رواية منتصف العمر
الفصل الخامس عشر15
بقلم جمانه السعيدي
مختار....مااعرف ليش هاي البنيه شغلت بالي
رغم اني سمعته تكول للبنيه الزغيره ماما
يعني مزوجه اكيد زوجها موجود وياها بلشقه
استغفر الله واتوب اليه
اني مو هيج ولا ادقق بلنسوان هاي ليش هيج شغلت بالي
أعوذ بلله من الشيطان الرجيم
من رجعت من الدوام باب الشقه مسدود ماكو اي صوت
بدلت وتغديت ونمت للمغرب كعدت صليت وكاعد احضر بلعشى مالكيت ملح
قررت انزل اكو ماركت جوا يبيع اجيب ملح وبيض للريوك
وارجع
اني استحي انزل بملابس البيت رغم اشوف اكثر الشباب
عادي ينزل ملابس البيت اولابس شورت
زحمه هاي الملابس
لبست بنطرون وقميص وقمصله جلد هليام بارده الدنيا بليل
فتحت الباب اريد اطلع سمعت صوت عيطه بلشقه الي بصفي راسا انفتحت الباب
طلعت هاي البنيه الي شفتها الصبح شايله بتها وطالعه من الشقه
شقتهم ضلمه
مختار....قربت عليها هاا خير
نسمه....شغلت الهيدر راسا طكت الكهرباء وطفت اني اخاف من الضلمه
مختار.. انتي وحدج هنا
نسمه...اي بس اني وبتي
مختار...زوجج وين
نسمه....اني منفصله
مختار....اكدر اشوفها
نسمه...ياريت لو ما تصير عليك زحمه
جمانه السعيدي
فتحت الضوه من التليفون اني اعرف مكان صندوق الكهرباء فتحته لكيت الدكم صاعده صاير شوط
بس مو بكل الخطوط الشوط بس بلمطبخ صاير
رجعت كل الدكم المكانهن بس دكمة المطبخ كلما ارجعها تصعد
رجعت الكهرباء بلشقه بس المطبخ بقه اضلم
هذا الحجي هي بعدها واكفه برا الشقه
رجعت عليها لابسه تراك رياضي بنفسجي طوخ بي أقلام ابيض ورافعه شعرها بطريقه كلش حلوه
نسمه....هااا رجعت الكهرباء
مختار...بس المطبخ صاير بي طبك خل انزل اشوف اكو كهربائي هنا يجي يشوفه
نسمه....شكرا تعبتك وياي
مختار....كل تعب ماكوووو اني مختار
نسمه...شكرا استاذ مختار اني نسمه
مختار... اتشرفنا .اني نازل اشتري كم شغله راح اسئل اذا اكو كهربائي اجيبه وياي
نسمه....اي ولله ياريت
جمانه السعيدي
دخلت الشقه واني نزلت مااعرف ليش فرحت من كالت اني منفصله رغم اني لحد اان مااعرف اي شي عنها
بس هي عجبتني حيل
دخلت الماركت اشتريت ملح وبيض قررت اشتري كم شغله الهاي الطفله الزغيره نستله وكاكو وعصير
سئلت ابو الماركت
مختار... اكو مصلح كهربائية قريب
....اي عندي تليفونه اتصل علي يجيك
مختار... محتاجه هسه
...خل اشوف اذا فارغ يجيك هو ساكن هنا بثالث عماره
بقيت واكف وهو طلع التليفون وتصل
....هسه عشر دقايق ويجي
مختار... انتضره بقيت افتر بلماركت واباوع على الشغلات الي يبيعهن تقريبا ربع ساعه يله اجا
مختار...السلام عليكم انت الكهربائي
...اي تفضل
...صار شوط بلمطبخ ممكن تجي تشوف وين المشكله
...اي تفضل جاي وياك
صعدنا بلعماره دكيت الباب عليها
فتحت الباب
مختار....هذا الكهربائي اجا يشوف الكهرباء
نسمه....اي دقيقه
دخلت شالت بتها وطلعت من الشقه وكفت برا كالت اتفضلو
دخلنا اني ويااا لكه الشوط بلنقطه الي مشتغله عليها
فتحها كص الوايارات خلا لهن توصاله زغيره وخله دكمه جديده
شغل الخط شتغل من جديد
مختار...شكد تاامر
...لان اني خليت نقطه جديده اريد ١٥
مختار.. تفضل
طلعنا برا
نسمه....شكد الاجور لو سمحت
الكهربائي... اخذت اجوري اترخص
نسمه...دقيقه منيين اخذت
الكهربائي.. من الاستاذ
نسمه...لا اني ادفع
مختار...تفضل انت اني وياها نتفاهم
نزل الكهربائي
نسمه....لو سمحت شكد اني مااقبل تدفع بمكاني
مختار....شنو القصه ترا مبلغ قليل مايستاهل اصلا
بعدين حق الجار على الجار
نسمه....ولو لازم اعرف شكد اريد ادفع
مختار....هيج راح ازعل واعوف الشقه وبعد ما نصير جيران
نسمه.....شكرا بس ممكن ما تعيدها مره ثانيه بس هلمره
مختار.....ايجوز احتاج اطلب منكم ملح شكر بهارات
نسمه....ليش انت عايش وحدك
مختار....اي وحدي
نسمه....وين عائلتك
مختار....اذا راح نتعرف لازم نكعد ونحجي خليها غير وكت فرصه سعيده
نسمه...شكرا
مختار...لا تشكريني ما سويت شي ديري بالج من الكهرباء
نسمه...انشاء الله
جمانه السعيدي
مختار....دخلت للشقه واني طاير ما مصدك صار هذا الموقف ووكفت احجي وياها
ياربي شكد حلوه هذا يااثول الي طلكه
صدك الزلم مرات عدهم نعمه مايعرفون قيمتها
ثاني يوم كان جمعه الساعه عشره ونص الصبح اندكت الباب
اني كعدت الصبح صليت ورجعت نمت لان ماعندي شي
اسمع الباب تندك
باوعت للتليفون الساعه عشره ونص
كمت اربد اشوف منو لان اني محد يزورني بس علي اذا اجا من البصره
وبكون عندي علم بجيته
فتحت الباب شفت الكمر واكف بلباب
فتحت عيوني حيل مامصدك
نسمه...صباح الخير
مختار...اهلا صباح الخير
نسمه... جبتلك كيكه لان البارحه ساعدتني
مختار....لا صدك اذا كل يوم اشوف هذا الوجه الحلو
نسمه..نعم
مختار...اقصد هاي الكيكه الحلوه توني كعدت من النوم وتفاجئت
نسمه....تفضل الف عافيه
اخذت الكيكه وطبكت الباب
لا اني مو طبيعي هاي المخلوقه منيين اجتني شلون
هاي مراهقه حب تعلق مااعرف
هسه اني بهذا العمر راجع احب
ولله عيب لازم اوكف عند حدي
غسلت ورحت خدرت جاي كعدت اكل كيكه وجاي
شكد طيبه
كملت خليت الباقي بلثلاجه
بدلت ملابسي وتعطرت اخذت الماعون وخليت بي الحلويات الي اشتريته البارحه
لان نسيتهن بلعلاكه
دكيت الباب طلعت عليه من اشوفها احس كلبي ينفتح
مختار...صباح الخير
نسمه...صباح الخيرات
مختار....هذا ماعونكم هاي الحلويات جبتهن البارحه ونسيتهن للزغيره
نسمه...لا هيج هواي عليه فدوه لا تجيب اي شي
مختار...جيبي فلوسهن
نسمه....ههههه
مختار.. اي هيج اضحكي لا تدققين على كلشي
خلي الأمور تمشي طبيعيه
نسمه....شكرا
مختار.. العفو ممكن نكون اصدقاء
نسمه....اني وياك
مختار...اي ليش لا
نسمه.....بس من يكول نرهم اصدقاء
مختار....نتعرف ونشوف اني مراح افرض نفسي عليج
اعرفج على نفسي مختار معلم علوم
نسمه.. هااا معلم
مختار....ياستار شو هااا معلم ترا معلم عادي مو تاجر مخدرات
نسمه....تعرف انت دمك خفيف
مختار....تعرفين انتي شكد حلوه
نسمه...نعم
مختار...اقصد سوالفج حلوه ولله اني موهيج بس
من شفتج احوالي تغيرت
جمانه السعيدي
نسمه...من رخصتك
دخلت وطبكت الباب
ولله عدها حق شو اني صاير خفيف عيب هاي السوالف
راجع احب وادور سوالف تعبانه
رجعت للشقه بس دخلت اتصل عليه علي
مختار...هلو ابو حسين شلونك
علي...هلو بابا الحمد لله
مختار....وين حسون
حسون...شلونك جدو
مختار.. هله حبيبي جدو
حسون...جدو ليش ما تجي
مختار....بس افرغ اجيكم مشتاقلك موت
كملت المكالمه وبديت انضف واغسل ملابسي
ثاني يوم من رحت للدوام لكيت النقل طالع يالله
همزين يوميه كومه اخسر فلوس على السيارات
ومرات مالكه احد يوصلني يستبعدون الطريق
من رجعت ماشفت نسمه
بليل بقيت اوصل الباب الشقه وارجع بلكت اشوفها طالعه لان اليوم ما شفتها
ماكدرت اصبر دكيت الباب
شويه فتحت الباب
مختار...صباح الخير
نسمه....اي صباح هذا احنا بليل
مختار...العفو عبالي الصبح
نسمه....ههههه شتريد تفضل
مختار....هااا اريد بهارات
نسمه....شنو تريد سبع بهارات لو كركم لو ورق غار لو شنو
مختار...اي شي
نسمه....شلون اي شي انت شجاي تطبخ
مختار...ماادري
نسمه....ههه هاي شبيك
مختار....الصراحه اليوم ما شفتج لا من نزلت الصبح ولا هسه وقلقت عليج يمكن تكولين هذا شكد فضولي
بس ماكو احد احجي وياا بس اني وانتي بهذا الطابق
والرسول وصا بسابع جار
نسمه....انت مو زغير على هاي السوالف
مختار.. اعرف بس شسوي
نسمه...روح اشرب ينسون يهدء أعصابك ونام احسن
مختار...ماعندي
نسمه...دقيقه اني هسه اجيبلك
مختار....يله انطيني ينسون خل اشوف مفعوله شنو
جمانه السعيدي
جابتلي واجت
مختار...خاف سم تردين تخلصين مني
نسمه...جيبه انت مو مال ينسون
مختار....يله راح اخذه شكرا
نسمه...العفو
رجعت للشقه ضجت من نفسي مااعرف ليش هيج جاي اتصرف معقوله اني احبها
اي اني احبها ومااعرف شلون اتعرف عليها
لازم اخابر علي يعلمني شلون اكدر اخذ رقمها واحجي وياها
هو عنده خبره شلون حب لجين وزوجها لازم يعلمني
اني هم رايح عليها بشلون عذر اريد بهارت مبين
ماعندي خبره كلشي مااعرف
هسه هاي شلون اكدر احجي وياها
ونتعرف واحد على الثاني
اني افكاري قديمه وكلشي مااعرف عن أمور الحب
بس اعرف شي واحد اني احبها
واذا تقبل هسه ازوجها حتى مااريد اعرف اي شي عنها
خبلتني ياناس هاي المخلوقه خبلتني شلون اجيبها للدرب
لا اني محتاج احجي وياا علي لازم يعلمني
طلعت التليفون استحيت شراح اكله
ولله زحمه ابوك يحب تعال علمه شلون يحجي ويتصرف
لا ليش عيب قابل اني شمسوي اريد اتعرف عليها
واذا تقبل نزوج
شلت التليفون رنيت على علي
علي...هله يابه عود اني هسه اريد اتصل عليك
مختار....علاوي وليدي محتاجك بشغله
علي...خير محتاج فلوس
مختار...ياا فلوس محتاجك بشغله ضروريه ومااعرف اتصرف ببها
علي....يا ستار احجي شكو
مختار...اريد اتعرف على وحده ومااعرف شلون
علي...هاااا شكلت عيد رحمه الابوك
مختار...اتعرف على وحده جيرانه ومااعرف شلون
علي....تحجي صدك لو تشاقا
مختار....هي هاي هم ببها شقه
علي....لا بروح الحسين بداعت حسوني وعلاوي
مختار...ترا أسد التليفون
علي....اي بيها الخير
مختار.... شايفني عرست وبيها الخير علمني شلون احجي وياها
علي....بويه كول غيرها اني ما مصدك
مختار.. الله وياك سد التليفون وبعد لا تتصل عليه افتهمت لولا انعل ابوك لا الخلفك
علي....هههههه هههههه ههههه متت بويه ولله انت صدك تحب تحب من صدك اريد اشوفها اله ابوسها
هاي الي وكعتك
مختار...انجب هو اني بعدني ما بسته تريد انت تبوسه
اشك حلكك بس تقرب عليها
علي....هيج حلوه
مختار....تخبل احلى ما شافت عيوني
علي....شوفلك حجه واطلب رقم تليفونه
مختار...اي شني هاي الحجه ولك اني مااعرف هاي دروبكم
علي....كللها يجمعون أرقام سكان العماره خاف يصير شي
حتى بتصلون عليهم
مثلا تحترك شقه وصاحبه ماموجود
لو انت روح شوف المسؤل عن العماره واطلب منه رقمها
مختار....مراح ينطينيا مستحيل
علي....كللها يردون يعرفون كم عدد سكان الشقق وارقامهم
يردون يسون جرد
مختار....لا هاي مو خوش فكره
علي....كله اريد رقمج وفضها
مختار....اي شلون هيج كبل اريد رقمج
علي....اي هيج كبل ترا عادي الموضوع
مختار...اشوف
علي...بويه اشويه اثكل عليها مو كل شويه واكف بابها
مختار.. انجب ولك اشايفني واكف بابها
هسه رحت اطلب منها بهارات
علي....هههه لا صدك شكد غشيم وين اكو واحد يطلب بهارات هسه لو كايل اريد الرمز خلص الاشتراك
بعد وين اكو واحد يطلب بهارات
بويه هاي الحلوه راح تطير من ايدك اذا تبقى على هاي سوالفك
مختار...اي اني ليش اتصلت عليك غير تعلمني شسوي
علي..تعال اني اعلمك
اول شي بيع ثكل عليها ترا النسوان ما تحب الخفيف
هي بنيه لو ارمله لو منفصله
مختار.....منفصله
علي....يعني شكد عمرها
مختار ب ٣٠ فوك التلاثين شويه
علي...زين مو زغيره تفتهم وعدها خبره
مختار....ولك تخبل عليوي لازم تساعدني لازم اتعرف عليها فهمت لو لا
ابوك راجع يحب ولك اول مره بعمري اعرف الحب
شكد حلوووو