رواية حياة ليان
الفصل الثاني2
بقلم ليان
صباح اليوم التاني ؛؛؛؛
صحيت استحميت وصليت الرقيبه والفجر وقريت قران لحدي الساعه بقت ٦ ص مشيت سويت الشاي وشربت مع عمتي ودخلت اتجهزت لبست عبايه بالعنابي والنقاب عنابي والا سبورت والشنطه بالأبيض اتجهزت سمعت صوت خالد بصبح علي عمتي غطيت وشي ومرقت
ليان: صباح الخير
خالد: صباح النور طلعنا؟؟
ليان: طيب يا أمي الاكل جاهز ف المايكرويف وم تنسي العلاج
عمتي: طيب يا ليان خلي بالك من نفسك
ليان: وانتي كمان
ودعت عمتي ونزلت مع خالد ركبنا العربيه واتحركنا
خالد: ليان بالجد لو م انتي كنت حاكون مقلق علي امي
ليان: امك دي امي يعني حنان الأم الاتحرمت منو كلوو لقيتو عندها مهما عملت م بقدر اوفيكم جمايلكم
خالد: تاني م تقولي كده بزعل منك دي م جمايل ده حقك علينا تمام
ليان: تمام
وصلنا الجامعه وخالد نزل معاي مشينا مكتب العميد وسجلنا واخدني ف جوله ف الجامعه طبعا انا بدرس هندسه معماريه مفروض انزل الجامعه بعد اسبوع طلعنا من الجامعه
خالد: بتشربي قهوه؟؟
ليان: اي
خالد وقف عند الكافي جاب لينا قهوه ف العربيه
خالد: جبتها ليك عشان تشربيها براحتك وتفتحي وشك
فتحت وشي لان العربيه كانت مظلله وبقيت بشرب ف القهوه وخالد بتونس معاي وحكي لي مواقف حلوه بعد خلصنا القهوه رجعني البيت وطلع شغلو
عمتي: اها الجامعه كيف
ليان: كويسه يا أمي خالد اخدني ف جوله فيها
عمتي: الحمد لله
ليان: أمي عاوزه حاجه انا ماشه انوم حبه
عمتي: لالا امشي اخدي راحتك
دخلت غرفتي استحميت وصليت الضهر واخدت لي نومه صحيت باذان العصر قمت اتوضيت وصليت وطلعت جهزت الغدا واتغدينا انا وامي وغسلت العده وسويت القهوه طبعا متعودين قهوتنا بطقوسه فشار وحلاوة مكسرات والبخور سوينا القهوه وانا كنت لابسه عبايه لانو ف اي لحظه ممكن خالد يجي ختينا قهوتنا والباب دق لثمت وشي بالطرحه وفتحتو لقيتو خالد سلم علي ودخل
خالد: يا الله المزاج عالي قهوه بيبخورها
عمتي: هههههههه انا ولينا متعودين علي كده
خالد: والله بختي بالجد مشتاق لأجواء السودان ليان مالك واقفه اقعدي
قعدت وفتحت وشي وبدينا نشرب ف القهوه وامي وخالد اخر ونسه وضحك بعد شويه خالد طلع علبتين اداني وحده فتحناها طلعت تلفونات ومعاها أرقام سعوديه
ليان: شكرا
خالد: عفوا انا سيفت رقمي عندك ف اي وقت تتصلي تمام
ليان : تمام
بقينا نتونس للمغرب وخالد استأذن مشا بيتو وانا قمت غسلت العده وصليت المغرب وبقيت بقرا ف القرآن العشاء اذن صليتو وطلعت لأمي اتعشينا وخشيت غرفتي فتحت التلفون الجابو لي خالد ولقيتو منزل لي كل التطبيقات رسلت لصحباتي ودردشت معاهم للساعه ١٠ وقفلت التلفون ونمت
بلسان خالد؛؛؛؛؛؛؛؛
صحيت الصباح لقيت مشاعل ماف مشيت صبحت علي امي وشربت معاها الشاي وطلعت ليان كانت مغطيه وشها وجاهزه بس ريحة عطرها دوخني عديل وعجبني انها مهتمه بأمي طلعنا مشينا الجامعه واخدتها جوله وحسيتها مبسوطه كنت عايز اعزمها ف كافي بس اتذكرت انها م حاتفتح وشها وانا كنت عايز اشوفها اشتريت القهوه وقفلت قزاز العربيه عشان تكون براحتها فتحت وشها ياخ الساعه ديك انا يا دوب صباحي انعدل اتونسنا لحدي م خلصت القهوه ورجعتها البيت ومشيت شغلي حيت راجع العصر شميت ريحة بخور الجاولي فتحت لي الباب كانت مثلمه وشها بالطرحه سلمت عليها ولقيت جو القهوه ظابط زكرني ايام السودان قعدت قدامي وشربنا القهوه واتونست مع امي بالجد كنت مشتاق ليها وجبت ليهم تلفونات جديده وخطوط سعوديه وعجبني اكتر الفرحه الشفتها ف وش ليان اتونست معاهم للمغرب ورجعت البيت لقيت مشاعل يا دوب جات من الشغل وقالت نعسانه ونامت انا حضرت لي فلم وقمت اتعشيت ورقدت نمت