رواية حياة ليان
الفصل الثالث3
بقلم ليان
صباح اليوم التاني :
صحيت استحميت وصليت الرقيبه والفجر وقريت جزء من سورة البقره ولبست عبايتي طلعت لأمي لقيته صحت وبتصلي مشيت سويت الشاي وكان عندي مزاج كيكه عملتها وبقينا نشرب ف الشاي الباب دق اتلثمت ومشيت فتحتو لقيتو خالد ومشاعل سلمت عليهم ودخلنا فتحت وشي ومشاعل بقت تعاين لي وطبعا م بتتونس الا امي تسالها كبيت ليهم الشاي وقدمت ليهم الكيكه
خالد: مممممم كيكتك رهيبه يسلمو الأيادي
ليان : بالهنا
عمتي: مشاعل اشربي الشاي م يبرد
مشاعل : بصراحه م حبيتو والكيكه زفرة
خالد: م مشكله انا بشرب حقي وحق مشاعل
خالد شرب الشاين واكل الكيك عشان م يحرجني ومشاعل بس ساكته وماسكه تلفونها خالد قام وقال ليها نمشي استأذن مننا ومرقو
عمتي: بسسسس المره دي ثقيله
ليان: يا أمي م تقولي خالد ممكن ازعل
عمتي: والله ولدي مسكين
ليان: قسمتو يا أمي يلا انا قايمه اجهز الفطور تاكلي شنو
عمتي: اي حاجه خفيفه لكن الغدا اعملي لينا ام رقيقه عشان خالد بحبها
ليان: حاضر يا أمي
قمت غسلت عدة الشاي وجهزت الفطور وعجنت عجين الكسره فطرنا وامي دخلت نامت وانا سويت الملاح والكسره ودخلت صليت العصر ورقدت اتصفح ف التلفون
عند خالد؛؛؛؛
صحيت الصباح لقيت مشاعل في فقلت الطف الجو قلت ليها نمشي نشرب الشاي مع امي ف الاول رفضت تاني اقنعتها مشينا ولقينا ليان ظابطه شاي وكيكه عجيبات بقيت اكل بلهفه لانو بالجد طعم واو أمي قالت لمشاعل تاكل بس هي احرجتني لمن شنفت الشاي والكيك حسيت بليان انحرجت اضطريت اشرب شاي مشاعل وأكل كيكتها وطول القعده بنتونس ومشاعل ماسكه تلفونها احرجتني شديد من طلعنا كانت صاره وشها م عرفت السبب هي مشت شغلها وانا مشيت شغلي اتصلت علي أمي قالت لي تعال اتغدا معاي انتهيت من شغلي اتصلت علي مشاعل اكلمها بالغدا قالت لي عندها غدا عمل طوالي مشيت لأمي ولقيتها ظابطه ملاح ام رقيقه بالكسره بالجد حاجه تفتح النفس
خالد؛ والله يا أمي ملاحك ظابط
عمتي: ههههههههههههه ده م ملاحي انا طولت من الطبيخ دي ليان
خالد: ليان ؟؟ والله م شاء الله يدك طاعمه زي امي
ليان: بالهنا كلو بتوجيهات أمي
خالد: ربنا يحفظكم لي
عمتي وليان: آميييين
خالد ده اكل بطريقة كانو م اكل من سنين انا بقيت مستغربه فيو شبع وقمنا من السفره غسلت العده وجبت ليو عصير كركدي ظابط
خالد: لالالالا كده كتير علي
ليان: ههههههههههه بالهنا ينفعك
عمتي: عارفاك بتحب الحاجات دي وكلها جبتها معاي
خالد: لكن م عزيتوني اليله تاني م باكل الا بعد يومين
عمتي: خلي فرقه لحاجات القهوه
خالد: والله يا أمي كده حايبقي عندي كرش
عمتي: ههههههههه م يحسد المال الا اصحابو
مشيت سويت القهوه بطقوسها وبخورها وشربنا القهوه واتونسنا خالد تلفونو ضرب شكلها مشاعل استأذن مننا وطلع انا قمت ضايرت العده وغسلتها وامي صلت المغرب وبتقرا ف القرآن وانا صليت وقريت حبه وفتحت تلفوني بقيت ادردش مع صحباتي وبنات الحله جاتني رساله من خالد
[ بالجد شكرا علي اليوم الحلو ده ]
ليان[ عفوا ان شاء الله دايما مبسوط]
خالد: [ ممكن طلب]
لينا: [ اتفضل]
خالد[ بكره تعملي لي قرع بكسره ]
ليان[ م عندك اي مشكله ]
خالد: [ تسلمي وتصبحي علي خير]
ليان[ وانت من اهل الخير]
قفلت التلفون ونمت طوالي
بلسان خالد ؛؛؛؛؛
ياخ انا لمن ضقت الملاح لمن عرقت وبقيت باكل زي المحروم واكتر شي صدمني انو ليان العامله الاكل بالجد ذي طعم اكل أمي وكمان الكركدي نقطة ضعفي والله حسيت بنفسي حاطق شويه كده وليان ظبطت قعده القهوه حسيت باني يا دوب بقيت اعيش حياة طبيعيه لاني قبل م أمي وليان يجو كنت من الشغل للبيت باكل براي وبشرب براي وانوم علي كده لكن اسي بقي لي برنامج
كنت مبسوط لحدي م اتصلت علي مشاعل مشيت البيت وحصل كالآتي
مشاعل: خالد وين كنت
خالد: حاكون وين مع امي
مشاعل: اممممم للوقت ده
خالد: اكيد انا مش قلت ليك حاتغدا مع امي وطلبت منك تجي
مشاعل: انا كنت ف اجتماع
خالد: عشان كده قعدت مع امي اتغديت وشربت القهوه وانتي مدام جيتي كان تخشي تسلمي عليها
مشاعل: والله انا م مجبره أصبح وامسي
خالد: طيب انتي اسي عايزه شنو
مشاعل: اشتقت ليك
خالد: اممممم والمطلوب
مشاعل: عايزاك
خالد: يعني عندك مزاج
مشاعل: ايوا
خالد: طيب خليني استحم واجيك
دخلت استحميت وصليت وجيت لمشاعل لقيته نامت حاولت اصحيها أبت تصحي بالجد يأست فتحت تلفوني لقيت ليان متصله شكرتها علي اليوم الحلو وطلبت منها ملاح قرع بكسره لان نفسي فيو وهي م رفضت حسيت بنفسي مبسوط بالرغم من الحصل من مشاعل بس يلا قفلت تلفوني ونمت