رواية عائلة الدمنهوري
الفصل الثامن8
بقلم تسنيم محمود
سماح بعياط :لا يا ابني متقولش كده انت هتفضل هنا مش هتسافر وتسبني
كريم :خلاص يا ماما انا حجزت الطياره
سماح :اما نشوف يا كريم هتسافر ازاي
كريم :ماشي يا ماما هنشوف
(سماح سابته وخرجت من الغرفه وهي بتعيط واتجهت الي غرفه كريمان)
كريمان قامت مخضوضه :مالك يا طنط بتعيطي ليه
سماح بعياط :كريم يا كريمان
كريمان بخضه :ماله كريم يا طنط اي اللي حصل
سماح :جدك يا كريمان وقف كريم عن العمل وطرده من المستشفى علشان اللي عمله معاكي بس هو والله ندمان على اللي عمله وهو اكيد عمل كده لسبب وكمان لما لقى جده عمل معاه كده قرر ان هو هيسافر وانا عايزه ابني جنبي مش عايزاه يسافر وانتي اللي عندك الحل انك متخليهوش يسافر
كريمان بتفكير :يعني اعمل اي
سماح :بصي يا بنتي كريم بيحبك جدا وهو ندمان جدا على اللي عمله فياريت تديله الفرصه انه يتكلم معاكي ويفهمك هو عمل كده ليه وكمان خلي جده يرجعه الشغل علشان هو بيحب شغله جدا وكمان يمنعه من السفر علشان كريم دماغه ناشفه وعنيد فممكن ميرداش يرجع المستشفى تاني
كريمان :خلاص يا طنط متقلقيش انا هعمل كل اللي حضرتك قولتيه
سماح :ربنا يخليكي ليا يا بنتي وميحرمنيش منك وربنا يصلح ما بينكم انتي وهو يا حبايبي
كريمان :حبيبتي يا طنط ويخليكي ليا يا طنط
سماح :ممكن تقوليلي يا ماما
كريمان :ماشي يا ماما
سماح :يلا روحى اعملي اللي قولتلك عليه علشان كريم طيارته النهارده بليل كمان خمس ساعات
كريمان :حاضر يا طنط قصدي يا ماما
سماح بضحك :قلب ماما والله
كريمان :انا هروح اكلم كريم الأول وبعد كده اكلم جدي
سماح :اعملي اللي انتي عايزاه اهم حاجه متخليهوش يسافر
كريمان :ماشي يا ماما متقلقيش مش هيسافر صدقيني يلا سلام
(كريمان فعلا اخذت بعضها وراحت
على اوضة كريم وخبطت على الباب)
كريم :مين
كريمان :انا كريمان ينفع ادخل
كريم :اتفضلي
(كريمان دخلت بالفعل وقعدت جنبه
على السرير )
كريم باستغراب :في اي يا كريمان
كريمان :اي اللي في اي ازعجتك ولا اي
كريم :لا خالص بس انا مستغرب وجودك هنا
كريمان :هو فيها أي اما واحده تيجي تتكلم مع جوزها شويه
كريم باستغراب : جوزك! اتفضلي اتكلمي يا ستي مع جوزك
كريمان :ينفع بقى يا اللي اسمك جوزي اعرف انت ليه ضربتني وزعقتلي على سبب تافه زي ده انا خايفه اني ممكن اعمل حاجه كبيره مش تكلمني بهدواء وتفهمني لا انت بتضرب وبتزعق بس انا مكنتش متوقعه منك كده خالص انت ليه عملت فيا كده ممكن افهم
كريم بضحك :اي ده هو انا في تحقيق ولا اي
كريمان بجد : تصدق انك بارد بصحيح ما تخلص تفهمني
كريم :بصي يا ستي انا قبل كتب الكتاب بيوم كان في ورق وحاجات مهمه في المستشفى اختفت وانا اللي مسئول عن الورق ده علشان انا اللي ماسك المستشفى مكان جدي وهو بيروح كل فتره والورق ده لو ملقتهوش ممكن تحصل مشكله كبيره في المستشفى علشان كده انا كنت متعصب فاتعصبت عليكي انا اسف يا كوكو والله انا اسف اسف
كريمان :خلاص يا كريم بس انت ليه عايز تسافر
كريم :علشان انا مليش حاجه هنا وكمان هطلقك علشان انتي مش عايزاني وكمان متجوزاني غصب عنك
كريمان :لا مش هتسافر يا كريم ومتقوليش انك ملكش حاجه هنا اومال انا فين وماما سماح فين وعمو احمد وآلاء وجده وعمو محمد وسهي وسمر وطنط صفاء
كريم :طب انتي موافقه اني اطلقك
كريمان :امممم بصراحه كده لا انا عايزه افضل مراتك وياريت لو في اي مشكله في الشغل قولي ونحاول نصلحها مع بعض تمام
كريم :تمام
(الجد دخل عليهم مره واحده)
الجد لكريمان :انتي اي اللي جابك هنا
كريم اخذ كريمان في حضنه :اي اللي انت بتقوله ده يا جدي وحده وقاعده مع جوزها فيها أي
الجد بزعيق :انت اي اللي انت بتهببه ده والله انت واحد مشافش تربيه يا خسارة تعب ابوك في تربيتك
كريمان :يخربيتك انا هروح اكلم جدي ابعد كده بقى
(وفعلا بعد كريم عنها)
كريمان لجدها :تعالي يا جدي عايزاك في موضوع مهم
الجد وهو مش فاهم حاجه :تعالي يا بنتي انا نشوف اخرتها
(فعلا كريمان اخذت جدها اللي الاوضه)
الجد: في اي بقي
كريمان :بص يا جدي مينفعش ناخذ قرار لحد ونعاقبه على حاجه من غير ما نفهم هو عمل كده ليه يعني مثلا ممكن يكون عنده مشكله في الشغل أو مضايق من حاجه ف احنا كمان منزودش عليه الحمل يعني بدل المشكله يبقى اتنين المفروض نقف جنبه علشان هو من لحمك يعني لازم تبقى معاه في الحزن قبل الفرح مش من اول مشكله يعملها نعاقبه عقاب وحش كده هو ممكن العقاب ده يبقى بالنسبه ليك خفيف لكن بيبقى بالنسبه له وحش وجدا كمان انت يا جدي فصلته عن العمل فصلته عن الحاجه اللي انت عارف ومتاكد جدا أن الحاجه دي هي كل حياته ليه بتعمل فيه كده يا جدي ارجوك اتكلم معاه وافهم منه هو عمل كده ليه ممكن يبقى في سبب كبير ومحتاج منك مساعده
الجد :خلاص يا كريمان انا هتكلم معاه وهرجعه الشغل بس انتي ليه بتعملي كده مع ان هو ضربك