رواية هو انت مين الفصل التاسع9بقلم سحر السحرتي

*اصط-دمت في صدره وكان تائه في جمالها ورشاقتها وهي تلتف حول نفسها 

*عيناها اتسعت من المفاجاه وهو يقول لها 

:عامله دوشه ليه

 :دكتور اياد بتعمل ايه هنا 

:مستني جنابك قعدت فوق مع طنط على ما تشرفي مش في مشروعات عايزين نخلصها

 :ما انا قلت لها تعتذر بدل ما تستنى على الفاضي وتروح 

:لا انا قاعد لك كنت فين

 :ما انا قلت لماما هسلم شغل للبازار وحضرتك قعدت كل مستنيني ليه

: ما اقدرش دلوقتي يعدي يوم من غير ما اشوفك قصدي عشان اساعدك في المشاريع عشان تلحقي تخلصي السنه دي بقى

 :قلت لحضرتك ما تقلقش انا اقدر اعملها انا كان بيوقفني الفلوس والحمد لله بقت متوفره 

:افهم من كده انك مش محتاجه مني حاجه واروح

: انا ما قلتش كده بس مش عايزه اتعبك 

:وانا مش تعبان كلي بسرعه عشان نلحق نخلص بس شكلك جعان قوي 

: الحقيقه ما اكلتش اي حاجه من الصبح 

:ليه كده 

: ماما كانت نايمة وانا بحب الساندوتش من أيدها له طعم تاني فقلت بلاش اتعبها وكسلت اعمل 

: الحقيقه سندوتشات تحفه انا شخصيا حبيتهم قوي 

 : اسفة من الجوع نسيت الذوق اتفضل معايا 

:لا اكلت مع طنط

*نظرت له باستغراب 

: انا حاسه انك بقيت بتاكل معاها اكثر مني 

:دي حقيقة فعلا وكمان احنا بقينا أصحاب قوي انا وهي 

:طب خلي بالك لا تقلب عليك قلبتها وح-شة

 :اطلعي منها انت بتقولي كده غي-رانه انها ممكن تحبني أكثر منك

: لا طبعا  انت بتحلم انا الدلوعة بتاعها مهما حاولت

: هتشوفي 

: هههههه ماشي 

*حاولت الته-رب منه مرارا وتكرارا لم تجد سوى وسيله واحده هي ان تنتهي سريعا من المشاريع المطلوبه كي تبتعد عنه  ... فقد بدات مشاعرها تنجرف في تيار حبه وهي الان على وشك السقوط في بئر عشقه 

*كانت متحيره و مع-ذبه فهذا الحب ه-لاك لقلبها ولا امل منه ويل-ها من هذا الحب 

*انتهت سريعا كما خططت من المشاريع بمساعده اياد ولكنها تعلقت به كثيرا اكثر من ذي قبل 

بقلمي سحر السحرتي 

*بدات بالابتعاد عنه بحجه المذاكره من اجل الامتحانات النظريه فعرض عليها المساعده 

:شكرا يا دكتور كفايه تعبك معايا في المشاريع انا كويسه في النظري وتقريبا لميت المواد كلها 

:براحتك اشوفك بعد الامتحانات 

:هو حضرتك هتحتاج المرسم الفتره الجايه 

:لا هبقى مشغول في الامتحانات فمش هقدر احدد وقت استخدامي عموما قبل ما اجي هتصل على طنط و ابلغها 

*كانت عنود تقوم بالرسم اولا وتؤجل المذاكره لوقت لاحق بمعنى اخر حتى اتصال اياد ليحضر ويستخدم المرسم تصعد هي للمذاكره فتكون وسيله لعدم مقابلته

 *انتهت الامتحانات واتفقت معها دينا صديقتها ابنة دكتور عزيز ان تذهب معهم في رحله عده ايام الى الفيوم 

*وجدتها فرصه كي تذهب امها في نزهه

: و لازمته ايه يا عنود مش كفايه الرحله اللي كانت في اول الترم

: يا ماما الحمد لله معانا فلوس كويسه دلوقت وانت طول الترم مش بتخرجي من البيت غير لو رحتي عند حد من الجيران وده نادر ....  فرصه تغيري جو

 : اللي تشوفيه رغم اني حاسه انك انت اللي عايزه تغيري جو و تسافري

: هههههه ما تحسبيها اني بعمل فيك جميل

: حبيبتي تستاهلي تريحي بعد تعبك مش محتاجه حجه روحي انت و سيبيني 

:من غيرك طبعا لا استحاله انت عارفه ما اقدرش ابعد عنك كام يوم وفعلا نفسي تغيري جو 

:ماشي يا حبيبتي 

*وصلت عنود بسياراتها الى الكامب المتفق عليه والتقت بدينا التي قامت مع مع عنود بالص-راخ عند لقائهم وفزع الجميع من هذه الحركه الطفوليه 

:عاااا دودو 

:عااا ديدي وحشتيني قوي

: انت اللي وحشه كل ما اقول لك نتقابل تقولي مش فاضيه

 :اتخرج و افضالك يا قمر 

*وجدت من يقول خلفها

: ويا ترى مين فيكم دودو ومين ديدي 

*ردت عنود بسرعه و تلقائيه 

:انا دودو وهي ديدي عشان حروفنا .....مين دكتور اياد هو حضرتك هنا 

*متفأجاه ليه

 :اصل ما اعرفش 

:ولو عرفتي 

*همس بالباقي في اذنيها 

:طبعا ما كنتيش جيتي

 :صح عرفت منين 

*ما زال يهمس :عشان بقيت حافظك وحشتيني قوي

*كان وقع هذه الكلمة عليها كس-قوطها من فوق تلة كبيرة 

: ها ... نعم ... يا ماما يلا عشان تريحي في الغرفه الطريق كان طويل عليك

 فاطيما :اياد انت هنا يا حبيبي عامل ايه لو اعرف انك جاي كنت وافقت من غير ما اغلبها وهي بتتحايل عليا

 :ده انا وافقت في اخر لحظه لما عرفت انك جايه 

:كويس انا بحب اقعد معاك 

:وانا كمان يا طنط 

عنود : هو في ايه هو ناوي ياخدك مني هبطل اجرهله المرسم

: انت عايزة حضني لك وبس اياد زي ابني وطلعي نفسك منها

اياد: غلبت اقول لها غير اني قلت لها هتحبيني أكثر مش مصدقه 

: لا في دي عندها حق هي من يوم ما جت خط-فت قلبي لها لوحده

*همس جمب عنود 

: وخط-فت قلبي انا كمان 

*قالت بتوتر 

عنود:ادخلي انت الغرفه يا ماما وانا هجيب الشنط 

اياد: استني هساعدك

: مفيش داعي دول شنطتين 

:انت قادره تشيلي نفسك لما هتشيلي شنطتين 

*همست

 :دب-ش دب-ش

: سمعتك

 :احلى دب-ش والله 

:هربتي من تحت ايدي وبقيت مش بدرس لك

 :الحمد لله

: نعم لسه سامعك

: يا دينا انت تعالي ساعديني

: ما انت معاكي دكتور اياد و هروح البس عشان نروح نتزلج على الرمله اخلصي بسرعه احسن نتاخر

بقلمي سحر السحرتي 

 اشجان: دكتور عزيز دي رحله خاصه باعضاء هيئه التدريس و اسرهم ايه اللي جاب طلبه معانا 

*كانت تقصد عنود

عزيز :اولا دي رحله غير رسميه انا عاملها لينا مع بعض عشان بحب نحس اننا أسرة واحدة و عنود زي بنتي ووالدتها زي اختي يعني ما زالت في الاسره ولو حضرتك عندك مشكله المره الجايه ممكن تعتذري

 عنود :دكتور عزيز لو وجودي مضايق اي حد انا ممكن امشي لكن اي حاجه تتقال قدام ماما اكيد مش هسكت

 اياد :دكتوره اشجان اكيد ما تقصدش وطبعا مش هتتكلم قدام طنط روحي غيري عشان كلنا طالعين للتزلج 

*ذهبت ورتبت ملابسها وارتدت شورت و سويت شيرت وخرجت 

*وصل معتز وخطيبته ووالدها و رائاها فتحدث بعص-بيه مع شروق 

:يلا روحي البسي حاجه محترمه وطويله 

*فهمت عنود انه يقصدها بملابسها لكنها لم تعره اي اهتمام وجدت اتصال من اياد يتحدث بعيدا عنهم 

:ادخلي غيري الشورت ده

 *فابتعدت  وردت

: ما دينا لابسه شورت هي كمان الرمل هيدخل جوه هدومي 

تحدث بح-دة بين اسنانه

:تدخل جوه هدومك احسن ما ادخلها في زورك 

:نعم بمناسبه ايه ومش قلت هتبطل الدب-ش ده 

:طب عشان خاطري غيري ممكن 

*امام كلماته المهذبه أو كأنها مسحورة من اهتمامه وغيرته عليها قالت بكل رقه 

:حاضر مش هزعلك  

*سعد لاستجابتها دون ان تجادل كثيرا 

دينا :رايحه فين

 :هغير البس بنطلون 

:مش هتعرفي تلعبي

 :لا ما انا افتكرت ان زمان في حاجه قرصتني من الرمل فبلاش بقى احسن اتقرص ثاني المره دي

بقلمي سحر السحرتي 

*دخلت و ابدلت ملابسها وذهبت لتركب السياره مع دينا 

*فمر اياد بجانبها وهمس في اذنيها 

:افردي وشك بدل الك-لضمه دي 

*فدبدبت في الارض كالاطفال 

دينا في ايه بتعملي كده ليه

: نمل في الارض بم-وته احسن يقرص-ني ويفرسني

 *فابتسم اياد على طفولتها 

*وصلا مكان التزلج و جريت هي ودينا كالاطفال وبدؤوا في اللعب عده مرات مع الص-راخ الفكاهي والسق-وط ونظرات اياد لهم المعجبه بحركاتهم 

*لاحظت عنود ان شروق لا تستمتع مع معتز وانه يقيد من حركتها فندهت عليها

: تعالي العبي معانا احنا بنات مع بعض

 :يعني انت مش زعلانه مني 

:تعالي نلعب وبعدين نبقى نقعد نتكلم

 *استمروا في اللعب سويا مع بعضهم و شعروا بالسعاده وجلست الفتيات للاستراحه بجانب بعضهم ففتحت شروق الموضوع ثانيا مع عنود

: انت لسه زعلانه مني 

:لا انا فاهمه انت عملتي كده ليه بس عايزاك تفهمي اني مش بجري وراه وعايزه اخده منك ولا انا حبيته ولا هو حبني

: امال اتخطبتوا ليه

 :انا وافقت من زنه وبصراحه كنت مشدوده له شويه وبعد ما فسخنا الخطوبه لما وقعت في الازمه بتاعتي ما وقفش جنبي فس-قطته من حساباتي

: امال هو لسه بيحبك ليه

: هو ما حبنيش هو خطبني عشان كان عايز يعطلني و يترتب هو على الدفعه ويتعين بس لو كان صبر كان اتعين من غير تعب بعد اللي حصل لي

: وانت عرفت منين الكلام ده 

:واحد زميلنا حكى لي كان حاسس بالذنب انه يعرف وما حذرنيش وخاف ارجع له او ازعل عليه

 :امال ليه بشوف في عينه واحس انه بيحبك 

:لا انا مجرد حاجه كان نفسه فيها يمكن ...  لكن عمره ما حبني فخلي بالك منه لو عندك مصلحه له بلاش ياخدها كلها وخليه دايما محتاج لك لان لو حاجته خلصت هيشوف غيرك وتبقى عينه عليك زيي كدة

: بس انا بحبه قوي

 :عارفه عشان كده بقول لك النصيحه دي لو مش بتحبيه كنت قلت لك سيبيه يلا بقى نلعب كمان كام مره قربنا نمشي

بقلمي سحر السحرتي 

*عادوا للعب وعادوا بعدها للكامب

 *في المساء اقيمت حفله سمر في الكامب وحضرت عنود ووالدتها وجميع الحضور 

*استمعت عنود لاغنيه خليجيه تعالي لعلي القاسم ومحمود التركي فبدات بالرقص بالطريقه الخليجيه وامسكت يد والدتها كي ترقص معها وقامت دينا وشروق وسط ضحكتهم 

*شرد اياد في طريقه رقص عنود التي كانت لطيفه و كوميديه و ضحكتها سحرته مع ميل شعرها للاسفل و الجانبين بطريقه الرقص الخليجي وايضا سعادة والدتها معها

*لكن معتز كان غاض-ب فقام وسحب شروق من يدها لتجلس معه ولا ترقص معهم

 *بعد انتهاء الاغنيه جلست فاطيما على الكرسي وجلست عنود بجانب قدمها على مسند ارضي ووضعت راسها فوق قدميها فلعبت فاطيما في شعرها كالاطفال .... فسق-طت بعض العبرات من عيون عنود وسريعا مسحتهم قبل ان تنتبه امها لذلك لكن اياد لاحظها فارسل لها رساله

: بتعيطي ليه

: مفيش افتكرت لما كنا بنيجي الرحله دي مع بابا ولما اعمل كده يزقني من على رجل ماما ويقول لي امشي بعيد عن مراتي كانوا بيحبوا بعض قوي و بيغير عليها مني

: طب مش عايز اشوف دموعك تاني

 *قبل ان ترد على رسالته وقفت والدتها

: انا هروح انام بقى 

:خلاص هلعب شويه مع دينا و احصلك 

:ماشي يا حبيبتي خليكي براحتك وانبسطي

*جلست الفتيات يلعبن بالورق و يضحكن الى ان ذهب جميع الكبار للنوم 

*فاقترحت عنود وهي تغمز لهم بعينيها

:تيجوا نلعب الشايب واللي يخسر نحكم عليه بس احكام ص-عبه

 دينا: انا عارفه احكامك بتبقى مني-له قوليها بدري عشان نبقى عارفين من الاول فاكرة اخر مره خلتينا نطلع فوق السطح ونرمي بلالين ماء على الناس وساعتها بابا هزقنا لما جت واحده فيه

*ضحكت شروق بشدة 

:انت مجنونه بجد وانت سمعتي كلامها

: للاسف وباباها أجن منها عاقبنا بأنه حط لكل واحدة مكعب ثلج في ظهرها 

عنود: ما تفكرنيش يومها فضلنا نتنطط زي القرود المهم شوفوا ... اللي يخسر يختار رقم غرفه يخبط عليها ويقول لهم عندكم ملح 

دينا : هههههه هتصحي الناس وكدة غلط بابا المرة دى هيربط أيدينا ورجلينا

:خلاص يخبط خبطتين و يستنى دقيقه ما حدش فتح خلاص يمشي

: ماشي نلعب بس هي غرفه واحده لو ما فتحتش خلص الع-قاب

: ظلا يلعبان الى ان خسرت عنود و تبقت غرفه واحده فحاولت التملص لكنهم لم يمهلوها و أصروا أن تنفذ الع-قاب مثلهم

*ذهبت لتطرق باب الغرفه وكانت متخوفه قليلا كانت تعطي ظهرها للباب وتنظر لدينا وشروق كي يعطوها الاشاره بانتهاء الدقيقه 

*تفاجات بسحبها داخل الغرفه وقفت الفتاتان مذهولتان لا يدرينا ماذا يفعلن 

*كان اياد هو من سحب عنود و اسند ظهرها للحائط واقترب عليها جدا

 :مش عيب لما تخبطوا على الناس بالليل وهما نايمين 

*توترت عنود وردت وهي تقطع في الكلام

: ده ... ده ... حكم في لعبه الشايب وهم اللي اقترحوا عليا كده 

:طب انا كمان هحكم عليكم عشان تبطلوا لعب العيال ده كان ممكن حد غيري يشد واحده فيكم واول عقاب لك انت 

*قبلها من خدها فوضعت يدها علي خدها ونظرت بخجل في الارض 

:ودلوقتي اخرجي وانت رافعه ايدك لفوق 

*نفذت كما قال وجدتها الفتاتين تخرج وتميل بشفتيها لليمين و اليسار وهو من خلفها و يربع يده امام صدره ونظراته الح-اده وفي منتهى الجديه 

:تعالوا هنا هترفعوا ايدكم لفوق كده زيها عق-اب لكم عشان تبطلوا الحركات دي لانها عيب 

*دينا بتحدي: ولو ما عملناش احنا مش طلبه عندك 

:هروح اخبط على الغرف بتاعه اهلكم و اصحيهم و احكي لهم وهتشوفي عق-ابهم هما عامل ازاي خصوصا دكتور عزيز... انما لو تنفذي من غير عند زي الشطوره عنود هيبقى الموضوع بينا وكلها 10 دقائق 

*نفذت الفتيات و وجههم للحائط كالاطفال المذنب-ين همست دينا لعنود 

:ادي اخره افكارك المن-يله متذن-بين زي العيال ينفع وانا في السن ده ارفع ايدي كدة دى انا ما عملتهاش وانا طفلة

*كانت تضحك على وضعهم

:وانا مالي قلت اقتراح و عجبك و نفذتيه

 شروق: انا كمان مالي ومال شروتك المه-ببه دي 

اياد :من غير صوت احسن ابدأ الوقت من اول وجديد 

*عنود وما زال وجهها للحائط

 :خلاص بقى يا دكتور احنا اخواتك الصغيرين و غل-طنا ومش هنعملها ثاني 

:انت بالذات تسكتي عشان متاكد انها فكرتك

 :ابدا مش انا 

:طب لو طلعت فكرتك هسيبهم هما وانت هتفضلي واقفه 

*في نفس واحد قالت شروق ودينا

 :فكرتها يا دكتور والله 

عنود: اصحابك خان-وك يا ريتشارد 

اياد :روحوا ناموا يا بنات و سيبوها لي 

*اسرع الفتيات وتركوها وهي تنادي 

:تعالوا يا خ-ونه ما تسيبونيش ديدي يا ن-دله 

*لم يلتفتن اليها وذهبا فع-ضت على شفتيها 

:اه يا جب-انه منك ليها

 *خطرت على بالها فكره الاسراع هي الاخرى ولكن اياد كان يعرف فيما تفكر

: لو اتحركتي خطوه واحده هذنبك ساعه قدام مامتك ودي بقى حبيبتي ومش هتعارضني

:ليه بس كده يا دكتور خليك فريش احنا في رحله و جايين ننبسط

بقلمي سحر السحرتي 

:انا ممكن اسيبك تمشي بس توعديني

 *تسرعت وقالت

: اوعدك 

:مش تعرفي الاول على ايه 

:مش مشكله ايدي وجعتني واكيد عايزني ما اعملهاش تاني

 :انت اصلا بعد العقاب ده من نفسك مش هتعمليها تاني

: امال ايه

 :مش هترقصي تاني زي النهارده 

:نعم يعني لبستني بنطلون بدل الشورت وسكت وكمان عايزني ابطل رقص ما اروح ادف-ن نفسي في الرمله بقى

 *اقترب منها وهمس في اذنها 

:بغ-ير عليك فيها حاجه دي 

*اخفضت يدها ونظرت له بدهشه وص-دمة لم تتوقع ما قاله

: ها ... انت بتقول ايه

                 الفصل العاشر من هنا