رواية عائلة الدمنهوري
الفصل التاسع9بقلم تسنيم محمود
كريمان :مهو جوزي يا جدي وقبل ما يبقى جوزي كان ابن عمي يعني زي اخويا وكمان انا محكمتش عليه زي حضرتك يا جدي انا قعدت اتكلمت معاه وفهمت هو عمل كده ليه بس برده انا مش هنكر اني هفضل زعلانه منه لان المفروض اللي يبقى عنده اي مشكله في الشغل يبعدها عن حياته الشخصيه هو من حقه اه يبقى زعلان أو مضايق وبالفعل هيكون متعصب لكن ميجيش يتعصب عليا لدرجه انه يضربني يوم كتب كتابنا انا هفضل زعلانه وعمري ما هسمحه على اللي حصل ده انا عملت كده بس علشان ماما سماح علشان هي زعلانه جدا علشان كريم عايز يسافر ويسيب البلد بس هي جت اتكلمت معايا وانا تفهمت الموضوع وعملت كده علشان ماما سماح مش علشان كريم علشان هو مش فارق معايا خالص اصلا
الجد :انتي من حقك تعملي كده والله يا بنتي ولو عايزه تطلقي منه دلوقتي انا موافق بس سامحيني يا حبيبتي انا اللي غلطان والله اني جوزتك غصب عنك انا اسف يا كوكو سامحيني والله انا عملت كده علشان متسبنيش و تسافري
كريمان :لا يا جدي انا مش عايزه طلاق علشان يدوبك مكملناش اسبوع لو اتطلقنا دلوقتي مش هنخلص من كلام الناس يا جدي ولا اي وحضرتك يا جدي مش ليك زنب اني اتجوزه مكنتش إتجوزته حتى لو حضرتك كنت عايز كده وانا إتجوزته علشان ربنا عايز كده بس انا مكنتش متخيله كده يا جدي انا اول اما شفته كان طيب جدا في التعامل معانا انا والاء وسهى وسمر وكان لينا الأخ الكبير السند والضهر لكن بعد ده كله يعمل كده انا مكنتش متوقعه كده خالص وكمان انا عندي وجهه نظر تانيه اني مطلقش منه اني عايزه اندمه على اللي عمله عايزه اوريه ازاي يمد ايده على كريمان الدمنهوري
الجد :ماشي يا كريمان يا بنتي اعملي اللي انتي عايزاه وانا معاكي
كريمان :ينفع يا جدي اطلب من حضرتك طلب
الجد :طبعا طبعا يا بنتي اتفضلي
كريمان :وعد يا جدي هتوافق عليه
الجد :وعد يا قلبي
كريمان :عايزه حضرتك ترجع كريم الشغل يا جدي
الجد بصدمه :عايزه اي
كريمان :كريم يرجع الشغل
الجد :لا يا كريمان انا بربيه
كريمان :مينفعش يا جدي التربيه مش كده حضرتك فعلا لو عايز تربيه ربيه بالعقل كده ولا اقولك اديله شغل كتير علشان يتربى عدل ويشيل اليوم كله مش شيفت واحد
الجد :حاضر يا كريمان اموت واعرف بتفكري في اي يا كوكو
كريمان :بعد الشر عليك يا قلبي ده انا هوريه ايام سوده
الجد بضحك :ماشي يا بنتي
.......... عند كريم كان قاعد على السرير عمال يفكر هيعمل اي في المشكله دي قطع تفكيره صوت التليفون بيرن وكان عمر
عمر :اي يا برنس انت عجبتك القاعده في البيت ولا اي انت هتعمل فيها عريس بقى اومال لما تعمل الفرح وتاخذها بيتك هتعمل فينا اي
كريم بضيق :بس يا بابا اي مسوره واتفتحت براحه يا باشا وبطل نبر بقى علشان انا بوظت الموضوع خالص تعالالي اللي يباركلك عايز اتكلم معاك علشان انا تعبان اوي
عمر :اي اللي حصل بس انا هجيلك اهو هستناك في كافيه.....
كريم :اشطا انا هجهز وانزلك
عمر :اشطا وانا كمان
.................. بعد مرور وقت...................
كريم لبس وكان نازل لكن لقى جده جاي عليه
الجد :انت رايح فين ياض
كريم بنفاذ الصبر :خارج يا جدي في حاجه
الجد :كنت عايز اتكلم معاك
كريم :معلش يا جدي مستعجل
(ومشي كريم)
......... في الكافيه كريم وصل ولقي عمر قاعد عمر شاور لي وراح له وقعد جانبه وهو باين عليه ان في مشكله كبيره لان عمر بيفهم كريم من نظراته
عمر :مالك يا ابني هببت اي شكلها مصيبه كبيره
كريم :امممم
عمر :يعني انا بتكلم صح وفي مصيبه كبيره
كريم :ايوه
عمر :براحه كده وقولي هببت اي علشان نقعد نفكر في حل
كريم :ماشي وحكي له اللي حصل معاه هو وكريمان
عمر بصدمه :ينهرك اسود اي ده انت مجنون
كريم بزعيق :هو انا كل ما اكلم حد يقعد يقولي انت مجنون هو في اي يا جدعان بجد انا تعبت وكمان انا عملت كده غصب عني والله ما تفهموني بقى والله انا تعبت
عمر :لا اهدي كده من امتى وكريم الدمنهوري بيعمل كده براحه كده وبهدواء فهمني اي اللي حصل وان شاء الله خير وكمان عايز اعرف عملت كده لي
كريم :بص يا عمر انا عملت كده علشان كان في مشكله في المستشفى كبيره جدا
عمر :اي بقى المشكله الكبيره دي
كريم بهدواء :بص متقطعنيش وانا بتكلم بص في دكتور في المستشفى معايا اسمه دكتور مجدي الدكتور ده بيتاجر في الأعضاء الدكتوره معاه ناس بتخليه يعمل كده في عمل مصيبه في المستشفى وخلي كل الممرضين يقولو ان انا اللي عملت المصيبه دي وعطل الكاميرات وعمل ده كله من تخطيط التجار اللي معاه والراس الكبيره بتاعهم أدى كل اللي شاركوا معاه فلوس كتير جدا علشان يعترفوا عليا وبالفعل البوليس جه علشان يشوف كلمهم صح ولا لا وبدأ بتفتيش الغرف كلها بتاعت الدكاتره و الممرضين علشان يشوف الادله اللي تثبت ده لقى في فلوس كتير جدا في الدولاب بتاعي وده اثبت ان انا اللي عملت كده وكمان شهاده الممرضين كلهم عليا وده خلي وده اللي خلي التهمه تلبس فيا انا في الآخر وانا مش عارف اعمل اي +ان ده كله حصل قبل كتب الكتاب بيوم وانا كنت متعصب جدا ومضايق جدا علشان انا اول مره مبقاش عارف اتصرف كده وكمان انا معنديش ادله ادافع بيها عن نفسي انا بجد تعبت وكمان جدي جه يوم كتب الكتاب انا كنت رايح المستشفى علشان أحول افهن اي حاجه من الدكاتره وكمان الكل عارف قد اي دكتور مجدي ده مش بيطقني علشان هو كان اشطر دكتور في المستشفى وانا جيت بعده وبقيت مشهور في وقت قليل علشان كده هو لبسها ليا وعلشان انت ظابط وكده ومش اي حاجه انت ظابط في مكافحه المخدرات والمفروض تساعدني وكده واقولك كمان انا كذبت على كريمان