رواية معجزة عشقي
الفصل الثالث3
بقلم مروان فرج
.
استغليت الفرصه وخشيت لداري غيرت حواجبي ولبست دبشي وخديت حاجات ريم ومشيت عشان نحطهم ف دارها لقيت الباب مردود
دفيت الباب وجيت بنخش انصدمت لقيت ريم تحكي بالتلفون ومتكيه وكانت تعطي ف بوسات ع التلفون ولما شافتني انصدمت وماعرفتش شن ادير بكل🔥😱
انا...قعدت مصدومه وماعرفتش شن ندير نهرب ونمشي لداري والل وين نمشي بكل
ريم...ارتبكت وسكرت التلفون وجتني تجري شدتني من يدي ودخلتني للدار وقاتلي شن تبي وليش جايه هنا
انا....اااء ماعرفتش شن نقول بكل
ريم....شافتلي ولقت دبشها ف يدياا قاتلي هادم حوايجي من قالك تاخديهم انتي
انا...اسف بس ماكانش عندي دبش قولت نستعير منك شوي ونرجعهوله
ريم....اممممم باهي تعال قعمزي ع السرير وقعدت تعامل فيااا كويس
انا....استغربت قولت خيرها هادي غرببه اول مره تحكي معاي زي توا اكيد ماتيش نحكي شن ريتها ادير توا😏
انا.... باهي وخشيت قعمزت ع سريرها وقاتلي احكيلي شن الجو غادي وشن شفتي ادم ولالا
انا....اااء من ادم هدا😳
ريم....احممم من بيكون خوه ارجوان والل توا ادير ف روحك ماتعرفيش ي عائشه
انا..مش عارفه نا خشيت داخل الحوش ومانعلمش بحد قعدت معا ارجوان وماشفت حد
ريم.....ههههههه ماتخافيش احكي مش رح نقولك لحد
انا ....شفته من بعيد بس لانا جي خدي العشي من المبطخ وبس
ريم... امممم وكيف كان شكله حلو ولالا🤤🔥
انا....ريم شن تحكي انتي انتي تعرفيه
ريم....ارتبكت لا بس مره مره نشوف فيه طالع شخصيه وقنين
انا....قعد دماغي يفكر في حاجات تانيه قولت زعمك ريم تحكي معا ادم ع التلفون معاش فهمت شي بكل😳🔥
ريم... امممم وكان بتقولي حاجه رن تلفونها دساته عليااا وقاتلي ماتقوليش لحد انتي نتصل توا بالتلفون ولما تبي اي حاجه من دبشي نعطيهلك تمام ي عويشه
انا....تمام ريم ونضت طلعت
ريم سكري الباب وراك
طلعت من الدار وسكرت الدار ونسمع في ريم تحكي معا نفس الشخص وكان جوها حلووو بكل 🔥🤤قعدت شويه. نسمع فيا وبعدين حسيت بصوت مراد جي طلعت نجري لداري قعمزت فيها وجي مراد خش علياا
مراد....عائشه قاعده نايضه
انا....درت روحي كيف نضت اي تبي شي
مراد....اي نبي عشي اديرلي
انا...هيا شوي ونجزهزولك
مراد....تمام تلقيني في الصاله
نضت ومشيت للمطبخ ودرت عشي خفيف لمراد ونا قاعده في المطبخ نسمع ف صوت عياط وعراك من دار ريم مشيت نجري لدار ريم لقيت مراد شاد ريم من شعرها ويقولها معا منو تحكي🔥
ريم....مش معا حد والله هادي صاحبتي وبس اطلقني ارجوك
مراد....انا سمعتك تحكي معا شباب بتعرفني والل نقتلك توا هنا
انا...جيت وحاولت نفكك ريم من يدين مراد ومراد كان ماسكها بالقوه
ريم.....وسع وسع توا امي تجي وتوريك
انا....ع خاطري فكها ي مراد ارجووك
مراد....هادي اخر مره ونا حدرتك نسمعك مره تانيه تحكي معا حد نقتلك ف ارضك فاهمه ولالا
ريم ..وهيا تبكي اطلع من داري
طلع مراد وحاولت نهدي ريم بس قاتلي كلا منك انتي يلي خبريته صح
انا ...لا والله ماقوتله ولا حاجه 😳
ريم ... توا تشوفي شن ندير فيك ي كلبه اطلعي من هنا غضوا حسابي معاك
انا....باهي وطلعت وكنت مضايقه بكل مشيت وكملت العشي لمراد ولقيتا مقعمز ف الصاله ويتفرج ع فلم حطيته العشي وقوتلا تبي شي تاني
مراد....قعمزي تفرجي معاي 😉
انا...شفت للشاشه لقيتها فلم اجنبي وفي جو 18🔞قوتلا لالا عندي قرايه غضوا نبي نرقد
مراد...تمام براحتك
مشيت لداري اتكيت وقعدت نفكر في كل يلي صار بين ادم وريم ومراد شن يبي مني وخداني النوم ونا نفكر .......😴
____________________________
تاني يوم الصبح الساعه 7نضت ع صوت مرت بابا سميه سمعت فوق راسي تضبح عليا وصوتها عالي قاتلي نوضي عطك دا نوضي جيبلنا خبزه😑
انا..وين بابا مش هوا يلي يجيب فيها
سميه ...بوك مريض ومراد قاعد راقد نوضي بسرعه
انا باهي😢نضت من الفراش منخلعه وفي نفس الوقت راسي صوداع بكل قعدت شويه ف فراشي
سميه... تعيط نوضي ياحيوانه سادك نوم
انا ...حاضر هي جايه
نضت ولبست المحرمه ع السريع ونزلت مستعجله وقاعده نفكر في يلي صار امس
مهم وصلت للكوشه اول ماوصلت لقيت ادم قاعد قدام الكوشيه بياخد خبره لحوشهم😳
درت روحي ماشفتاش وشريت الخبزه ومشيت روحت بسرعه عشان نلحق ع المدرسه
آدم.. قعد يلحق فيا لاكن علي رجله وكان يمشي بسرعه وقالي هي انتي اسمعيني😕
انا نعم شن تبي مني ؟
ادم....كيف تطلعي انتي الصبح وتجيبي الخبره وين بوك وين خوك خيرهم هما مايجبوهاش والل انتي متعود تطلعي بروحك
انا...وانتا شن دخلك بيااا وبعدين شن بوي انتا عشان تحكي معاي هكي
ادم...تعرفي تسكري فمك ولااا
انا...انتا سكر فمك واقلب وجهك من بحداي
ادم ....اسمعي بنقولك ع شي هدا وخلاص
انا...شن تبي
ادم....اختك ريم صح ؟
انا.....انصدمت من وين يعرف انا ريم اختي 😳
ادم ...نكمل فيك ووصل قدام حوشهم ومعاش قدر يحلق فياا
انا...اي اختي
ادم....تمام بس نبي نقولك ياريت ارجوان معاش تحكي معاها فاهمه
اناا.....قعدت مصدومه ويديا ع قلبي وقعدت نبكي بس بدون صوت وجعتني ليش يقولي هكي وبعدين خيرني انا وشن دخل ارجوان ومن وين يعرف ريم بكل
روحت الحوش وخشيت المطبخ درت الفطور وتيت كل شي وحطيتلهم الصفره ومشيت طبعا ماناكلش معاهم ناكل بروحي😢
.
درت نص جبنه لي روحي وقعدت في المطبخ ناكل
وكل شويه ينادو عليا عائشه جيبي تعالي ارفعي كل يوم نفس الجو
نادت عليا ريم عائشه
انا نعم
ريم.. هاتيلي ميه😕
مشيت جبلتها ميه😑
موده...ياعائشه
انا ....نعم😑
موده...هاتيلي هريسه
انا...حاضر جبلتها هريسه
وكل شويه حد يبي حاجه😕
كملني بوي قالي ديرلي القهوه
انا...حاضر نفطر بس ونديرلك
سميه... تعالي هنا ياقرده
انا....نعم
سميه.... تعالي قربي مني هنا😠وضربتي كف وشدتني من ودني مره تانيه لما بوك يقولك ع حاجه تقولي حاضر فاهمه😠
انا ...حاضر انا اسفه كنت نفطر بس😢
مشيت درت لي باتي القهوه وجبتها وقعدت نوتي في روحي عشان نمشي للمدرسه كان وقت علياا علياا
#عندوارجوان
ناضت ارجوان ولقت امها مدايره الفطور وكل شي واتي قعمزت وقعدت تفطر وجي ادم قعد يفطر معاهم
ادم....بتمشي للمدرسه ي ارجوان
ارجوان...اي توا بنمشي وقت عليااا تاخرت هلبااا
ادم...افطري وتوا نا نوصلك ماعليك كولي كويس
ارجوان...قصدك بتوصلني حتي اليوم شن جو الدلع هدا😂❤️
ادم....ههههههه اي قاعد قاعد الفتره هادي كل يوم نوصلك ونروح بيك خير من تمشي ع رجليك نمشي نولع سيارتي كملي فطورك وتلقيني نستني فيك
ارجوان...تمام هي كملت ارجوان فطورها وطلعت لقت خوها يستناها في السياره ركبت معاه وقاتله نبي نطلب شي ي ادم
ادم....ها وانتي طلباتك مايكموش بكل شن تبي😅
ارجوان....شن رايك تمشي معانا عائشه قبل هيا تمشي معاي ديما ومافيش حد تمشي معاه وبعدين نقدرش نمشي ونخليها تمشي روحها
ادم....لا ومعاش تحكي معاها البنت هادي بكل فاهمه ي ارجوان
ارجوان....باستغراب ليش خيرها عويشه 😳
ادم...هكي نحس فيها مش تمام البنت ونبيك معاش تحكي معاها
ارجوان... لا والله انتا فاهم غلط والله عويشه مافيش احسن منها وكم لياا نعرف انتا بس ماتعرفاش اسالني انا يلي نعرفها
ادم....مش عارف بس نحس فيها مش كويسه
ارحوان...ع خاطري خليها تمشي معانا اليوم هيا اطلع وقت خليني نمشو لحوشهم بيش تمشي معانا
ادم....امممم باهي وطلع ادم بالسياره لعند ماوصل لحوش عائشه نزلت ارجوان ودقت الباب وطلعها صلاح
ارحوان....اهلين عمووو عويشه قاعده
صلاح ..اي قاعده
ارجوان....كلميها خليها تطلع بيش تمشي معاي للمدرسه
صلاح...باهي تمام ونادي ع عائشه
انا...كنت نوتي في روحي وسمعت صوت بابا ينادي عليااا طلعت ولقيت أرجوان تستني فيااا فرحت هليااا عشان قولت نحصل من يسارني ولما طلعت لقيت ادم يستني فينا ف السياره ركبت وكنت ماخاطريش نمشي معاه بكل وطول الطريق ساكته ادم وارحوان بس بحكوو😅❤️
.
.
وصلناا للمدرسه وادم كمل ارجوان وقاللها بعدين توا نجي ونروح بيك
انا ...تضايقت بكل خشينا وفات الوقت وكملنا الحصص وجى وقت المرواح
ارحوان... عائشه فكيينا من العناد وتسكيير الرااس راهو ادم ناااار ودخاااان فلهادا متعانديشي وتطولى لسانك تعاملى معاه بأحترام وبلاش بقلة ادب😂🔥
انا... هواا اللى ينااااشب ويتدخل في حاجات مليشي علاقة بيهم بعدين انى بنت جاره مش مررته والل خته والا هوا يعاامل في بناوييت الجيران كلهم هكى
ارجوان... لالا انتى بس لانه يعتبر فيك زي اخته
انا ... باااهى هي بااي خلى نرووح قبل ما يجى خووك
ارجوان.....وووككك منك
روحت انا وقعدت نمشي بروحي وبعدها بدقائق جى ادم
ادم... : وين صاحبتك ؟؟!!
ارجوان .... روحت
ادم قرن حواجبه : بااااهى خيرك ماقوتلي مش قوتلكم بنجي نروح بيكم بعدين والل ماتفهمش ف الكلام هيااا
ارجوان...كلمتها بس هيا عناديه
ادم...توا نعرف كيف نصرف معاها انا
وصل ادم ارجوان للحوش ومشي حوش لصلاح بوه عاىشه
____________________________
#عند عائشه
اول ماروحت للحوش خشت غيرت لبست توته وطلعت عشان اندير الغدى وشوي سمعت الباب يطقطق طلعت بتفتح نحسابها موده روحت من القرايه
واول ما فتحت الباب انخلعت لما شافت ادم قدامي 😳🔥تحشممت وسكرت الباب في وجهه وخشت نجري لبست حاجه ع راسي وطلعت فتحت الباب
ادم.. انتى هكى ديما تفتحى في الباب
انا.. لااا لاكن نحسابك اختي بس
ادم.. باهى بووك قاعد !!؟
انا خفت علااااش شن تبي فيييه ؟؟!!
ادم.... قام حاجبه وضحك ضحك هك وقالي نبييه في حاجة
اناا ...اي قاعده خش للمربوعه داخل
خش ادم لبوه عائشه ومشيت عشان ندير قهوة
درت قهوة وجيت بحدا الباب وسمعت ادم يقول
ادم :.............. 🔥
انا..انصدمت وطارتلي بكللل هلبااااا ومعاش قعدت نشوف في شي قدامي وخشت عليهم بقووة و ....... 🔥😱