رواية احببته ولكن
الفصل السابع7
بقلم ساره محمد
صحيت بصوت علا راكبه جنمبي ف السرير
علا: خالتو قالو ليك تعالي الغدا
غزل: حبيبه قولي ليهم اكلو ما عايزه
علا طلعت ورجعت نمت تاني
معاذ: علا وين. خالتو
علا: قالت اكلو انتو هي م عايزه
حنان: تكون ماله
معاذ: احم تكون شافت الحبوب
حنان: مممممم انت نسيتها ولا شنو
معاذ: ممم نسيتها
حنان: طيب حاطلع اشوفها
معاذ: لا السلم خطر عليك خليها براحتها م عاوزها تحس نفسها مضغوطه
حنان : طيب ارح ناكل
اتغدينا وأم حنان مشت عشان الشغاله جات العيال مشو غرفهم وانا وحنان بقينا ف الصاله بس انا بفكر ف غزل خايف اطلع ليها الغرفه تتوتر
حنان: حبيبي انا نعست حامشي انوم
معاذ: انا جاي معاك ارح
مشيت مع حنان قلت أمكن لمن اكون جنمبها أوقف تفكير ف غزل حنان رقدت ف حضني ونامت طوالي
عند غزل؛؛؛؛::
صحيت جسمي مكسر من كتر النوم وجعانه عاينت للساعه لقيتها ١٠معقوله نمت قدر ده نزلت مشيت المطبخ فتحت التلاجه لقيت الغدا سخنتو واكلت وعملت لي كباية قهوه وعاوزه امشي غرفتي قلت اشوف معاذ نايم ولا صاحي فتحت غرفتو لقيتها فاضيه عرفت انو بكون مع حنان مشيت غرفتي وختيت شيتاتي وبقيت اقرا للصباح قمت استحميت وصليت وجهزت حالي للجامعه ونزلت تحت لقيت معاز وحنان بشربو ف الشاي
غزل: صباح الخير
معاذ وحنان: صباح النور
حنان: أصبحتي كيف
غزل: تمااام
حنان: امس اكلتي
غزل: اممم صحيت زي ١٠ اكلت انا طالعه عشان م اتأخر
حنان: طيب معاذ انت م طالع
معاذ: لا حتاخر شويه
غزل: طيب يلا حنون م تنسي حبوبك
حنان: طيييب
طلعت وانا مستغربه من تصرفات معاذ يعني أمس م جا فقدني واليله مفروض امرق معاو م اشتغل بي طلعت مشيت الجامعه حضرت محاضرتي ومشيت المستشفي وطول النهار معاذ ما اتصل علي اتصلت علي حنان
غزل: جنون قيلتي
حنان: تمام والله وانتي
غزل: كويسه الحمدلله
حنان: حتتاخري اليله
غزل: لا المغرب كده وبجي
حنان: تمام نستناك بالغدا
غزل: طيييب
قفلت منها وواصلت شغلي للمغرب كده خلصت مشيت البيت لقيت عربية معاذ قاعده يعني ولا كلف نفسو يتصل علي
دخلت لقيتهم قاعدين بتونسو سلمت عليهم وطوالي دخلت غرفتي بدلت ملابسي ونزلت اتغديت واستاذنت منهم طلعت غرفتي وبقيت اقرا
حنان: معاذ اليله مالك مع غزل
معاذ: كده احسن م عاوزها تكون مضايقه مني
حنان: بس هي كده خاتفهم غلط م شايفه م بتتكلم يعني انت عودتها عليك واسي بتنسحب
معاذ: م عارف يا حنان بس شايف كده احسن
حنان: طيب براحتك بس كده علاقتكم م حاتتطور وانا عارفاك بتحبها
معاذ:بحبها وبس انا بقيت مدمنها بس م عاوز اخرب كل شي
حنان: طيب براحتك انا ماشه انوم
معاذ : طيب تصبحي علي خير
يعني بالجد اني م اتكلم معاها يوم كامل كانت بالنسبه لي زي العقاب بس عاوزها تكون مقيده بقيت قاعد ف التلفزيون للساعه ١٠ غزل جات نازله مشت المطبخ شالت مويه ومشت طوالي ولا عاينت لي بالجد زهجت من نفسي طلعت غرفتي وبقيت افكر لمن نمت
الصباح ؛:::::
صحيت استحميت وصليت وكنت مصدعه بلعت مسكن وجهزت نفسي للجامعه ونزلت شربت الشاي وكنت ساكته
معاذ: اوصلك ؟؟
غزل: لا حامشي بعربيتي ومن الجامعه حامشي بيتنا
حنان: مالك ماشه فجاءة
غزل: اشتقت لأهلي خاقعد معاهم كم يوم
حنان: غزل عاوزاك ف الغرفه ممكن
غزل: طيب
مشينا غرفة حنان ومعاذ كان ساكت
حنان: غزل في خاجه زعلانه من شي
غزل: لا لي
حنان: لا بس فجاءة تقولي ماشه بيتكم
غزل: زي م قلت ليك اشتقت لأهلي
حنان: انا زي اختك لو ف شي وريني
غزل: لا ماف انا طالعه خلي بالك من نفسك تمام
حنان: تمام
طلعت غرفتي شلت شنطتي ختيتها ف العربيه واتحركت طوالي علي المستشفي لانوم كان ف محاضرات
عند معاذ:::::::
حنان: مش قلت ليك خاتفهمك غلط
معاذ: م قايل الأمور بتصل لكده
حنان: وحاتخليها
معاذ: خليها يومين علي راحتها وبمشي احيبها انا طالع عاوزه حاجه
حنان: لالا
طلعت وقرار انو تمشي أهلها مقلقني معقول تبعدلالالا م حاخليها حاتصل عليها
اتصلت عليها بس م بترد أمكن مشغوله انشغلت بالاجتماعات جاتني مكالمه منها
معاذ: الووو كيفك
غزل: تمام لقيت منك مكالمه حنان كويسه
معاذ: ممم كويسه انا اتصلت عاوز اقول ليك حاحه
غزل: معاذ معليش انا مشغوله مع السلامه
قفلت الخط لالا بالجد هي زعلانه مني
عند غزل:
يعني هو شغال علي كيفو مره يبعد ومره يقرب انتهيت من شغلي ومشيت بيتنا ولفيت سامي اتونست معاهم والتلفون اصلا قافل م اشتغلت بيو الا معاذ اتصل ف تلفون امي سلم عليها وسالها مني حابت لي التلفون
غزل: ايووا
معاذ: يعني م كنتي ناويه تطمنيني عليك
غزل: انا كويسه التلفون ف الشنطه ومقفول
معاذ: طيب ممكن تفتحيو
غزل: معليش معانا ضيوف حنان كويسه
معاذ: اي كويسه
غزل: تمام سلم عليها
قفلت الخط وسامي كان مراقبني وتقريبا فهم اني زعلانه من معاذ
سامي: احم انا من جيت وانتي م طبيعيه احكي يلا
غزل: عاوزه اطلع ممكن
سامي: طيب ارح
طلعنا مشينا كافي طلب لي قهوه
سامي: اممم سامعك
غزل: سامي انا مضايقه شديد انت عارف انا ومعاذ من يوم اتزوجنا وهو قريب لي فجاءة كدا بقا يبعد وم بتكلم فهمت
سامي: بدون سبب
غزل: اي
سامي: طيب م اتكلمتي معاو سالتي
غزل: لا طبعا ولا بسألو شغال علي كيفو هو
سامي: غزل ماهو انتي لو م عرفتي السبب حاتكوني محتارة عمرك كلو
غزل: سامي ممكن تقفل الموضوع
سامي: معاذ؟
غزل: مالك يا زول
سامي: شوفي ده معاذ
قبلت لقيت معاذ ف الطربيزه الجنبنا ومعاو بت واخر ونسه وضحك م اتمالكت نفسي مشيت الطرببزه
معاذ: غزل ؟
غزل: مممم غزل الانت اتغيرت فجاءة عليها بسبب بت وكمان حنان الراقده ف البيت كمان بتخونها بالجد سقطت من نظري
معاذ: غزل افهمي دي
غزل: م عايز افهم وم تتصل تاني فاهم
طلعت وانا م شايفه قدامي وسامي طلع وراي بس م لحقني سقت وانا ببكي وتاني م وفجاءة انصدمت بعربيه وتاني م وعيت
بلسان معاذ؛؛؛؛
قالت ماشه أهلها م حبيت امنعها قلت بترتاح يومين وتجي اتصلت عليها قالت مشغوله المسا قلقت عليها اتصلت تلفونها قافل اتصلت ف تلفون امها اختصرتني وقفلت منها جاتني مكالمه من صديقه قديمه وقالت عاوزه تتكلم معاي ف موضوع ومشينا مافي وأثناء م بتونس معاها حات غزل وكانت زعلانه هي فهمتني اني بخونها وم ادتني فرصه اتكلم وجرت ركبت عربيتها ووراها سامي لسه ماشي علي عربيتي اتصل علي سامي انو غزل عملت حادث ونقلها المستشفي الدنيا سودت ف وشي انا السبب
مشيت الدكتور طمنا قال كسر ف اليد وشويه خدوش دخلت الغرفه كانت نايمه لسه بقيت قاعد جنمبها
صحيت وانا متالمه م عارفه الحصل علي شنو فتحت عيوني لقيت معاذ جمبي وسامي واقف
غزل: س س امي عاوزه امي
سامي : اتصلت عليهم بجو اسي
معاذ: غزل حمدلله علي السلامه
غزل: سامي قول ليو يطلع
معاذ: غزل اديني فرصه اشرح ليك
غزل: سامي فهمو اني مصدعه
سامي: معاذ هي صحت يا دوب خليها ترتاح
معاذ: طيب بس م حامشي الا تسمعني
معاذ طلع وسامي قعد ف الكرسي وانا نمت تاني شكلو المخدر قوي