رواية زهرة الاوركيدو
الفصل التاسع9
بقلم نوفا
فعلا شهد وعلا مشو قعدو معاها وهي كانت نايمه بعد ساعتين صحت فتحت عيونه وكانت ماسكه راسها
علا: لوكه استيقظتي اخيرا
شهد: لوكه انتي كويسه
ملك:: ماما عاوزه ماما
شهد. : طيب طيب
شهد جرت كلمت امها والعيله كلها جات الغرفه وامها وابوها حضنوها وبقو يبكو
ملك: بابا انا اسفه م كان لازم أوافق
بابا: الحصل حصل با بتي اهم شي انك كويسه
ملك: بس انا عملت ليكم فضيحه يابابا
بابا: ماف اي فضائح كرم قدر الموقف وعقد عليك وكده ماف زول اتكلم
ملك: كرم مالو
ماما: كرم لمن شاف حالة ابوك خاف من كلام الناس عقد عليك
ملك: يعني انا وكرم
بابا: اي با بتي ربنا يسعدكم
بقيت مصدومه يعني كيف كرم زوجي هو ستر الحصل بس م عارفه راسي كان جايط بابا قال خلوها ترتاح مرقو كلهم بقت قاعده معاي ماما وعلا
ملك: ماما انا مصدعه
علا: ساجلب لك مسكن
جابو لي المسكن وبقيت راقده ف طرف ماما وانا بفكر ف الحصل لي ماكس يخذلني وكرم م يخلي الناس تتكلم فيني اتذكرت لمن حضني وبقي يبكي معاي وقدر شنو حسيت انو حنين أمكن عشان نفس جرحو بقيت افكر الباب دقه
ماما: اتفضل
الباب فتح وجا كرم داخل
كرم: اها ان شاء الله احسن
ماما: احسن كانت مصدعه وبلعت مسكن
كرم:طيب يا خالتي ممكن اتكلم معاها وف المسافه دي تجهزي لينا الغدا
ماما: طيب
ماما قامت وانا قعدت ف السرير لميت شعري وكرم قفل الباب وجا قعد جنمبي
كرم: احم انتي طبعا عرفتي الحصل
ملك: ممم عرفت وشكرا لأنك م خليت الناس تتكلم ف ابوي
كرم: ملك انا ود عمك يعني تهمني سمعة العيله يعني العملتو طبيعي وم محتاج شكر
ملك: انا م كنت عارفه الحايحصل والله بس هو خزلني😭😭
كرم: اشششش م عاوزين بكا تاني فهمتي انتي بتهميني وانا ما بسمح لدمعه تنزل منك
ملك😢
كرم: انا اسي زوجك بس م تخافي ما حاقيدك بعلاقه وكده يعني عاوزك تكوني براحتك بس قدام العيله نتعامل كأننا زوجين تمام
ملك: تمام
كرم: واسي عاوزك تقومي تاخدي دش عشان ناكل
ملك: طيب
قمت من السرير وانا يا الله قادرة امشي سندني وصلني لحدي الحمام دخلت فتحت الدش ف شعري وحسيت نفسي احسن لبست لي بجامه وطلعت لقيتو منتظرني جمب الباب مسك يدي وقعدني ف السرير شعري كان لين حاب المنشفه وبقي يحفف لي فيو بالجد حسيت انو زول كويس م زي هو ظاهر عليو الباب دقه مشا فتحو وكانت شهد جابت الغدا شال منها الصينيه وقفل الباب
كرم: يلا الاكل
ملك: والله م عندي نفس
كرم: عايني انا ما شاورتك افتحي خشمك يلا
بقي ياكل فيني زي الطفل يا كل لقمه ويديني لقمه لمن شبعت وشربني العصير
ملك: بالجد شكرا ليك
كرم: ماف وحده بتشكر راجلها ولا شنو
ملك: احم
كرم: م تخجلي يلا انا ماشي لو احتجتي شي اتصلي علي تمام
ملك: طيب
كرم طلع رغم زعلي بس قلبي كان مبسوط رقدت نمت طوالي
بلسان كرم:
اتزوجتها اعمل شنو قلبي م طاوعني اشوف عمي مكسور ولمن مشينا المستشفي وشفت خالتها قلبي وجعني شديد واتزكرت رغد بعد الحادث وموتها رجعنا البيت وم شفتها الا امي جات قالت لي ملك مابيه الاكل والشراب مشيت وانا كلي غضب يعني عاوزه تموت نفسها طلعتهم وقفلت الباب اتكلمت بس ماف رد خلاص أخلاقي ضاقت م حسيت الا وانا بديها كف بس دموعها نزلو وكده حسيت بيها وعت وهي حضنتني طوالي وبقت تبكي وانا زاتي بكيت معاها حسيت بيها تقلت فوقتها ورجعت نامت طلعت قبر رغد وبقيت اتكلم معاها لمن ارتحت ورجعت البيت عرفت من عثمان انو كلموها بزواجنا مشيت لقيتها راقده ف طرف امها استأذنت منها تطلع هي طوالي صلحت قعدتها ولمت شعرها بس وشها كان كعب اتكلمت معاها وحسيتها شايله هم ابوها انو لو م اتزوجتها كان حصل شنو هديتها وطمنتها وطلبت انها تتحمم عشان ترتاح وسندتها دخلت استحمت ولمن جات طالعه وشعرها مبلل قعدتها ف السرير وحبت المنشفه وبقيت انشف ليها فيو وريحتو المجنناني الغدا جابو كانت رافضه تاكل بس مسكت حنكها وبقيت أكلها زي الطفل وهي اكتفت ف انو تعاين لي ف عيوني لحدي م حسيت بيها شبعت وشربت العصير قلت ليها تاخد راحتها وطلعت منها مشيت السطوح بقيت بعاين ف النجوم وافكر ف الحصل ده كلو واكتفيت بكلمه عسي ان تكرهو شيئا وهو خير لكم ونمت علي كده
الصباح ؛؛؛::::":
ماما : لوكه لوكه اصحي
ملك: مممم اي يا ماما
ماما: انتي كويسه
ملك: ممم احسن
ماما: يلا قومي ادوشي عشان تشربي الشاي
ملك: ماما احمد وين
ماما: احمد زعلان من الحصل وحس انو السبب ف الحصل
ملك: انا عاوزه اشوفو
ماما: طيب قومي استحمي وانا حانادي ليك
ملك: اوكي
مشيت استحميت وجيت طالعه لقيت احمد ف السرير وماسك راسو مشيت قعدت جنمبو ونزلت يدينو طوالي حضني
ملك: اشششش انا كويسه
احمد: سامحيني انا السبب م كان اقنع ابوي
ملك: حمودي انت م ليك ذنب هو الجبان
احمد: أما م عارف هو عمل كده لي وفجاءة
ملك: انا م عايزه اعرف شي عنو تمام
احمد: انتي كويسه اسي
ملك: مممم م تخاف اختك جبل
احمد: حبيبتي انا مسافر بكره
ملك: اقعد معاي شويه م شبعت منك
احمد: معليش ناس الشغل اتصلو علي ولازم ارجع
ملك: طيب حبيبي
احمد: طيب رايك شنو اسرح ليك زي زمان
ملك: جد طوالي
قعدت ف التسريحه واحمد سرح لي شعري ذيل حصان وباسني ف راسي حسيت بيو ارتاح شويه
احمد: رايك شنو نطلع ليهم برا
ملك: وانا موافقه يلا
طلعنا لقيناهم متلمين كلهم ومن شافوني انبسطوا بس كرم م شايفه سلمت عليهم وقعدت جنمب بابا واحمد
عثمان: مرت اخوي العسل
عاصم: م تخجلها يااخ
ملك: ههههههههه
احمد: ضحكت والله ضحكت ياخ اشتقنا لضحكتك
كرم: احم م تخجلي مرتي
عثمان: بسم الله جيت ناطي من وين
كرم: من السما ههههههههه
حبوبه: شوفي كرم مرتي مرتي عاد لكن خجل ماف
كرم: احم الحقيقه يا حبوبه ولا شنو يا لوكه 😉
ملك😊
عمي: خجلت البت عان وشها بقي طماطم
عثمان: وحلااتي
كرم: عثماااان
عثمان: احم خلاص
مرت عمي: انا عاوزه اعمل عزومه اعرف بيها ملك للأهل
حبوبه: اي بكره العزومه وحايكون فيها جرتق
بابا: وماف كلام بعد كلامك يا أمي
حبوبه: يلا شوفو الحاجات الناقصه تموها
كرم: طيب انا طالع وبجي المسا لو احتجتو شي وروني
مرت عمي : سوق ملك وشهد عشان تحجز الكوفير لبكره
كرم: طيب جهزو نفسكم سريع
شهد: حمامه وعلا زاتها تمشي
شهد مسكتني من يدي وجرت الغرفه لبسنا عبايات وطلعنا لقينا كرم حارسنا طبعا انا النقاشات دي كلها وانا ساكته لانس شايفه بابا مبسوط وم حابه ازعلو ركبنا العربيه وطول السكه شهد وعلا يتونسو وانا ساكته وصلنا الكوفير وعلا وشهد نزلو حيت انزل كرم مسك يدي وقال ليهم انتو خشو
كرم: انا عارف انو كل شي جا بسرعه وانتي حاسه بابوك مبسوط ما حابه تزعلي صاح
ملك: ممم
كرم: طيب يا ستي دي كلها شكليات وقلت ليك م تشيلي هم حاكون زوجك علي الورق بس تمام
ملك: مممم
كرم: يلا انزلي وشوفي الحاجه البتناسبك وانا حارسكم هنا عشان اوصلكم البيت
ملك: طيب
نزلت وقلبي مطمن من ناحيه كرم دخلت عزلت الحاجات وقلت حالبس ف البيت خبيرة التجميل قالت بتجيني شلت الحاجات وركبنا العربيه وبرضو ساكته فجاءة كرم مسك يدي عاينت ليو لقيتو سايق حاولت افكها بس هو ضاغتها وشهد وعلا يعلقو ويضحكو بس هو م شغال بيهم
وصلنا البيت حتي فكي يدي الكانت عبارة عن مويه دخلت غرفتي طوالي من التوتر فتحت تلفوني وبقيت اتفرج ف الصور حقتنا انا وماكس فجاءة لقيت نفسي بمسح اي حاجه بتخصو حتي رقمو م عاوزه حاجه تذكرني بيو قفلت التلفون وبلعت لي مسكن ونمت طوالي
كرم: شهد ملك وين
شهد : نايمه من جينا
كرم: يعني نايمه ٥ ساعات
شهد: اي والله
كرم: طيب جهزي الاكل حامشي اصحيها
شهد ؛ طيب
كرم شال الصينيه ومشا غرفة ملك ولقاها نايمه قعد جنمبها ف السرير براحه وبقا يتأمل فيها وشها كان حزين
كرم: ملك ملك
ملك: مممم
كرم: اصحي يلا
فتحت عيوني لقيت كرم قمت سريع سريع
كرم: ههههههه اهدي جبت الغدا ياا ناكل
ملك: انت جيت متين
كرم: قبل شويه وسألت منك قالو نايمه من جينا انتي كويسه
ملك: ممم بلعت مسكن ونمت
كرم: طيب يلا ناكل لاني جعان
مشيت الحمام غسلت وشي وجيت قعدت ف الكرسي الجنمبو وبقيت اكل
كرم: انا شايف انك تاكلي كويس والا استعمل الأسلوب التاني
ملك: باكل والله
بقيت اكل عشان م يعمل البعملو كل مرة لحدي م شبعت غسلت يدي وهو غسل يدو
كرم: اها ناقصك حاجه
ملك: لالا
كرم: طيب رايك شنو نشرب قهوه ف السطوح
ملك: بس
كرم :م تخافي حاكلم الشباب وعلا وشهد
ملك: طيب
كرم: تمام انا طالع ظبطي القهوه وتعالي تمام
ملك : تمام