روايةحبيبي المغترب
الفصل الاول1
بقلم الاء
عمر : يا فطومه انا حاسافر وم معروف اجي متين توعديني انك تنسيني
فطومه : بالحيل استناك عمري كلو
عمر: وانا ما حاخذلك انتي اسي عمرك ١٥ وانا عمري ١٨ لمن اجي نكون بقينا كبار ونعيش مع بعض العمر كلو
فطومة: خلي بالك من نفسك
عمر: وانتي زاتك لا اله الا الله
فطومه : محمد رسول الله
ده كان آخر لقاء بين فطومه وعمر قبل ٧
اسي فطومه عمرها ٢٢ سنه بنوته حلاته الكل بشهد بادبها واخلاقها وجميله وشعرها طويل وبيضاء هي قرويه لكن حلوه وفاهمه
عمر الان عمرو ٢٥ سنه شاب ناجح ماسك شغل ابوهو ف تركيا من يوم اتفارقو هو وفطومه وتاني م اتواصلو
فطومه ما نست عمر وكل مره يجيها عريس ترفضو عايشه علي امل انو يرجع
اليله حنة ود الشيخ جيران ناس فطومه
فطومه صحت من الصباح استحمت وصلت ودعت الدعاء الما فارق لسانها انو الله يجمعها بعمر انتهت من الصلاة قامت رمت الزلابيه وسوت الشاي وقعدو تحت ضل الشجره وشربو الشاي هي وامها وابوها وأخواتها اتنين واخوها الصغير شربو الشاي وكل زول مشا شغلو
الام: يلا يا فطومه اجهزي نمشي الفطور
فطومه: انا مصدعه يمه بمشي الحنه باليل
الام: طيب نومي واخدي راحتك
فطومه دخلا غرفتها وعندها روايه بتقرا فيها ونامت صحت العصر لقت جات
فطومه: اها يا أمي الفطور كيف
الام: والله ماشاء الله كان رهيب
فطومه: كويس والله
الام: يلا اجهزي وامشي مع البنات
فطومه مشت استحمت وصلت العصر ولبست ليها فستان ابيض فيو ورده بالاحمر وطقمت الطرحه والشبط بالاحمر وطبعا محجبه وعملت ايلاينر وقلوس بس لان ملامحها م بتحتاج مكياج جاتها النعمه صحبتها
النعمه: فطومه ارح اخرتينا
فطومه: الشفقه التطير ارح قدامي
مشو بيت المناسبه وسلمت علي ناس الحله طبعا هي محبوبه شديد قعدت مع صحباتها وشويه شويه الضيوف بدو يجو جات بت جاريه قالت ليهم عمر واهلو جو مخصوص للعرس
فطومه دي قلبها بقي يضرب يا ربي ده عمر ولا تشابه أسماء بعد شويه اهل عمر دخلو امو واخواتو وهنا فطومه اتاكدت انو ده حبيبها عمر وبقت مراقبه الباب عشان تشوفو فجاءة عمر جا داخل لابس بنطلون زيتي وقميص ابيض والحلاقه واللحيه فطومه بقت مقهيه في فجاءة كده ام عمر قالت اعرفكم دي خطيبة عمر ....