رواية زي ماهي حبها
الفصل السابع7
بقلم بسمة محمد
طلع دا عمر قال ياربي دي قطعه من الجنه دقيقه دقيقه يانجمه منو اللزاك من السماء 😂😂طبعا مابعرف ارد على الكلام دا ضحكت ليهو قال لي والله جعفر الجواك داك كان حارمنا من ملاك قلت ليهو ياعمر بطل يؤؤؤخ عينو ماشالها مني قلت ليهو عمر ماتعاين لي والله اقوم 😂😂قال لي خلاص تاني قال لي اتحصنتي يابت 😂قلت ليهو عمر 😡 قال لي خلاص اسي مااشتقتي لي والله انا مشتااااااق ليك قلت ليهو ربنا يكتر الناس البتشتاق لي قوم ارح نشوف باقي الشله قال لي لا خلينا هنا احسن من الجوطه قعدنا كدا جات واحده دفعتو اسمها روان تشيل وتتظارف معاهو انا ماعارفه اللحظه ديك حسيت بي شنو وهو كانو انا ماف من جات روان طوالي استاذنت منهم ورجعت لي باقي الشله ومزاجي قالب 120 درجه ضربت لي مرافى قلت ليها انا راجعه الداخليه قالت لي مالك قلت ليها ماف حاجه تعبانه شويه رجعت الداخليه غلبني النوم وانا بفكر معقوله انا بغير على عمر يعني انا بحبو نفضت الافكار دي من راسي رجع لي عمر مارديت عليهو صمت تلفوني ونمت ماصحيت الا مع العشاء صحتني مرافئ قالت لي يابت مالك الحاصل شنو وسبحان الله من عاداتي مابحكي حاجه لي زول خااالص لما اكون انا نفسي مامتاكدة منها قلت ليها ماف حاجه قالت لي خلاص قومي صلي على بال ماامشي الكافتريا واجيب عشاء قلت ليها طيب قمت اتوضيت وصليت كل الصلوات الفاتتني واتعشينا كنت اليوم داك حاسه نفسي ماتمام قلت احتمال من النومه بتاعه العصر بس تاني يوم مشينا الجامعه حضرنا محاضراتنا ونزل الجدول بتاع العملي في المستشفى انا والاء واحمد نفس القروب وسهى وشيراز مع بعض ومرافئ ومصطفى مع بعض ❤️كانت مبسوطه قلت ليها عاد كلام لكن انا كنت نازله مدسن (باطنيه) عنابر وسهى وشيراز ER Medicine (حوادث باطنيه) مصطفى ومرافئ ER surgery (حوادث جراحه) شوشو تشيل وتحكي لي وانا اضحك عليها جاء عمر سلم علينا وشوشو مشت مننا قال لي مالك امبارح مالك طلعتي من غير ماتكلميني قلت ليهو واكلمك ليه قال لي كدا يعني قلت ليهو ماف داعي اكلمك كنت طالعه وطلعت الموضوع بسيط قال لي مالك مابتردي على تلفونك طيب قلت ليهو كنت نايمه معليش مرافى منتظراني وطلعت خليتو ضربت لي مرافى قلت ليها منتظراك انا ارح رجعنا الداخليه وانا نفسي ماعارفه ليه اتعاملت كدا معاهو رجعنا الداخليه وانا حاسه نفسي جسمي ماتمام نمت وماصحيت الا انا في المستشفى ومعاي مرافى ومصطفى وعمر قلت لي مرافي الجابني هنا شنو قالت لي جاتك حمى وكنتي بتتشنجي ضربت لي مصطفى وجاني معاهو عمر قالو عندك تايفويد والتهاب في الدم الابيض وضغطك نازل شديد اخدت لي درباات وحقن جاء داخل عمر ومصطفى قالو لي انت كويسه قلت ليهم الحمدلله عمر اصر امشي معاهو بيتهم قلت لي دا كلام شنو مستحيل طبعا قال لي مرافى زاتها تمشي معاك قلت ليهو لا يعني لا لا رجعونا الداخليه كنت ممنوعه من حاجات كتيرة مرافى تعبت معاي شديد مرافى دي اقرب لي من اخت ❤️اصبحنا الصباح مرافئ مشت الجامعه وشالت معاها الاورنيغ المرضي حقي ودتو الاداره وكل البنات جوني بعد الدوام وكل واحدة تحنس فيني امشي معاها البيت بس كنت مصرة ماامشي مكان ضرب لي ابوي قعدت ابكي ليهو في التلفون يشيل ويحنس فيني قال لي اديني مرافئ اديتها التلفون قال ليها يابتي انتو هناك اخوات خلن بالكن من بعض مامحتاجه توصيه يابتي بس احلام دي خلي بالك منها شديد ولو حصل ليها اي حاجه ارجعي لي بس كويس قالت ليهو ان شاء الله والله ياعمو احلام دي اختى مابتوصى فيها جات جدعت لي تلفوني وقالت لي اسمعيني هنا تاني اوعك تتجرسي لي عمو والله اكتلك جد جد يابت حني عليهم حبه هم شايلين همك وانك عيانه وبعيده منهم وفوق لي دا تتجرسي ليهو كدا خافى الله فيهو يابت الاء قالت ليها يامرافى ماكدا لكن قالت ليها دي مابتجي الا كدا 😂طلعو كل واحده على بيتها مرافى قالت ماشه المكتبه دخلت الواتس كتبت في حالتي حاله لي نزار قباني وتنسى كانك لم تكن 💔💔 ضرب لي عمر ماردت عليهو كم مكالمه كدا مارديت بعد ربع ساعه كدا جات مرافئ شايله تلفونها قالت ليهو ياعمر والله ياها دي كويسه طيب هاك ليها ادتني ليهو قال لي احلامي انت كويسه حاسه بي حاجه قلت ليهو تمام الحمدلله قال لي طيب مالك مابتردي قلت ليهو تلفوني صامت طبيعي قال لي صامت وداخله الواتس قبل دقيقه في شنو انت الحاصل شنو قلت ليهو ماف اي حاجه حاصله قال لي تمام قفلنا على كدا مرافى تعاين لي بي قعر عينها 🌝قالت لي مالك يابت انت مع الولد دا دايرة تجنني الولد ضرب لي قال لي وين احلام قلت ليهو في الغرفه قال لي يامرافى عليك الله هي كويسه قلت ليهو والله كويسه قال لي خلاص امشي ليها شوفيها 🌝🌝وريني مشكلتك شنو بس قلت ليها والله يامرافي ماف شي فاتت خلتني انا لمن احس نفسي حاخسر حاجه بخليها وببعد عنها 😂المهم مرت الايام وعلاقتي مع عمر بقت السلام عليكم وعليكم السلام خلاص السمستر قرب يخلص وانا لسه في نفس حالتي ديك تسيب وعدم قرايه الا بالشكل من مرافى وباقي الشله وسبحان الله فوق دا لو قعدت ساعه بس بنجز الهم بينجزوهو في ايام 😂يوم خاته صورتي وفيها اموجي وكاتبه نفسك هي من تسندك ولكني اخاف من نفسي ان تخزلني كما يفعل بي الاخرون دخل لي خالد قال لي بت عم مالك ماعاجبني حالك الايام دي قلت ليهو والله كويسه الحمدلله لكن انت عارفني مجنونه وبكتب حاجات ساهي وانا بتونس معاهو ضرب لي عمر والحقيقه كنت مشتاقه لي انو انتونس معاهو جد جد فتحت ليهو قال لي الناس الكعبه الما بتسال من الناس ضحكت وقلت ليهو تربيتك قال لي يغفر ليك الله انا زيك قلت ليهو واحد اها مالك مختفي كدا 😂قام ضحك قلت ليهو شكلك مربط ليك مع واحدة الايام دي شايفه حالات الواتس قال لي والله فيك تقولي كدا قلت ليهو والله قال لي جد قلت ليهو دي منو الامها داعيه عليها دي قال لي اتفو عليك من دي صحبه 😂😂قلت ليهو اها منو قال لي بت دفعتنا روان تتذكريها...