رواية طريق الحب الفصل الثالث عشر13بقلم جمانه السعيدي
مر على وجودنا ابيتهم عشر ايام والحال كما هو مايقبل يسمعني
بس هو واهله شايلنا على كفوف الراحه وابد مامقصرين ويانه بشي
بيوم العاشر بليل خلصنا عشى
وراد يطلع لحكته يم الباب
شهد...عباس محتاجتك بخدمه
التفت عليه وكال تفضلي
شهد...محتاجه تسئلي على النتائج يمكن طالعات
عباس...ميخالف عندي صديقي يشتغل بلتربيه اني اسئله
شهد...اي فدوووه موتنساني
عباس...ميخالف تدللين
جمانه السعيدي
ثاني يوم الساعه ١١ الصبح رجع بس ضايج صاح شهد تعاي عندي موضوع وياج
دخل للصاله واني دخلت ورا كعد وكال اكعدي اريد احجي وياج
كعدت قريبه عليه وكال
عباس..باعي لاتضوجين هي شغله سهله
شهد...شكو يمعود خوفتني
عباس...طلعت النتائج وانتي كمال بدرس واحد
شهد...وكفت وكتله شلون اكمال اكمال متاكد
عباس اي بسيطه يمعوده
شهد حسيت كلبي كام يوجعني
وتعبت حيل مثل الحراره تطلع مني ضجت حيل
ماكدرت ابقه واكفه حسيت رجليه مايشلني
اجيت اوكع
طفر عباس وسندني
عباس...شبيج هو درس واحد
واني مستنده علي حاولت ارجع اكعد على الكرسي مره ثانيه
عباس....شهد شهد احجي وياي شبيج
شهد...مابيه شي
عباس...يمعوده وجهج صار اصفر بعدين صاح
عمه...عمه ام شهد شويه واجت امي لكتني كاعده ووجهي اصفر وعباس كامش ايدي
ام شهد...شكو شبيها شهد
عباس...اكمال بدرس شو تخربطت تعاي شوفيها واني راح اجيبلها مي
ام شهد...شبيج ماما سهله نمونه الدرس بسيطه هسه تعدلينا
جمانه السعيدي
شويه ورجع عباس جايب مي وانطا الامي وهي شربتني
واني راسا طكيته بجيه وكمت اعيط
وامي وعباس يحاولون يهدوني واجن البنات وعمتي
والكل اجتمعو فوك راسي
شويه وسكتت وصعدت فوك الغرفة البنات
تمددت وتغطيت احس بضلم لان اني هواي قريت
وثانيا فشله بيت الناس شراح ياخذون عني فكره
اكيد راح يكولون كاضيته لعب وماتقرا
صار الغدا واجت امي تريدني اتغده سويت نفسي نايمه بيا عين اكعد يمهم ولله استحي
ام شهد...يله ماما كومي تغدي اعرف انتي كاعده منايمه
شنو عجيبه مكمله اصلا انتي زين ونجحتي
رجلج انفصخت وتعبتي والسادس صعب زين بس درس واحد ميخالف يتعوض
شهد...بقيت ساكته والاحجيت حجايه هي نزلت واني رجعت ابجي
والفشله الجبيره من عباس ولله عيب
عباس ...نزلت ام شهد وكالت شهد نايمه
جنت اعرف هي مانايمه وتستحي من عدنا
جمانه السعيدي
عباس للعصر كلت للبنات ترحون للسوك ونفتر شويه البنات فرحن وكتلهم خل تجي شهد وياكم
صعدن شويه ونزلن امبدلات وشهد ماكو
عباس...وين شهد
سندس....ماقبلت تنزل تكول ما اروح
عباس خل اصعد اني احاجيه
عباس صعدت لكيته كاعده على الجربايه ومكرفصه شافتني ودنكت
ليش ماترحين ويانه للسوك تغيرين جووووو
شهد...ما اروح ماليه خلك
عباس...ولله انتي مكبره الموضوع وهو بسيط جدا يعني عادي اغلب الطلاب تطلع اكمال واكو يرسبون
السادس صعب وانتي رجلج انفصخت ايام الامتحانات
اني اعتبرج شجاعه لان بس درس واحد
اني توقعت اكثر لان جنتي تاخذين مسكن بسبب الم رجلج
والمسكن يخلي واحد ينام
وانتي جنتي تقاومين وتقرين يله كومي مو نهاية العالم ترا
شهد....ضايجه ما اريد اطلع
عباس لزمت ايدها وسحبته وكتله يله لاتفشليني
كتلهم انتضرو هسه اقنعها
شهد...خل ابدل وانزل
عباس...اوكي منتضرج استعجلي شويه
جمانه السعيدي
شويه ونزلت مبدله بس ضايجه طبعا اني سيارة عمي رجعته البغداد لان تعتبر عهده للدوله
بس اطلع بسيارة اخوي المهم
افترينا بلسوك اخواتي اشترن وهي ماقبلت تشتري
اشترت اقلام ودفتر علمود تقرا
ابد ماكدر اطلعها من الضوجه
اشتريت الها لفة كص لان هي ماتغدت وببسي حجم جبير وانطيته الها
ثاني يوم جبتله الكتاب الي مكمله بي وملزمه
وبدت تقرا
بحيث ارجع للبيت ما اشوفه
اشوفها بس وقت الاكل وتكعد ساكته تاكول شويه وتكوم
ام شهد يوميه ابو شهد يتصل يطمن على الجهال ويسئل على وضعنا
واذا خلص مصرفنا طبعا هو انطانه مليون مصرف وكال اذا تحتاجون اني ادزلكم
اما شغلته يكول بعدها
بس كل الطرق انسدت
ومابقى غير اقدم استقالتي
والوزير متوعدني يبهذلني اذا ما وقعت على هاي الصفقه
لان يطلع منها بملايين الدولارات
لكن اني ماخايف لان ماعنده شي يهددني بي اني ملفي نظيف وماعندي اي اخطاء
جمانه السعيدي
شهد خليت وقتي كوله للقرايه لازم انجح وارفع راس بابا
يعني هذا المصرف كوله والدلال واني مكمله
بليل من ينامون انزل جوا بلصاله لان هدوء وابقى اقرا
لمن اتعب وارجع اصعد انام وبيوم واني اقرا نمت على الكتاب من التعب
عباس رجعت للبيت متاخر ولكيت موبايلي طافي دخلت للصاله اخذ الشاحن
لكيت شهد نايمه على الكتاب
كسرت خاطري خطيه ولله جاي تتعب قربت عليه
ولزمته من ايدها وبصوت ناصي
شهد...شهد...شهوده.. ليش نايمه هنا
فتحت عيونها وكالت بيش الساعه
عباس الساعه بلثنتين كومي روحي نامي
شهد...لا اريد اقرا
عباس انتي تعبتي حيل باجر كملي قرايه
كامت تمشي وهي مغمضه وتعثر جان تضرب راسها بلباب
شهد...اخ
عباس يمعوده افتحي عيونج شو خل اشوفج باوعت عليها لزمت راسه
لاماكو دم سلامات بس صارت عنجوره
امشي اوصلج للغرفه
شهد...لا اني اروح وحدي
بقت لازمه راسها وتمشي واني امشي وراها خاف توكع من الدرج لمن اطمنت صعدت الغرفتها ورجعت نمت
تمددت وبقيت افكر
صار فتره اعرف شهد وابد ماشفت منها شي موزين بلعكس مرات احسه فطيره
معقوله هذا لعب بعقلي بس والمحادثات الي شفته والصوره
خل تخلص الامتحانات واكعد وياها وافتهم منها شنو الي صار
اجا يوم الامتحان وقررت اخذها البغداد تمتحن ونرجع بنفس اليوم
صليت صلات الصبح الساعه بتلاثه وربع وطلعنا اني وياها بسيارت اخوي البغداد
الطريق كله تقرا
وصلنا الساعه بلسبعه ردتها تتريك ماقبلت
كالت بس جاي اريد
من دخلت للمدرسه التفتت عليه وكالت عباس ادعيلي
عباس...روحي انشاء الله تنجحين