رواية الصدفة
الفصل الثامن8
بقلم اسيل
جمال: بالجد انا اسعد انسان ف الدنيا واخيرا حب حياتي معاي
اسيل: زي م قلت القدر لعب لعبتو
جمال: طيب نكلم قصي ونعمل خطوبه لحدي م اتخرج رايك شنو
اسيل: موافقه
جمال: اااااااخ قلبي بالجد وجعني بس من الفرحه
اسيل: هههههههههههه سلامة قلبك
جمال؛ ممكن طلب
اسيل: شنو
جمال: ممكن حضن زي الانتي بتديني ليو ايام العلاج
اسيل: طيب
جمال حضني وانا قلبي كان حايطير من محلو بالجد احساس كانو اول مره لان لمن كنت بحضنو ايام العلاج كنت بخفف عليه
جمال فكاني وباسني راسي
جمال: يخليك لي يا ملاكي
اسيل: ويخليك لي ياارب يلا نمشي اتاخرنا
جمال: طيب انا حاوصلك وامشي لقصي ف الصيدليه عشان بكره الجمعه اجيب امي واجيكم
اسيل: طيب
جمال وصلني البيت وانا كنت مبسوطه شديد دخلت استحميت وصليت وقعدت اقرا
عند جمال؛؛؛؛؛؛
انا اسعد انسان اليله اسيل بقت حقتي وامشي لقصي عشان اطلب يدها وصلت الصيدليه
جمال؛ ابو الشباب
قصي : اوووو جيمي الاخبار
جمال: والله تمام الحمدلله
قصي: اتفضل المكتب تشرب شنو
جمال: قهوه
قصي: طيب
قصي مشا جاب القهوه وجا قعد قدامي وانا اتوترت عديل مع اني كنت متشجع
جمال: طبعا يا قصي نحن لا عرفة اليله ولا امس
قصي: اكيييد ياخ احنا أهل
جمال: طيب وانا حاي اطلب يد اسيل منك
قصي: هههه عديل كده
جمال: اي والله م عايز افرط فيها تاني انا كنت بحبها من ونحن أطفال بس القدر فرقنا لكن اسي رجعت وم بقدر اخليها تاني
قصي: موافق علي بركة الله لكن انت بتقرا لسه
جمال: اي انا عاوز اعمل خطوبه وبعد اتخرج نتم العرس تكون هي زاته قدمت شويه
قصي: يا زول ماف مشكله
جمال: طيب انا بكره بجيب الحجه واجيكم
قصي: خيير يا زول
جمال: يلا انا امشي ونتلاقه بكره معاك سلامه
جمال: اوووووف كان امتحان لكن نجخت واخيرا اسيل حقتي رسمي
رجعت البيت وكلمت امي واخواتي واتصلت علي عمي وبكره نمشي نخطبها رسمي
عند اسيل؛؛؛؛؛
مشيت اطمن علي رغد لأن الصباح مهند قال مصدعه دقيت الباب وفتحت لي خالتو سلمت عليها ودخلت لرغد ف غرفتها
اسيل: رغد سلامتك يا قلب
رغد؛ الله يسلمك شكلي حازكم
اسيل: كر علي حبيبه لكن شدي حيلك بكره خطوبتي
رغد: شنوووووو
اسيل: م تصرخي قلت ليم بكره جمال جاين اهلو وحاننخطب
رغد: بالسرعه دي
اسيل: انتي ناسيه انو جمال حب حياتي
رغد: الله يسعدك حبيبتي
اتصل علي قصي
قصي: انتي وين
اسيل: مع رغد
قصي: طيب جاي عليكم معاي مهند
اسيل تمام
شويه كده قصي ومهند جو وسلموا علينا وقصي طلب من خالتو ورغد ومهند يكونو أهلنا رغد وخالتي انبسطوا بس حسيت بمهند زعلان بتكون ف حاجه مضايقاه ف الشغل اتونسنا معاهم ومشينا شقتنا
قصي: اختي كبرت وبقت عروس
اسيل: عقبالك حبيبي
قصي: انا زاتي ناوي
اسيل: جد
قصي: اي انا عايز اخطب إسراء
اسيل: إسراء اخت جمال؟؟؟
قصي: اي عجبتني شديد واتواصلت معاها وبكره بستغل الفرصه واطلب يدها
اسيل: واااااااي م مصدقه
قصي: م تصرخي وانزلي من الكنبه متين حاتعقلي
اسيل: اووووبس
قصي: انا ماشي مشوار وجاي م حاتاخر تمام
اسيل: تمام
اتصلت علي إسراء ؛؛؛؛؛؛
اسراء: مرت اخوي
اسيل: وانتي زااااتك مرت اخوي
اسراء: هههههههه قصي كلمك
اسيل: اكيييد بكره حانكون حموات لبعض
اسراء: ههههههههههه بس ماف زول عارف
اسيل: اي خليها مفاجأة يلا بااي
اسراء: باااي
قفلت من اسراء اتصل علي جمال
جمال: اسولتي الحلوه مشتاقين
اسيل: يا مستهبل مش قبيل كنا سوا
جمال: ياخ انا بشتاق ليم وانتي معاي
اسيل: طيب بطل بتعمل ف شنو
جمال: مشيت جبت الدبل
اسيل: ممم كويس
جمال: برودك بقتلني يوم
اسيل: اها اعمل شنو
جمال: صرخي نططي زغردتي
اسيل: ههههههههههههه لا خوله الله ده كلو عشان شنو
جمال: اسيل م تخليني اجيك اسي
اسيل: لالا خلاص انا نعسانه ماشه انوم
جمال: وتخليني؟؟
اسيل: والله مرهقه
جمال: طيب انتي نومي بس م تقفلي الخط داير اسمع انفاسك ودقات قلبك
اسيل: ممممممممم طيب
اتونست مع جمال ونومت خليت الخط فااتح
عند جمال:؛؛؛؛؛؛؛
انا م حابب ابعد منها بالجد داير اسمع صوت أنفاسها وهي نايمه يا الله اريتك لو في حضني
عند مهند :::::::::
مهند من سمع بانو بكره اسيل خايخطبوها انا حسيت بوجع قلب مع اني م اعترفت ليها وهي م عارفه شعوري اتجاها برضو الموضوع صعب لكن بتمني ليها السعاده م قسمتي ف النهايه
صباح يوم الجمعه؛؛؛؛؛؛؛؛
صحيت نشيطه قمت استحميت وصليت وسويت الشاي شربنا انا وقصي وهو نزل يحيب حاجات الخطوبه وجوني رغد وامها نضفتا البيت وخالتو سوت الفطور فطرنا وعملنا كيك وحلويات وجهزنا الوضع اليوم داك جمال صباح م صبحت عليو دخلت غرفتي استحميت وصليت المغرب ولبست فستان اسود ومعاو طرحه وجزمه بالزيتي وعملت ميكب خفيف وكويت شعري وكنت متوتره شدبد الباب دق وسمعت صوت اهل جمال جو وقصي وخالتو ومهند ورغد استقبلوهم وبعد شويه قصي جا مرقني ليهم م اني بعرفهم بس كاني اول مره اشوفهم قعدت جمب جمال وكنت حاسه بجسمي مجمد وحلفت م عاين ليو عم جمال طلب يدي رسمي وقصي وافق وحا وقت لبس الدبل انا حسيت بيدي مشلوله عديل وجمال يضحك فيني هو زاتو متوتر بس كان بقوي ف نفسو لبسني دبلتي ولبستو دبلتو والزغاريت والجوطه همس لي
جمال: مبروووك يا حقتي
اسيل: الله يبارك فيك
قصي: يا اخوانا ممكن تدوني فرصه عمي جمال خالتي انا طالب يد اسراء ودبلي جاهزه
طبعا كلهم بقو فاتحين خشمهم واسراء دي تقول كبو فيها مويه
جمال: والله ممكن تدينا فرصه نسأل منك
قصي: شنووووو وانا سألت منك
جمال: ههههههههههه يا زول اديتك ولا شنو يا عمي
عمي: علي بركة الله
قصي قعد جنب اسراء ولبسها الدبله وانا وقصي حضنا بعض وقعدنا نبكي بالجد فقدنا أهلنا هدينا شوبه واتونسنا واتصورنا وناس جمال قالو ماشين بعد ده طلعو مننا وانا مشيت غيرت ونضفنا البيت انا ورغد انتهينا الساعه ١١ رغد باتت معاي لأنها كانت تعبانه جمال اتصل علي وانا بين نايمه وصاحيه
جمال: يا بت انتي نمتي
اسيل: ممممممم
جمال: شنو يعني ماف كلام حلو لجمال
اسيل: بحبك
جمال: بس بس كده احلي حاجه تصبحي علي خير
اسيل: وانت من اهل الخير قفلت التلفون ونمت