رواية بت انجلترا
الفصل الاول1
بقلم نور
هاي انا نور احكي ليكم قصتي ف الاول اعرفكم انا نور محمد مولوده ف انجلترا ماما طبيبه مخ واعصاب وبابا مهندس وعندي اخ اكبر مني واسمو قصي وأخ اصغر مني اسمو عمر انا عمر ي ١٩ سنه وبدرس سايكولجي بيضاء وشعري كيرلي وعيوني عسليه وجسمي طبعا نحيف قوام انجليزي وما عندي حبيب لاني م بؤمن بالحب وبكره صنف الرجال المهم ف الجامعه عندي بحث وكان لازم امشي السودان واقدمو من هناك وكانت فكرة اني امش السودان وبراي فكرة مرعبه بس قررت أواجه خوفي
بابا: نور طيارتك الساعه ٢ ص
نور: اوكي بابا
ماما: جهزتي اوراقك
نور: يس ماما بابا حجزت لي الداخليه
بابا : لا حاتنزلي عند عمك محمود واسي ولدو حايكون منتظرك ف المطار
نور: بابا انت عارف اني م بحب التقيد
بابا: م تخافي عمك زول متفهم
جات الساعه ١ونص واتحركت علي المطار طبعا معاي شنطه واحده لاني مقرره اتسوق من السودان ركبت الطياره وصلت السودان الساعه ٤ ص انتهيت من أوراقي لقيت شاب جميل ماسك لافته عليها اسمي ده ود عمي اسمو جاسر عمرو ٢٥ بقرا ف الجامعه المهم سلم علي وطلعنا مشينا البيت ولقيت عمي وعيالو صاحين منتظرني
عمي عندو تلاته اولاد وبنت الولد الكبير اسمو حسام والوسط جاسر والبنت لينا واخر ولد اسمو مصطفي
حسام عمرو ٢٧ وجاسر ٢٥ ولينا ١٧ ومصطفي ١٣
استقبلوني استقبال حلو بس م شفت اخوهم الكبير شكلو ماف المهم اتونسنا ولينا ودتني غرفتي دخلت نمت طوالي لاني مرهقه
ف غرفة حسام؛؛؛؛؛
حسام: اها بت عمكم طلعت كيف
جاسر : وانت مالك م جيت اتعرفت عليها
حسام : انا اصلا فكرة جيتها هنا م عجباني
جاسر: ولي ؟؟
حسام ياخ حاتكون متحرره وممكن تفسد لينا
جاسر: م تحكم علي البت ساي وبعدين شكلها متحفظه
حسام : حانشوف انا ماشي انوم
صباح اليوم التاني ؛؛؛؛
صحيت استحميت وصليت الصبح ولبست لي بجامه وعشان نازله لناس عمي تحت لبست عبايه بس بلبس طرحه الا اكون مارقه
نزلت ولقيتهم بشربو ف الشاي وانا م بشربو
عمي: يا بت شاي م بتشربي
نور: والله يا عمي م بشربو لكن وصفو لي المطبخ بشرب قهوه
لينا: انا بسويها ليك
مرت عمي : قهوه من الصباح بتتعبك
نور: لا بتخليني نشيطه
عمي: اها وحاتبدي ف بحثك من متين
نور: والله با عمي مستنيه رد من الجامعه اليله
عمي: ربنا يوفقك
لينا جابت لي القهوه وختيته قدامي ف واحد ثقيل جا شالها
عمي: يا ود سلم اول وبعدين دي قهوه نور
حسام: اهلا نور ممكن اشرب قهوتك
نور: انت منو؟؟
حسام: انا حسام ود عمك
نور: ممممم اهلا وممكن تشرب القهوه
حسام شرب القهوه لقاها مره
حسام : انتي جاده م فيها سكر
نور: ايوا لاني مريضة سكر بتجنب السكر عشان م اتعب
عمي: ابوك م حكي لي شي زي ده
نور: لانو بابا زعلان علي مرضي بس انا بحاول احافظ
حسام: وجاك كبيره كده
نور: لا ظهر لي من صغري
مرت عمي: مسكينه وبتاخدي انسولين
نور: ايوا باخد انسولين
حسام: اسف يا ستي وهاك قهوتك
نور: شكرا
حسام: انا طالع الشغل معاكم سلام
حسام طلع وانا حسيت بيو زول كويس بس متحفظ شربت قهوتي ومشيت الغرفه فتحت لابتوبي وبقيت براجع حاجات تبع البحث الباب دق
نور: ايوا مين
انا جاسر
نور: اتفضل
حاسر: صباح الخير
نور : صباحو جاسر اتفضل اقعد
جاسر: انا حبيت اقول ليك اعتبريني اخوك الكبير لو عزتي حاجه وريني تمام
نور: شكرا ليك
جاسر: وين تلفونك
ااديتو تلفوني سجل رقمو وسيف رقمي وطلع
بلسان حسام:؛؛؛؛؛
انا ابوي لمن قال لي بت عمك جايه من انجلترا وانها مولوده هناك انا م حبيت جيتها عشان حاتكون متحرره وانا خفت منها علي لينا أبيت استقبلها بس الصباح لقيته مع ابوي كانت جميله شديد واتعاطفت معاها لمن قال مريضة سكر بالحد المرض ده الما بحافظ عليو بتعب
قطعت افكارو خطيبتو
حسام: حبيبتي كيفك
حور: كويسه حبيبي مالك امبارح م جيت
حسام : كنت جاي لكن الحاج أصر اني اقعد عشان استقبل بت اخو
حور: مممممممم اها وحلوه
حسام: حانبدا نغير انا م عندي ليها حاجه
حور: م قصدي عاوز اتعرف عليها
حسام: تعالي البيت واتعرفي انا اسي مشغول برجع ليك
حسام قفل الخط وجر نفس طويل لان خطيبتو شكاكه وبتغير
عند نور::::
قاعده ادردش مع صحباتي جاتني لينا وقال الفطور لبسا عبايتي ونزلت فطرت معاهم كان ف عمي ومرتو ولينا ومصطفي
فطرنا وسو قهوه وشربت واليوم كان زابط طلعت الغرفه استحميت وصليت الضهر ونمت صحيت علي تلفون من ماما وسألتني من يومي وبقينا نتونس لحدي العصر قمت اتوضيت وصليت وزهجت من الغرفه لاني متعوده علي الطلعات المهم نزلت لقيت البيت صاني طلعت الجنينه ولقيت مرجيحة حلوه قعدت فيها وشغلت سماعتي شويه كده جاني مصطفي وقعد يتونس معاي وطلع ظريف شديد وجات لينا ودقينا الونسه للمغرب جانا جاسر
جاسر: نور رايك شنو نطلع
نور: موافقه
جاسر : طيب امشو اجهز
طلعت غرفتي استحميت ولبست بنطلون ابيض وتونك بالبصلي وطرحه واسبورت بالأبيض وطبعا المكياج لاينر وكلوس بس
طلعنا بعربية جاسر ودانا شارع النيل شويه كده وحسام جا ومعاو بنت وكانت حلوه بس لبسهاا شاذ وخاته كمية مكياج مبالغه
حسام سلم علينا
حسام: حور دي نور بت عمي نور دي حور خطيبتي
نور: اتشرفنا طبعا عاينت لي من فوق لتحت وسلمت بطرف يدها وانا م اشتغلت بيها
هي اتلصقت جنب حسام
حور: نور نور طلعت عاديه كأنها كانت ف السودان
نور: اسكيوزمي انتي معاي
حور: أيوا الناس دي قبل م تجي م عندهم سيره غيرك لكن طلعتي عاديه
نور؛ : ممممم وانتي عايزاني اجيك كيف
حور. : مثلا لبسك عادي وشكلك ولا كأنك كنتي ف بلد متحرر
نور: طيب أصلح ليك مفهومك ما اي بت جايه من برا كعبه ولبسها كعب البت بتعتمد علي تربية أهلها وانا اهلي سودانين واكيد عارفه العادات
حور: مممممم
حسام : حور خلصتي يلا خلي القعده حلوه
جاني تلفون من صحبي ف انجلترا شلت التلفون ومشيت بعيد وبقيت يتونس بعد خلصت وانا راجعه خبطت ف واحد عاينت ليو شي طويل طبعا ومعضل واسمراني وملامحو جميله
نور: سوري م انتبهت
م مشكله انني كويسه
نور: ممم كويسه
انا مراد
نور : وانا نور
مراد: جيتي براك ؟؟
نور: لا مع اولاد عمي
مراد اتلفت وقال جاسر وحسام اولاد عمك؟؟
نور: ايوا
مراد: طيب اتشرفنا
رجعت قعدت محلي
جاسر: حبيبك اتصل
نور: نونو انا م بحب ده صحبي
حسام: والصاحب والحبيب فرقهم شنو؟؟
نور : الصاحب بكون قريب ليك بخفف عننك اوجاعك وبكون معاك بدون مقابل والحبيب بكون قريب لكن لو عمل خدمه بكون عايز المقابل
جاسر: عايزه تقنعيني انك م حبيتي
نور: نو لاني م بؤمن بالحب
أثناء م بنتونس جا مراد وسلم علي جاسر وحسام
جاسر: اعرفك نور بت عمي جات اامس من انجلترا
مراد: اتشرفنا يا نور
نور : شكرا
مراد: طيب انا ماشي يا شباب نتلاقه بكره
حسام : انا زاتي ماشي نتلاقه ف البيت
حسام ساق خطيبتو ومشا بقينا قاعدين انا وجاسر
نور: معليش كن أدخلت بس حور دي طبيعيه
جاسر: اوووف دي اكبر كابوس ياخ دي غيورة وشكاكه والله حسام تعبان شديد معاها
نور: بحبها؟؟
جاسر: لا هي بت شريك ابوي ف الشغل وخطبوها لحسام
نور: يعني من غير موافقتو؟؟
جاسر: اي هو م برفض كلمه لأبوي
نور: وانت مرتبط
جاسر: اي عندي حبيبه بس لسه ما اعترفت ليها
نور: وااااو باين عليك مستقل
جاسر: بحب اعيش حياتي زي م انا عايز وم بحب التقيد
نور: شخصياتنا متشابهه شكلنا حانتفق
جاسر: ظط يا زوله
نور: واات؟؟
جاسر: ظط يعني قدام
نور: ويعني
جاسر لا انتي عايزه قاموس
نور : طيب يلا نرجع بكره عندي مشوار بدري
جاسر: طيب ارح
رجعنا البيت دخلت استحميت وصليت العشاء وقريت سورة الملك ونمت
صحيت تاني يوم كنت ماشه الجامعه جامعه مأمون حميده
لبست اسكيرت اسود وبلوزه بالأبيض وطقمت الاسبورت والطرحه بالأبيض
نزلت صبحت عليهم ولقيتهم مجهزين لي القهوه
نور: ممممم قهوه رهيبه تسلمي خالتو
مرت عمي: بالهنا
عمي: اها ماشه الجامعه وتاني ف مشوار
نور: اي يا عمو ماشه الجامعه وعايزه مكتبه
عمي: طيب جاسر بوديك اصلا بقرا ف نفس الجامعه
نور: اوكي
جا جاسر نازل ومعاو حسام
جاسر: السمحه صباحو
نور: صباحو يا وسيم
حسام: صباح الخير
نور: صباح النور
جاسر. : شربتي الشاي
نور: شربت القهوه
جاسر: من الصباح كده
نور: هههههههههه عشان اقدر استوعب كلامك
عمي: انت قلت ليها شنو؟؟
جاسر: والله يا حاج قلت ليها ظط م فهمت وقلت ليها قدام م فهمت شكلو حاعمل ليها قاموس
عمي: هههههههههههههههه
نور: شكلي حاتعلم الكتير
جاسر: يلا نمشي؟؟
نور: بس دقايق عندي جرعه حاخدها واجي
طلعت اخد جرعه الأنسولين لاني نسيتها ونزلت وطلعت مع جاسر
حسام::
بالجد البت دي طلعت واعيه وبتفرق بين الصاحب والحبيب وعجبتني اكتر لمت ردت علي حور لان حور متعجرفه اول مره تلقي زول رد ليها