رواية معجزة عشقي
الفصل الثالث عشر13
بقلم مروان فرج
ادم.....اول مافتحت الخط قعد يضحك ويقولي مش قوتلك رح تكوني ليااا مهما اديري
انا...مصدومه ورفعت راسي لقيت مرح مصبيه فوق راسي😳🔥
ادم....هههههه بس رح تشوفي شي مايعجبكش بكل🔥
انا...قعدت ساكته وشاده التلفون في يدي ونشوف لمرح
مرح...باستغراب من يلي يحكي معاك ي عائشه
انا....ااااء وسكرت الخط وقوتلها سكري الباب ورح نحكيلك كل شي
مرح... باهي قولي شن في ومن يلي يكلم فيك
انا...هدا ادم بس قالي شي مافهمتاش بكل 💔🥺 ونخاف يكون حقه
مرح...شن قالك قوليلي بسرعه
انا...وجيت بنقولها قاطعتني مرت خالي وفتحت الباب وقاتلنا وينك تعالو كملوو عشاكم
انا...هي حاضر جاااين
طلعت مرت خالي وكملت مرح وقوتلها توا نحكيلك بعدين مانبيش نلفتو نظر حد لينا تمام
مرح...تمام عويشه
وطلعنا قعمزنا وقعدنا نتعشو بس نا ماعاش عندي نيه ف شي بكل كنت نفكر ف كلام ادم كيف صار هكي بس ونا مخطوبه لي امير زعمه ادم يدير هكي عشان يبي يشغل تفكيري بس او زعمه حقاا
بس اكيد حقا كلامه لانا شفت امير وخالي يتعاركو الصبح قعدت نبش ف الوكال ومرح كانت مركزه علياا اني بالي مشغول ف شي🔥🙂
خالي...عويشه خيرك ماتاكليش فيك شي
انا ...لالا خالو كليت الخمد لله شبعت مافي شي
خالي ...باهي صحه
انا...سلمك واستادنت درت روحي بنمشي ناخد ميه من المطبخ خديت ميه ومشيت لداري وشفت التلفون لقيت فيه مكالمات من ادم😨🔥
شديت التلفون وجيت بنتصل بي ادم بس خفت يسمعنا حد سكرت التلفون بكل عشان معاش يزعجني وقعدت مقعمزه وخايفه
بعد شوي جتني مرح وقاتلي احكيلي شغلتي بالي شن في وخيره ادم شن يبي فيك مش يعرف انك مخطوبه ليش مزال يحكي معاك
انا...مش عارفه بس قالي مش قوتلك رح تكوني لياا وكان يضحك وضحكته هادي ماتبشرش بخير بكل🙂🔥
مرح...كيف هكي مش انتي مخطوبه لامير وامس كان بيانك كيف صار هكي
انا...مش فاهمه شي والله
مرح...احسن شي نقولو للمعتصم وهوا يعرف كيف يتصرف معاه
انا...لالا خليك توا لو مزال ضايقني نخبروه تمام
مرح...وهيا تفكر تمام وخشت علينا ريان انا قرصت مرح وقوتلها اسكتي مانبيهاش تحكي شي لريان
مرح...فمهتنا وقاتلي تمام .🔥
___________________________
جابت مرت خالي الشاهي لخالي وقعمزت جنبه وكانت مش قادره تحكي معاه شي بكل لانا خالي كان ع اعصابه ومايبيش يتكلم معا حد بكل
نعميه....خيرك ياعبدالجليل احكي معاي شوي شن صارلك من اليوم لما تعاركت معا امير وانتا معاش تبي تحكي معا حد
عبدالجليل...كلا من ولدك هدا ماكنتش متوقع انا يدير هكي بكل 🔥 والله ماتجي اللقطه هادي
نعيمه...توا هدا يلي صار معاش ينفع خلينا في موضوعنا يلي قولت عليه للمعصتم إنشاء الله يصير خير
عبدالجليل....وينه المعتصم كلمه ادم ولالا
نعيمه...اي بكري قالي بنتلاقو ف اليل اكيد كلمه انا قولت كان صار معاك شي وكلمته رن عليااا
عبدالحليل....باهي
نعيمه...خدت تلفونها وعلي رنت ولدها المغصتم ردت عليه وقاتله طمنيني شن صار معاك شن كلمته ادم
المعتصم اي كلمته توا ونا مروح قريب نوصل للحوش بوي قاعد
نعيمه...اي قاعد
المعصتم...خليني نوصل ونحكو خير من التلفون
نعيمه...هيا نستنو فيك
عبدالجليل ...شن صار معاه
نعيمه...قال كلمته واهو شوي ويوصل
عبدالجليل...خير إنشاء الله
بعد مرور 10دقائق وصل المعصتم وخش لقي امه وبوه يستنو فيه خش وقعمز وقالهم كلمت ادم اليوم
نعيمه....اي شن صار وافق
المعتصم حسيتا موافق بس زعل من لقطه يلي صارت قال عطيتوني كلمه بعدين قوتلي لا
عبدالجليل....اصلا عنده الحق كلا من خوك العيل هدا بس تحسابيني بنزوجه توا خليه يقعد هكي لين يكبر ماعاش يفكر ف الزواج بكل ومعاش نبي نشوف وحههه🔥🙂
نعيمه....تعود من الشيطان ياعبدالجليل مش وقته كلامك توا خلينا ف موضوعنا
المعصتم...المهم قالي عطيني يومين ونرد عليك بس بادن الله حسيتا موافق
عبدالجليل...باهي إنشاء الله كلمني لو صار شي تمام
المعصتم ...بادن الله
عبدالجليل...وين خوك توا
المعصتم... قاعد ف حوشي خليه يقعد معاي الايام هادي لين انحلو المشكله ي بوي
عبدالجليل....تمام
المعصتم...نا نستادن بنمشي لحوشي ولو صار شي نكلمكم
نعيمه...ادنك معاك وطلع المعصتم ركب ف سيارته وروح لحوشه
نعيمه....اطمن ي عبدالجليل بادن الله رح يوافق ادم وكل شي خيرك انتا
عبدالجليل..يلي واجعني عائشه بتروح من بين يدينا بنت ماشاءالله عليها تحسابي ولدك بيحصل احسن منها خليه يدور لين يعيبا والله ماهو جايب زيها
نعيمه....نصيبات كل واحد مش رح ياخده الا نصيبه❤️
عبدالجليل...بس لو تم الموضوع كيف بتخبري عاىشه وتقوليها انا امير رح يفسخ الخطوبه صعبه راهو
نعيمه.. إنشاء الله نقدر نكلمها ماعليك من الموضوع هدا
خالي.... إنشاء الله
#في حوش عادل
ادم...كان فرحان هلبااا وكان يبي يحكي معا عائشه بس عاىشه كانت مسكره تلفونها وصل للحوش وكان يبي طريقه عشان يكلم فيها امه وبوه بس بدون مايعترضو ع خطوبته بكل كان يفكر كيف بدير عشان يخليهم يوافقو وع طول يرد ع المعصتم ويحدوو معاه كل شي
ادم...روح للحوش ولقي امه وبوه مقعمزين برا ف الجنان وجوهم رايق برا
ادم...استغل الفرصه ومشي قعمز جنبهم وكان يبي يحكي بس قادر يطلع الكلام😅
عادل...شن في ياادم فيك شي تبي تحكي حاجه
ادم...اي ي بوي بس مش عارف تقبل الموضوع او لا
ام ادم ....شن هوا الموضوع متاعك وانتا ديما عندك مواضيع
ادم...موضوع زواجي نبي نتزوج
عادل....باهي عندك مكان يعني تبي نشوفوه ليك
ادم....نفس مكاني الاول يلي قولت خطبت منه
عادل....كيف مش البنت انخطبت وهما عطوك كلمه بس بعدين رفضوو كيف تجي وتحكي هك توا😐
ادم...بس اليوم كلمني ولد خالها البنت وحكالي وشرحلي الموضوع كله ونا تفاهمت وقالي لو مزال تبي تخطبها احني موافقين وبادن الله كلمه راجل المره هادي
عادل...والمره الاولي كلمه نساوين هيا واللل كيف
ادم...بس هكي ي بوي كلا من خالها جبرها ع ولده وهيا ماتبيش وتوا انحلت المشكله شن في لو خطبت من جديد عادي راهو
نعيمه...وسع بالك ي عادل خيرك انتا مش مستاهله القصه
عادل...لا مستاهله كيف يعطونا كلمه بعدين يتراجعو فيها انا مش نوافق راهو وناض عادل وخش لحوشه
ادم...جي لامه وقاللها وراسك تقعنيه بوي انا لو ماتزوجت عاىشه معاش نبي نتزوج بكل باهي واهو قوتلهلك من توااا
نعيمه....بوك راسه مسكره خليه يومين لين يهدا وبعدين يوافق❤️
ادم...بس مرات يطول وهكي هما قالولي رد علينا
نعيمه...خليه اليوم توا غضوا نحكي معاه اني تمام
ادم... تمام ومشي خش لداره ورن ع عائشه بس لقي تلفونها مقفل زي ماخلاها🔥
#تسريع الأحداث
مشو يومين ع الحال هدا انا مكسده ف حوش خالي وامير معاش شفته بكل ف الحوش وماقدرتش نسأل عليه حتي مرت خالي وسكرت تلفوني بكل معاش قدرت نفتحه نخاف من ادم يرن عليااا وكنت نبي نعرف شن يلي يصير وكيف هكي
ومرح...حتي هيا كانت شاكه ف للموضوع ولما تسال ع امير امها تهز فيها وقوتها شن ليك من علاقه تسالي عليه بكل
المعصتم...كان يستني ف ادم امتا يرد عليه وعبدالجليل كان يفكر ف عاىشه هلبااا وكيف رح يصير فيهااا ونعيمه تفكر كيف تحل المشكله هادي وكلهم كانو يستنو في رد ادم يلي تاخر شوي🔥
ادم...كان خايف انا بوه يرفض بس بعد 3ايام من الزن ع راسه من مرته واخيراا وافق عادل😂😍 وارجوان سمعت بالقصه طارت من الفرحه عشان ادم بيتزوج عاىشه
عادل...موافق انا ي ادم بس اهم شي تكون كلمه راجل
ادم...اكيد يابوي
عادل...خلاص كلمهم وقولهم موافقين وحدد معاهم لو تبي
ادم...تمام وطلع ركب في سيارته ورن ع المعصتم رد علهي المعتصم وقاله انا موافق وبادن الله اسبوع تاني ونجي نخطوبها رسمي بس اهم شي زي ماقوتلك كلام راجل تمام
المعصتم...اكيد ي ادم ونتشرفو بيك
ادم...خلاص الخميس الجاي الخطوبه كان اليوم الجمعه
المعتصم...ع خير إنشاء الله وسكر من ادم كلمه امه وقالها انا ادم وافق وقالي الخميس رح يجي يطلب عائشه رسمي انتي كلميها وفهميها تمام
نعيمه....رح نكلمها اليوم
أمير....فرح هلباا عشان قدر يطلع من الموضوع مايبيش يتورط ويتزوج عائشه ❤️
__________________________
انا..كنت مكسده ف خوش خالي وكنت نحس في شي بصير بس مش عارفه شن هوا جو غريب الحق كنت مش قادره نفتح تلفوني عشان نخاف من ادم وفي نفس الوقت نبي نعرف شن يلي صار
خطرت ف بالي فكره وقولت نرن ع ارجوان ونحكي معاها بالك تقولي ع شي بس في نفس الوقت كنت خايفه نرن عليها ويرد علياا ادم هكي تخوف هادي🔥😨
قعدت شاده ومشيت قعمزت براا ف الجنان وشوفت مرت خالي جايبه لعندي حسيت انا بتحكي معاي ف للموضوع هدا
جت مرت خالي وقعمزت جنبي وكانت تبي تفتح الموضوع بس مش قادره ماتبيش تزعلني
انا... خيرك ياعمتي في شي 😊
نعيمه...اي يابنتي بس نبيك تفهمي وماتزعليش من يلي رح نقوله
انا ..لالا قولي مانزعلش والله شن في
نعيمه...بس مش عارفه كيف بنقولك بس كل واحد عنده قسم ونصيب وانتي خطوبتك من امير كانت ع خاطر خالك يبي يتزوج لامير ويدير باله منك😐
انا...اها نعرف صح
نعيمه...كيف يعني 😳
انا...حسيت انا امير زي يلي في حد جبر عليا مش راضي
نعيمه...ماتزعليش بس هوا قال انك زي وخيته لانكم تربيتو معا بعض
انا...لا والله مازعلت امير مافيش منه وانا نحس فيه زي وخي الكبير إنشاء الله ربي يفرحه عن قريب
نعيمه...يعني مازعلتيش لانا خطوبتك مصارش منها
انا...لا والله عادي كنت ف داخلي كميه فرح مش عاديه بكل لانا مش الاول مانبيهاش الخطوبه هادي بس ماكتتش نقدر نتعرض
نعيمه...بس نبي نقولك انا ادم رجع وطلبك موافقه
انا....ع طول اي موافقه❤️😍 وفرحت لدرجه مش متخيلتها بكلللل كنت فرحانه فرحانه هلباا معقوله صار هكي في نفس اللحظه
نعيمه... تمام مهم رح يجو ويخبطك رسمي والمره هادي خلاص تمام
انا...باهي إنشاء الله
ناضت نعيمه وكلمت راجلها عبدالجليل وقاتله كل شي انحل ومعاش في مشاكل وانا ادم وبوه رح يجو الخميس ويطلو عاىشه رسمي وانتا حاول اعتدر منهم وفهمهم ع يلي صار بالضبظ
عبدالجليل....ع خير إنشاء الله
انا ...كنت فرحان ه هلباا ومشيت خشيت لداري طلعت تلفوني وفتحته🙂😅
ادم... كان فرحان وارجوان حتي هيا فرحانه وكانو يجهزو لخطوبه ادم
وامير...حتي هوا كان فرحان بس من جهه زعلان لانا بوه زعل منه وهكي
جي يوم الخميس ويلي هوا بيجي فيه بوه ادم وشوي ناس معاهم وخالي جهز كل شي هوا وامير وجو وخطبوني رسمي ودفعو حتي الفلوس 😂🔥ادم المره هادي كان يبي يكمل كل شي وقال انا رح نديرو بيان وتلسيبه بس في صاله وافق خالي واعتدر من عادل ع الشي يلي صار المره الاولي
وحدو موعد البيان بعد اسبوع تاني قعدت نشد ف تلفوني ونبي ادم يتصل بيا بس ادم واحد كلب مايبيش يرن بكل ونا مابيتش نتصل بيه لعند ماجي موعد بياني يلي هوا بكره
جيت بنرقد كالعاده رن عليااا ادم مايبيتش نرد عليه خليته يرن وبس نبي نحرق دمه 🙂🔥
بعد خامس مكالمه رديت عليه انا الووو
ادم ..خيرك ماترديش ع امي مش نتصل بيك
انا...هكي توا شديت تلفوني نبيش نرد شن تبي
ادم ..احمممم نبي نقولك غضوا ماتميشش للمزين فاهمه هكي نا نبي
انا...شنووو شن تحكي انتا🙂🔥
ادم...زي ماسمعتي ونتحداك تطلعي غضوا وتمشي خليك هكي اصلا انتي لما بتمشي للمزين بتبدي اخي زي انتي توا فنصيحه تريحي وماتمشيش فاهمه
انا.....بنمشي ي ادم
ادم.....تتحداني
انا...اي بنمشي وسكرت الخط في وجهه🙂🔥
ورقدت وكنت نستني ف الصبح امتي يجي عشان بنمشي للمزين
تاني يوم الصبح ناض خالي ومرت ورتبو كل شي وطعبا مازعموش حد بكل ع البيان لانا مايبوش يديرو كلام وهكي ادم هوا يلي زعم الناس يلي يبيهم والاحسن انا الحفله كان في الصاله مش في الحوش
نضت وتيت روحي طلعت رفعني خالي للمزين انا ومشت معاي ليان ومرح وانا في المزين نمكيج وصلتني رسالة من ادم
واول ما قريت الرسالة خفتتت وحسيت برعشة في رجليا وحسيت روحي كسرت كلمته من قبل حتي لانوصله🔥🙂 كان مكتوب ف الرسالة ( درتيهااا ومشييتى نسيتي شننن قوتلك مش قلت مفييييش مشيييي والا وانتى درتيهاا بالعنااد معناااهااا تحملى ما يجيك ي عائشه تى واقسم بأياااات الله لمااااا نورييييك الوييييييل وحتشوووفي ) 🔥🙂وكان واضح انا ادم راقيله بكل لدرجه مش متخيله لين انا خفت منه هلبات
انا...قعدت خايفه وبديت نبكي ع طوول
مرح...هيي خيرك تبكى عويشه
انا.. شئ بنمشي ونسيبكم بس😅
مرح تضحك ..تى تبكى على خاطر حااااجة هادي اصلا احني ديما بنتلاقو خيرك تبكي توا هيا ساد بكي شوي وبيجي المعصتم عشان نمشو للصاله
وبعد ساعة جى المعصتم بيرفعنا للصاله لبست عبايه وركبنا ومشينا للصاله
واول ما وصلنا للصاله ونا نزلت شفت ادم كان مدرس سيارته ع جنب وكان لابسه بدله ومقعمزه يحكي بالتلفون واول ماشافني قرن حواجبه فيااا وكانو عيونه نااااار
انا...متتت خوووف وخشينا للصاله وقعمزت ع الكرسي وكان جو هلباا حت ارجوان وقعمزت حنبي وحطو العشي وكل شي لعند ماجي اللحظه يلي بيخش فيها ادم
قالوو ادم بيخش توا فتحو الموسيقي وخش ادم ولما جى بسلم عليا ضغط على ايدي قريب كسرهاا
انا...شفت لعيونه ولقيتهم نااار🔥🙂درت روحي عاديه
انا...خليت روحي عاديه وقعدت نشوف لادم
ادم...قرب مني ولبسلي الدبله وباسني علي خدي وقالي ياويلك منى حتشوفي شخص تااااانى وانتى اللى اخترتى
انا....🔥