق: شايلين همو والله
عبير: م تخافو كل شي بتصلح
طارق؛ صح كلامك ربك يهون طيب م ازعجك نتلاقي بكره ف الشركه
عبير: تمام تصبح علي خير
طارق: وانتي من اهل الخير
قفلت من طارق وقلت يعني بالجد انا أقرب وحده لخالد لاني الوحيده الاتصل بي دخلت صفحتو م نشط قلت معناها نايم قفلت التلفون ونمت
الصباح اليوم التالي🌄🌄
صحيت عملت روتيني الصباحي واتجهزت للشغل ونزلت صبحت علي ناس ماما والترحيل جاني وصلت الشغل واليله كان ف اجتماع مهم وحايحضرو ابو خالد اتجهزنا للاجتماع ومشينا وبدينا الاجتماع وأثناء م انا بشرح شايفه ابو خالد سرحان ومرة يركز خلصنا الاجتماع وهو انبسط من من تقديمي شكرتو ومشيت مكتبي اتصل علي طارق
طارق: عبير تعالي المكتب
عبير: طيب جايه
مشيت المكتب دقيت الباب وشفت ابو خالد الكان ماسك راسو وطارق قاعد جمنبو
عبير: احم طلبتني ؟؟
طارق: عبير عاوزك تطمني ابوي علي خالد شوفي حالتو
عبير: عمو والله خالد كويس امس اتكلمت معاو
ابو خالد: انا اليوم الما بسمع فيو صوتو بموت وكمان هو ف مشكله وم سمعت صوتو كيف عايزني اطمن
عبير: عمو خالد مضايق وما عايز يقلقكم انت بس روق
طارق: سامع يا ابوي كلام عبير يعني ماف داعي للعناد ولازم تاكل حاجه
ابو خالد: قلت ليك م عاوز الا أطمن عليو
عبير: طيب يا عمو انا حاتصل عليو
اتصلت علي خالد ورد لي بعد زمن وصوتو كان كانو نايم
عبير: خالد كيفك
خالد: تمام يا عبير معليش كنت نايم
عبير: معليش م تقولا لي انا قولا لابوك المن امس مقلق عليك ومابي الاكل
خالد : م حبيت اقلقهم يا عبير
عبير: لكن انت كده عملت الاكعب ابوك اسي معاي ومابي الاكل الا يطمن عليك
خالد: طيب اديو التلفون
أديت التلفون لابو خالد اطمن عليو وسبحان الله كان رايق معاو بعد خلص اداني التلفون
خالد: عبير ممكن تخليك مع ابوي
عبير: م بتوصيني انت اسمعني سابنا شالت رقمك حاتتصل عليك وريني الحاصل
حالد: طيب برجع ليك بعدين
قفلت من خالد وحسيت عمو ارتاح شويه
عبير: اها نفطر ولا كيف لاني جعانه
ابو خالد: ههههههههه نفطر طوالي
طارق: اسي ضحكت يعني قدرت عليك عبير
ابو خالد: ليها تأثير برضو يلا اطلب الفطور
طلبو الفطور فطرنا واتونسنا وطارق قال بوصل ابو البيت وبجي راجع وانا رجعت لشغلي وأثناء م انا مندمجه الباب دقه
عبير: اتفضل
طارق: كيفك
عبير: هلا هلا
طارق: جبت ليك نسكافيه
عبير: كان ف بالي بس قلت انتهي وامشي اشربوا شكرا
طارق: انا العاوز اشكرك لانك طلعتي ابوي من حالتو القبيل انتي عارفه رجع البيت مبسوط
عبير: دايما يا رب قلب الاب عاد يعمل شنو.
طارق: بالجد عند تأثير قوي يعني ما بس حلوة طيوبه وبتخلي الزول يحبك عصب عنو
عبير: احم احم راسي كبر علي فكرة
طارق: هههههههههههه دي الحقيقه علي فكره
عبير: تسلم يا طارق
جاتني مكالمه من روبا؛:؛::
عبير: روبا خبرك
روبا: كويسه اها خلصتي
عبير: م باقي لي كتير ف حاجه
روبا: كنت عاوزاك تمشي معاي اشتري حاجات لبيتي
عبير: اشي علي بيتي عديل بختك ياعم عمر
روبا: بيرو بطلي يااخ اسمعيني عمر م فاضي عشان كده حايرسل معانا مهند
عبير: مممممم م مشكله
روبا: يعني عادي م زعلتي
عبير: ف النهايه هو ود خالتي واحنا رجعنا عادي
روبا: حبيبتي ياخ خلاص بنجيك زي الساعه ٣
عبير: تمام يا زوله بااي
قفلت من روبا وبقيت مشغوله بتقرير وطارق ماسك تلفونو وقاعد جاهو تلفون شكلو صحبو من فرنسا بقي يتكلم معاو وهو قايلني ما فاهمه كلامو وف نص الكلام قال ليو. هي حلوة وقصيرونه وعيونا عيون ريل والخشم ودعه اللهم بقي يشكر فيني لمن خلص وانا كاتمه الضحكه قفل التلفون
عبير: احم ده كلو غزل فيني
طارق: كيف
عبير: هههههههه بالنسبه لأنك كنت بتغزل فيني وبتوصف لصحبك عيون الريل والخشم ودعه
طارق: ش ش شنو انتي بتفهمي فرنسي
عبير: ههههههههه تتخيل
طارق: طيب انا انا ماشي عن اذنك
طارق طلع وكان مرتبك وانا فكيت الضحكه واتذكرت لمن وقعت مع خالد ف نفس المشكله