اخوي بقا يحزر فيني وعاد لي الكلام الف مره ووصا علي امي وانو لو طلعت من البيت غير للمدرسه ح يقطع كراعي انا طبعا عايزاهو يمشي عشان اخد راحتي كاتم علي نفسي اختي قعدت تبكي بكا قالت ليهو م تفوت تخلينا برانا نحنا نسوان وانت عارف الدنيا دي كعبه انا م باقي لي الا اخمشها وهي تشيل وتبكي باعلي صوت وامي تسكت فيها وهو زاتو اتجرس اول مره اشوف دموعو انا خجلت قلت أجاملهم ارمي لي دمعتين عشان مايقولو فرحانه الجو كان عباره عن حزن بس اخوي ودعنا وفات الوقت كان عصر طوالي لبست عبايتي امي قالت لي اها دايره تبدي لي الطلعه قلت ليها يمه كلهن بطلعن بقت علي انا يعني يمه انا مكتومه خليني بس اشم هوا قالت لي اصلو م بتطلعي وانا عبيطه عباطه اشيل واحنس فيها لغايه م وافقت لي وجريت جري ناس هناء وكان اول مره امش بيتهم لانو اخوي زمان كان مانعني رسمي دخلت عليهم لقيتهم كلهم قاعدين ف الحوش وبيتهم نظيف رغم انو بسيط بس مرشوش والسراير مفرشه وامهم تعمل ليهم في قهوه وعندها طقوس للقهوه زي البنشوفها ف التلفونات دي. دخلت وانا شده م خجلانه كرعي الاتنين اتربطن قدر ما قالو لي اتفضلي انا في شي مجبصني جنب الباب لغايه م هناء قامت من محلها جات جرتني من جنب الباب دا كلو كوم وهناء واللبسه اللابساها ضيقه ومجبصه علي جسمها وعريانه عديل قالت لي نوسه الليله دايره تموتي عملتيها كيف اخوك فات وين قلت ليها هناء انتي مالك عايزه تفضحيني ودا شنو اللابساهو دا وديل منو المعاكم ديل قالت لي مالو لبسي قلت ليها ي بت انتي م بتخجلي من اخوانك ديل ماشه قدامهم كده قالت لي نسيتي انتي انا م عندي اخ قلت ليها وديل منو قالت لي ولد عمي وولد جيرانا انا بقيت مخلوعه قلت ليها هناء جنيتي انتي مابتخجلي حرام عليك قالت لي هوي م تشبكيني حرام وحلال وديل معودين علي شكلي دا بس انت الما متعوده قلت ليها سبحان الله الستره سمحه ي بت قالت لي خليتا ليك لمن الله اهديني انا وكدي ادخلي اعرفك علي اهلي دخلت وحيلي مات من الخوف حسيت جوهم مرعب ما جو اسري بقعده امها الفي القهوه محننه وراسمه ومدخنه وشكلها م عجبني ولا الاولاد ارتحت ليهم فيهم واحد عينو م نزلا مني انا طوالي طلعت وودعتها والشارع كلو بتكلم مع نفسي انتي الوداك شنو وليه الناس ديل عايشين كده واخوي ليهو حق يمنعني ليها ويمنعني الطلعه وخوفتا عديل قلت تاني نهاي م بمش ليهم واليوم كلو سرحانه في المنظر الشفتو لو كلمت امي بتضبحني الصباح مشيت المدرسه قلت لي هناء انتو عايشين كده كيف خليك في انو م عندك اخو ابوك وين والرجال القاعدين ديل امك قاعده بقميصها ولا بتخجل منهم نطت لي في حلقي قالت لي امي اشرف من امك قلت ليها هناء م تغلطي عشان ما امسح بيك الواطه دي الساعه الشهقت ولمت فيني المدرسه وتنبز فيني نبز الغاشي والماشي سمعها كاني اشعلت فيها نار لمن جا المدير جلدنا الاتنين هناء تصرفها لي غريب شديد انا م تابعت كلامي اصلا وكنت ح اقول الاكعب من كده بس هي سبقتني وعملت جوطه ف المدرسه اسبوع بقيت م بتكلم معاها ومتشاكلين شديد ويوم انا راجعه من المدرسه الولد البحبو وقفني انا ضربات قلبي زادت وحيلي مات قال لي نسيبه صاح قعدت اتمتم وارجف ويدي تلج بس قال لي بسم الله مالك ي بت فشنو قلت ليهو لا لا ماف شي انت عايز شنو قال لي عايز اسلم عليك ولا مالك انتي خايفه مني قلت ليهو لا بس انا م بقيف مع الاولاد ف الشارع قعد اضحك ومسكني من يدي انا قرب يغمي علي فكيت يدي وجريت جري البيت واليوم كلو طاشه شبكه م دايره اسمع كلام اي زول بس عايزه اتزكر صوتو وكلامو ولمست يدو وعايشه في حال مايعلم بيها الا ربنا امي قالت لي مالك انتي فشنو يابت هوي احسن تمشي عديل انا اكعب من اخوك كان قومتا قلت ليها يمه انا مالي هسي قالت لي من جيتي مابيه الاكل والشراب وسرحانه اليوم كلو اختي قالت ليها يمه وجابت عشره في الامتحان امي قعد تكورك فيني وجابت الخرطوش ختتو قدامها وبقت تقري فيني ولقتني م جايبه خبر وحنضلت علي اللحظات الحلوه العيشتها
مرت الايام وانا وهنا لسه متشاكلين وانا الشمار حارقني ليها قلت ليها هناء خلاص ياخ كفايه زعل قعدت تضحك ورجعنا لبعض حكيت ليها بالولد قالت لي عارفه وراني هو انا صريت ليها وشي قلت ليها هناء انتي عملتي معاهو علاقه يخسي عليك قالت لي لالا ما تتسرعي ي نوسه الولد بقا صاحب ولد جيرانا ويومي بجي يشرب معانا القهوه وانا الوريتو انتي معجبه بيهو شاكلتها شديد قلت ليها حرام عليك الولد دا يفهم غلط قالت لي يفهم شنو فرح لمن عرف انك بتحبيهو انا بقيت اتبسم شديد قالت لي تعالي لينا العصر اعملي فيها نفسك ما عارفاهو انا م صدقتا قلت ليها سمح رجعت البيت وبقيت منتظره العصر بفارغ الصبر ومبسوطه انو بقا يجي عند ناس هناء عشان احبني وقررت اني امش ليهم يوميا العصر كذبت علي امي قلت ليها عندنا حصه عصر وطلعتا مشيت بيت ناس هناء ولقيت هنا داخله ليها في جينز 👖 ورهيبه والولد قاعد انا الغيره دايره تكتلني قلت ليها هناء دا شنو دا قالت لي شنو ما تبقي متعقده الموضوع ايزي ودخلت سلمت عليهم وقعدت ف السرير وبقيت خجلانه وهم مشغلنها لي دايرني اتونس وانا كاني بقيت م بعرف اتكلم الولد جا قعد جنبي انا اتجمدت وبقيت ارجف وارجف قال لي ي بت مالك انتي هناء قعدت تضحك قالت ليهو دي فهما رجعي وفهما فهم ناس زمان واي شي عندها حرام خليها ها امها قعدت تضحك قالت لي انتو ناس دا عيب ودا حلال وحرام وانا شغاله اتمتم وحرف قدرت انطقو ماف قومتا علي حيلي قلت ليها هناء ماشه الولد مسكني من يدي قال لي نوسه اقعدي انا جسمي هبط وحيلي مات وطاخ جيت واقعه الارض م وعيت بي اي شي تاني الا بعد مسافه لقيت هناء تضحك ضحك قالت لي نوسه لقيتك هبله قلت ليها هناء انا تاني توبه كان اجيكم وجريت البيت وتاني حلفت م امش ليهم
تاني يوم مشيت المدرسه الناس كلها تعاين لي بي استغراب وفي عيونهم في كلام بس هو شنو م عرفتو قلت لي هناء انتي قلتي لي زول بموضوع امس قالت لي انتي هبله ي بت والله واحده حكيت ليها ماف فشنو قلت ليها كلهم بعاينو لي قالت لي م تركزي معاهم البنات ديل متخلفات ساي مشيت منها اشرب البت البتحبني ديك جات قالت لي نوسه صحي الكلام دا قلت ليها كلام شنو قالت لي صحي انتي حامل