رواية معجزة عشقي
الفصل الرابع عشر14
بقلم مروان فرج
ادم...قرب مني ولبسلي الدبله وباسني علي خدي وقالي ياويلك منى حتشوفي شخص تااااانى وانتى اللى اخترتى
انا....🔥درت روحي مش خايفه ونا ف داخلي قلبي يدق ورجليا يرعشوو خلاص اول مره نخاف من ادم هك❤️
ادم... تحركى قدامى خلى نقصو التورتة خيير مانوريك توا
انا....خيرك هكي انتا ماتعرفش تصبر شوي رد بالك ع اعصابك راهو ينفجروو هنا واطيح قدام الناس بعدين يقعدو يضحكو عليكم كلهم😅
ادم....سكري فمك ي فرخه خير مايجيكك كف بيرم وجهك
انا...اووووف بكل انتاا ومشيت قصينا التورته مع بعض وكل واحد راقيله من التانى
طلع ادم من الصاله بعد مالبسني الدبله وقصينا التورته وفتحو اغاني شوي وغيرنا جو ف الصاله وكنت مرتاحه المره هادي لانا ماجتش لامرت بوي ولا ريم 🔥 وريم كانت ماتعلم بشي بكل من يلي صارر
كملنا البيان وروحو الناس ونا روحت معا مرح وليان روح بينا المعتصم لحوش خالي لقيت خالي مقعمز وكان متحشم مني لين خلاص علي يلي صار 🥺💔كنت نبي نحكي معاه بس ماكنتش قادره الحق امير معاش جي للحوش بكل من لما صارت القصه هديكا
والمعصتم حطنا وروح هوا ومرته لحوشهم وطبعا امير كان ف حوش المعصتم طول الايام هادي
انا ...خشيت لداري خديت دبشي ومشيت للحمام مسحت مكياجي ودوشت ورجعت قعمزت وقعدت نفكر ( حى عليا زعماا على شن ناوي ادم عيونه ونظراته لياا مايبشروش بخير زعماانى غلطت لما كسسرت كلامه ومشيت للمزين ؟؟ 🔥🙂
لاكن كيف ماينبيش نمشي يبيني نجي قدام الناس ونقعد هكي بس خليه يعرف منو عاىشه اصلا انا احسن مادرت وهكي خليته من الاول مايفرضش حاجه علياا🔥واصلا قاعد ماشاف شي مني
حييي وقعدت نفكر كيف بندير في العرس لو قالي ماتميشش حتي المره هادي ووووك منه ادم هدا شكله بنمشوها عرايك كل يوم 🙂🔥
بس شن يقصد بكلامه رح تشوفي ادم تاني بس خليه حتشووووف زي ما هو بتقلب وجهك حتى انى بنقلب وجهى
وطلعت من الدار قولت خليني نشرب ميه لقيت مرح مقعمزه ف الصاله وكان واضح عليها انها مثارته وكيف عيونها كانوو مدمعات
انا... انصدمت 😳 وجيت قعمزت جنب مرح وقوتلها خيرك شن في ي مرح
مرح...توا كنت نحكي معا ماما وفهمت قصه امير كلها
انا...خيره امير احكيلي بس شن في 😳
مرح....امير تعارك معا بابا ع سبه الخطوبه وبابا قاله اطلع من الحوش ومعاش توريني وجههك بكل
انا..كيف باهي عليش صار هكي
مرح....هادي قصه امير قبل سنتين كان يحب بنت اسمها مروه وكان يبي يتزوجها وكلم حتي امي بس ماما لما كلمت باابا رفض بوي الفكره وقالها مستحيل نخليك تتزوحها
انا....كنت مصدومه اي كلمي😳
مرح....اي وامير من وقتها سكر ع الموضوع وحول فكره الزواح من راسه بكل لعند ماجي بابا وفرض ع امير انا يتزوجك امير فالبداية قبل وبعدها رفض وقالي مانقدرش
انا....باهي وين المشكله توا
مرح... المشكله انا توا سمعت من ماما انا امير بوي زله من الحوش بكل ع خاطر الخطوبه وقاله معاش نبيك تجي للحوش هدا بكل
انا...بصدمه خالي هكي قال لامير😳
مرح... اي توا امير ليه اكثر من اسبوع معاش شفته ونخاف معاش يجي للحوش لكل
انا...مشكله والله بس توا نحاول نكلم خالي بكره ونفهمه بالك يتراجع ع قراره
مرح...ياريت ي عويشتي اصلا امير والله قلبه طيب وماكنش يبي يدير هكي بس بابا هوا يلي اصر عليه
انا...ي قلبي معاش تبكي وخلي الموضوع علياا تعالي للدار خليني نرقدو وبكره نحكي معاه تمام
مرح... تمام وحضنتني
مشينا للدار خشت مرح ورقدت ونا طلعت تلفوني ع عشان نشوف ادم بالك متصل بياا بس ادم مارنش عليااا بكل
استغربت قولت كيف ادم كان راقيله ومادرنش بس قولت يالا خليني نرقد مرتاحه اليوم😂🔥
خشيت للفراش ورقدت وتانى يوم الصبح نضت على صوت التلفون كان يرن وبس نضت مصدومه لقيت رقم غريب استغربت من بيكون هدا ورديت عليه
واول ماردت انصدمت باللى متصل بيا😳
انا ...الوو
ادم ...بعصبيه انتى كيف تردى على رقم غريب ها قولي والل متعوده تردي ع اي حد يتصل بيك !؟
انا... انصدمت صبح يا فتاح خيرك انتا هكي تبي اديري مشاكل من الصبح برا شوفلك دكتور يشوفك ويعالجك من حالتك هادي
ادم....تعرفي تسكري فمك ي عائشه ولالا😐
انا.. لا نعرف نفتحه بسس
ادم...بس نا نعرف نفتحه كويس لما نكون بحداك وتقعدي زي المرعوشه مني ماتقدريش تفتحي فمك بحرف واحد🔥
انااا... اوووف منك هي قول شن تبي ؟!
ادم... متصل بيك عندى شروط نبي نقولك عليهم ومانبيش اعتراض بكل فاهمه ي حماره
انا ..انتا حمار فاهم صبح يا فتاح غر خلينى حتى انوض قبل وانتا متصل بيا ع الصبح وتقولي عندي شروط انا بنرجع نكمل نومتي بعدين كلميني توا بنرقد مش فاضية وهيا بااي وسكرت الخط ف وجهه😂🔥
ادم..كان راقليه بكل وكان قريب يكسره التلفون ع عائشه وكان يتحلف ويتواعد في عاىشه كان صوته واصل لبره لين حتي ارجوان سمعاته وكانت كيف نايضه
ارجوان...ادم خيره صوتك واصل لبره
ادم. انتبه ع روحه خيره صوتي لاواصل لبرا ولاشي انتي بروحك تتوهمي
أرجوان...لا صح صوتك طالع وكنت نسمع فيك تقول عائشه خيرك معاها وانتا من اول ماشفتها قبلت حياتك فوقي تحتي😂🔥
ادم ... ارجوان... اقلبي وجهك من بحداي مش راقيلتك راهو
ارحوان....ههههه باهي تعال كان بتفطر الفطور واتي
ادم.... باهي تمام طلع ادم وقعمز لقي امه وبوه يفطرو فطر معاها وكان معصب شوي من عائشه وكانت ارجوان كل شوي تشوفله وتضحك وهوا قريب يضربها
حكو شوي ع البيان متاع امس وحكو شوي ع العرس وهكي لأنا كان مش بعيد هلبااا وبعدها خش ادم دوش وطلع ❤️❤️
___________________________
انا كملت نومتي وبعدين نضت فطرت ودوشت عالسريييع وبدلت وساويت الحوش وخليت ريان ومرح راقدات طلعت لقيت مرت خالو تضم ساعدتها ف ضم الحوش شوي وسالتها قوتلها وين خالي
نعيمه...مش عارفه كان هنا بس اكيد مقعمز برا خيره تبيه في شي
انا...لالا نبي نقعمز ونهدرزو معاه بس😉
نعيمه.....امممم باهي شوفيه برااا
انا...تمام وطلعت للجنان قعدت نتمشي ولقيت خالي واقف بحدا الشجرة يتكلم بالتلفون
انا...مشيت جنبه وخليت لين يكلم مكالمه واول ماخالي كمل مكالتمه تلفتني ولقاني نشوفله
خالي....باستغراب فيك شي عويشه
انا...لالا شي بس نبي نحكي معاك ف موضوع
خالي... باهي قولي شن في
انا...مش عارفه بس سمعت انك تعارتك معا امير ولزتيه من الحوش ع خاطر الخطوبه تفركست صح ولالا
خالي...اي هدا يلي صار خليه معاش نبي نشوفه وجهه بكل
انا...نبي نقولك ي خالو والله انا مش زعلانه بكل راهو وا علياا انا عادي سامحه وخليه يرجع للحوش🥺❤️
خالي...خليه الايام هادي اصلا نبي نربيه شوي وبعدين نشوف كيف بنتصرف معاه
انا ..باهي ع راحتك خالووو
خشيت للحوش ولقيت مرح ناضت كلمتها وقوتلها كلمت خالي اليوم وقالي توا تنحل المشكله معاش تخافي
مرح...بجد تحكي ي عاىشه
انا...اي بجد اصلا قوتلك من امس رح تنحل المشكله
مرح...ربي يخليك لياا وفرحت هلبااا ع خاطر رح تنحل المشكله
فات الوقت وقعدت نستني ف ادم امتا برن عليا ويقولي ع الشروط يلي كان يبي يقولهم لياا كنت مانبيش نتصل بيه انا بكل
جت العشيه وجي المعصتم هوا وليان وقال احني بنمشو للسوق شن رايك تمشي معانا ي عائشه ومنها تاخدي حاحات شوي لعرسك
انا...تمام عادي🤤🔥
ليان....هي وتي روحك وتيت روحي ومشيت معاهم للسوق واحني ف السوق وندور ف المحلات كل مره نخشو لمحل طبعا المعتصم حطنا ف السوق وقعد ف سيارته وانا وليان قعدنا نهدرزو وكل مره تعجبني حاجه ناخدها
لعند ماخشيت لمحل وعجبني فقطان قعدت نساله عليه كم سعره وكم مقاسه جي صاحب المحل وكان شاب صغير شوي وقعد يبي يحكي معاي ونا مرتبكه شوي معاش عرفت شن ندير بكل طلعت من المحل بكل وقولتها ليان ماعجني شي 😐🔥
وقعدنا نلفو وشفت ادم حتي هوا ف السوق وشافيني وكان معصب كيف نطلع هكي للسوق بدون مانقوله احني توا مخطوبين مش زي قبل
لقيتها فرصه قولت نحرق دمه قعد يلاحق فينا بالسيارة وقعدت كل مانشوف ولد نقعد نشوفله وهكي بجو😂🔥لعند مانزل وخش معانا للمحل كنت مدايره روحي مش شايفه طلعت قفطان وقولت لصاحب المحل كم سعره ونا نانديرش ع روحي لقيت ادم جنبي وقالي سعره توا نقولك عليه ف الحوش هيا اطلعي ونهارك بعدين
انا...مش طالعه وسع من بحداي🙂
ادم....مانبيش نرتبك فيك جريمه هنا اطلعي قوتلك روحي للحوش بعدين من سمحلك تجي للسوق انتي
انا....دخلكش بيا لما تولي راجلي كلميني باهي
ادم....اووووف باه اول ماتروحي رني عليااا نبيككك ضروري
انا...توا نشوف
ادم...سيبني وطلع روكب ف سيارته ومشي بعصبيه
وانا...كملت دهوراي ف السوق وطلعت تلفوني لقيته مكالمات هلبااا من ادم مابتيشش نرد عليه غيرت دبشي وطلعت عشان نتعشي وتعشينا وكان تلفوني يرن خشيت للدار ورديت وعليه بعصببه
انا..... هاا شن في
ادم... عطك عصااا على ضهرك تكلمى كويس
انا... اوووف هيا اختصر بسسرعة قوولى شن تبي مش فاضية
ادم....حسستيتى وراك الشركات ازززف
انا ...اوووووف بتقول شن تبي والا نسكر
ادم... جربي سكرى
انا.. يااااربي صبرنى علي اللى عندى
ادم.... اسمعى توا يلي فات راهو كل داسهلك لبعد العرس المهم توا بنقولك على شروطى ياحلوة
انا...ههههه عارفة روحى حلوة من غير ماتقول😉😚
ادم : ههههههههه متنغريش هلبا لان الكلمة هادى لما نقولها نكون قاصد بيها العكس فهمتي
انا🥺 والله مش مهم كلامك ولا يزيد ولا يأخر لانى عاارفة ومتأكدة ونبصم بالعشرة انى حلوة ونهبببل
ادم ...علييييك تقة عندك اسمعى شروطى وبلا كتر دوة
انا من بكري تعاود فيها الكلمه هادي تفضل قولهم
ادم... اولا شي لما تطلعي من الحوش رح تلبسي خمار فاهمه مش زي اليوم طالعه وكلهم يشوفوك
انا .... مستحييييل نلبس خمار اصلا مانحباش ويغم ع نفسي 🥺
ادم...شن هوا المستحيل
انا... افهم نا منحباش بكل خيرك هكي انتا هدا مناقصنى غر خماااار
ادم : شووفي ياحلوة انى نأمر فيك منطلبش فيك فاهمه
انا.. ااه ياااااااربي صبرررررنى عليك
ادم...بأستفزاز : الله غالب شن بالديري هى
انا.. خلاص طارتلي من بروده : ورررربي ياادم لما ندمك عالساعة اللى غصبوونى فيييها عليييك
ادم ....بلاش تقولي كلام انتي مش قده ي حلوه
انا .ضحكت بغرور: حتشوووف ولما نخليييك زي الكلللب تجرى ورااااى وحانبهدلك
ادم...ولع : تعرررفي ماتسكرييش فمك نسودلك عيييشتك 😐🔥
انا... خفت وبصوت واطى ( هوا انت سودتها وفات )
ادم ....هههه عااودى عاااودى مسمعتش
انا لا شئ قتلك عندك شروط تانيات
ادم : طبعاااا عبااااية وطلوع من غير ادنى ممنوع واممم شن تانى ادم
انا... ههههه اي باهي زيد فكر بلكى نسيت حاجة
ادم...يبي يحرقي دمي وحوش خالك مرتين في الشهر بس
انا ...امممم باهي والاكسجين قداش مرة في الشهر !؟! 😏
ادم... بعصيبه : بنقطعه علييك بكل
انا ...جيت بتتكلم سمعت صوت المعصتم ينادى عليها
انا.....نعم
ادم.... عطك هم من اللى ينادى علييك
انااا... سكرت على ادم ونضت علي شان نشوف المعصتم شن يبي مني
المعصتم...عاىشه توا كلميني بوك وقال يبيك تمشيله ف الحوش مش عارفه شن يبي منك
انا....خيره شن في😳
المعصتم مش عارفه والله هوا كلميني توا
انا....مانبيش نشوفه بكل 🔥 ومش رح نمشي
المعصتم شن نقوله يعني توا
انا....قوله اي شي مش رح نمشي انا مليت من حوشه ومعاملته معاي وجي خالي
خالي....شن في 😳
انا...بوي يبيني نمشي لخوشه وكلم المعتصم ونا مانبيش نمشي غادي بكل
خالي...خيره شن يبي فيك
المعصتم....مش عارفه والله كلميني توا بس
خالي...معاش ادوريه توا نتصل بيه ونكلمه تمام
انا ....ربي يخليك ليا ي خالووو ❤️😍
_________________________________
خشيت للدار ولقيت في تلفوني 10 مكالمات من ادم
انا.... ؛ تستاااهل اقعد احرق لما اندمك عالساعة اللى فكرت فيها انك تتحدانى
ورن التلفون وردت
ادم..بأعلى حسه : وييين كنتى سااعة نتصل بييك ومن اللى كاااان يناااادى عليييك تكلمي
انا ...باهى بالشوية خيرك حارق دمك انت
ادم.. معصب :ماليكش علاقه نحرق دمي ولالا تى غر امتى تووصلي فيا بس تى والله لما نأدبك بااااهى
انا : هههههههههه ياخوفي يصير العكس
ادم.... اضحكى اضحكى مزال اسبوعين وحتستاحشيها الضحكة بس رح نغير راي رح يكون اسبوع واحد بس لاني مستعجل عليك هلبااا وتيلي روحك باهي🔥😉
انااا.....لا اسبوعين مش رح نقبل أقل من اسبوعين كانهدا رح نغير راي
ادم ...تغيري عينك ي خماره🔥المهم من كان ينادى عليك ؟
انا... المعتصم
ادم...هدا ولد خالك يلي كلمني
انا...ع شنوو كلمك ترا😳🔥
ادم....مش مهم توتدا نحيكلك بكره انا توا بنسكر وحظي ف بالك عرسنا بعد اسبوع باهي
انا....تبصر. انتا صح
ادم....مانبصرش هيا سلام وسكر ف وجهي
انا....قعدت مش فاهمه شي بكل كيف المعتصم كلم ادم علياا قصدي ع شنو بس قعدت نفكر فيه الموضوع هدا ومن جهه كنت نفكر ف كلام ادم معقوله يدير العرس بعد اسبوع بس ونا قاعده ماخديتش شي لعرسي رقدت ونا نفكر في ادم...❤️
تاني يوم الصبح نضت ونسمع فيهم كلهم يحكو ع عرسي استغربت شن في وجتني مرح وقاتلي مبروك ي عويشه راهو عرسك الاسبوع الجاي توا حددوه
انا.... بصدمه شنوووو🔥😨