رواية معجزة عشقي
الفصل الخامس عشر15
بقلم مروان فرج
تاني يوم الصبح نضت ونسمع فيهم كلهم يحكو ع عرسي استغربت شن في وجتني مرح وقاتلي مبروك ي عويشه راهو عرسك الاسبوع الجاي توا حددوه
انا.... بصدمه شنوووو كيف صار هكي🔥😨
مرح...توا بوه ادم كلم بابا وتفاهم معاه يكون العرس الاسبوع الجاي
انا...بس نا مش واتيه وقاعده ماشريتش شي
مرح...توا تلحقي مغير تعالي نفطروو ومشت مرح من حنبي وخلتني بروحي مش فاهم شي من يلي داره ادم
خشيت للحمام غسلت وجهي وطلعت لقيتهم كلهم مقعمزين ف الصاله خالي ومرته ومرح وليان جيت بحداهم❤️
انا....صباح الخيرات
خالي ..صباح النور ي عاىشه كيف حالك اليوم
انا...تمام بخير
نعيمه...راهو تحدد عرسك ي عاىشه معاش مزال يعني يعني ضروري نوتو الحاجات بسرعه معاش في وقت
انا...درت روحي متحشمه ونزلت راسي😊🔥
خالي...يانعميه احداك كلمي المعصتم خليه يرفعكم للسوق وخدو كل شي ناقصكم
نعيمه...تمام رح نكلمه وبادن الله عاىشه مش رح ينقصها شي
انا...بارك الله فيك ي عمتوو وقعدنا نفطروو ونا من داخلي كنت نغلي عشان ادم دار هكي كان يبي يستفزني الحيوان🔥
كملت فطوري ونضت ساويت الحوش معا مرح وريان هك غ السريع ومرت خالي خدت التلفون عشان تكلم المعصتم بيش يرفعنا للسوق لانا معاش ف وقت بكل 🔥 وانا لقيت روحي فاضي خديت تلفوني وقولت نكلم ادم هدا
خديت تلفوني وطلعت برا للجنان ورنيت ع ادم مباش يرد علياا من اول مكالمه قعدت نرن وبس لين رد
انا.....خيرك لما نتصل بيك ماتردش
ادم....خيرك ع الصبح انتي الناس تقول صباح الخير وانتي تقولي نايضه ع شيطان
انا....مش قائله صباح الخير اصلا هوا في خير عشان نقولك صباح الخير
ادم...اووووف شن تبي عوالصبح لخصي نا ماعنديش وقت ومش فاطيك راهو
انا ..من قالك تحدد العرس بعد اسبوع مش قوتلك نا لبعد اسبوعين
ادم....هدا كلا من لسانك وتوا احسن انك تتكلمي كويس كانهدا نخليه بعد3ايام بس🤤🔥
انا....خيرك هكي انتا شن هدا ي ربي
ادم....تعرفي حرق دمي يلي حرقتهلي يومها كلا بندره لك وتوا تشوفي ي عائشه لما نوريك لما كلمه دريتها عليااا وحساب مشي للمزينه بروحها راهووو
انا....اووووف باه اسمع
ادم .... هااا
انا ...عطك عصااا قول نعم
ادم ... هممم لعصاااا بنكسرها علييك غر توصلي فياا 🔥
انا...خفت ووجهي وله اصفرررر : هاهاهاه باردة زى وجهك
ادم ... تكلمى من غير دوة زايده شن في
انا.. بنطلع اليوم نحجز عشان تجهيزات العرس
ادم .. انتى تستأدنى والا تعطى في علم
انا ...قعدت نفكر ( كان قلته نعطى في علم حيعصب ويقول لا خلى نسايره وخلاص )
انا... هييي ويين مشيتى ي حماره 🔥
انا...قاعدة انى نشاور فيك
ادم... باه مفيش مشي
انا... ليش باهي
ادم... شن ليش قلت لا انى ولما انا نقول كلمه يعني متناقشينيش عليها فاهمه
انا...عصبت بكل وقعدت نحاول نهدى روحي كيف لازم نحجز حاجات العرس بالله علييك وخالي توا كلمني وقالي بيش تولو لكل شي لانا بيديرلي عرس حلو🥺🔥
ادم... باهى امشي ولاكن بشرط
اناا...فرحت هلبا شن هوا
ادم...البسي عباااية والجو يلي يومها درتيه معاش نبي نشوف والا نوريك
انا ...اوووف باه
ادم ....قوولى حاااضر مش بااه
انا.... منحبهاش مش بالسيف هيا حتي كلامي بتحكم فيه😐
ادم.. بتناقشي هلبا ؟
انا:....لا سكتت
ادم... :اجيب ربي نلقاك حاطة حاجة على وجهك
انااا... وااااااااااك
ادم... على رااااسك معش تعيطى لما نكلمك فاهمة
انا....حاااضر
ادم...اححي اييييوه محلاك وانتى تسمعى في لكلام 🤤
انا ..تفووو هي باى وسكرت عليه 😂
مرح ...شافتني مقعمزه ف الجنان جتني وييينك من بكري ونا ندور فيك شن كنتي اديري هنا
انا...كنت نكلم في ادم
مرح .....ههههه ايي انتى غاارقة في العسل يعني ومعاش ادوري في حد
انا... في خاطري ( اما عسل قصدك بصل )
مرح..باهي هي نوضي. بدلى بنمشو للسوق جي المعصتم هوا وليان
انا...قصدك بتمشي معانا اليوم 😍😂
مرح ...اي هيا بسرعه قبل لاماما تغير رأيها
انا...باهي هي ونضت خشيت للدار لبست عباية ومعاها وشاح وخديت شنطه ساويت روحي وقبل بنحط كريمه ع وجهي من مرح بس خفت نتلاقا معا ادم في السوق وريوريني....اوووووف بديت نخاف منه قبل لانتجوزو😂
وتيت روحي وطلعت ولقيت ليان تحكي هي ومرت خالي والمعصتم معااها جيت سلمت عليهم وقعدو يشوي يهدزرو قبل لانطلعوو
#عند ادم
ادم...كان فرحان هلباا عشان كان عرسه الاسبوع الجاي وانا خالها وافق يدير العرس كان يراجي ف عائشه امتا بتوصله بس عشان يبي يوريها لانا يحبش حد يحرقه دمه كان طالع براا وفي لحظه خطرت في باله انا يمشي لحوش خال عاىشه لانهم توا كانووبيمسو للسوق وكان يبي يراقبها سمعت كلامه ولالا😂🔥
طلع آدم ومشي لحوش خالها ودرس السياره بعيد شوي ع الحوس وكان يستني فيهم امتا يطلعوو
انا...كنت واتيه ومرت خالي عطت الفلوس لي المعتصم وقالي هيا اطلعو كان بتمشو
طلعت انا مرح وليان وبالصدفه التفت ع جنب ولقيت ادم من بعيد في سيارته وكان يستني فيااا
انا...بصدمه شن يدير هدا هنا😂🔥
مرح...منووو
انا...وكنت مقعمزه انا ومرح من وراه ونكلم فيها بشوي ادم هنا تشوفي فيه
مرح...شكله يراقب فيك انتي😂
انا...خيره هكي معقدني للدرجه هادي
مرح...شكله يحبك
انا....ااسسسس بلاش كلام بتفصحنا🔥
مرح...ههههه باه
وطلعنا مشينا للسوق وكنت نراقب في ادم وكان يتبع فيناا لعند ماجت عينه في عينه وقعد يضحك🔥
انا....باستغراب مافهمتش ليش يضحك مهم قعد شوي وطلع معاش ريته
كملنا مشوار السوق وخديت كم حاجات ليا للعرس
ومشينا وحجزنا في حلاوات والباكوات ولعشي وكل شئ
وروحت مع المغرب للحوش لقيت مرت بابا في حوشنا وكانت تتعارك فيا ومرت خالي وصوتهم كان عالي😳
هلبااخشيت انا وليان بسرعه للحوش وتلاقيت معاها وهيا طالعه من الحوش
واول ماشافتني دفتني وقالي وسعي من قدامي
انا... باستغراب شنوو في بس
خشيت داخل ولقيت مرت خالي مقعمزه وكان واضح عليها انها متثاثره جت ليان وقعدت تفهم منها شن يلي صار
نعميه....هادي سميه تدخل ف حاجات مش لاها بكل قالت وين عائشه معاش جتني غادي للحوش بكل
انا...اااء شن تبي فيا غادي يعني
نعيمه...اكيد تبي زي قبل لانها معاش لقت من يخدمها وامس لما خالك قالك توا يرفعك وماعرفكش دارت مشكله وتوا جت تبي تفهم ليش معاش مشيتها
انا...بس معاش نبي نمشي لحوشهم نا
نعميه....اصلا هدا يلي بصير خيلك لين تتزوحي وبعدها رح تتغير حياتك ومعاش يقدرو يكلموك بكل ورح تحصلي راجل يعوضك علي يلي فاتك
انا...ياحسره هدا ادم راهو مش واحد تاني يتوعد فياا هوا
نعميه...والمشكله مش اهني المشكله لما قوتلها انا الخطبه تغيرت والعرس رح يكون ع ادم ماخت ماقالت عليناا كلام كبير بكل
انا....مادوريتهتش ي عمتي هادي مرت بابا ديما لسانها طويل بكل وحتي بابا مايقدرهاش معاش ادوريها
نعيمه....تعرفي مغير قاعده ف حوشنا كانهدا وربتها
انا...يالا مادوريهاش
نعيمه....امممم وريني شن خديتي ي عويشه
انا...جبا الحاجات وقعدت نوري فيه لمرت خالي وليان وكانت فرحانتي هلبااا بكل😍جي خالي وسكتنا ع موضوع مرت بوي عشان مايرش مشكله بوي
نعيمه....هيا يلي قالت اسكتو مانبوش مشاكل
جي خالي ودنا العشي وسالني شن خديتي حاجاتك
انا...اي ي خالي
خالي....باهي كويس مهم لو تبي اي شي قوليلي تمام
انا....تمام بارك الله فيك
وخشيت لداري شديت تلفوني ولقيت رساله من ادم كاتبلي فيها لما تروحى كلمينى
انا...اوووف نروح ونكلم عينك وانت لاصق فيا حطيت تلفوني وقعدت نساوي ونغبر ونلبس في حاحات يلي خديتهم كنت فرحانه بيهم هلبااا🔥😍
كملت قياس وترتيب كل شي واتكيت ع السرير لين خداني النوم كنت تعبانه شوي
والساعة 12في اليل رن تلفوني وكنت في عز نومتي نضت وعرفته ع طول انا ادم 😂 بس قولت نحرق دمه هك مسكت التلفون ورديت عليه
اناا...اففف شن هالناس هااادى ماتعرفش الوقت يلي تتصل فيه بكل في انسااان عاااقل يتصل في عقااب الليل لاتقوولو ناس راقدة لاناس مدمدرة لا شئ
ادم ...عطك قصة في هاللسان وهوا ديما يدوي ماتعرفيش تسكتي
انا ...نضت وجت مقعمزة
انااا... ادم
ادم... لا خياله
اناا... اسسفة والله منحسابك انت 😅
ادم : يارووح امك علاش من تحسابي
انا...لقيتها فرصتي نحسابك حبيبي امير
اادم.. راقله بكل وجهه احممر وتعفلق شن قوتلك انى انتي تحرقيلي ف دمي كل يوم ونا هك نزيد غل عليك انتي شن جاك خييرك انتى كل يووم تخلى فيا نزيد نحطك في راسي تعرفي ياعائشه هادى اخر مرة وانى حدرتك فاااهمة والا
انا...خفت ووجهي وله اصفر فاااهمة واللله الا انبصر اسسسفة لا تحطنى في راسك لا في رجليك
ادم..عائشه
انا بصوت هادى عيوونها
ادم .... ارتبك ومعاش عرف شن يقول بكل الصوت ناسه بس تمالك نفسه وقاللها فقصة في عيونك
انا....باهي اسمع نبي نقولك ع شي وماتقولش لا
ادم: شنو
انا...اوعدنى متقولش لا وراسك
ادم ...منوعدكش على حسب اللى بتقوليه
انا.. مش العرس قرب
ادم ....اي
انا.... لازم نحجز في مزين بيش نمشي ونكمل فيها
ادم...لا لا لا المره هديكا قاعده داسلك حسابها راهو والمره هادي مفيش مزينه بكل
انا..علااااش خاااطرى نفهم بس شن قصتك معاهم
ادم...من غير علاش قلت لا يعنى لا
اناا...طيرهلي تعرف حتى انى غبية نشاور فيك ماهو نمشي زي لبيان ومنعدلش عليك
ادم...باهي انا مش رح نقولك شي توا بس لو لنتي مش خايفه مني امشي وتوا تعرفي شن نديرلك 🔥🙂
انا...خفت نبصر عليك معقولة
ادم... لا عاااارف
انا.. احم باهى عادى نلبس فيلو والل ممنوع حتي هوا
ادم..اممم براحتك عادي
انا..: اكييد براحتى امالا براحتك
ادم...ههههههه اي براحتك وخله روحه هادي بكل ماتقولش ادم الاول🔥
انا...استغربت باهي نحني عادي
ادم...عادي..
انا....غريبه درت روحي قويه بلكي تحسابنى خايفة منك يلي نبيه بنديره ف العرس وبنمشي للمزين وبندير كل انا مش خايفه منك هاا ونقولهلك ف وجهك🔥🙂
وقطع عليا ادم وهوا راااقيتله : ضمي فمممك خيييرلك
انا.. بالله اطلع من راسي درهتلي كبدي ترااا وسكرت عليه وحطيته في قائمة الحظر
ورقدت وكملت نومتي ونا فرحانه🙂🔥
عند ادم
كان يغلي بكل اول ماسكرت عليه وحاول يرن عليها من حديد لقي روحه ف قائمه الحظر معاش قدر يتمالك اعصابه لا هاااادى المرة التالتة الديير فيها بااااهي ياعائشه لما نوريكك
وقعد يتصل بيا وعرف ان حطاتيه في قائمة الرفض
تمام زيدى زيدى كبر حساابك
ورقد ادم وهوا متغلل علي عائشه
#تسريع الأحداث
مشو يومين وقعد نطلع ونمشي للسوق نشري ف حاجات ونجهز في روحي للعرس ومشيت حجزت ف مزينه وقولت خليها لعند وين توصل توصل معاك ي ادم وقعدت نرتب ونجهز لعند قبل العرس ب5ايام جي خالي وقالي وتي القهوه ي عويشه في ضيف عندي
انا...استغربت حتي يبيني انا يلي ندير القهوه هادي اول مره يطلب خالي مني حاجه
مشيت للمطبخ وتيت القهوه وجتني مرح قاتلي ادم راهو معا بابا وطالب انا يشوفك
انا...شنووو شن تحكي انتي😳🔥
مرح...هك قاتلي امي وتي روحك وارفعي القهوه
انا .اوووف ساويت روحي شوي وجهزت القهوه ومشيت لعند المربوعه دقيت الباب ع خالي
جي خالي لعندي وقالي خشي ي عائشه خطيبك يبي يشوفك❤️
انا...في دخلي اووف وخشيت للمربوعة ورجل تقدم ورجل توخر
ادم...كان لابس ومداير عطر قوي وقام عيونه وشبحلي شبحة حااادة : خشي قعمزي خيرك خايفة
خشيت وقعمزت بعيييد عليييه وخالي قاعد نستادن شوي وطلع وأول ماطلع خالي
ناض ادم وسكر الباب
انا شبحتله بخوووف : علاش سكرت الباب
ادم شافلي وجي قرب بحداي..........🔥
انا....😱🔥