رواية منتصف العمر الفصل الثالث عشر13بقلم جمانه السعيدي
مختار....الايام تركض والسنيين تمر
وعلي كل يوم يكبر لمن صار أطول مني وصلنا صف سادس
هلمره مرحله مصيريه اني عبالك بلسادس مو هو
اشتريت ملازم دخلته دورات
الأقلام والاوراق ماخليت شي ما جبته اريد ينجح
حتى يرفع راسي وما يضيع تعبي
اني جاي اشوف نفسي بي
نجاحه يعني نجاحي
بليل من يسهر يقرا اذا عنده امتحان اسهر ويااا
اوصله للاعداديه كل يوم وبعدين اروح للدوام
اصلي وادعيله رب العالمين يوفقه وينجحه
منا لمن وصل الاخير السنه
اني حفظت كل المواد هلكد ما نقرا اني وياااا
يقرأ وبعدين اني اكعد الزمله الكتاب
ملابسه اغسلهن واحضرهن
اجيبله حلويات وعصاير حتى يصير عنده واهس للقراءه
كل يومين اعوفه يروح للنادي ساعه حتى لا ينضغط من القرايه
منا لمن وصلنا الامتحانات اخير السنه
اروح ويااا وابقى منتضره باب المدرسه لمن يطلع
ونرجع للبيت اني وياا سوا نحل الاسئله وناكل وينام ساعه ونرجع نقرا سوا اني وياااا
كملن الامتحانات رحنا اني وياا للزياره حتى نغير جو ونفس عنا ضغوطات القرايه
بقينا منتضربن النتيجه على أحر من الجمر
جمانه السعيدي
طلعت النتيجه ناحج الحمد لله والشكر
معدله انقبل بي كلية هندسة نفط
جبتله هديه تليفون اخر موديل
دخل كليه وبدا يداوم شكد اشتريتله ملابس جديده
فرحت دخول الكليه اريده يبين احلى وارقى واحد بلكليه
بلمرحله الثانيه
خلال فترة دوامه تعرف على وحده ويااا
بلبدايه ما حجالي شي بس اشوفه مشغول بلتليفون
من تجي رساله يفرح كبل يفتح التليفون
كام ينعزل عني شويه يدخل للغرفه ويبقى يراسل
هذا الحال استمر تقريبا اكثر من شهر
جمانه السعيدي
مختار ....علي احنا اصدقاء
علي.. اكيد بابا احنا اصدقاء ليش
مختار....والصديق يحجي الصديقه لو يضم علي
علي....شنو ما فهمت
مختار.. هلايام مشغول عني والتليفون ما يوكع من ايدك
شكو ممكن اعرف
علي...ماكو شي بس نحجي اني واصدقائي
مختار....بس ماكو شي ثاني
علي....
مختار...ليش سكتت احجي اريد افهم
علي....اكو شي بس ما متاكد منه لمن اتاكد احجي
مختار....لا اني اريد اسمع مو قصدي اكون فضولي
بس اريد اطمن عليك مااريدك تغلط
علي...انشاء الله مااغلط
مختار...احجي
علي....اني تعرفت على وحده وياي بنيه من العام احنا سوا كانت بينا مجرد سلام ونظرات اعجاب
مختار....ضحكت ماكدرت اسيطر على نفسي
علي...ليش تضحك اني كلت شي يضحك
مختار....كمل اي وبعدين
علي...اي العالم كان مجرد اعجاب بس السنه صار ببنا حديث اكثر وتقارب
مختار...تقارب من اي نواع
علي...يعني كلام وتبادل محاضرات ندخل للنادي
نمشي سوا يعني هيج شي
مختار....ضحكت اي وبعدين
علي...ليش تضحك
مختار....وللك علاوي كبرت وكمت تحب
علي...شنو اني غير عمري واحد وعشرين
مختار....لو ميه وواحد انت تبقى ابني الزغير
زغير كلش ولله واجا الوكت الي تعرفت على وحده
وراح تعوفني علمودها
علي...مااعوفك شلون اعوفك مستحيل
مختار....ولك كواد مو كاعد تحب وتراسل وتختل بلغرفه
ومن تجيك رساله الضحكه تشك الحلك
علي...اذا ما تقبل اعوفها
مختار....تكدر
علي...اي اكدر
مختار...جذاب مبين من عيونك تحبها اني موضد ان تحب بس اريدك تختار صح تحب صح
انسانه تستحق حبك
علي...قابل شايفني رحت ازوجتها بعدني كدامي سنتين
لمن اعرفها زين اروح اتقدملها
مختار....هااا تتقدملها ولك انت تحبها على العموم الله يوفقك جمانه السعيدي
بليل ماكدرت انام فرحان علي كبر كام يحب ويفكر بلارتباط
بعدها بكم يوم كشخت بقاط جديد رحت ورا علي للجامعه
كتلني الفضول اريد اشوف حبيبته
اتصلت علي
طلعلي برا جان تجي وياا حبيبته
شكله حلو بنيه مرتبه محجبه مبينه محترمه
علي...هلو يابه الكليه نورت
لجين...هلو عمو طبعا انت شكلك شباب لو ما علي يكول ا
هذا ابوي جان توقعتك تدرس ويانه
مختار....اهلا وسهلا تشرفنا بمعرفتج عمو شلونكم وياا الدوام
علي...تمام تعال عازمك على جاي
رحنا للنادي وكعدنا اتلاثتنا علي جان حيل منسجم وياها
شكلهم حلو لا يكين واحد للثاني
رجعت للبيت طول الطريق افكر
ياترى راح تطلع بت حلال وتقبل نعيش سوا
لو تريد تاخذ علي وتعيش وحدها
اني اكدر افارك علي كل هاي السنيين اني ويااا
مثل ضله
بس من حقه يحب ويزوج خوما أحمله منيت
تربيته هذا واجب عليه
لازم اتعب علي واطلعه انسان صالح للمجتمع
ليش اشيل هم هاي السوالف خليها الوكتها
خلص علي جامعه وبقى متمسك بحبيته قرر يخطبها بعد التخرج
علي...بابا اني اريد لجين ممكن تروح وياي نخطبها
مختار...اكيد ممكن اهلها عدهم علم
علي...اي عدهم علم واني حددت موعد تعارف وياا ابوها واخوها
مختار...خلاص توكلنا على الله
طبعا اهلها ناس منتهى الرقي ناس شبعانيين
نفسهم شبعانه اهل خير
ابوها ما قبل يحجي بلماديات يكول هاي الاشياء كلها شكليات
الفلوس ما تشتري ضمير البشر
احنا ماقصرنا شكد كان المهر بوقتها انطيناها وجبنا غرفه
تركي ورتبنا البيت
يوم عرس علي احلى يوم بعمري
ما يتعوض ابد
من شفته كاشخ وفرحان اطمنت حسيت اني أديت رسالتي صح
هذا ابني اليوم عريس
عرسه كلش حلو اول مره افرح من كل كلبي بعد كل هاي السنين العجاف الي مرت عليه
عروسته بت حلال تحترمني وتقدرني
تحاول تخدمني بس اني مااقبل اني اكدر اخدم نفسي
متعود اخدم نفسي ليش اتعبها خطيه
بعد اول سنه زواج صار اول طفل مو طفل اخذ روحي مني متعلق بي بشكل مو معقول
طول الوقت بغرفتي بس تاخذه تغير ملابسه وترجعه اليه
طلع تعيينهم ثنيينهم بلبصره لان همه مهندسين نفط
علي...مااروح للبصره ولا استلم وظيفتي اذا مو رجلك على رجلي
مختار....اني مااكدر افاركم بس هم متعود على بغداد ووضيفتي هنا مااكدر
علي..خلص ماكو وضيفه نبقى ثنيبنهزمكابلينك وكاعدين
مختار...اروح وياكم مدت شهر
واذا شفت نفسي مااكدر ارجع
علي.. ماكو ترجع تبقى ويانه مو تريد ازحلكنا وتبقى وحدك هنا
مختار.. خلاص موافق