رواية طريق الحب
الفصل الثاني عشر12
بقلم جمانه السعيدي
دخلنا للبيت وستقبلتنا امه وخواته اثنيينهم ورحبو بينا
جانت مبينه الفرحه عليهم لمن استقبلونا
ودخلنا جوا وشويه وعباس جاب الجنط وبعدين سمعته خابر بابا طمن علينا
حلو بيتهم ومرتب ولاعبالك عايشين بمنطقه ريفيه البيت حيل مرتب ونازك
وامه عبالك اعرفه من سنيين روحها حلوه ومحبوبه كولش
شويه واجا ابو واخو من الدوام
سلمنا عليهم وكعدو يسئلونا على بابا وعلى وضعنا
شويه وجابو الغدا
الضاهر عباس منطيهم خبر حايرين شطابخين
اتغدينا واخذني البنات وياهن الغرفتهن بدلت وتمددت ونمت
لان بليل مانايمه وتعبت من السياره حيل
جمانه السعيدي
كعدت من النوم الدنيا ضلمه الضاهر طافيه الكهرباء والدنيا حاره
اسمعهم يسولفون جوه كمت على كيف لمن وصلت للباب
اجت الكهرباء فتحت الباب وطلعت رجعت طفت
يمكن مولد وهمه مشغلين زايد
ماكدرت انزل بقيت منتضره الكهرباء شويه وسمعت واحد
صعد على الدرج
شهد...منو على الدرج فدوه نزلني وياك ضلمه وما اندل
عباس...دقيقه جايج
شهد...من سمعت صوته فرحت وطمنت دائما وجوده قريب عليه يطمني
وصل قريب عليه وشغل لايت الموبايل
كال يله انزلي على كيفج مو توكعين
فرحت حسيته مهتم بيه ويخاف عليه
نزلت درجتين وصرت قريبه علي واجت الكهرباء
تعمدت اعثر بلدرج قريب علي
عباس...لزمني من ايدي من يم العكس وصاح الله لاتوكعين
شهد...على اساس يهمك اذا وكعت
عباس..عاف ايدي و.طفه التليفون وخلا بجيبه جان لابس تراك زيتوني يخبل علي
عباس....انتي امانه عندي ولازم اخاف عليج يله انزلي على كيف
شهد نزل قبلي وعطره ترس خشمي ونزلت ورا واني ميته قهر يوم عن يوم يزيد تعلقي بي وكلما يهتم بيه اكثر احبه اكثر
عباس من رجعنا تغديت ونمت ساعه وطفت الكهرباء
الدنيا حاره سبحت وبدلت صارت الدنيا مغرب كلهم مجتمعين جوا بس شهد ماكو سئلت البنات عليها
كالن نايمه فوك
صعدت اريد اشغل اللايت يمها خاف تكعد وسمعته على الدرج
تريد احد ينزلها
شغلت لايت التليفون وصلت يمها جان تجي الكهرباء
من وصلت يمي جان تعثر تريد توكع لزمته خفت عليها
نزلنا وبعدين اجت الكهرباء
اني احاول ما اباوع عليها ما اريد اضعف كدامها مره ثانيه
دخلت للمطبخ واني رحت اصلي بعدين بدن البنات ينقلن
العشى للصاله لان بيه سبلت يعني بارده المطبخ حار من الطبخ
وهي بدت تنقل وياهن انتبهت لابسه تراك ضيك وبلا حجاب
واخوي كاعد والوالد
صحت على اختي وكتله كولي الشهد خلي تغير ملابسها
سندس....شهد تعاي اريد احجي وياج
شهد...كولي
سندس...عباس ماعاجبه هذا اللبس ويريد تغيري
شهد...ماعندي دشاديش بس تراكات اصلا ما اعرف البسهم ابد
سندس...تعاي انطيج من دشاديش وحده البسيها
صعدنا للغرفه طبعا سندس اضخم مني وكل دشاديشها كبار عليه انطتني وحده لبستها عريضه وطويله والكتف هادل
والردن طويله حسيت نفسي فزاعه بستان اموت ضحك
نزلنا لكيتهم كاعدين
عباس باوع عليه واني فتحت اديه يعني شوف شلون جبيره وبرطمت
هو ضحك ودنك واني تعمدت اكعد يمه واكف بلردن حتى اطلع ايدي
قربت علي وهمست ارتاحيت صرت جني فزاعه
عباس....اي ارتاحيت ولا ذاك التراك الضيك
شهد...اذا تريدني البس دشداشه عليك الغرامه تشتريلي دشداشه على قياسي
موهاي جني بيها مخبله
عباس...باجر اجيبلج دشداشه
كملنا اكل واريد اكوم صارت الداشادشه جواي وعثرت اجيت اوكع على المواعين على راسي
كلهم كامو يضحكون عليه حتى عباس
عدلت نفسي وطلعت للمطبخ اريد اغسل مواعين وياهم
رفعت الردانات وشكلت الدشداشه بلباس وكمت اشتغل وياهم
اشويه واجا عباس يسئل على الجاي
شافني جان يكول هاي انتي شمسويه عمي ارجعي للتراك
احسن رجليج كلهن طالعات
كيفت عفت المواعين وصعدت لبست التراك مره ثانيه
بس بقينا بلمطبخ اني والبنات نشرب جاي مارحت يمهم ابد
صعدنا بلغرفه اني والبنات
وطلبت رقم عباس من البنات بس كالن الرقم الجديد ماعدنا
سندس ليش تردين رقمه اكو شي
اروح اصيحه الج تحجين ويا
شهد...لا بس ردت اكوله يسئل على نتيجتي لان تطلع هل ايام
سندس ميخالف اني اجيبه الج
جمانه السعيدي
بليلته ماكدرت انام لان المغرب كعدت من النوم والبنات نامن واني بقيت احوس نزلت جوا اجيب ماي الساعه وحده تقريبا سمعت الباب اندكت
بس محد راح يفتحها
قربت وكلت منو
...اني عباس افتحي الباب
شهد...اي فتحت الباب
عباس...ليش كاعده الهسه
شهد ما اجاني نوم المغرب كعدت
عباس...وليش تفتحين الباب هيج وكت
شهد...ولله امرك غريب كلهم نايمين لعد اعوفك بلشارع
عباس...ماابقه بلشارع اطفر الباب وادخل
شهد...مو صوجك صوجي فتحتلك الباب المفروض اعوفك برا
عباس...شكرا مامحتاج خدماتج
شهد....اووووف ياربي الى متى راح نبقى هيج
عباس...هيج شلون
شهد...ماتقبل تسمعني ولاتنطيني فرصه ادافع عن نفسي
حتى القاضي يسمع الطرفين وانت قفلت عليه كولش
عباس...روحي نامي وهذا الموضوع بعد لاتحجين بي ابد
شهد...عافني ودخل واني امشي ورا واحجي
ولله هذا الموضوع ما اسده ابد اله تسمعني وبعدين قرر تعوفني
جمانه السعيدي
دخل للغرفه وسد الباب وما رد عليه ابد واني ودي ادخل ورا واضربه باي شي كدامي راح يموتني بهذا اسلوبه
ثاني يوم الصبح ماشفته ابد
استحي كل شويه اسئل علي
للضهر اجه وبيدا علاكه سلم وصاح شهد
اني فرحت ورحت اركض
جان يكول هاي العلاكه اللج
فتحته بيها اثنيين دشاديش بس يخبلن وحده وردي فاتح
وبيها مكي ماوس والثانيه سمائي وبيه ورد ابيض ناعم
اخذتهم وصعدت فوك لبستهم يخبلن عليه وقياسهن مضبوط
نزلت لابسه الوردي هو شافني باوع عليه شويه ودنك
اني اتقربت علي وكتله شكرا
عباس...بلعافيه
للعصر اسمع هوسه وصياح بلشارع سئلت سندس كالت الولد يلعبون طوبه بهاي الساحه الي كدام بيتنا
شهد...عباس وياهم
سندس.. اي وياهم
شهد...ممكن اشوف شلون يلعب
سندس...اي تعالي من شباك البيتونه بس موتبيينين
افتحي البرده شويه وباوعي
صعدت وشفته يلعب شلون متحمس ويركض ورا الطوبه
طبعا لعبه يخبل مهاجم رهيب جاب هدفين
كملت اللعبه ونزلت انتضره جوا
دخل اني شفته قررت اتحرش بي وادقه مثل ماهو داقني
ومطنشني
شهد يعني لعبك مو كلش حلوووو
عباس وانتي منو طلب رائيج وشلون شفتي لعبي
شهد شفتك من البيتونه
عباس فتحت باب غرفتي وكتله رائيج مو مهم
لان اني محصل عشر مداليات
وأربعه كاس فوز
وشهادة اللاعب المثالي
شهد دخلت غرفته وشفت الميداليات وصوره وهو يلعب
اتفاجئت
كلت بكلبي ثاريك مو هين يعبيس
راسا اخذ ملابسه وراح دخل للحمام
واني بقيت واكفه واتفرج