رواية حياة ليان
الفصل الاول1
بقلم ليان
انا ليان عمري ٢٠ سنه بيضاء شعري طويل عيوني كبار منقبه انا يتيمه امي وابوي اتوفو من صغري وربتني عمتي وبتحبني زي ولدها عندها ولد واحد اسمو خالد عمرو ٣٠ متزوج وعايش ف السعوديه ليه ١٠ سنه خالد اسمر وطويل وملتحي ملامحو حلوه انا عايشه مع خالتي ف جبره خالد قال نجي نعيش معاه ف السعوديه وحول لي ورقي لكن كان ف مشكله اني م حاقدر اقرا هناك الا اكون متزوجه وعمتي رفضت اتزوج لأنها بتخاف علي فاقترحت اني اتزوج خالد زواج شكلي لحدي م اخلص جامعتي خالد وافق وعمي وخيلاني عقدو لي علي خالد وبعد شهر سافرنا واستقلبنا ف المطار ومشينا شقتنا كانت جنمب شقتو دخلنا شنطنا ومشينا سلمنا علي مرتو وكان استقبالها بايخ وطول القعده بتعاين لينا من فوق لتحت وانا وشي م فتحتو قعدنا شويه ومشينا شقتنا دخلت استحميت وصليت العشاء ولبست عبايتي وطلعت نجهز العشاء وخالد جا اتعشا معانا وقال لي عاوز اتكلم معاك برانا دخلنا غرفتي هو قعد ف السرير وانا واقفه
خالد: ليان ممكن تقعدي
ليان: طيب
خالد: وممكن تفتحي وشك انا زوجك
ليان: زوجي علي الورق
خالد: حتي لو علي الورق ف النهايه زوجك يلا افتحي وشك
فتحت وشي وخالد بقا سرحان فيني
خالد: ماشاءالله تبارك الله ربنا يحفظك
ليان : الله ما ضراك
خالد: انتي عارفه انا اخر مره شفتك كان عمر ك ١٠ سنه
ليان: اممم صح
خالد: طيب يا ستي انا حاجيب ليك عربيه تكون تحت يدك مش بتعرفي تسوقي؟؟
ليان: اي بعرف
خالد: ودي بطاقه بنك اصرفي منها وانا بكره بجيك الصباح نمشي الجامعه تمام
لينا: تمام شكرا ليك
خالد: ماف شكر بينا يلا تصبحي علي خير
ليان: وانت من اهلو
خالد طلع وانا طلعت عبايتي ورقدت طوالي
خالد مع امو:
خالد: يا أمي ماشاء الله ليان حلوه
عمتي: وهادئه وبتسمع الكلام
خالد: عرفتي تربي
عمتي: الحمدلله اها انت كيف مع مرتك
خالد: تمام الحمدلله
عمتي: ليكم تلاته سنه وانتو م عندكم اطفال
خالد: يا أمي م وقتو اخدي راحتك تصبحي على خير
عمتي: وانت من اهلوو
خالد مشا بيتو :::
مشاعل: مالك اتاخرت؟؟
خالد: كنت بتونس مع امي
مشاعل: وليان؟؟
خالد؛ مشاعل انتي عارفه طبيعة الزواج ده يعني م داير نقاش
مشاعل: براحتك
خالد؛ ارح ننوم
مشاعل: عندي اجتماع بعد ساعه اون لاين
خالد: طيب الساعه دي قضيها معاي انا مشتاق ليك
مشاعل: اووووف قلت ليك عندي شغل
خالد: طيب براحتك
خالد دخل غرفتو وهو زهجان ولع سيجارتو ورقد
بلسان خالد؛؛؛؛؛؛؛؛
انا خالد عمري ٣٠ سنه جيت السعوديه وعمري كان ٢٠ اشتغلت اي شغله ف بالكم وفي يوم وانا شغال سكيورتي جاتني بت حلوه اتعرفت عليها اللهي مشاعل اتعرفنا علي بعض وهي عشان عايشه ف السعوديه من صغرها كان عندها واسطات جابت لي شغل ف شركه وهي شغاله مدير تنفيذي لأكبر شركه ف السعوديه بعد سنتين وضعي اتصلح وبعد قصة حب دامت ٥ سنه اتزوجت مشاعل اول سنه كنا مبسوطين شديد وكان نفسي اجيب منها اطفال السنه التانيه اكتشفت انها انانيه م عاوز اطفال عشان جسمها م يبوظ وكمان شغلها م يتعطل ولمن اتناقش معاها ف الموضوع بتذلني انها هي السبب فانو وضعي كويس وكنت بسكت وبقول الصبر كويس أمي مربيه ليان من صغرها وانا كنت عايزهم يكونو قراب لي واقترحت عليها انها تجي السعوديه هي وافقت بس بسبب جامعه ليان اتعرقل الموضوع اضطريت انقل ليها ورقها هنا بس كان ف مشكله انها الا تكون متزوجه وامي رفضت تزوجها لزول غريب لأنها بتخاف عليها بعد اقناع من أمي اتزوجتها زواج شكلي وبعد شهر من العقد مشيت جبتهم من المطار وطبعا هي طول الوقت مغطيه وشها اتعشيت معاهم وطلبت الاقيها علي انفراد دخلنا غرفتها وحسيت بيها متوتره طلبت منها تفتح وشها ف الاول رفضت تاني رفعت النقاب ياخ انا لمن شفتها اتخلعت معقول دي ليان الأنا كنت بلعبها واشيلها وهي صغيره عيونها وحواحبها وشفايفها والله مرسومه رسم اتكلمت معاها وكان كلامها هادي الشيطان وسوس لي بس اتذكرت مشاعل طلعت مشيت لأمي وطبعا طبع الامهات بتسأل لي م عندي اطفال لاسي م قدرت ارد لاني محرج استأذنت وجيت بيتي لقيت مشاعل وطبعا اسلئه بايخه وانا كنت عاوزه لاني مشتاق ليها بس هي طوالي بتكون مشغوله دخلت غرفتي وانا زهحان ولعت سيحارتي وش ليان م كان بروح من بالي تاني استعوذت من الشيطان ونمت