رواية حياة ليان
الفصل الحادي عشر11
بقلم ليان
عند ليان ؛؛؛؛؛؛
صحيت الساعه ٤ وقمت مصدعه لمن عاينت للساعه لمن انخلعت انا نمت قدر ده دخلت اتوضيت وصليت الضهر والعصر وطلعت لقيت امي بتحضر ف التلفزيون
عمتي: اها يا بتي قيلتي كيف
ليان: كويسه يا أمي لي خليتيني نمت قدر ده
عمتي: حسيت بيك تعبانه قلت اخليك ترتاحي
ليان: اكلتي حاجه ؟؟؟
عمتي: لالا كنت منتظراكم انتي وخالد
ليان: انا حاجهز الأكل.
عمتي: وانا حاتصل بخالد
ليان: لالا يا أمي خلي اليله مع مشاعل
عمتي: هي زاته تجي
ليان : طيب ماشه المطبخ
امي اتصلت علي خالد تلفونو قافل وتلفون مشاعل قافل ختينا الغدا والله الاكل بقي لي مسيخ بس عشان خاطر امي م كنت ببين وسويت القهوه جو صحباتي كنت بتونس معاهم وانا ف عالم تاني دخلو معاي غرفتي غشان نقرأ
ملك: ليان اليله مالك
رماز: ووين خالد
انا بدون م أشعر بقيت ابكي وهم يهدو فيني وحكيت لي بالحصل معاي
ليان: م قلت انا خايفه هدي رجعت وشكلها م ناويه علي خير من ساقتو الصباح قفل تلفونو اريتيني كن م اعترفت ليو
ملك: اهدي حبيبتي هو بكون مجبور
ليان: لالا انا خلاص م بهمني كتير
قعدو يهدو فيني لحدي المغرب ومرقو مني قمت صليت المغرب وخالد م جا قعدت مع امي ف التلفزيون للساعه ٨ وامي دخلت تنوم وانا دخلت غرفتي صليت العشاء وفتحت شيتاتي م قدرت اقرا بالي كلو مع البحصل لي وكنت ندمانه اني خليت خالد يقرب لي بس حمدت الله انو م دخل علي لسه بكيت لمن نمت
عند خالد؛؛؛؛؛؛؛؛
بعد الحصل بينا انا ومشاعل الصباح صحيت العصر كنت عايز البس امشي اتغدا مع امي مشاعل جات وجابت لي عصير شربتو وتاني بقت تقرب مني وتاني حصل الحصل بس نمت وانا م واعي
عند ليان؛؛؛؛
صحيت الصباح استحميت وصليت ويدي كانت مالماني شديد اتصلت علي خالد تلفونو مغلق طلعت لأمي بره صبحت عليها وشربت الشاي
عمتي: مالك يدك واجعاك
ليان: اي يا أمي م عارفاها ماله
عمتي: اضربي لخالد امشو الدكتور
ليان : اتصلت عليو تلفونو مغلق
عمتي : اجي الولد ده م طبيعي من جات العقربه دي م جانهه
ليان: يا أمي خلي مع مرتو انا حالبس واطلع
عمتي: بتقدري تسوقي؟؟
ليان: اي م تقلقي علي
لبست لي عبايه وشلت مفتاح العربيه وطلعت مشيت ركبت عربيتي وكانت يدي مالماني شديد بقيت سايقه لمن عرقانه ونسيت تلفوني ف البيت وانا يا الله الله وصلت المستشفي ولاقيت دكتورتي فككت لي الجبس وقالت فيها التواء ادتني مسكن ودرب لاني كنت مهبطه من الألم لمن نمت
ف البيت
عمتي كانت مقلقه وم عارفه الحصل شنو اتصلت علي وتلفوني لقتو ف البيت نزلت لهبه تحت
هبه: مالك يا خالتي
عمتي: ليان ليان مشت المستشفي وتأخرت
هبه: اهدي طيب مشت لشنو ومع منو
عمتي: مشت براها يدها واجعاها وقالت ماشه للدكتوره تشوفه ماله مرقت من الساعه ٧ واسي الساعه ١٢ وكمان ساقت عربيتها
هبه: وخالد وين ؟؟؟
عمتي: خالد مرتو جات امس ومن جات تاني م شفنا وتلفونو مقفول
هبه. : طيب ارح ليو ف بيتو
مشو طلعو لخالد وفتحت الخدامه وقال نايمين هبه قالت ليها الا تصحي والخدامه أبت وهبه بقت تكورك جات مشاعل لابسه قميص نومها وقالت ليهم الازعاج شنو وهبه قالت ليها نادي خالد بس مشاعل أبت الا خالد جا مارق يدعك ف عيونة
خالد: أمي امي ف شنو مالك
عمتي. : ليان ليان مرقت الصباح المستشفي وم جات
خالد: لشنو المستشفي ماله
عمتي : قامت من الصباح قالت يدها واجعاها وم متحمله الألم اتصلت عليك توديها تلفونك مغلق ركبت عربيتها ومشت
خالد: اتصلي عليها.
عمتي : تلفونه ف البيت
حالد: طيب انتظري اضرب للدكتوره
خالد طلع فتح تلفونو ونزلت كمية من مكالمات غير مستلمه من ليان خالد اتصل علي الدكتوره
خالد؛ الو يا دكتوره معاك خالد
الدكتوره: انت وين يا استاذ خالد وكيف. تخلي ليان تطلع بالحاله دي
خالد: ليان ليان ماله
الدكتوره: ليان يدها فيها التواء وجات سايقه براها ومن الألم لمن هبطت وصلتني حالتها صعبه
خالد: اسي هي كويسه
الدكتور: اديتها مسكن ودرب واسي نايمه
خالد: طيب انا جاي