رواية الصدفة
الفصل التاسع9بقلم اسيل
صحيت بدري واليله م كان عندنا جامعه استحميت وصليت ورغد وقصي صحو شربنا الشاي قصي مشا الشغل ورغد مشت بيتهم وانا ضايرت البيت ورقدت جاني اتصال من جمال
اسيل: صباااحو حبيبي
جمال: احيييي لو عارف كلمة حبيبي خلوة كده كان عقدت والله وتقوليها لي وش لوش
اسيل: ههههههههههه بطل
جمال: ابطل برضو أصبحتي كيف
اسيل: كويسه الحمدلله وانت
جمال: تمااام زهجان لكن ماف جامعه وم حاشوفك
اسيل: م عندك قرايه
جمال: خلصت من بدري لاني اصلا م نمت من السعاده
اسيل: بتمرض كده لكن لازم تنوم
جمال: بعد سمعت صوتك بنوم برحع ليك بعدين
اسيل: تمام حبيبي
قفلت من جمال ومشيت اتونست مع ناس رغد وخالتو واتغديت معاهم لان قصي قال حيتاخر رجعت البيت العصر
مشيت اتوضبت وصليت العصر وفتحت شيتاتي وبقيت بقرا لبعد المغرب خلصت واتصلت علي جمال
جمال: مممممممم
اسيل: انت لسه نايم
جمال: مممم
اسيل:يازول الساعه ٦ المغرب اذن
جمال: جد والله م حسيت
اسيل: هههههههه يلا قوم صلي وأكل
جمال: حاضر حبيبي
قفلت من جمال وجا قصي ختيت ليو اكل وشرب قهوه ودخل غرفتو يحب
اتصل علي جمال وانا نعست خلاص
جمال: حبيبي كيفو
اسيل: حبيبك كويس بس حاينوم
جمال: يخس عليك وانا
اسيل: انت نايم النهار كلو وعاوز تساهر بي
جمال: طيب ساعه بس
اسيل : طيب
انونسنا للساعه ١١ ونمت ف الخط وجمال م قفل الخط لمن حس بي نمت بقي يقري لي ف القرآن وهو زاتو نام صحيت الصباح لقيت المكالمه لسه فاتحه شلت التلفون
اسيل: ألوو
جمال : اخيرا صحيتي صباحك شهد
اسيل: وصباحك حبيبي
جمال: يلا قومي اجهزي بحي عليك بعد ساعه
اسيل تمام
قمت استحميت وصليت وجهزت الشاي ولبست اسكيرت كبدي وقميص ابيض وطقمته بالكبدي شويه كده واتصل علي جمال نزلت ليو
جمال : احيييييي بتقتليني يوم بسماحتك
اسيل: ههههههههههههه تموت أسير هواااي
جمال: اي والله واكون شهيد حبك
عاينت لجمال لقيتو لابس قميص ابيض
اسيل: صدفه حلوه
جمال: شفتي كيف حقو نطقم سوا
اسيل : ههههههه طوالي
جمال: وينو حضن جيمي
حصنتو وباس يدي واتحركنا مشينا الجامعه والكل عرف بخطوبتنا جو باركو لينا وكل واحد مشا محاضرتو وجدول الامتحانات بدا خلصنا دوام وجمال اتصل علي قال لي جنمب البوابه مشيت وسلمت عليو
جمال: خلينا نطلع عشان حاننزل امتحانات م نلقي فرصه
اسيل : طيب
مشينا شارع النيل اشترينا ايسكريم وفشار وسندوتشات وقعدنا ف حته هادئه جمال كان راقد ف طرفي ونتونس للمغرب
جمال: نمشي بعد ده
اسيل: يلا
وصلني البيت وقبل م انزل اداني حضن بالجد بقيت مدمنه حضنو نزلت منو دخلت استحميت وصليت وجهزت الاكل قصي جا اكلنا وخلاص قفلت تلفوني عشان اقرا اتفقنا انا وجمال م تنونس ابدا الفتره دي بس بجيني الصباح نمشي الجامعه والمسا يوصلني ومهند كلن مجتهد معانا انا ورغد شديد عدينا ١٥ يوم وامتحانتنا خلصت واخيرا جمال قال لي نحتفل عزمنا الشله ومهند واسراء وقصي اتعشينا واتونسنا ورجعنا البيت الساعه ١٢ص كل زول دخل غرفتو طبعا اجزنا وانا بس أو ل يومين قضيتهم نوم وجمال كان عارفني تعبانه م كان بزعجني كتير يوم اتصلت علينا خالتو مني وعزمتنا غدا ومشو معانا رغد وامها ومهند بقو زي أهلنا وصلنا اتغدينا واتونسنا مشيت مع اسراء اعمل القهوه ف شويه كده جمال جا قال لاسراء قصي بناديك اسراء الخفيفه مرقت طوالي وباعتني حسيت بيد جمال ف خصري ونفسو ف رقبتي ومسك يدي وبقي شغال معاي وانا الساعه ديك اتجمدت عديل
اسيل: جمال كده القهوه حاتفور
جمال: انا مراقبه م تخافي
اسيل: جمال كن جا زول
جمال: مرتي مالك
اسيل: هههههههههه
لفتني عليو وقفل البوتجاز وبقي عاصرني علي الحيطه وباسني بوسه طويله لمن حسيت بجسمي نمل وفجاءة حسينا بزول جاي بعد مني وانا من التوتر بصوت ف القهوه والبوتجاز مطفي وهو بقا يفتش ف التلاجه جات اسراء وبقت تضحك جمال جرا طوالي وسخ خلاص
اسراء: هههههههههه كنتو بتعملو ف شنوو
اسيل: ولا ولا شي
اسراء : هههههههه علي فكره روجك اتمسح م تخجلي لان اخوك المعفن عمل فيني نفس العمليه شكلهم متفقين وافتحي البوتجاز
اسيل: بالجد اخوك جنني
اسراء ؛ امشي غسلي وشك وظبطي روجك
اسيل: تمام
مشيت الحمام وانا جسمي برجف غسلت وشي وظبط الروج بالجد جمال مسحو طلعت لقيت اسراء جهزت القهوه شفناها وقعدنا جا جمال قعد جنمبي وغمز لي والله اتحرجت دنقرت راسي وم عرفت الاعملو شربنا القهوه واتونسنا والمغرب مشينا البيت قصي مرق مع اصحابو وانا دخلت استحميت وصليت واتصل علي جمال
جمال: علي فكره روجك حلوو
اسيل: جمال والله اقفل
جمال: خلاص خلاص اها بتعملي ف شنو
اسيل: ولا شي كنت مصدعه عملت لي قهوه
جمال: انا زاتي عملت قهوه
اسيل : يا محاسن الصدف
جمال: هههههههههههه صدفه لمتنا احلي صدفه
بقينا نتونس للساعه ١١ وكالعاده انا نمت والخط فاتح
عدا اسبوع واحنا م اتلاقينا تلفونات بس اليله النتائج مشينا الجامعه وكنا متوترين بس الحمدلله انا ممتاز وجمال حيد جدا ورغد جيد جدا
قصي قال لي نعزم ناس جمال خالتو مني قالت مروة شغاله امتحانات م بقدرو يجو جات اسراء وجمال
اتغدينا وشربنا القهوه قصي ساق اسراء ومشو غرفتو وانا وجمال فوالصاله
جمال: شنو يعني رافعه قزازك
اسيل: انا لي عملت شنو
جمال: هههههههههه لا بس بعيده مني قربي حبه
اسيل: قصي بجي
جمال: ههههههههه قصي خلي ف حالو م فاضي ليك
جمال قرب قعد جنمبي ومسك يدي وانا يدي ناشله مويه
جمال: هههههههه لسه م اتعودتي علي
اسيل: اتعودت ببس
جمال: اشششش ولا كلمه خليني اسرح فيك حبه
اسيل: بتخجلني يااخ
جمال: هههههههه وحلاتي وشك بقي زي الطماطم
اسيل: ياخ بطل
جمال: م حتتوريني غرفتك؟؟
اشيل: شنووو
جمال: م حاعمل حاجه بس عاوز اشوف غرفة حبيبتي
اسيل : طيب
مشيت غرفتي وهو دخل خليت الباب فاتح بقي يضحك فيني
جمال: خووااافه
مسكني من يدي وقعدنا ف السرير
جمال: اسيل انا بحبك
اسيل: وانا بحبك
جمال زح شعري من وشي وباس راسي وباسني من خدي وانا مغمضه عيوني لاني بالجد خجلانه
جمال: ممكن احضنك
اسيل: ممممم
حضني وانا اتجمدت بالجد خضنو دافي وحلو اتونس معاي حبه وطلعنا الصاله وشويه كده قصي واسراء جو وكانو بضحكو واطين خلاص وجمال واسراء مشو بيتهم وانا دخلت نمت طوالي
عدينا اسبوعين ورجعنا الجامعه وكل زول مشا محاضرتو انا بالصدفه لمحت نور استغربت دي جات كيف وهي اصلا محبوسه طوالي خفت اتصلت علي جمال
اسيل: جمال انت وين
جمال: جاي عليك دقائق
انا بقيت متوترة شويه كده وجمال جا
جمال: خبيبتي كيفك
اسيل : كويسه جمال لاقيت نور
جمال: ده سؤال ولا اتهام
اسيل: م بتهمك بشي بس من شفتها وانا متوتره
جمال: م لاقيته وحتي كن لاقيته م عندي ليها حاجه انتي م بتثقي فيني
اسيل : حبيبي بثق فيك لكن م بثق فيها
جمال: اسيل عايزه تصلي لشنو
اسيل: ماف حاجه والله اسفه
جمال: خلاص ارح اوصلك
حسيت بجمال زعل مني وكان معصب وساق بطريقة جنونيه وانا م اتكلمت معاه عشان م تزيد المشكله وصلني البيت ولا اتكلم معاي دخلت استحميت وصليت وزعلت من نفسي شديد اتصلت علي جمال ابا يرد اتصلت عليو كتير ماف رد قلقت عليو اتصلت علي اسراء قلت اشوفو رجع البيت
اسيل؛ اسراء كيفك
اسرا: تمام حبيبتي
اسيل: اسراء جمال رجع البيت؟؟
اسراء: انتو متناقشين
اسيل: حكي ليك
اسراء: لا بس من جا وهو نايم وانا بعرفو لمن ينوم بكون زهحان
اسيل: اي نقاش بسيط ممكن اطلب منك طلب
اسراء: عيوني ليك
اسيل: امشي غرفتو وقولي جمال وختي التلفون ف اضانو
اسراء: تمام
اسراء صنت شويه وقالت جمال انا طوالي قلت ليو
اسيل: حبيبي انا اسفه اسفه اسفه اسفه وقعدت ابكي حاني صوتو
جمال: يا بت انتي هبله الببكيك شنو اسي
ااسيل: انت زعلان مني
جمال : ماف زول بزعل من روحو
اسيل: جد طيب لي م بترد
جمال: م خبيت اصرخ فيك اصبري برجع ليك من تلفوني عشان اسراء بتتضحكك زي الحمار
اسيل: ههههههههههههه
قفل الخط ورجع لي من رقمو
جمال: حبيبي انا اسف لو بكيتك لكن لمن اكون متعصب بنوم
اسيل: والله زعلانه من نفسي شديد
جمال: م قلنا خلاص روقي قومي غسلي وشك وتعالي اقرا ليك قران
اسيل : طيب حبيبي
مشيت غسلت وشي وجيت رقدت وبدأ يقرأ لي قران لمن نمت وكنت مرتاحه شديد