رواية منتصف العمر الفصل الحادي عشر11بقلم جمانه السعيدي
مختار....بقيت بقلق ماكدرت انام
اوصل الراس الشارع وارجع ادخل للبيت وارجع اطلع
للساعه وحده بليل واني مانايم
رغم عندي دوام الصبح
ميت فكره اجت ابالي بعدين كلت ايجوز بقن هناك يباتن
لان من زمان ما رايحات للزياره
يمكن صار خمس سنوات هنا ما رايحات للزياره
حاولت انام بس القلق اكلني اني اعرف خالتي كلمته وحده كالت نرجع بنفس اليوم
مستحيل تغير رائيه وتخليني بقلق اكيد صاير شي
يارب مايكون صاير شي موزين
كعدت الصبح قررت مااروح للدوام لازم اطمن بلاول
كعدت صالح
مختار....صالح عينك على علاوي راح اسئل بلكراج
اذا اكو سيارات جايه من كربلا البارحه
لو يعرفون شي
صالح...انت ليش قلق هسه يجن ابجوز البارحه مالكن سيارات وقررن يبقن
مختار.. ميخالف اطمن هسه بسرعه وارجع
اذا ماكو شي ارجع ابدل واخذ علي واروح للدوام
صالح...روح اني مااطلع اله ترجع للبيت
مختار...رحت للكراج السيارات كربلا شفت السواق واكفين ويسولفون ومخبوصين
مختار...السلام عليكم
.الكل بصوت واحد عليكم السلام
مختار....من رخصتكم عائلتنا راحت البارحه الكربلا وعل اساس يرجعون المغرب لو بليل بس مارجعو
هم اكو سواق اجو بليل من كربلا لو محد اجا اريد اطمن عليهم
جمانه السعيدي
واحد من السواق رد عليه ...... البارحه اكو سياره بيها ناس اجت من كربلا انصدمت بسياره جبيره لوري
وكل الركاب والسايق ماتو
مختار...الله يستر ووين اكدر اسئل
...هذا ابو جواد يريد يروح للمستشفى يطمن على ابن اخوو
ماكو من امس راح يزور وما رجع
...ابو جواد أخذا هذا الولد وياك يسئل عن عائلته
ابوجواد ....اني بس اوصلك مااكدر ارجعك
مختار...اي ميخالف رحمله والديك
صعدت وياا السايق رجال بلخمسين لا بس جفيه وعكال
دشداشه وستره
اخذني للمستشفى الي نقلو الجثث اله
دخلنا على الاستعلامات
مختار.. من رخصتك اني عائلتي مفقوده من امس اربد اطمن
الاستعلامات....اي روح قسم الجراحه بي غرفه للوفبات هناك الجثث
تكدر تسئل عن عائلتك
مختار....زين الناس الي ماتت هم وياهم نسوان ثنيين
الاستعلامات....اي اكو أربع نسوان وياهم
عفته ورحت القسم الجراحه وصلت
كالو الجثث بذيج الغرفه ادخل واشوف اذا تعرف احد منهم
وهاي الجناسي الي حصلنا عليها من الجثث
قبل لا ادخل قررت اشوف الجناسي لان كلبي كلش خايف
كانت مكومه وكلها دم
كمت اباوع عليهن اكو مامبين الاسم هلكد مالدم جامد عليهن كمت امسح الدم بايدي واقرا الاسامي
كلبي انعصر حسيت راح اشوف احلام وخالتي ميتات
اول جنسيه شفته جنسية خالتي
راسا نزلن دموعي كمت مااشوف الجناسي زين
طلعت جنسية خالتي مسحت دموعي رجليه كامن يرجفن وكلبي يدك على السريع ودموعي ينزلن منا ومنا
بعد اربع جناسي طلعت جنسية احلام
سحبته وكمت ابجي بصوت عالي لا يالله
ماتن خالتي واحلام
ياربي دخيلك رجعت هلمره اتيتمت اني وابني مو بس اني
كعدت وكمت ابجي مااكدر اشوف جثثهن
مااكدر اوكف على طولي حيلي راح مني
كمت ابجي بصوت عالي مجاي اكدر اسيطر على نفسي
اجا هذا السايق ابو جواد
ابو جواد....هااا عمي لكيت اهلك
مختار...اي
ابو جواد...شفتهن
مختار...اهيييي اهييي مااكدر اشوفهن كلبي يتيم من زمان وهسه اتيتم بلزايد
زوجتي وخالتي ثنيبنهن بساعه وحده
ابو جواد...كوم اناكد اني ادخل وياك
جمانه السعيدي
كومني الرجال ودخل وياي وهو ساندني
صدكوني كوه امشي مااشوف كدامي من الدموع
كلبي راح يطلع من صدري من القهر والحسره
وصلنا اكو هواي جثث مغطيهن بجراجف وبطانيات
اكو ولد واكف بلباب
...عدكم احد ميت بحادث البارحه
مختار...مسحت دموعي ااي
....الجناسي لو سمحت
انطيته الجناسي اشرلنا النسوان ذنيج بذيج الصفحه
ارفع الغطى وشوف عائلتك
مختار...اريد امشي رجليه يخطن بلكاع كوه امشي
مديت ايدي ورجعته مااكدر اتحمل
لو جايب صالح وياي ايجوز هو اقوى مني
رفعت الغطى اول وحده خالتي
مختار...اهييي اهييي خاله خاله ليش عفتيني ماصدكت لكيتج ليش هيج
اني فكر اي انسان يساعدني يموت قبل امي وبيبتي
وهسه انتي ليش هيج
خاله شراح اكول العلاوي وين امك اهييي اهييي
خاله فدوه ارجعي اني محتاجج اكثر من احلام وصالح
خاله فدوه العينج الحنينه ليش عفتيني
رفعت الغطى الثاني احلام عبالك نايمه مو ميته
مغمضه عيونها وكصيبتها بصف راسها
مختار.. احلام حبيبتي بنيتي انتي ليش عفتيني
اني زعلتك بشي ام كلب الطيب
حبيبتي مااريد جهال علاوي كافي
اني صوجي ليش عفتج ترحين انت احسن وحده عرفتها بحياتي انتي زوجتي الحلوه
ليش عفتيني ولج انت مو مجنونه انتي اكثر وحده عاقله شفتها بحياتي
ليش هيج ثنيبنجن بنفس الوقت
ولله كلبي خلصان وما يتحمل فراك بعد ليش كل اهلي
عافوني اني فكر اني فكر
اي انسان يساعدني يموت
خاله حبيبتي فدوه ارجعي وحدي مااكدر بدونج
علاوي ما فكرتي بي انتي مو تكولين عزيزي
شلون عفتي
اذا سئلني عليج شراح اكول وين امك راحت
معقوله هاي المصيبه ياربي
كعدت بصف الجثث وكمت ابجي
اريد واحد يساعدني اريد واحد يكول هذا مو صدك هذا حلم وهسه تكعد منه
ترجع للبيت وتلكه خالتك واحلام بلبيت
اجا الولد الي باب الغرفه كال مايصير هيج
وين اهلك لازم اكو احد وياك حتى تستلمون الجثث
كمت اريد اوكف مااكدر الولد ساعدني حتى اطلع من الغرفه امشي وابجي فعلا اني وحدي مااكدر محتاج احد يسندني
اروح اجيب صالح هو اكبر مني اقوى اني بعد مااكدر اتحمل
اجرت نكسي ورجعت للبيت
بس شافني صالح راسا عاط بصوت عالي
صالح.. هاي شبيك امي بيها شي
حضنته وكمت ابجي
مختار.. خالتي واحلام ماتن اهيي اهيي
صالح ..شلون ماتن احجي
مختار.. حادث سياره موجوده جثثهن بلمستشفى
علاوي بس شافني ابجي راسا خاف وكام يبجي
عفت صالح وحضنته
مختار...بابا علاوي اتيتمت مثل ابوك اني كبلك
جنت يتيم امك ماتت سوده عليه ياعيوني انت
حظك مثل حظ ابوك
صالح...كام يبجي اول مره اشوفه هيج يبجي
ولكم الله واكبر فكد العزيز يشيب الراس
واني فكر ثنيينهن بوكت واحد
طلعنا من البيت مريت على ابوي
بس شفته رجعت ابجي
ابوي.. الله يستر شكو
مختار.. خالتي واحلام ماتن بحادث
ابوي... لا لا تحجي صدك استغفر الله
مختار... تعال ويانا اني ماكدر كوه واكف على حيلي
جمانه السعيدي
رحنا احنا التلاثه للمستشفى
اقوى واحد بينا كان ابوي حتى صالح احسن مني
اله اني حاضن علاوي وابجي
مدري ابجي على نفسي مدري ابجي على حظ ابني
حظه مثل حظ ابو ليش ما مكتبولنا نعيش وياا عائله
ليش مكتوب علينا الحزن والوجع
كبله اني عشت متلطم بلبيوت وحسره عليه الببت
والعائله
وهسه اجا الدور علي
كملناكل الاجرائات واستلمنا الجثث اخذناها ورحنا ندفن
الطريق كله ما نشفت دموعي
مااكدر مو بيدي مااكدر اسكت
دفناهن ورجعنا علاوي اخذته وياي للنجف
شاف كلشي بعينه هلكد ما بجه تعب من رجعنا نام بحضني
وصلنا لكيت بيتنا متروس نسوان من كرايبنا
بس دخلنا كامن يبجن وينعن خليت علي بحضني وكعت بنصهن ابجي حالي من حالهن
ابوي من شافني كام يبجي عليه
كوه طلعني من نص النسوان
هذا الموقف محتاج ملايه وبجي محتاج الطم الحد مااستوعب الي صار وياي
كل ايام الفاتحه وعلاوي حاضني بخاف من البجي
يخاف من كمية الناس الي ببتنا
يشوفني منهار وعيوني حمر كل شويه يمسح عيوني
بيده
جمانه السعيدي
اليوم السابع واني مامصدك حتى صالح احسن مني
اني ليش دخلت بيت خالتي
اني فكر ماتت خالتي بسبي اني نحس اني مومال عائله
طشرت الوادم طشار
بعد ليوم السابع ابوي كام يحجي عليه
ابوي...ارجع المدرستك ابنك هذا بس يبجي كل النهار بسبك اطلع من البيت راح تموت
قدر وصار يمكن يصير وياك وياي وياا اي احد
كلنا انموت اطلع ارجع المدرستك
مختار... اهييي مااكدر مااكدر
ابوي.. اطلع الخاطر ابنك
مختار....ابني صار يتيم
ابوي...لا مو يتيم انت موجود مايصير يتيم
مختار....تعبان يابه اني تعبان
ابوي....اطلع وانت تصير احسن
ابوي وجماعتي بلمدرسه يلحون عليه لازم ترجع للمدرسه
رجعت بس مالي خلك ولا واهس الاي شي
حتى مااكدر ادرس الطلاب
حتى علاوي كام ماياكل مثل قبل
بعد الفاتحه وكع مريض كلما اشوفه مريض
اكول وينج خاله تعاي شوفي علاوي شلون مريض من بعدج
حتى مايقبل ياكل
صعب ارجع مثل قبل حياتي صارت مخربطه
لحيتي شطولها تعبان ماانام زين الاكل موطيب
لو شناكل الاكل موطيب كلشي فقد طعمه من بعد خالتي واحلام