رواية طريق الحب الفصل الثاني2بقلم جمانه السعيدي
بديت اداوم خامس والوضع تمام اروح وارجع ويه صديقاتي الان ان يوم شفت ولد يخبل والبنات كلها تتهامس علي
يوميه يوكف بلركن كبال المدرسه
ولد حنطاوي طويل عمره بلعشرين
انيق بشكل موطبيعي
ومرتب والعطر واصل الاخر الشارع
اول شي لفت انتباهي شكله الحلو وترتيبه واناقته وثاني شي ردت اكون حبيبته لان البنات ذبحن نفسهن علي
وحده تسبق الثانيه تريد علاقه ويا
جمانه السعيدي
ما اعرف ليش تحمست ان اكون اني حبيبته قبل الكل
وهاي الفكره كانت مسيطره عليه
قبل لانطلع من المدرسه عدلت نفسي وطوخت المكياج
ومن طلعت بديت اركز علي
ضليت اباوع علي وابتسم
الحد ما انتبهلي
وبتسم فتت قريب علي بدا يمشي وراي
ويسمعني كلام
جنت طايره من الفرح حسيت نفسي فزت بي اخذته من كل البنات المعجبات بي
كدرت الفت انتباها
بقا يمشي وراي ويشمر بلكلام واني كلش مستمتعه
حسيت نفسي ملكه جمال
وهو مايكدر يستغني عني
الحد ماوصلت للبيت وقبل لا ادخل التفتت علي وبتسمتله
وهو بقا مرابط كدام بابنا تقريبا ساعه كامله اني اباوع علي من شباك غرفتي
ثاني يوم كعدت متحمسه حيل اريد اشوفه
اريد اشوف ردت فعله من يشوفني
طلعت لكيته منتضرني براس الشارع
وصلت قريبه علي وبتسمتله
...صباح الخير صباح الجوري صباح القرنفل صباح النوارس البيضاء
...دنكت وحجيت بخجل صباح النور
....اني سيف ومن البارحه مانمت ابتسامتج اخذت النوم من عيوني مامعقوله شنو سويتي بيه
...على كيفك شني هلحماس من الصبح
...اكله مانمت اتكول متحمس شنو اسمج
....شهد
...فعلا اسم على مسمى اكيد انتي العسل بكل انواعه
...وصلنا للمدرسه روح لايشوفونك
...انتضرج من اطلعين من المدرسه
دخلت للمدرسه بس صديقتي المقربه فاطمه شافتني
فاطمه....ولج منيين هذا الصاك
شهد...هذا سيف
فاطمه....هلو تعرفين اسمه منيين عرفتي
شهد...هو هسه كال اسمه
فاطمه...ولج هذا مبين علي لعوبي عوفي ميفيدج
شهد...شبسرعه حكمتي علي
فاطمه...ولله كلبي ابد ما ارتاح اله
شهد...سلامت كلبج امشي ندخل للدرس وعوفي توقعات كلبج الفلكيه
بيومها كلشي ما افتهمت من الدروس وبس اباوع للساعه يمته يخلص الدوام حتى اشوفه
جمانه السعيدي
خلصت اخر حصه واني طلعت كبل للصحيات عدلت شعري ومكياجي
وفعلا طلعت لكيته منتضرني بس شافني ابتسم وكان واكف ويا ولد ثاني مااعرف شنو كاله وبعدين الولد راح
هو اجا بقا يمشي قريب عليه
سيف ....مشتاقلج موت
شهد...يمته لحكت تشتاقلي هنا كم ساعه
سيف...كم ساعه عبالك سنه لا اني مايفيدني هذا الكلام
هذا رقمي ونتخابر
اني شيصبرني الباجر
انطاني الرقم اخذته وضميته ووصلني البيتنا
دخلت واني مامصدكه نفسي من الفرح
بقيت اشبك ب احمد ومحمد وابوس بيهم
ماما...هااا شكو اليوم تبوسين بيهم خاف حلمانه يوميه ما اطيقينهم شكو اليوم شصاير
شهد...لا ماما اكو امتحان نجحت بي وفرحانه كلوش
ماما...الله يديم الفرح عليج انشاء الله
اتغديت ونضفت المطبخ وصعدت الغرفتي سجلت رقمه ورمشت علي راسا اتصل عليه
جمانه السعيدي
سيف...الووووووو
شهد...هلو اني شهد
سيف...هله بلعسل كله هله بقارورة العسل
شهد...على كيفك
سيف يا على كيفي لج انتي طيرتي عقلي
شهد...سلامت عقلك
سيف...تسلمين حبيبتي
شهد...منيين حبيبتك صار يومين متعرفين على بعض
سيف...لج اني بس شفتج كلبي كال اي هي هاي الي ادور عليها
شهد...اريد اسئلك سوال
سيف ....تفضلي
شهد...انت تدرس
سيف...اني صف سادس وتركت
شهد...ليش
سيف...ماليه خلك المدرسه بعدين احنا ناس متمكنيين اني لابحاجة الدراسه ولا الوضيفه
شهد...بس الدراسه مو علمود الوضيفه وبس
سيف....لاتحاولين اني قافل من هاي الناحيه سولفيلي عن نفسج شويه
شهد ...صف خامس اعدادي واني الجبيره وعندي اثنيين اخوان توم ازغار عمرهم ٣ سنوات وبابا موضف وماما خريجه بس ربت بيت
وانت شنو ترتيبك بلعائله
جمانه السعيدي
اني عندي ٣ خوان اني ازغر واحد عمري ٢٠ سنه اخوي الجبير مزوج وطالع وعندا اثنيين اطفال
والثاني خريج معهد نفط ومتعين
وخاطب على وجه زواج
والثالث يشتغل ويه الوالد عدنا محل اثاث جبير بلمنصور
شهد...بس انت هيج ضايع ومامحدد مستقبلك
سيف...يمعوده عوفينا بعدني زغير ليكدام وافكر بلمستقبل
هسه شلون ابقه اشوفج شويه من تجين ومن اطلعين
اريد اكعد وياج واشبع من هذا الوجه الحلو
شهد....مستحيل مااكدر اطلع ابد ماما ماتقبل
سيف...دبري اي حجه وخل نطلع سوا
بقينا على هذا الحال يوميه يوصلني ويرجعني
الحد ما يوم اجتني ابنيه اسمه فاتن وهجمت عليه بلمدرسه
وتصيح هذا حبيبي عوفي لا ارتكب بيج جريمه
اني نكرت معرفتي بي لان خفت الكلام يوصل الاهلي
بس طلعت هي مراقبتني وشايفه بعينه شلون يوصلني ويرجعني
بلاخير كالت اصلا هو سيف ملعب كل يوم ويه بنيه يشبع منها ويتركه
وهسه يتركج مثل ما تركني وترك القبلي
اني خفت من كلامها وقررت اواجه بلي سمعته