رواية حياة ليان
الفصل الثاني عشر12
بقلم ليان
خالد لبس سريع سريع ووصل المستشفي دخل للدكتورة
خالد: ليان كويسه
الدكتوره: ليان حصل ليها التواء ف اليد المكسورة يبدو أنها اجهدتها وانا حذرتكم
خالد: واسي البحصل شنو
الدكتوره : م بقدر اجبصها ليها تاني بس حاديها شياله ولازم تعمل حسابه لمدة ١٥ يوم اتفضل اسي هي ف الغرفه نايمه لاني اديتها مسكن قوي
خالد : طيب
بلسان خالد: :::::
انا مشوش كيف حصل كل ده وانا متين قفلت تلفوني معقوله انا يومين م فقدت ليان وامي وليان كانت محتجاني وانا م قدرت توصل لي بالجد راسي جايط انا كل البتزكرو بصحي باكل وبشرب عصير ومشاعل تقرب علي وانوم وصلت المستشفي وكلام الدكتور اثر فيني لاني اهملت ليان وصلت غرفة ليان ولقيت نايمه لكن وشها كان كعب مورم من البكا والألم ظاهر قعدت جنبها ومسكت يدها
شويه كده وبدت تصحا
خالد: ليان حبيبتي انتي كويسه
ليان: خ خ خالد ف شنو
خالد: اشششس اهدي انتي اسي كويسه حاسه بألم
ليان : مممم بسيط
خالد : طيب حانادي الدكتوره
الدكتور جات وجابت معاها شياله ركبتها لب وقالت لي م تجهدي يدك وم تتحركي كتير خالد سندني وركبنا العربيه وطول السكه كنا ساكتين لحدي م وصلنا البيت ودخلنا لقيت امي وهبه ومعاهم مشاعل حارسني وانا م قادرة اتكلم اطمنو علي وخالد دخلني غرفتي
ليان : نادي لي هبه
خالد: عاوزه حاجه بسويها ليك
ليان: لا بس نادي لي هبه
خالد طلع وجاتني هبه قلت ليها ساعديني اطلع العبايه طلعتها ورقدت نمت لاني كنت حاسه بدوخه
بلسان خالد؛؛؛؛؛؛؛
صحت واطمنيت انها كويسه وطلعنا من المستشفي وكانت ساكته لحدي م وصلنا لقينا امي ومشاعل وهبه حارسننا بس هي كانت م قادرة تقيف وديتها غرفتها وعايز اساعدها تتطلع عبايتها بنبره مكسورة طلبت مني انادي هبه يعني م عاوزه مساعدتي طلعت وامي برضو حاسي بيها م طبيعيه معاي مشاعل بقت جنبي وجابت لي عصير شربتو وبقينا قاعدين حسيت بصداع مشاعل قالت لي ارح اخد راحتك وتعال لمن تصحي
ومشيت شقتنا ونمت
عند ليان؛؛؛؛؛؛؛
نمت وصحيت الساعه ٤ قمت بصعوبه لاني م قادرة اقيف دخلت اتسند بالحيطه دخلت الحمام اتوضيت وصليت وطلعت لأمي بره لقيت معاها ملك ورماز سلمت عليهم وملك سوت لي الغدا وجابت لي عصير وقالو اليله بايتين معاي طبعا انبسطت وف نفس الوقت زعلانه خالد بعد مني فجاءة كنت متوقعه اصحي القاو جنبمي بس م لاقيتو
جاتنا هبه وبنتها واتونسنا للساعه ٨ هبه مشت وامي دخلت تنوم وانا والبنات دخلنا غرفتي وحكيت ليهم الحصل
رماز : لالا دي مسكتو رسمي يعني لو م هبه وخالتي مشو ليهو م كان عبرك
ملك: المره دي عملت ليو شي حتي لو م كان داير يلاقي ليان م يلاقي امو
ليان: يلا خليها تشبع بيو بس بالجد انا ندمانه ونفس الوقت بحمد لله انو علاقتنا اليوم داك م اتطورت
ملك: معليش حبيبتي
ليان: خلينا نقرأ عشان اعوض أجزت كتير ياخ ولسه تاني١٥ يوم بسبب الحصل ده يعني كده حانزل امتحانات طوالي
رماز م تخافي نحن حانجيك كل يوم نقرأ معاك
ليان؛ بالجد شكرا انتو اخواتي
ملك؛ يلا نبدا قرايه
قرينا انا والبنات لحدي الساعه ١١ ونمنا
عند خالد ؛؛؛؛؛
جاتني صحيه لقيت الساعه ١١ استغربت انا لي بنوم كتير كده لقيت مشاعل نايمه مشيت المطبخ اكلت وانا بالجد اشتقت لاكل ليان وبقيت سرحان انا كيف ولي جرحتها ف اليوم الاعترفت ليها بحبي وقربنا من بعض يحصل كده انتهيت من الاكل وشربت سيجاره اتصلت بيها تلفونه مغلق قلت اخليها الصباح امشي اطمن عليها
عند ليان:
صحيت الصباح مع البنات استحمينا وصلينا وسو الشاي وشربنا والساعه٧ لبسو وطلعو الجامعه وبقيت قاعده مع امي وحسيت بيها زعلانه
ليان: أمي مالك زعلانه ف حاجه
عمتي: يعني انتي م شايفه ولا بتحاول تتناسي
ليان: أمي ف شنو
عمتي: يعني خالد الما كان بخلينا واجز شهر مخصوص عشان ياخد بالو منك فجاءة من تجي مرتو تاني م يجي وامبارح لو م طلعت ليو الشقه ما كان حصلك ف المستشفي ولما جابك انتي نمتي وساقتو ومشت
ليان: يا أمي خلاص م تزعلي نفسك انتي عندك الضغط خليها تشبع بيو وهو اكيد حايجي انتي بس روقي
جات هبه وانا حمدت الله انو هبه حات لأنها بتونس امي وجابت معاها فطور فطرنا وعملنا شاي وبقينا نتونس للعصر كان ف اكل ف التلاجه سخناهو واتغدينا وجو صحباتي شربنا القهوه وقرينا ده كلو وخالد م جا وامي زعلت شديد اليوم داك نمت جنمبها لاني حاسه بيها
عند خالد: صحيت الصباح استحميت وصليت ولقيت مشاعل مجهزه الشاي والكيك استغربت فيها وقلت احتمال اتغيرت بالجد قلت اشرب الشاي وامشي ناس امي انا شربت الشاي ونمت صحيت العصر قمت صليت واتغديت وتاني رجعت نمت جاتني صحيه الساعه ١٢ ص وكنت زهحان كده يومين م امشي ناس امي واكيد حاتكون زعلانه مني ولعت سيجاره جاتني مشاعل بحركاتها وحصل الحصل
صحيت الصباح لقيت امي صاحيه بتصلي قمت استحميت وصليت وسويت الشاي الباب دق جا خالد ومشاعل سلمت عليهم ودخلو لأمي وطبعا امي من النوع لمن يزعل بظهر ف وشها يعني طول القعده هي ساكته ومشاعل غير العاده تضحك وتتونس انا لمن استغربت خالد قال داير يسوي الفطور امي قال ليو احنا معزومين عند هبه وانا استغربت متين هبه عزمتنا مشاعل قالت لخالد خلاص ارح نفطر ف بيتنا كن كده وساقتو ومشت
ليان: يا أمي هو جا وداير يفطر معاك تحرجي
عمتي : م قدرت يا بتي الولد ده م طبيعي م شفتي ضعف كيف م تكون عامله ليو مصيبه
ليان: يا أمي بعد الشر عليو خالد كويس بس الحصل انو رجع لمرتو م فيها حاجه
عمتي: ليان انا عايزه ارجع السودان الوضع ده م بنفع
ليان: يا أمي م تستعجلي عليك الله كدي اسي ارح نفطر مع هبه ونتونس معاها
عند خالد: صحيت الصباح نشيط قلت لمشاعل ارح نشرب الشاي مع امي ومشينا لقيناهم بشربو ف الشاي وكان نفسي احضن ليان لاني اشتقت ليها ولاحظت لأمي م بتتكلم معاي وسرحانه والغريبه كمان مشاعل بتضحك وتتونس قلت ليهم اسوي الفطور قلت اغير المود شويه امي قالت لي احنا معزومين عند هبه زعلت شديد يعني امي م عايزاني افطر معاها مشاعل قالت لي ارح نفطر ف بيتنا وطلعنا جيت الشقه وانا راسي ضارب ف شنو انا فجاءة بعدت من امي وليان ومشاعل بقت كويسه معاي
جاني تلفون من الشغل انو لازم اقطع اجازتي واجي لبست ومرقت مشيت الشركه
عند ليان :::::
فطرنا مع هبه واتونسنا معاها للضهر واحنا ماشين شقتنا لاقينا مشاعل وكانت بتضحك مسكت يدي وهمست لي راجلي ورجعتو أعملي الدايره وفكت يدي ومشت وانا دمعتي جات نازله امي سألتني مالك قلت ليها ماف حاجه دخلت امي غرفتها عشان ترتاح ومشيت غرفتي بكيت قدرتي جاتني امي
عمتي: كن م قلتي مالك بزعل منك
ليان: يا أمي مشاعل قالت لي راجللي ورجعتو اعملي الدايره معاناها شنو معاناها خالد م عايزني طيب لي بقول لي بحبك وبتاع لي يا أمي
بقيت ببكي بهستيريا وامي هدتني ونومتني ف طرفها
عند خالد::::
انتهيت من الاجتماع ضربت لي مشاعل قالت لي عليك بدري قلت ليها اي قالت هي ماشه الكوفير وجايه قفلت منها اتصلت علي ليان م بترد وامي م بترد قلبي اكلني انتهيت من شغلي سريع ومشيت البيت لقيت امي بتصلي جريت عليها وحضنتها
خالد: با امي انتي زعلانه مني
عمتي: اكيد زعلانه منك بسببين السبب الأول من جات مرتك وانت م بتجي وتلفونك قافل وم اشتغلت بي الشغله والسبب التاني ذنبها شنو ليان تعلقها فيك وتخذلها البت كل يوم بتبكي بسببك واخرتها مرتك لاقتنا قبيل قالت ليها راجلي ورجعتو معاناها شنو
خالد: والله يا أمي أنا زاتي م فاهم حاجه انا بقوم اكل واشرب وانوم ولمن اصحي بلقي والوقت متاخر بقول اجيكم بكره وتاني بنوم
وعارفكم زعلانين والله م عارف مالي
عمتي: با ولدي احنا م دايرين منك شي بس زي م جبتنا هنا خلي بالك مننا ولو م عايزنا نرجع السودان طوالي
خالد: لالا يا أمي بتقولي ف شنو انا لو م عايزكم م كان جبتكم وانا بحب ليان وانتي عارفه
عمتي : طيب امشي راضيها البت نامت وهي بتبكي
بلسان خالد::؛::.
امي طلعت زعلانه مني شديد وكمان خلتني اشك ف مشاعل انها بتبعدني عنها عشان تزعل وترجع السودان وقلبي وجعني لمن امي قالت ليان نامت زعلانه دخلت غرفتها ولقيتها نايمه وأثار الدموع ف عيونها وبقت ضعيفه مشيت يدي ف شعرها بدت تصحا
خالد: ده كلو نوم انا جيت لي ساعه
ليان: والجابك شنو
خالد:جيت اطمن عليك
ليان : انا كويسه ممكن تطلع
خالد: عارفك زعلانه مني وانا اسف
ليان: طيب اعتذارك مقبول اطلع يا خالد
خالد: طيب حاطلع لكن ممكن تهتمي بنفسك ضعفتي شديد
ليان؛ ويهمك كتير
خالد: اكيد يهمني انتي. مرتي
ليان: علي الورق وحايفضل علي الورق لحدي م أتم الجامعه وارجع السودان
خالد: ليان احنا مش
ليان : اشسسسسس اطلع دايره اخد راحتي
خالد: طيب
خالد طلع وانا بقيت ببكي اكتر من الاول حاسه بيه انكسر. بس كان لازم اعمل كده
عندخالد؛؛؛؛؛؛؛
طلعت شقتي وانا مصدوم من كلام امي وكلام ليان معقوله ف كم يوم اي شي يتغير ف. حاجه م طبيعيه
مشاعل جات ولقتني زهجان عملت لي عصير شربتو ونمت
عند ليان:
انتهيت من بكيتي واستحميت وصليت واستغفري كتير بلعت لي مسكن لاني كنت مصدعه جوني صحباتي وحكيت ليهم الحصل وكلهم قالو خالد ده م ف وعيو وعدت الايام وانا تميت ١٥ يوم اليله عندي مقابله عشان يدي امي اتصلت علي خالد تلفونو مقفول انا مشت معاي هبه وامي مشت لخالد ف البيت وقالت ليو ليان مشت عندها مقابله خالد كان ناسيها لبس وطلع
وصلنا المستشفي وكان قدامنا كم نفر قعدنا منتظرين دورنا جا خالد وانا استغربت من جيتو سلم علينا وكان طول القعده بهز ف رجلو ومتوتر انا استغربت جا دورنا ودخلنا المقابله عملو لي صورة اشعه وطلعت نضيفه أثناء م نحن مع الدكتوره خالدشال الكبايه عايز بشرب فجاءة يدو رجفت والكبابه انكسرت الدكتوره سالتو كم سؤال وطلع الرجفه بتجيهو طول عملت ليو كم فحوصات والصدمه