رواية عبيري
الفصل التاسع9
بقلم ساره محمد
رجعت لشغلي وكان اخر تقرير خلصتو وجاني مزمل قال لي عاوزك ف موضوع وعلمني الكافتيريا طلب لي قهوه وقعدنا
عبير: امممم خير منيل شنو المره دي
مزمل: انتي طوالي ظالماني
عبير: ههههههههه اها قول
مزمل: عبير انا عاوز اعترف لرؤي بحبي
عبير: اووووف اخيرا يا ابو الهول
مزمل: ياخ بالجد زهجت من اني ادس مشاعري
عبير: زمان قلت ليك اها وحاتعمل شنو
مزمل: عاوز اعمل ليها مفاجاءة واعترف ليها
عبير: طيب اعتبر الموضوع عندي
مزمل: كيييف ؟؟؟
عبير: انت بس جهز نفسك المسا وكلمها وكل شي بكون جاهز تمام
مزمل: ياخ انتي اختك وين وانا
عبير: اكيد م في قلبك لانو ملان
مزمل: هههههههههههه خلاص انا حامشي اشتري الهديه واتصل عليك
عبير : ظاااابط يلا اتخارج
مزمل مشا بالجد الحب بخلي الزول مجنون بقيت قاعده منشغله بتلفوني جا زول وقف جنمبي رفعت راسي لقيتو طارق
طارق: احم ممكن اقعد
عبير: اتفضل
طارق: عبير والله انا اسف م كان قصدي
عبير: وانا م زعلانه والله عادي
طارق: جد يعني م فهمتيني غلط
عبير: اكبد لا انت عارف موقفك ده انا عملتو مع خالد قبل كده
طارق : كيف؟؟
عبير: كنت راكبه المصعد واخوك جا ركب طبعا اتغظت منو لانو سلام الله م قالو وفجاءة اتصلت صحبتي من فرنسا وبقيت ارطن معاها وف نص كلامي قلت علي اخوك شايف نفسو اتخيل
طارق: ههههههههههه بالجد حاجه محرجه
عبير: عشان كده قلت ليك عادي وبعدين انا لاقيه واحد يتغزل فيني
طارق: ههههههههههه بالجد القلت كلو حقيقه
عبير: تسلم يا سيدي ده من ذوقك
تلفوني ضرب وكانت روبا قالت لي اطلعي
عبير: عن اذنك اختي بره ولازم امشي
طارق: طيب خليني اوصلك ليها
عبير: تمام ارح
طلعنا من الشركه وطارق مشا معاي لحدي العربيه سلم علي روبا ومهند وفتح لي الباب وودعنا واتحركنا ف السكه اتذكرت مزمل اتصلت علي المطعم البنمشي ليو طوالي
عبير: ألوو عمو كيفك معاك عبير
مدير المطعم : اهلييين وين ليك يومين
عبير: والله مشغوله عاوزه منك طلب
مدير المطعم: عيوني ليك
عبير : تسلم عاوزه تربيزه خاصه ف الدور التاني ويكون المكان مزين بالورود يعني حاجه رومانسيه تمام
مديرالمطعم: طيب رسلي لي الحجز باسم منو وانا حاجهز كل شي تمام
عبير: تمام حارسك ليك كل شي م تنسي الساعه ٨ كل شي يكون جاهز
مدير: ما تقلقي كل شي تمام
قفلت منو ولقيت مهند مركز معاي ق المرايه م استغلت بيو
روبا: شنو يا رومانسيه لمنو التربيزه الحجزتيها
عبير: لمزمل ورؤي
روبا: اخيرا قرر يعترف
عبير: اتخيلي ابو الهول حاينطق
روبا: ههههههههه مبالغه
مهند: شكلو علاقتك قويه
عبير: امممم الحياة علمتني اني اقوي علاقتي بالحولي
مهند: كويس والله
وصلنا المحل القاصده روبا ولفينا بالجد البت دي عندها طااقه لفينا وانا ومهند خلاص زهجنا بقينا لافين ٣ ساعات لحدي م خلصت ركبنا الحاجات العربيه واتحركنا
مهند: روبا تاني راجلك اولي بيك
روبا: هههههههه يخسي عليك يا مهند حالتو محل واحد
عبير: محل واحد بس ما خليتي خرم ابرة م خشيتيها
روبا: والله اتصل اشكيكم لعمر
عبير: وانا حاشيكك ل الله
مهند وروبا : ههههههههههههه
روبا: الووو عموري كن شفت مهند وعبير بشاكلو فيني
عمر: هههههههه اكيد عزبتيهم
روبا: انت زاتك يا عمر
عمر: طيب روقي اسمعوني تعالو عازمكم غدا
روبا: طيب وين
عمر: مطعم ......
روبا: تمام بنجي عليك
عبير: تجي لمنو يا اخت
روبا: عمر عازمنا غدا
عبير: لا هو يعزمك انتي انا مالي انا تعبانه وماشه انوم
روبا: بيرو م تخليك بايخه دي اخر مره حالاقيو انتي ناسيه ماما قالت بعد سد المال ماف شوف لينا تاني
عبير: امر لله طيب
مهند: اتفقتو خلاص
روبا : اي اي ارح
مشينا المطعم ولقينا عمر حاجز طربيزه سلمنا عليو وقعدنا روبا قعدت جنبو ومهند جنمبي وانا بقيت سرحانه يعني لو الما عملو مهند كان نكون اسي مع بعض بس الخصل خرب كل شي
مهند: عبير اكلي من قبيل بتهبشي ف صحنك
عبير: م جعانه
مهند: ف حاجه مضايقاك
عبير: لا كويسه انا
مهند: طيب تحبي نطلع بره حبه
عبير: يا ريت
طلعنا وكان المطعم قدام النيل قعدنا وانا بقيت سرحانه ف البحر والهدوء مهند حاب لي عصير وجا
مهند: الواخد عقلك يتهني بيو
عبير: هههههههه الصفحه دي انا قفلتها زمان
مهند: اكيد بسببي
عبير: ممممم تقريبا بس بالي نشغول مع خالد
مهند: مالو؟؟
عبير: عندو مشاكل ومرتو عاوزه تطلق وتشيل البنت يعني ربنا يكون ف عونو
مهند: حاجه صعبه والله طيب لي م تتصلي بيو
عبير: بكون مشغول هو لمن يفضي بتصل علي
مهند: عبير عاوز اقول ليك حاجه
عبير: ممممم خير
مهند: انتي بتحبي خالد وما تنكري لانو باين ف عيونك مع انو صعب علي اقول كده بس من شفتك معاو يوم الخطوبه فهمت الحاصل
عبير: م تتوهم ساي هو متزوج كيف احبو بس بتقدر تقول هو دخل حياتي فجاءة وبقي كل شي لكن اكيد م لدرجة اني احبو
مهند: طيب بعدين قولي مهند قال
عبير: هههههههههه بقيت فيلسوف
مهند: هههههههههه بس المريت بيو خلاني ابقي كده
عبير: ممممممم
تلفوني ضرب::؛؛؛
عبير: مزمل انا عملت شنو
مزمل: اشتريت الهديه وعزمتها
عبير: زابط خلاص امشي المطعم ....... وقول ليهم عندي حجز باسمك تمام وكل شي جاهز
مزمل: عبير بالجد انتي عسل ربنا يخليك لي
عبير: تسلم يا قلب ربنا يسعدكم
مزمل: ويسعدك يا رب يلا مع السلامه
قفلت منو بالجد كونو انك تسعد انسان دي حاجه حلوة
مهند: سرحتي وين تاني
عبير: ولا حته بس مبسوطه لاصحابي
مهند: هو بحبها طول
عبير: ليه قريب السنه بس بتردد ف انو يقول ليها
مهند: ههههههههه ربنا يسعدهم
عبير: آميييين وعقبالك
مهند: انا من بعدك ما اظن اعملها تاني قفلت قلبي خلاص
عبير: م تقول كده اكيد حاتلقي البت الحاتبها وتحبك
مهند: م اظن
عبير: طيب خلينا نرجع للعصافير الحب لاني حاموت وانوم
مهند: ههههههههه باين باين ارح
مشينا لقيناهم اخر رومانسيه بس قطعناها ليهم وشمونا شم واتحركنا مشينا البيت وعمر ومهند دخلو سلمو علي ناس ماما وانا طوالي طلعت غرفتي بدلت ملابسي ونمت