رواية منتصف العمر الفصل الثاني عشر12بقلم جمانه السعيدي
مختار....مر شهر وثنيين ووتلاثه واني ما تحسنت حالتي
على طول ضايج وحزين
البيت موحلو ووحش كلشي ناقص بلبيت
البيت الي ماكو بي مره مو بيت يصير بارد وكئيب
بعد ٩ اشهر من وفاة خالتي
بدا صالح يحضر الزواجه هو مو مثلي اني متعلم على العيشه هيج واكدر اطبخ واخدم نفسي
بس هو مامتعود على هيج عيشه
الاكل ماعاجبه ملابسه مايكدر يغسلهن
يتحجج على كلشي ددوم ضايج
مختار....ازوج خويه البيت بدون زوجه مو حلو
صالح.. بس تطلع السنه ازوج اني بعد مااكدر اتحمل أكثر
مختار...اني هم ادورلي مكان اعيش بي
صالح...ليش تكول هيج هذا البيت شكبره انت اسكن هنا واني اسكن فوك
تربد تصعد انت فوك واني هنا بكيفك
مختار....زوجتك غريبه تريد تاخذ راحتها بلبيت
بعدين انت مواعيد عملك مو مثلي اني العصر مااطلع
يوم الجمعه بلبيت مايصير نبقى اني وياها بلبيت
زحمه مايصير
ادورلي سكن بسيط وانتقل احسن اليه والك
صالح...ليش تكول هيج اني ما بقالي غيرك
مختار....اني مراح اعوفك كل يوم لازم اشوفك واطمن عليك علاوي هم مايستغني عنك خاله الحنيين
ابد مراح نتفارك صدك
جمانه السعيدي
مختار...بديت ادور بيت أو مشتمل زغير حتلو غرفه ومطبخ كافي علينا اني وابني
شهرين ادور وماكوو
ابوي هم يدور وياي
ابوي...ما تبني غرفه بيتنا فوك وتكعد بيها انت وابنك
مختار...ماعندي فلوس بناء ومااريد أقرب على هديل
اخاف على علاوي انت ماتعرف مثلي اذا قربنا عليها مستعده تقتلنا خلاص
ابوي...بكيفك
بعدها بشهر لكيت بيت كلش زغير
غرفتين ومطبخ بناء قديم ميخالف امشي اموري بي
رحت اشيل غراضي
صالح.. هاا خويه نويت
مختار.. انشاء الله
صالح ماقصر وياي انطاني كل غراضي الغرفه والفراشات
الي بيها وحصير وجدوره وحتى قنينة غاز والمبرده
الي كانت بغرفتي
رغم ذني الغراض كلهن خالتي جابتهن مو اني
ساعدني نقلنا الغراض وفرشنا البيت
كعدنا اني وابني بلبيت واستقرينا
من بعدها بدينا نرتب بيت خالتي علمود العرس
صبغت البيت كله وعدلنا وجبنا غرفة نوم وحضرنا
الفراشات
كل لحظه تمر عليه واني ارتب بلبيت اتخيل خالتي موجوده وفرحانه بعرس صالح
اتخيل احلام تمشي وبطنها كدامها
اتخيل لو خالتي واحلام موجودات جان هسه عرس صالح احلى عرس بلدنيا
اجا يوم العرس وحضر ابوي وعمامي وخوالي
العرس حلو بس اني ماكنت فرحان خالتي ماكوووو
زفينا صالح وكلمن رجع البيته
قررت اهتم باابني وبس ماكو زواج ماكو زوجت اب
علاوي مراح يعيش الشي الي اني عشته
الصبح نروح اني وياا للدوام من نرجع نتغدا ونام شويه
نكعد نحضر دروسنا ونتعشى
اغسل ملابسي وملابس علي وانضف البيت اطلع الزباله
انضف الصحيات بعدين انام
يوم الجمعه انضف الفراشات ونروح للسوك نشتري شكو شي ناقص
ووين مااروح علي وياي كنت اله الام والاب والأهل والعائله
بعدسنتين من وفاة خالتي واحلام
اجاني صالح هو وزوجته زوجته كانت حامل
مختار..اهلا وسهلا كل الهله بيكم نورتونا
صالح.. البيت منور بيك
زوجته...شلونك خويه
مختار...الله يحفظج اهلا وسهلا
صالح.. احنا اليوم جايين ناخذك نخطبلك
مختار.. تخطبولي
صالح...اي اخت منار زوجتي خوش بنيه وزغيره
مخلصه اعداديه واني حجيت وياا عمي بكول
اي مختار خوش ولد بس يجي يدلل
مختار...شكرا بس اني مراح ازوج
صالح...مايصير تبقى هيج انت وابنك محتارين بملابسكم واكلكم عاد وحده بلبيت تنضف تطبخ
مختار...ابد حلفت يمين عمري مراح ازوج ابد
صالح...اني اضمنها الك لاتخاف تحب علي وتخافظ علي
مختار....مستحيل ماازوج واجيب زوجه الهذا البيت
اني اريد اربي ابني
اني مرتاح الهذا الوضع شكرا واعذروني
طلع صالح ضايج هو وزوجته
ثاني يوم رحت البيتهم اعتذرت منهم لان لازم يقدرون موقفي اني مااريد ازوج
من بعد هذا الموقف كلما اروح الصالح زوجته ما تطلع تسلم عليه زعلت لان مااخذت اختها
جمانه السعيدي
من بعدها بكم شهر اجا ابوي
ابوي....اني اليوم جايك بشغله تفيدك
مختار...اي كول اسمعك
ابوي...بت عمك كاعده بلبيت خوش بنيه شايله كل شغل البيت نضيفه وحبابه
منا وبينا اني لمحت العمك كال ميخالف
مختار.....اني ماازوج
ابوي...ليش ماتزوج عاجبك وضعك هذا انت الي تطبخ وتنضف وحاير بابنك
ازوج ورتاح من كل هاي المسؤليه
هاي بت عمك مو غريبه نمون عليها وتمون علينا
مختار....مستحيل ماازوج ابد شيلو هاي الفكره من بالكم
مااجيب زوجت اب الابني ابد
ابوي.. قابل كل النسوان مثل هديل هديل شي خاص
اكو هواي بنات حبابات وبكلبهن رحمه
يخاف من الله
مختار....ابد بعمري مراح ازوج خلاص هذا الموضوع سدو
خلاص لحد يحجي بي مره ثانيه ابد
تعودت على هاي الحياة مرتب اموري اني وعلاوي
كل الوقت سوا ما نتفارك
بلعطله سجلته بالنادي الرياضي يحب كرة السله
اروح ويااا من يلعب ومن يخلص اجيبه ونرجع للبيت
كل دنيتي وعالمي هو انام سوا وناكل سوا ونطلع سوا
اقري دروسه ونلعب اني وياا
اذا عدنا وقت
عندا بس أصدقاء ثنيين واني كلش واثق بيهم
اخلي يجيبهم للبيت يلعبون سوا حتى يكون كدام عيني
صدك تعبت علي هذا مو بس ابني هذا عائلتي كلها
بعد وفاة احلام باربع سنوات رجع ابوي فتح وياي موضوع زواجي مره ثانيه
مختار....يابه افهم اني حياتي هاي عاجبتني
زواج ماازوج مااجيب زوجت اب العلي مهمه يكون
ابوي....اني شايل همك اريدك تزوج وتستقر
مختار...اني مستقر هيج الحمد لله لا تشيل همي
طبعا بهذا الوقت ابوي بنى الطابق الثاني وزوج اخواني ثنيينهم واختي وصلت للاعداديه
مرت السنيين بسرعه وكبر علاوي واني مااشوف غيره بهاي الدنيا ابد ما منتبه النفسي نجاح علي يعني نجاحي
سقط النضام والرواتب صارت زينه وعلي خلص ابتدائيه
انتقلنا البيت ثاني احسن بهواي من بيتنا
منطقه راقيه والبيت مرتب البيت ايجار مااكدر اشتري بيت راتبي ما يكفي
هذا البيت حلو وجبير وبناء حديث
جمانه السعيدي
ووضعنا المادي صار احسن نشتري ملابس حلوه
وناكل اكل زين بلعلطه نكدر نسافر ونتونس
موبس علي يكبر اني هم كاعد اكبر بس ما منتبه النفسي
عيني بس على علي كل نجاح يحققه بلمدرسه
اعتبره نجاح اليه
من اشوفه مرتب واخلاقه حلوه والناس تحبه شكد احمد رب العالمين واشكره هاي نعمه ما بعدها نعمه
بدت المشاكل تكثر بيت ابوي
هديل هي والجناين مشاكل على طول اخواني صافين وياا نسوانهم ضد هديل
صار عدهم جهال والمشاكل ما تخلص بيتهم
ابوي كبر بعد مايكدر على المشاكل ومريض
اجا يشكلي منهم
مختار...تعال اكعد ويانه اني وعلي اخليك بعيوني
مصرف تريد اخليك تلعب بلفلوس لعب تريد للزياره
هاي غرفه اثثها ألك وابقى هنا
لاتروح عوفهم كبرو يكدرون يشيلون مسوليتهم
مالك شغل بيهم
مختار.....يكعد يمي ابوي كم يوم ويرجع عليهم
يبقى يمي اسبوع اشتريله ملابس واخذه للزياره
وانطي مصرف ويرجعلهم
الحد ما خلص علاوي ثالث متوسط اجاني ابوي حيل تعبان هلمره صدك مريض
متعاركين خواني بينهم وهو صاير بلنص ودافعينه وواكع
وراسه مضروب بلكاع حيل
مختار.. اخذته للطبيب كال وضعه حيل تعبان محتاج راحه
صاير عنده ارتجاج بلمخ وهو اصلا عنده ارتخاء بعضلة القلب مو زبن على التعب
لازم يرتاح جبتله علاج من الزين واكل كله صحي
اني وعلاوي كاعدين ثنيينه يم راسه
بليل انام وياا بنفس الغرفه
اخواني ابد ما وصلو ولا سئلو عنه عبالك ماصدكو خلصو منه
شهر واحد ومات ابوي اخر فتره حيل كان تعبان
دزيت على اخواني جان يكولون انت تكفل بي احنا ماعدنا
اخذته للنجف اشتريلته كفن واشتريت قبر
حضرت مراسيم الدفن كلشي حسب الاصول
من رجعت كالو
ابونا عنده فلوس ما لكيناهن انت اكيد قشمرته وأخذت فلوسه الفاتحه عليك
مااكدر احجي وياهم مو وقت عرك وطلايب الناس مجمعه علمود الفاتحه
خلصت الفاتحه على خير وطلعنا كدام الناس للوجه الابيض الحمد لله
جمانه السعيدي
بس خلصت السبعه اجوني ثنيبنهم
تعال اتنازل عن حصتك بلبيت
مختار....اني ما طالبتكم بحصه بعدين اختي وامك بعدهن بلبيت ليش تردون تنازل
...نريد نبيع البيت وناخذ حصصنا احنا نسوانه ما يتراهمن
مختار.. عمي كولو يالله خل تطلع الاربعين
ضلو كل شويه جايبني ابونا عنده فلوس انت اخذتهن
تعال تنازل انت مامحتاج تسلتم مليون وربع
لاتاخذ منا حصه اتنازل عن حصتك
مرتين اجو وراي للمدرسه كدام المعلمين والمدير
اخر شي اريد اريح راسي رحت وتنازلت عن حصتي بلبيت
اني مااريد منهم شي
كنت خايف على اختي خاف يطلعوها بلشارع
بس مادام وصلت للمدرسه والحجي صار علني كدام الناس
كلشي مااريد منهم
اصلا اني هاي سالفة الحصه مو ابالي ابد
مجرد ما رحت وتنازلت بعد ما شفت اي احد منهم
اختفو عن الوجود
بعدها بفتره سمعت البيت انباع وكلمن اخذ حصته
والبنيه اختي هديل مزوجته الابن اختها
تاركه المدرسه ومزوجته
وهديل باقيه وياا اخوي الزغير اخوي الجبير ماخذ حصته
من البيت مشتري مشتمل وكاعد بي
الله يصلح حالهم مالي شغل بيهم
ولا عندي طمع من اي نوع وياهم كل عمرهم مايعرفوني
ولا يسئلون عني
دخل علي الاعداديه هاي المرحله مهمه حتى نحدد مستقبله كل يوم اكعد اني وياا نقرا المواد وحده وحده
منا لمن اتأكد هو قاري كلشي وفاهم مو بس قاري
انطي ساعه يطلع للنادي وياا جماعته
بيني وببنكم من يطلع للنادي البس شفقه وونضاره
واروح اباوع علي من بعيد
صار جبير وبعدني اخاف علي اذا يبتعد عني احس نفسي ضايع رغم عمري صار بلاربعين