رواية معجزة عشقي
الفصل العاشر10
بقلم مروان فرج
صلاح....هدا يلي صار البنت ماعندكش فيها نصيب سامحني وهيا السلام عليكم وسكر الخط في وجهه ادم
ادم....ع طول كسر تلفونه وطلع يجري ولع سيارته وطلع بسرعه جنونيه......🔥🔥😱🔇
ادم....كيف هكي يصير بس خيره بوها غير راي معقوله عائشه هيا يلي درات هكي بس مستحيل عاىشه ادير هكي لانا هيا من الاساس ماعندهاش كلمه معا بوها من وين طلع ولد خالها هدأ اكيد هداكا يلي تلاقيت معاه يومها بس مستحيل يصير هكي بكل🔥
ووووك شن هالقصه هدا خليني نلحق عليهم قبل لايروحو ونعرف كيف نحل الموضوع ومشي ادم بسرعه جنونيه لحوش صلاح بوه عائشه طعبا كانت مسافه طويله ويبي وقت عشان يوصل بس ادم بروحه مش عارف شن يلي خلاه يطلع ف اليل ويمشي
#في حوش صلاح
صلاح...هكي راضي ي عبدالجليل اهو كلمنا من قصه ادم وانتا ديرها زي بنتك ونا راضيه بي يلي رح اديره
عبدالجليل...اي راضي وبارك الله فيك وإنشاء الله مانقصرو معاها عويشه ورح نروح بيها لحوشي وتقعد معاي غادي لين تكمل قرايتها ونديروها العرس شن رايك ي صلاح
صلاح....مافيش اي مشكله يلي تشوف انتا مناسب ديره
عبدالجليل....ع خير إنشاء الله وقعدو يهدرزو معا بعض❤️
______________________
انا...كنت مقعمزه معا مرح وريان نهدرزو وكان جوهم حلو بكل ونا فرحانه عشان كانو اول يجو لحوشنا ويهدرزو معاي كان الحو حلو❤️😍
ريان...احححم كانت تشوف لمرح وهيا فرحانه وتضحك
مرح....اسسس ي ريان شن قال بابا خيرك انتي
انا....شن في ي مرح شن داسين عليااا في شي يعني🙄
مرح.....ههههه لالا مافي شي بكل مغير تعرفيها ريان ديما هكي
ريان....ههههه مافي شي ي عويشه خيرك عاد
انا....امممم باهي حقا بنوريك حاجه جتني هديه من صاحبتي ارجوان😍
مرح...شن هيا
انا....دقيقه ونضت طلعت الفقطان يلي شرتهلي ارجوان ووريته لمرح وريان
ريان....اوووووف شن هدا محلاه يهبل من وين حصلتي محلاه كيف رح يطلعك عليك ي عويشه
انا....ههههه هدا هديه من صاحبتي ارجوان
مرح....هههههه نبي نقيسه راهو
انا ...من عيوني هوا ليك اصلا
مرح....محلاك خليني نقيسه توا باهي عطيهلي
انا ..هاك وطلعت انا وريان براا وجت موده قاتلي خالك يبيك هوا في المريوعه يبي يشوفك
انا....خالووو استاحشته كلمت ريان وقولتها نشوف خالي ونجي مش رح نطول باهي
ريان ...تمام❤️
مشيت للمطبخ وخديت السفره متاع الضيافه من ريم وكانت مش فرحانه بكل وكان تلقي تاكليني بكل😐
انا...درت روحي مش مدورتها بكل خديتها منها ومشيت للمربوعه عشان نشوف خالي
ونا نمشي حسيت بشي غريب داخلي وكان في شي رح يصير بس ماكنتش نعلم بيه شن هوا تلاقيت معا مرت خالي جايه وكانت تحكي معا خالي من ع الباب وصلت للمربوعه خش خالي داخل وهيا مشت للصاله
انا...دقيت الباب بالشوي وخشيت لقيت خالي مقعمزه هوا والمعتصم وبابا❤️
عبدالجليل....عويشتي تعالي سلمي ع خالك
انا ..جيت وحضنت خالي وقولت استاحشتك
عبدالجليل...حتني والله عندي ليك مفاجاه حلوه رح تعجبك هلبا
انا...بفرحه شن هيا😍
عبدالجليل....من اليوم رح تعيشي معانا ف حوشنا شن رايك ي عويشتي
لنا....احييي ياريت والله وكنت نفكر انا خلاص رح تتغير حياتي ونطلع من الحوش هدا ونفتك من ظلم مرت بوي سميه ومن مشاكل ريم وموده كنت فرحانه لدرجه مش متوقعه بكل
انا...ربي يخليك ليا يا احلي خال ف الدنيا😍❤️
عبدالجليل...ويخليك ليا ي بنتي عدي وتي روحك وخودي كل حاجاتك بتروحي معانا توا
انا...هيا ومشيت نجري وكانت الفرحه تمتلا قليي وماعنديش وين نحطها بكل حسيت روحي قريب نطير من الفرحه حسيت من داخلي اني فرحانه
خشيت لحوشنا ومشيت من جنب الصاله ولقيت مرت خالي هيا ومرت ولد خالي المعتصم مقعمزين وقاتلي جت عروستنا الحلوه تعالي ياعويشه قعمزي بحدانا شوي
انا....انصدمت كيف هكي شن تحكي هادي🙄🔥
نعيمه....عويشتي نبي نقولك اليوم خالك خطبك لولدي امير وإنشاء الله يكون امير كويس ومايقصرش معاك تعالي عطيني حضن
انا...جيتها وكنت مش مصدقه يلي نسمع فيه كيف يصير هكي نا مخطوبه لادم والل انا نحلم
سميه....استغربت بس هكي صار عاىشه مخطوبه راهو
نعيمه...اي صح بس خالها حل المشكله وبوها كلم ادم واعتدر منه وكل شي تمام وتوا عويشتي رح تكون كنتي ورح تتزوج وليدي امير
انا...وصلت لعند مرت خالي وكانت الدمعه في عيني قريب تنزل بكل حسيت روحي ماعنديش لاري ولا مشاعر بكل معقوله هكي ماياخدوش راي بكل هل موافقه ولالا
نعميه...خيرك يابنتي نحس فيك مش ع بعضك فيك شي
انا... لالا عمتو وحاضنتها وكان قلبي مكسور بكل كيف رح نتزوج امير ونا نشوف فيه زي خوي💔
استادنت من مرت خالي وقوتلها بنمشي لمرح وريان ونا طالعه من الصاله لقيت ريم ع جنب وسمعت كل شي وكانت تضحك وتشوفيلي بنظره حقيره بكل 🔥
مشيت لداري ولقيت مرح لابسه الفقطان وكان طالع عليها حلوو وهيا فرحانه بيه وريان قاتلي اكيد ماما قاتلك صح
انا...اي قاتلي
مرح....امممم واخيرا رح تكوني معانا وحضنتي هيا وريان انا حضنتهم بس قلبي خلاص كان مكسور
درت روحي فرحانه بالسيف مانبيش حد يلاحظ عليا اني مش فرحانه
مرح...حقا ماقوتليش كيف طالع عليا الفقطان ي عويشه حلو ولالا
أنا....يهبل محلاه💔
مرح...انتي احلي
ريان.....خيرك عويشيتي فيك شي نحس فيك مش ع بعضك والل العريس مش عاجبك😐
انا...هههه لالا مافياا شي الحق بس ماكنتش متوقعه يصير هكي
مرح....ليش باهي
انا.... ماهو نا كنت مخطوبه وهدا ليش ماكنتش متوقعه
مرح....مخطوبه !!!من منو من يلي خطبك
انا....ادم خطبني من يومين
مرح.....تبصري صح!!!🙄
انا ..لا والله بس خالي قال حليت المشكله وكل شي وكلم ادم وقاله ماعندكش نصيب وهكي
مرح....كويس بكل خلينيي توا نتصل باامير ونفرحه اكيد يستني ف الخبر هدا
انا....🔥💔فتحت دولابي وقعدت نحط في حاجاتي ف الشنظه وكلمت ريان عشان تساعديني لاني رح نروح معا خالي لحوشهم
مرح ع طول اتصلت بي امير رد عليها امير وكلن يتمني انا عاىشه ترفض
امير....الووو مرح
مرح....اهلين امير وفتحت المايك وكنت نسمع ف صوت امير
امير...هلا شن في ي مرح
مرح.....الف مبروك ياعريس بابا خطبك عويشه وهيا تسمع فيك توا
امير.....سكت شوي !!!ومعاش عرف شن يقول
مرح...امير وينك تسمع فيااا الف مبروك راهو العرس قريب
امير ....الله يبارك فيك توا نا بحداي صاحبي بنسكر تمام هيا سلام
مرح....تمام سلام وسكرت الخط
انا....حسيت بشي ف صوت امير وكانه حتي هوا مش راضي ع الخطوبه بس صار يلي صار 🔥
وتيت دبشي كلا ولميت كتبي وكان كل شي واتي وقعدت نهدرز معا مرح وريان ❤️ وكان جوهم حلو الحق بس نا يلي صار صدمه من اول ماسمعت الخبر كنت نبي نعرف كيف يحس ادم توا بس وشن رح يدير
ريم....كانت فرحانه وكل ماتشوفي كان تغيض فياا بنظراتها الحقيره بكل وكنت شاده روحي عليها بالسف وكان نلقي نعطيها طريحه لين نقتلها
#عند امير
امير...كان مكسد معا اصحابه يعني طالعين براا ولما سمع بالخبر تغير حوه كان متوقع انا عاىشه ترفض بس هدا يللي صار
رح نرجعكم بيكم بالوقت للوراء قبل عامين
امير ..كان متعلق بنت ويحبها حب لين خلاص وكان يبي يخبطها بس والبنت حتي هيا كانت تحبه اسمه مروه كانو ع علاقه من3سنين وطبعا البنت اصغر منه بسنين تلاقو معا بعض ف محل ومن وقتها امير تعلق بيها لدرجه كان مايشوفش فيها غيرها بكل
امير....كان يبي يتقدملها وكل شي بس بوه كان رافض الفكره لانا خوه مروه كان مش كويس بكل متاع حشيش ومتاع مشاكل وهدا ليش عبدالجليل كان رافض الفكره نهائيا
وامير...حاول معا بوه اكثر من مره وكلم امه بس امه حتي هيا كانت مش موافقه بكل 💔
امير...لما يايس من الموضوع سيب مروه ومعاش يقدر يحكي معاها بكل وحول فكره الزواح من راسه ومن وقتها لعند اليوم معاش حكي معاها كان ليه الموضوع سنتين بش كانت مروه في قلبي❤️
امير....حس بنفسيته تضايقت استادن من اصحابه وطلع روح لحوشهم قبل لايوصلو اهله
#في حوش صلاح
عبدالجليل...هيا بتعطيني الادن ي صلاح وقت الساعه12توا بنروحو وإنشاء الله كل يلي رح يصير من تحهيزات للييان والعرس رح نقولك عليه وتشرفنا بحضورك
صلاح...بادن الله
عبدالجليل....هيا ياالمعتصم كلم امك وكلمها تكلم عاىشه عشان تروح معانا
المعتصم...هيا ورن علي مرته وقالها تكلم امه وتكلم عاىشه
انا... كنت قاعده معا البنات وجتني مرت بوي وقاتلي قالك خالك هيا كان بتروحي معاهم وكانت فرحانه عشان رح تتريح مني🔥😐
انا ...تمام خديت شنطنتي ومرح خدت كتبي وحاجات وطلعت لقيت خالي يستني فياا براا
عبدالجليل. اركبي ياعويشه معا المعتصم هوا ومرته هيا
انا...تمام فتحت الباب من وراء وركبت معا المعتصم وكنت قاعده مش مصدقه يلي صار بكل🔥🥺
طلع خالي هوا وعيلته قدامنا بالسياره وطلع وراه المعتصم وكنت ع الروشن نزلته ومشينا من حنب حوش ادم كان الضي والع برا وكان الجو مش حلو بكل ونا كنت عارفه انا ادم مش هنا
وصلنا لحوش خالي وخشيت معا البنات لدارهم وعطوني سرير ودلاب حطيتهم فيهم دبشي وعلي طول تمدتت ع السرير وقلبت وجهي على الجهه التانيه عشان مايشوفينيش حد وقعدت نبكي بس بدون صوت بكل🥺💔💔لين رقدت
مرح... وريان كانو مستغرابات مني ومش عارفين شن فياا بس مابوش يسالوني خلوني ع راحتي
امير...كان متكي ف المربوعه الخارجيه كان مكسد بروحه وعرف انا عائشه جت هنا لحوشهم وهدا ليش معاش كان معاش يبي يخش داخل لحوشهم❤️
#عند ادم
ادم...كان جاي بسرعه عشان يلحق ويفهم من صلاح شن صار بالضبظ وصل قدام حوش صلاح وكانت الساعه 1في اليل بعد ماروحو بعائشه لحوش عبدالجليل ع طول درس سيارته قدام الحوش ورن جرس الباب
صلاح...كان راقد جت نوضته سميه وقاتله ف حد يرن في الجرس
صلاح...ناض وهوا مستغرب من يلي بجينا الساعه 1في اليل😳ناض وفتح الباب وانصدم لما لقي ادم قدامه
ادم....كان مايشوفش في شي قدام بكل راقيله لين خلاص من يلي صار
صلاح...ماتوقعش انا ادم يجي وخصوصا ف الوقت هدا صلاح خيرك ي ولدي شن في
ادم...نبي نحكي معاك ف موضوع كيف صار هكي انتا عطيتني كلمه ولالا كيف تبدليني
صلاح...مغير تفضل قبل ماتجيش هك نحكو هنا قدام الباب
ادم...احكي قولي نا مش رح نخش نبي نفهم ليش هكي بس
صلاح... والله ي ادم مش مني بس خالها جي وطلبها لولده وقال هادي وصيته امه وهوا يلي طلب مني اني نكلمك واصر عليا
ادم...وكان يخبط بيده ع الباب بس مش هكي هادي اهانه ليا راهو
صلاح...عندي ليك حل برا كلم خالها ولو هوا وافق انا والله ماعندي مشكله وكان موافقش ماعندي مانديرلك ياولدي
ادم...باهي مشكور وطلع ركب سيارته
صلاح...بنقولك انا عائشه مشت لحوش خالها ورح تقعد غادي يعني رح يوصلها هوا للمدرسه معاش ادورها انتا وبارك الله فيك 🔥
ادم....خلاص كان قلبه ناااار طلع وروح لحوشهم وكان ادم جو مش رايق بكل🔥خش لحوشهم وكان مايعلمش بيه حد من اهله اتكي ومجاش نوم بكل
___________$$$$_______
تاني يوم الصبح نضت نا وكان راسي دايخ بكل ومش عارفه شن يلي صايرلي ممكن لانا جوي امس كان مش حلو نضت غسلت وجهي ولقيت مرح وريان نايضات وكان يبو يمشو لقرايتهم لقيت خالي نايض
انا.... صباح الخير يا خالو
عبدالجليل...صباح النور ي عويشه شن حالك اليوم
انا....تمام الحمد لله
عبدالجليل..... إنشاء الله عجبك الجو هنا بس❣️
انا....اي كويس الحق❤️
عبدالجليل....اممم كويس شن تبي تمشي للمدرسه عشان كانهدا نوصلك
انا....لالا ماعندي شي اليوم مانبيش نمشي
عبدالجليل....باهي براحتك يلي تبيه رح نوصل مرح وريان ونجي تمام
انا....تمام خالو
مرح ....هههههه مش رح نطولو رح نجو ونكسدو معا بعض تمام
أنا...تمام نستني فيك درت هكي عشان كنت مانبيش نشوف ارجوان ونحكي معاه لانا كان موقفي صعب بكل كيف بنخبرها قولت نغيب يومين لين نسمع ارجوان من خوها وتتفهم وضعي🔥🥺
#في حوش عادل
ناضت ارجوان الصبح ووتت روحها للقرايه وكانت متعوده انا عائشه تجي عشان يمشو معا بعض لانا ادم كان ماهناش بس استغربت لما لقت ادم في الحوش 😳🔥
أرجوان... ادم امتي روحت انتا
ادم....جيت امس وكان يدوي من غير نيه
ارجوان....خيرك ادم فيك شي 😳
ادم...ولا شي هيا تبي تمشي لقرايتك
ارجوان....اي هيا
ادم....هيا تلقيني في سيارتك وطلع ادم ركب في سيارته وركبت معاه ارحوان وادم طلع طول للمدرسه متاعه
ارجوان.....باستغراب وين مش بناخدو عويشه معانا
ادم...لا وحكي لارجوان القصه كلهااا وكيف انا عاىشه خطبها ولد خالها
ارجوان.... انصدمت 😳وماعرفتش كيف تحكي معا ادم
ادم...وصل ارجوان قدام المدرسه وقاللها بعدين توا نجي نروح بيك
ارجوان...تمام خشت ارجوان للمدرسه وقعدت تدور ع عائشه بس للاسف عائشه ماكنتش غايبه اليوم
ادم...قعد قدام المدرسه شوي وطلع وجي بكري عشان كان يبي يشوف عاىشه ويحكي معاها بش للاسف ارجوان قاتله غايبه اليوم وماجتش🔥🥺
#تسريع الأحداث
مشو اسبوعين ع الحال هدا ونا قاعده ف حوش خالي وطبعا ادم اتصلو بيه من الخدمه متاعه وقالوله تعال وقع الاوراق وكل شي بس ادم رفض وفاتهم بكل
انا...رجعت للمدرسه متاعي ولقيت ارجوان وكان من اصعب لحظات حياتي حضنتها وفهمتها ع كل شي وانا صار عضبا عني ونا مش موافقه
ارجوان...تفهمتني وسالتها ع ادم بس قاتلي ماشي حاله
بدينا ف امتحانات وكان يجيب فياا خالي للمدرسه ولما بنروح نلقي في خالي يستني فياا ونا طالعه نشوف ف ادم براا يستني في ارجوان
كان يشوفليي وبس وكان يلقي يحكي ويتعارك معاي زي عوايده بس مش قادر
مشو ايامات في حوش خالي وكانت متسريحه هلباا وخدالي خالي تلفونه زي بناته وجابلي هلبا حاجات وامير مره مره نشوف فيه مش زي قبل ومعاش قعدنا نحكو معا بعض هلباا لانا كان يتحشم مني خصوصا لما خطبني😂🔥
لعند ماكملنا امتحانات وجي موعد بياني من امير🔥
كلمت ارجوان بالتلفون من هاتفي وقوتلها اليوم بياني راهو تبي تجي 🥺❣️
ارجوان...كانت تحكي معاي وكان ادم مقعمز ف الصالون وسمعني لما قولت اليوم بياني
ادم....🔥