رواية زهرة الاوركيدو الفصل الثامن8بقلم نوفا
العائله كلهم مشو المستشفي ولقو علا وشهد ببكو وحكو ليكم انها من سمعت الخبر وقعت
جا الدكتور
بابا: بتي بتي طمني عليها
الدكتور: اسف بس بتك دخلت في صدمه حاولنا نخليها تتكلم بس ماف فايده
بابا: والحلل يا دكتور
الدكتور: اصبرو بس انا حاتصل بطبيب نفسي يجي عليها
بابا: طيب ممكن نشوفها
الدكتور: اكيد بس م تضغطو عليها
الدكتور مشا وكلهم دخلو غرفة ملك وحالها يكفي عن أي سؤال وشها الباهت وشعرها المفكوك ومركبين ليها درب وطبعا سرحانه م بتتكلم ولا بتبكي كلهم اتجرسو من شافوها وابوها بقي حاضنها ويبكي بس هي ولا كأنها هنا
عثمان: لوكه عليك الله اتكلمي
علا: نعم لوكه نحن بجانبك
بابا: ملك يا بتي عليك الله م تقطعي قلبي
كرم: يا عمي م سمعت كلام الدكتور خليها عشان م تبقي ف مضاعفات
الدكتور النفسي جا وقال لازم يفحصها
كلهم طلعو بره وبقي يفحص فيها ويسألها بس ماف فايده
جا طالع ؛؛؛
بابا: اها بتي
الدكتور : اهدا يا حاج بتك كويسه بس هي مصدومه ودي شي عادي
بابا: بس هي م بتتكلم
الدكتور: مع الايام براها بتتكلم انتو اسي سوقوها البيت عشان جو المستشفي م كويس وخليكم جنبها حاكتب ليها ادويه ضد الاكتئاب
كرم: عثمان كمل إجراءات المستشفي شهد امشو مع احمد نضفو البيت ونزلو اي شي يخص المناسبه وجهزو ليها غرفتها
وانت يا عمي امشي ارتاح انا وعلا بنجيب ملك ونجي
بابا: طيب يا ولدي
كلهم مشو وفضل علا وكرم
كرم: علا ايمكنني التحدث معاها علي انفراد
علا: اوكي سانتظرك هنا
كرم دخل وهو حابس دمعتو قرب منها ومسك يدها وبقي يبكي
كرم؛ ملك كوني قويه صح انا م بعرفك من زمان بس الفترة دي عرفتني انتي شنو وانا حاكون جنمبك وسندك
ملك..........
كرم: بس افهمي شي واحد زي م قلت ليك لو بحبك م بخلي دموعك الغاليه تنزل
ملك........
كرم: احنا اسي حانرجع البيت وم عاوزك تتذكري الحصل تمام
كرم باس ملك ف راسها وطلع لعلا قال ليها جهزيها عشان نطلع
عثمان جهز العربيه وكرم شال ملك ركبها العربيه وركب معاها ورا وخت راسها ف طرفو وصلو البيت شالها دخلها الغرفه طبعا هو الوحيد الحاسي بوجعها عدا اليوم وملك م بتاكل ولا بتشرب وبس ساكته
ماما: يا بتي لمتين اتكلمي
ملك....
حبوبه: كرعلي يا بتي كان مدسي ليك وين ده
مرت عمي: يا علياء نادي ليها كرم الوحيد البقدر عليها
ماما: اي نادي غلبتني عديل
مرت عمي مشت نادت كرم طبعا هو عصب لمن قالو ليو م اكلت من امس طلعهم بره الغرفه وقفل الباب وجا كفكف يدين قميصو وقعد جنبها
كرم: ملك لمتين عاوزه تموتي انتي
ملك....
كرم: ملك م تخليني اطلع من طوري فاهمه
ملك........
كرم م استحمل وطوالي أداها كف وهي مع الكف دموعها نزلو وكرم لمن اتخلع وبقي حاضنها وببكي معاها
ملك: خلاني خلاني يا كرم خلاني
كرم: ما بستاهلك والله
ملك: انا عملت شنو عشان يعمل فيني كده
كرم: اششششش كلو لخير ةابكي عشان ترتاحي
ملك😭😭😭😭😭😭😭😭😭😭
كرم بقي حاضنها لمن حسه بي جسمها تقيل زحاها لقاها مغمي عليها رقدها ف المخده جاب عطر شممها ليها صحت عاينت ليو وتاني نامت هو اطمن انها كويسه
مشا طمن امها وقال لشهد اقعدو معاها انا ماش مشوار
وفعلا علا وشهد دخلو قعدو معاها