رواية معجزة عشقي
الفصل الثاني2
بقلم مروان فرج
ارجوان ...ههههههه رح تعرفي مغير هيا خلونا نروحو وقت عشان بندير كم من حاجه انا باهي هيا
ارجوان...هيا وطلعت
انا...لفيت وجيت بنطلع من باب المدرسه خبطت في شخص رفعت راسي وكانت هنا الصدمه...😳🔥
قمت راسي ولقيته واحد طويل وعريض
انا...ااه ومسكت راسي تي شنو ماتشوفش قدامك انتا
ادم... كان يشوفيلي ومباش يرد علياا عشان ماكانش يعرفيني زين🔥
انا...بحتت فيه لقيتاا ادم خوه ارجوان وجت ارحوان تجري لخوها سلمت عليه وحضنته
ارجوان....محلاها المفاجاه ي ادم غريب كيف جيت للمدرسه اليوم مش من عوايدك وانتا امتا وصلت بكل
ادم....قولت نديرلك مفاجاه وهكي توا وصلت سالت عليك قالولي قاعده ف المدرسه قولت خليني نمشي ونروح بيك❤️
انا...كنت واقفه جنب ارحوان وساكته ماعرفتش شن ندير
ارجوان....حييي نسيت ماعرفتكش ي ادم هادي صاحبتي عائشه يلي ديما تمشي معاي للمدرسه بنت عمي صلاح عرفته
ادم....وشافلي بنظره معا قرنت حواجبه اي عرفته بس قولها مره تانيه تشوف قدامها لما تمشي
انا...في لحظه معاش قدرت نمسك اعصابي انت لحماااار ماشي وييين عيوونك قريييب كسسرتنى 🙂🔥
ادم.. احترمى نفسك خير مانكسرك بجد توا
انا حييي خفت جيبولى طاسه ميه وكنت نشوفله لعيون وعيون ادم كان يشوفيلي بنظره وكان واضحه عليه انا يغلي بس يناري ماقدرش يدير شي لانا ارجوان كانت حنبنا😂
ادم عض شاربه استغفر الله ياربي بري من قدام وجهى يابنت الناس خير مانرتكب فيك جريمة
ارجوان...هههههه خلاص عاد هيا نروحو نبي نعرف شن جبتني هديه اليوم ولالا :
ادم....اكيد بس خليتها ليك مفاجاه ف الحوش لما تروحي نعطيهاك هيا تعالي اركبي ف السياره بنروحو وقت عشان تساعدي امك للعشي اليوم
ارجوان....اي هياا وشافتلي وقاتلي هيا ي عويشه بيش تروحي معانا
انا....شنو تروحي معانا هادي😳 مانقدرش خليني توا نمشي بروحي لحوشنا لو تشوفني مرت بابا راكبه معا حد احتمال تقتليني راهو
ارجوان.. انا معاك ماتخافيش بكل وادم زي خوك❤️
انا....ماعنديش خوت مجانين وشفت لادم لقيتا يشوفلي ةكان واضح راقيله بكل مني ع طول مشيت معا ارجوان وركبنا ف السياره وخليت ادم واقف ومصدووم في نفس الوقت يغلى وكان يلقي يشد عائشه ويعطيها طريحه😂🔥
ركب ادم في السياره وطلعنا ع طول ومباش يقول ولا حرف وصلنا قدام حوشنا وارجوان قاتلي اليوم بيش تجي راهو وتوا نكلم بابا يكلم بوك ويقوله جيبها
انا...باهي لين شن هيا المفاجاه بس
ارجوان.....هههههه انتي تعالي وبعدين نقولك
انا...حاضر نحاول نجي نزلت واول ماروحت خشيت لداري ع طوول لاني كنت مانبيش نشوف لاريم ولا موده ولا حد🔥🙂 رقدت ع طول
وشوي وخشت مرت بابا ضربت الباب برجلها وخشت عليااا كان الوقت عشيه
سميه نووضي ي عائشه طيبي العشى انا ماطيبتش رااه
انا ...ماعنديش جهد كملي ريم اديرله اليوم 😊
سميه....مافيكش شي نوضي بلاش جو دلع ريم تقرا وعندها امتحانات وانا نحس في روحي تعبانه ومش قادره ندير شي
انا... اصلا انى معزوومة اليوم
سميه ...استغربت وشافتلي بنظره غريبه 😳ويين انشاء الله
انا... عند صاحبتي ارجوان دايريين عزومه ع العشي وقاتلي بيش تجي
سميه...وعليش شن عندهم هما بيش يعزموك انتي وكيف انا مايعزمونيش 🔥🙂
انا....مش عارفه بس مبكري كلمتي واصرت عليااا وقاتلي ضروري تجي
سميه....وقعدت تضحك بصوت عالي وانتي قصدك بتمشي وواتقه من روحك انك بتمشي
انتا...قعدت ساكته وماقدرتش نرد علياا نوضي ديري العشي وبلاش جو
وفي لحظه خش علينا بابا وقالي وتي روحك ي عائشه عشان نحطك في حوش ارجوان 😍
انا....ماكنتش متوقع انا بابا يجي ف اللحظه هادي فرحت هلباا وعلي طول طلعت من جنب مرت بابا مشيت للحمام وغسلت وجهي وقعدت نساوي ف روحي وكنت نسمع ف صوت سميه وهيا تتعارك معا بوي كيف يخليني نمشي ومش عارفه شنو
سميه....كيف هكي ي صلاح تخلي بنتك تمشي لحوش نااس وزياده بروحها
صلاح....نقصي صوتك من الناس هدا جارنا اشتيوي بوه ارجوان يلي تقرا معا عائشه ومداير عشي ع عشان ولدهم محضر ماجستير ف القانون وارجوان عزمت عائشه وبوها هوا يلي اتصل بياا واصر علياا اني نجيب عائشه
سميه....وكيف احني مايعزموناش هكي والله ماتجي هكي بكل
صلاح....ماليناش علاقه بيهم المهم انا قوتلا توا نجيب عاىشه ترا وسعي من قدامي وطلع وخله سميه وكانت نار في قلبها 🔥🙂
طلعت من الحمام ورجعت لداري وقعدت نفكر شن بنلبس وكانو كل حوايجي مش حلواات بكل..💔
قعدت نفكر شن ندير شن ندير مشيت لدار يم لقيتها طالعه خشيت وخديت من دولابها قونة زرقا وسورية بيضا طويلة ووشاح مخربش وشوز ابيض وطلعت قبل لايشوفني حد لقيت برا برا يستني ف السياره كان الجو مغرب 😂
ركبت معا بابا وقالي راهو هادي اخر مره نرفعك ماقدرتش نقوله لا لانا الراجل شد فيااا بس مره تانيه لا
انا.. باهي إنشاء الله وصلنا قدام حوش ارجوان ونزلت ومشي بابا وخشيت للسور وكان الحوش حلو بكل جنان طويل وفي برا طاولات وكراسي ومعشب وحو من لاخير وصلت لقدام باب الحوش دقيت الباب فتحتلي ام ارجوان سعاد😍
سعاد...اهليين حببيتي تفضلي
انا...اهلين زييييد فضلك وخشيت
ارجوان سمعت صوتي وجت تجري سلمت علياا وقاتلي تعالي معاي للمبطخ عشان تساعديني😂🔥
مشيت معاها للمطبخ وقعدنا نجهزو ف الضيافه وهكي وكان كل مره يجي حد من اقارب ارجوان عماتلها وخالتها وشوي وشرين تلفون ارجوان طلعت مش ترد برا وهيا قاعدة تتكلم حسيت بحد لمسني من وراىي انخلعت وتلفتتت وعيطت بصوت عالي😂
ادم. انخلع تى صكككككري فممممك بتفضحى بينا
انا : بعددد من علياااا شن تبي فياااا وانت طالعلي في كل مكااان
ادم : احترررمى نفسك خييرلك
انا.. منبييش نحتررم وبعديين انت كيف تجى هنا افرض انا في حد براني في المطبخ من سمحلك تخش هنا اصلا افرض انهم مش لابسين🙂
ادم.... من البرانى !!ياحلللوة هدا حوووشنا
انا... حاجه والله كبيره اطلع توا خير ماانادي علي امك توا
ادم.....هههههه وشن بدير امي اصلا هيا مادايره العزومه ع خاطري
انا...كييف ع خاطري فهمتش !!
ادم ....مش ضروري تعرفي وسعي شوي بناخد حاجه من الثلاجه ومشي ادم خدي حاجاته وطلع ونا قعدت نفكر ليش العزومه هادي قعدت حايره😐
ارجوان ...كملت اتصالها وجت خشت عليااا وقاتلي ادم كان هنا ف المطبخ
انا...اي خدي حاجه من الثلاجه بس خوك هدا دراااه الكبد بكل
ارجوان :.....ادم قصدك !!؟؟
انا.. اييه تى هدا شنووو ناااار خوووك بكل
ارجوان : نهاااارك يابنت شن درتيله راهو ادم واااااااااعر هلبااااااا ومايحبش خد يناقش معاه ف الكلام 😂
انا ...مادرته شي مغير هوا يتحسس وحكتلها شن صاار
ارجوان... تى ربي يحببببك انتى تى تعررفي كان انى راااهو من اول كلمة عطاااانى كففف جابنى في حجر اممى
انا ...خفت منه وجت عمتي سعاد ام ارجوان وقالت هاتو الضيافه بسرعه طلعنا الضيافه وجو بنات خالت ارحوان وسعدونا ودرنا العشي
بعدها قعمزت تعشيت انا وارجوان وقوتلها حقا ليش العزومه هادي كلها قاعده لتوا ماقوتليش لشنو
ارجوان....هادي ي حنه خوي امس كمل الماجستير ف القانون وبابا كان حاب يديرله عزومه واليوم اختارنا الوقت ودرناها
انا....اها نحسابه خطبتوله وهكي😂🔥
ارجوان....ههههه لالا مزال اصلا مايفكرش يتزوج توا بكل
انا... اها باهي وقعدنا نهدرزو وشوي كملنا وجابوو مواعين العشي من داخل وقعدت ناخد فيهم انا وارجوان وهكي قعدنا نغسلووو فيهم وكنت مره مره نشوف لادم وندكر ف كبام ارجوان لما قاتلي يخوف🔥
كسدت معاوارجوان وبنات خالتها والجو كان حلو من زمان ماطلعت ولاغبرت جوي بكل وكنت خايفه وكل ما نقول لارجوان بنروح تقولي خليك شوي لعند ماجت الساعه 11في اليل وقوتلها خلاص بنروح توا
ارجوان...صحيتى عويشه وسامحينى على تعببك
انا...: لا تعب لا شئ هيا بااااي
ارجوان...تعالى جااى😳 وين ماشية مروحة بروووحك استنى نكلم ادم يروح بيك
انا.. رعشت لما سمعت اسم ادم : لالا شن بعيد الحووش خلى خوك يرتااح كيف مروح من العمل متاعه
ارجوان... معدلتش عليها ومشت تنادى على ادم ( طبعا أرجوان راس بنت وادم راس ولد وعييلتهم فوووق الرييح لاكن مع هدا متواضعين وعمرهم ماتعاملو بالفلوس )
مشت أرجوان لادم وقاتله هيا ولع السياره بنروحو بعائشه ادم ....كان راقيله من عائشه بس مابش يقول شي قاللها باهى قوليلها تطلع 🔥
انا.... : وااااااك يا ارجوان قتلك مش لاااازم
ارجوان بري ملحى شن انخلييك تروحى برووحك في الليل والشارع معبي ولاد وبعدين حسستينى ان هوا بروح بيك بروحه رح نمشي معاك بالسيارة لين يخطك قدام حوشكم
انا : اووف باهى
طلعت انا وارجوان ولقيت ادم واقف ومتكى عالباب
ادم قام حاجبه شافلي وركب ف سيارته وركبت انا وراحوان وطلع وحطني قدام حوشنا بدون مايحكي ولا حرف
نزلت وكنت خايفه هلباا عشان تاخرت شوي ومن جهه كنت خايفه لين خديت دبش من ريم وماتقوليهاش عليه خشيت للحوش بالشوي بدون ماحس يسمعني
#عند ارجوان
ارجوان....شن رايك في عويشه ي ادم صاحبتي هادي وتعز عليااا هلباا
ادم...زيها زي اي بنت شن تفرق يعني
ارحوان....وككك منك انتا مايعجبك شي بكل
ادم...معاش تحيبلي سيرتها بكل البنت هادي تحرقيلي ف دمي وشاد روحي عليها بالسيف مانبيش ندير شي مش كويسه
أرجوان...خلاص عاد حقاااا ماقولتيش شن هيا الهديه يلي جبتهلي❤️😍😂
ادم... نوصلو للحوش ونعطيهاك
ارجوان تمامووو
________________________
انا...خشيت للحوش بالشوي وكنت مانبيش تشوفني حد بكل كان الحو هادي استغليت الفرصه وخشيت لداري غيرت حواجبي ولبست دبشي وخديت حاجات ريم ومشيت عشان نحطهم ف دارها لقيت الباب مردود
وفتحت باب وحيت بنخش انصدمت......🔥😱