رواية حب بعد الطلاق
الفصل التاسع9
بقلم ساره محمد
مشيت المطبخ عملت نسكافيه وجيت قعدت مع محمد ف الصاله هو كان قاعد ف كرسي وانا قعدت ف الكنبه شال كبابتو وجا قعد جنمبي ومسك يدي
محمد: انتي عارفه مسكة يدك دي براها بتخليني مرتاح
ساره: ههههههه جد
محمد: تتذكري يوم ودعنا سالم ورجعتا معاكم كنت مضايق شديد بس مسكت يدك حسيت اني كويس لمن نمت
ساره: وانا حسيت بيك الساعه ديك عشان كده م منعتك
محمد: انا كنت لمن اضايق بمشي شقتنا واحضن مخدتك لانو فيها ريحتك كنت بلقي نفسي مرتاح
ساره: طيب لي م حاولت تتصل علي
محمد: بصراحه كنت خايف تكوني بقيتي ملك زول تاني وخفت اخرب حياتك
ساره: انت عارف انو مروان اعترف ليو بحبو بس انا رفضت
محمد: مممم عارف انا شفت صوركم ف تلفون يوسف الساعه ديك الدنيا اسودت ف وشي وقلت خلاص خسرتك طيب انتي لي م وافقتي عليو
ساره: اولا لاني سالم ومروان بعتبرهم من زمان كأنهم اخواني وبعدين ف سبب م حاقدر اقولو
محمد: لي؟؟
ساره: عاوزه اتأكد من حاجه اول
محمد: مممممم طيب وانا بصبر انا بعد ده ماشي انوم تصبحي على خير
ساره: وانت من اهل الخير
محمد قرب مني بأس راسي ويدي وطلع خلاني ملخبطه م عارفه جد انا بحبو ولا كنت بفقدو ساي بالجد ملخبطه قمت قفلت الشقه ونمت طوالي
الصباح:؛:،:؛:
قمت عملت روتيني الصباحي ولبست فستان بالاسود وعملت ميكب خفيف ومشيت عملت الشاي الباب دقه قلت اليله مروان غريبه صحا بدري مشيت فتحت الباب لقيتو محمد
محمد: صباحو
ساره: صباح النور وانا كمان قلت مروان صحا بدري
محمد مروان صحا يا دوب بس انا حيت اشرب معاك الشاي
ساره: طيب اتفضل
دخلنا وقعدنا ف الصاله وكبيت لمحمد الشاي
وكالعاده قعد جنمبي
محمد: احلي حاجه اني اتصبح بالجمال ده كل يوم
ساره: هههههههه بطل ياخ
محمد: ههههههه عجبني خجلك
ساره: ههههههههههه
محمد قرب مني وزحا شعري من وشي وباسني ف خدي
محمد: ريحك عطرك حاتجنني
ساره: م م محمد
محمد: هههههههههه طيب طيب
ساره: انا حاقوم اشوف مروان عشان نطلع
محمد: انا اليله ماشي معاكم المستشفي
ساره: طيب تشرف
محمد: طيب حامشي اشوف مروان لو خلص وننتظرك بره
ساره: تمام
محمد طلع وانا جسمي برجف يعني هو زمان كان عادي بس اسي قربو مني براو بوترني
مشيت شلت حاجاتي وطلعت لقيتهم طالعين ركبنا العربيه ومشينا المستشفي
مروان ومحمد مشو مكتب مروان وانا مشيت مكتبي وكان عندي مرور خلصت منو وف كم فحوصات خلصت منها واتصل علي مروان
مروان: وين
ساره: ف مكتبي
مروان: طيب تعالي الكافتيريا
ساره: طيب
قفلت ورقي ومشيت الكافتيريا لقيت مروان ومحمد ورباب طلبو الفطور وحارسني
مروان: سرو انا ورباب حانتزوج بكره
ساره: تمااام ربنا يسعدكم
مروان.: آميييين عقبالك
محمد: اميييييين
ساره؛ ههههههههه طيب وحانعمل حفله وكده
رباب: اتفقنا نعمل حفله صغيره ف بيت مروان
ساره: ايوااا تمام معناها نجهز طوالي
مروان: طيب احنا ماشين نجهز ورق السفاره نتلاقي بعدين
ساره: تمام
مروان ورباب مشو وبقينا انا ومحمد
محمد: معاناها اشوف لي فندق انا
ساره: لي
محمد: مستحيل اقعد مع عرسان ف شقه واحده
ساره: طيب اقعد معاي
محمد : م بتضايقي يعني
ساره: اكيد لا اصلا شقتي فيها غرفتين
محمد: طيب شكرا
ساره: العفو
انا م عارفه قلت لمحمد كده لي بس م حبيتو يبعد مني يعني من جا وهو طوالي معاي شربنا القهوه ومشا معاي مكتبي كنت شغاله ف تقارير وهو بهيش ف تلفونو جات دكتور اسمها سلمي حاجه كده خفيفه زي شاي البكا
سلمي: ساره كنت عاوزه تقرير غرفة ١١٤ ده شنو انتي معاك ضيوف
ساره: مممم دكتور محمد زميل من السودان
سلمي اهليين بيك نورت
محمد: تسلمي
طبعا بقت ماسكه يد محمد مسافه
ساره: سلمي هاك التقرير
سلمي: تمام ت تقرير اي جيبي
سألت التقرير وادت محمد نظرة وطلعت
ساره: احم يا دكتور
محمد: والله براها مسكت يدي
ساره: اممممم طيب
رجعت اشتغل ومحمد كاتم الضحكه انا م عارفه غرت عليهو لي ولا عشان سلمي طبعها بتحب الرجال
المهم خلصنا شغلنا ومشينا كم محل جبت حاجات لحفلة مروان ورجعتا منتهيه اتغدينا وهو مشا جاب ملابسو فتحت ليو غرفة الضيوف والمسا جا مروان وسالم اتونسنا ومرقو مننا الساعه ١١ بعد داك كل. واحد مشا غرفتو ونمت عشان اصحي بدري اجهز
بلسان محمد:؛"،"،"؛
بعد عزومه العشاء كل واحد مشا بيتو بقيت انا وساره مسكت يدها لاني بحس بالأمان ف قربها اتونسنت معاها ومشيت نمت وانا اليل م جاني نوم افكر فيها صحيت بدري لقيت مروان يا دوب صاحي كسلت اعمل الشاي او حبيت تكوم حجه عشان امشي ليها مشيت صبحت عليها وقعدت اشرب معاها الشاي م حسيت بنفسي الا وانا ببوسها ف خدها وريحتها جذبتني اكتر هي اتوترت وقامت انا قلت ليها ماشي معاكم المستشفي وطلعت معاهم مشيت مع مروان مكتبو مواعيد الفطور جاتنا ف الكافتيريا وفاجاءنا مروان القال عاوز يتزوج بكره انا قلت خلاص اشوف لي فندق اقعد فيو وكلمته ساره وفاجاءتني لكن قالت لي تعال اقعد معاي حوالي لقيت نفسي بوافق شربنا القهوه ومشينا مكتبها كانت مشغوله وانا بعاين ليها طول الوقت فجاءة دخلت بت اسمها سلمي قالت عاوزه تقرير ومن شافتني حات سلمت وساره غرفتها غلي بس حسيت بيها م تمام كانت ماسكه يدي مسافه وساره كانت حاتطق من الغيره لأنها احرجتها وانا بقيت كاتم الضحكه عشان م تنفجر فيني رجعنا جبت ملابسي من بيت مروان ورتبتها وجو سالم ومروان اتونسو معانا وطلعو وساره باين عليها مرهقه كل واحد مشا غرفتو
الصباح ؛"؛"؛"؛"،
قمت عملت روتيني الصباحي وكنت ماجزه عشان حفله مروان لبست لي بنطلون جينز وبلوزه بالبيض وعملت شعري ضنب حصان وطلعت مشيت المطبخ اجهز الشاي فجاءة حسيت بنفس حار ف رقبتي قبلت لقيت محمد قريب مني شديد
ساره: م م محمد صباح الخير
محمد: صباحو خبيبي
ساره: احم مالك
محمد: كنت حابي اشم عطرك لانو بقي لي زي الكيف
ساره: طيب ممكن تقعد ف الكرسي م توترني
محمد: هههههههههههه طيب
محمد قعد ف الكرسي وانا سويت الشاي وكبيت ليو وبقينا نشرب وهو يشيل ويعاين لي
محمد: احلي صباح اليله
ساره: ههههههه لسه بكاش
محمد : جادي والله يعني كنت متمني الصباح ده قبل سنتين
ساره: احم طيب اشرب وخلينا نطلع عشان ورانا مشاوير
محمد: وانا جاهز يا قلبي
ساره: هههههههه لالا انت اليله هرمون السعاده عندك زايد
محمد: شديد عشان حبيبتي حنمبي
ساره: انا حامشي اجيب شنطتي عشان نطلع
محمد: طيب
مشيت شلت شنطتي وطلعنا كم مشوار وجبت الحاجات الناقصه ورجعنا بيت مروان جو سالم ومرتو بقو يساعدونا لحدي المغرب كل شي جاهز مشيت شقتي دخلت استحميت ولبست فستان بالبيج تحت الركبه بشويه وجبت وفريت شعري ف اكتافي وعملت ميكب خفيف وطلعت لقيت محمد لابس بنطلون ابيض وقميص اسود وكان قيافه
محمد: احم انا دكتور محمد ٣٣ سنه ممكن نتعرف
ساره: وانا دكتورة ساره ٢٥ سنه
محمد: هههههههه بالجد طالعه جنان خلينا نتصور
اتصورنا وقرب باسني ف خدي وكالعاده اتوترت وهو ضحك
محمد: يلا نمشي عسان الضيوف بجو بعد ده
ساره: طيب يلا
مسك يدي ومشينا شقة مروان وبدينا نستقبل ف الضيوف ومن ضمنهم سلمي ومن شافت محمد تتخفف قدامو بس بعمل نفسي م هاميني بقينا مشغولين مع العرسان ومحمد قال لي ماشي اجيب مويه وجاي مشا وانا شفت سلمي مشت وراو م اتمالكت نفسي ومشيت وراهم قربت للمطبخ لقيته بتتمايع ومحمد بحاول يتفكك منها مشيت عليهم
ساره: سلمي ف خاجه
سلمي: لالا بس كنت عاوزه مويه
ساره: مممممم اتفضلي واسمعي محمد ده حقي انا تمام ويلا اتفضلي الحفله بره
حسيت بيها اتغاظت وطلعت قبلت علي محمد وانا مكشرة وشي
محمد: والله جات براها
ساره: هههه عارفه لاني شفتها
محمد: اووووف خفت تفهميني غلط. بس عجبتيني لمن قلتي ليها محمد حقي انا
ساره: قلت حاجه غلط
محمد: لا انا حقك وملكك وبحبك وبموت فيك
قرب مني ومسكني من نصي وانا سحت ف مكاني وسك وشي بيدو وقرب عاوز يبوسني جا سالم ياخ انحرجت احراج وطلعت خليتهم ف المطبخ وانا وشي زي الطماطم.
سالم: احم شكلو ف تطور
محمد: ههههههههه واكتر شكلي قربت
سالم: ههههههههههه بالتوفيق
بلسان محمد؛"؛:،:
صحيت استحميت وصليت وطلعت المطبخ شفت ساره ف المطبخ لقيت نفسي قريب ليها وبشم ف ريحة عطرها هي حست بي ولمن قبلت لقتني قريب ليها اتوترت وقالت لي اقعد ف الكرسي قعدت وبقيت اتغزل فيها وبعد داك طلعنا كم مشوار وجهزنا لحفلة مروان ولمن جهزت وجات مارقه بقيت مخلوع ف جمالها بالجد كل مرة بحس بيها احلي قربت منها اتصورنا وم فوت الفرصه بستها ف خدها ومشينا الحفله حسيت نفسي عطشان مشيت المطبخ بس حسيت بزول وراي قبلت لقيتها سلمي وكانت ملصوقه فيني حاولت اطلع بس اتفاجءت بساره جات قلت خلاص حاتفهمني غلط بس قالت ليها محمد خقي انا ووش سلمي بقي م بتفسر من الزعل وطلعت وقبلت لي وكانت مكشرة بس تاني ضحكت انا الساعه ديك م اتمالكت نفسي لقيت نفسي بخت يدي ف خصرهاا وبجرها علي وكنت حابوسها الا سالم جا وخربها وهي خجلت وطلعت طوالي