رواية طريق الحب الفصل الاول1بقلم جمانه السعيدي
اني شهد ابدي قصتي وياكم من عمري ١٥ سنه
واني بلثالث متوسط اني وحيدة اهلي
امي خريجه بس مامتعينه وابابا موضف بلطابو
بس وضيفته موكد طموحه بقا يدرس لمن حصل الماجستير
وبعدين الدكتورا
فكل وقتى ملتهي يدور بحوث ويجمع مصادر جان مشغول عنا بشكل موطبيعي
ام ماما ست الهام ابد مابطلت تروح دكاتره حتى تحبل مره ثانيه
من اني زغيره الحد ما صار عمري ١٤ وهي حارت شنو اسوي حتى تحبل بعدين لكت دكتوره قطتها قطه زينه وفعلا حبلت
ولمن وصلت الشهر الخامس وبين بلسونار حامل بتوم ولد
كانت فرحته ماتنوصف ابد
حتى شغل البيت كله ذبته براسي
جمانه السعيدي
المهم لمن وصلت للثالث متوسط امي جابت توم ولد
هنا بدت ماساتي الحقيقيه
امي انشغلت عني فد مره
اصلا ماتدري بيه شلبست شنو اكلت ويامن طلعت
وكانو هلولدين نزلو عليها من السما
ومن اكوله ماما انتبيهيلي اني محتاجتج
تكول لحد شكبرج وتغارين من اخوانج بدال ماتساعديني عليهم تردين اني انشغل بيج عنهم
المفروض انتي تغسلين ملابسهم
وتبدلليلهم وتشيلنهم
وتكولين ماما ارتاحي انتي تعبانه
اني صحيح احبهم بس اني ثالث يعني وزاري يعني محتاجه احد يفهمني
محتاجه احد يهتم بيه عندي فراغ موطبيعي
رغم عندي صديقات
بس مكان الام محد يعوضه ابد
شغلت وقتي بلدراسه ليل نهار حتى التهي وما اضوج
بس الصراحه من اشوف خوف امي عليهم واهتمامه بيهم انقهر
يمكن لان اني عشت ١٥ سنه بين ماما وبابا الاهتمام كله اليه والدلال الي ادللته محد مدلل بكدي
الحاجه قبل لا اطلبها تجيني
يمكن هو هذا الشي الي ضوجني
امي ماعادة تهتم بوجودي
جمانه السعيدي
اذا واحد اتمرض منهم تنكلب الدنيا وامي تنخبص وبيومها ننسا الاكل
يعني امي تقاطع المطبخ وتكعد تقابلهم وتسكت
على العموم امي ماعادة تطبخ مثل اول
كله طبخ مستعجل بسبب
احمد ومحمد هيج امي سمتهم
مرات اعذرها لان اشوفه حتى نفسه هاملته بسببهم
مرات تسبح وتلف شعرها ماتمشطه
لان همه يبجون سوا وينامون سوا ويكعدون سوا ويرضعون سوا
واخيرا نجحت للاعداديه
صحيح ماما وبابا فرحو
بس مو نفس فرحتهم زمان
زمان من كنت انجح امي تسويلي حفله وتعزم اقاربنا
وتشتريلي ملابس جديده وجيبلي هديه غاليه
بس هلمره لا
كالت لا ما اكدر اسوي حفله لان اخوانج ازغار وماعندي وقت للترتيب وهوسة الحفله
حتى الهديه الي وعدتني بيها ما جابته
وكلما اكووله تكول بعدين
مرات احس اني مو بتهم ومرات اكره اخواني
واتمنى لو ماما ماجابتهم
اخذو ماما مني ونشغلت عني هواي
من وصلت للاعداديه حسيت نفسي كبرت هواي
ومن اشوف البنات يعتنون بنفسهم بديت اقلدهم
ونطيت من مصرفي الصديقتي حتى تشتريلي مكياج
وخليته تعدل حواجبي وتنضف وجهي بلمدرسه
وبديت اطبع باطباع البنات الي اشوفهم يوميه
جمانه السعيدي
تصدكون ماما ابد ما انتبهت الوجهي
والا للتغيير الي صار وياي
بديت اخصر ملابسي واخلي مكياج خفيف
وانتبه للولد الي يلاكونا من نطلع
اخذتني الغيره من البنات الي يسولفون على حبيبهم
واكول اني ليش ماعندي حبيب قابل همه احلى مني
اني جنت كلش حلوه
رشيقه حنطاويه
شعري بي كسره خفيفه عيوني كبار عسلي
هواي اشبه ماما
وفعلا جنت افرح من اشوف الولد يتحرشون بيه لو يسمعوني كلام حلو
خلصت الرابع ونجحت للخامس ورجعت انحبست بلبيت
وطلبات ماما الي ماتخلص
واحمد ومحمد صار عمرهم سنه
وصارو متعبين اكثر
وحركين بشكل موطبيعي
واني لازم اركض وراهم طول اليوم
هذا طلع للشارع
هذا دخل للحمام
هذا يلعب بلكهرباء
هذا كسر الكلاص خاف ينجرح
مرات جنت اضربهم لان ولله حيل يتعبوني
بس ماما تكلب الدنيا عليه اذا ضربتهم
بس شسوي خبلوني تخبل